بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ 5 جىلدا وسىزاماندانعان جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعىن قۇرۋعا كۇش سالادى

2020.04.24 15:40     كەلۋ قاينارى : شينجياڭ گازەتى

  شينجياڭ 5 جىلدا وسىزاماندانعان جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعىن قۇرۋعا كۇش سالادى

  گازەتىمىزدىڭ جالپىلىق اقپارات قۇرالدارى ءتىلشىسى شى شين 4 - ايدىڭ 22 - كۇنى ۇرىمجىدەن حابارلايدى. شينجياڭ ”ءبىر بەلدەۋ، ءبىر جول“ قۇرىلىسىن جۇرگىزۋدى ىلگەرىلەتۋ باسشىلىق گرۋپپاسى كەڭسەسىنەن ۇعىسۋىمىزشا، جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعى قۇرىلىسىن جەدەل ىلگەرىلەتىپ، ءۇرىمجى قاتىناس تورابىنىڭ قۋاتىن جوعارىلاتۋ ءۇشىن، شينجياڭ تاياۋدا «جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعى قۇرىلىسى جوباسىن (2020 − 2024 - جىلعا دەيىن)» رەسمي جاريالادى.

  «جوبادا» 5 جىل ۋاقىت جۇمساپ، وسىزاماندانعان جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعىن قۇرۋعا قۇلشىنىس جاساپ، جىبەك جولى ەكونوميكالىق بەلدەۋى ساۋدا، زات اينالىم ورتالىعى مەن قاتىناس تورابى ورتالىعىنىڭ نەگىزگى تىرەگىنە اينالدىرۋدى ورتاعا قويدى. تەحنيكاسى الدىڭعى قاتارداعى، ۇستانىمى وزىق، باسقارۋى جوعارى ءونىمدى، اينالىمى سايكەستى جۇڭگو - ەۆروپا كەزەكشى پويەزى حالىقارالىق زات تاسىمال جالپىلىق قىزمەت وتەۋ تۇعىرىن تۇلعالاپ، ءۇرىمجىنى توراپ ورتالىعى ەتكەن، كەزەكشى پويەزداردىڭ زاتتى شوعىرلاندىرۋىنا، كەدەنگە مالىمدەۋىنە، تاراتۋىنا، ەسەپ جابۋىنا قولداۋ كورسەتەتىن، الاتاۋ ساعاسى شەكارا وتكەلىن، قورعاستى تىرەك ەتكەن، كەزەكشى پويەزدىڭ كەدەننەن ءوتۋدىڭ جوعارى ءونىمدى بولۋىنا، ءتۇسىرىپ - تيەۋدىڭ قولايلى بولۋىن قامتاماسىز ەتەتىن سايكەستى دامۋ ارناسىن قالىپتاستىرادى.

  «جوبادا» 8 جاقتاعى 26 ءتۇرلى ءتۇيىندى مىندەت ايقىن بەلگىلەندى. ءبىرىنشى، ماڭىزدى نەگىزدىك قۇرىلعىلار قۇرىلىسىن جەدەلدەتىپ، شوعىرلاندىرۋ ورتالىعىن كەڭەيتىپ سالۋ ينجەنەريا نىسانىن بەلسەنە ىلگەرىلەتىپ، كوپ فورمالى بىرلەسىپ تاسىمالداۋ ورتالىعى قىزمەت وتەۋ قۇرىلعىسى تەمىر جول شەكارا وتكەلىنىڭ ساۋدا ىستەرى، ساۋدا رايونى قۇرىلىسىن جەدەل ىلگەرىلەتۋ؛ ەكىنشى، زات تاسىمال ءتۇيىنى توراپ جۇيەسىن كەمەلدەندىرۋ؛ ءۇشىنشى، كەزەكشى پويەزدى ۇيىمداستىرۋ ۇلگىسىنە جاڭالىق جاساپ، ساپالىلاندىرىپ، جۇڭگو - ەۆروپا كەزەكشى پويەزىن ۇيىمداستىرۋ، جۇرگىزۋ تەبىنىن كۇشەيتىپ، ءۇرىمجى تەمىر جول شەكارا وتكەلى حالىقارالىق جەدەل جولداما ورتالىعىن قۇرۋدى جەدەلدەتۋ؛ ءتورتىنشى، كەزەكشى پويەزعا ارناۋلى قىزمەت وتەۋ تۇعىرىن بەكەمدەپ، زەردەلى الاڭ، بەكەتتەردى ساپالىلاندىرۋدى، دارەجەسىن جوعارىلاتۋدى جەدەل ىلگەرىلەتۋ؛ بەسىنشى، سىرتقا اشىق ۇستالعان فۋنكتسيالىق تەكشەنى كەڭەيتىپ، ءۇرىمجى شەكارالىق ەلەكتروندى ساۋدا ىستەرىنىڭ جالپىلىق سىناق ءتۇيىنى رايونىن قۇرۋعا بەلسەنە ءوتىنىش بەرۋ؛ التىنشى، كەدەننەن ءوتۋدى وڭايلاستىرۋ ورەسىن جوعارىلاتۋ؛ جەتىنشى، جەلى بويىنداعى مەملەكەتتەرمەن سەلبەستىكتى كۇشەيتىپ، كاسىپورىنداردىڭ شەكارا سىرتىندا باقشا رايونىن جانە شەكارا سىرتىندا ەكونوميكا - ساۋدا سەلبەستىك رايونىن قۇرۋىنا قولداۋ كورسەتۋ؛ سەگىزىنشى، سىرتقا باعىتتالعان كاسىپ سالاسىنىڭ دامۋىن ىلگەرىلەتۋ، ت. ب.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار