بۇراتالا موڭعۇل اۆتونوميالى وبلىسى باستىعىنىڭ بۇرىنعى ورىنباسارى، شينجياڭ ٴوندىرىس ـ قۇرىلىس بيڭتۋانى 5 ـ ديۆيزياسى پارتكومىنىڭ بۇرىنعى تۇراقتى مۇشەسى، ديۆيزيا باستىعىنىڭ بۇرىنعى ورىنباسارى
ماحمۇتجان بارات تارتىپكە، زاڭعا اۋىر دارەجەدە قايشىلىق جاساعاندىقتان پارتيادان جانە قىزمەتىنەن ايدالدى
2020.04.23 16:56 كەلۋ قاينارى : حالىق تورابى
حالىق تورابى، 4 – ايدىڭ 23 – كۇنى، بەيجيڭ. تاياۋدا شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى بۇراتالا موڭعۇل اۆتونوميالى وبلىسى باستىعىنىڭ بۇرىنعى ورىنباسارى، شينجياڭ ٴوندىرىس ـ قۇرىلىس بيڭتۋانى 5 ـ ديۆيزياسى پارتكومىنىڭ بۇرىنعى تۇراقتى مۇشەسى، ديۆيزيا باستىعىنىڭ بۇرىنعى ورىنباسارى ماحمۇتجان باراتتىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ تەكسەرۋ جۇگىزدى.
تەكسەرۋ ارقىلى ماحمۇتجان بارات مۇرات - سەنىمىنەن ايىرىلىپ، ساياسي تانىم مەن پارتيالىلىق پرينسيپتەن جۇرداي بولىپ، ۇيىمنىڭ تەكسەرۋىنە قارسى شىعىپ، باسقالارمەن ٴتىل بىرىكتىرىپ، ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، ۇكىمەت اۆتوكولىگىن جەكەلىگىنە پايدالانعان؛ شەتەلگە شىعىپ تەكسەرۋ كەزىندە ساپاردى ٴوز بەتىمەن وزگەرتكەن، جەكە باسىنا قاتىستى ىستەردى بەلگىلەمە بويىنشا مالىمدەمەگەن، قىزمەت قولايلىلىعىنان پايدالانىپ قىزمەت اۋىستىرۋ جاعىندا باسقالارعا پايدا جەتكىزگەن؛ ۇكىمەت قىزمەتىن ٴادىل اتقارۋعا ىقپال جاساۋ مۇمكىندىگى بار تارتۋ اقشا، تۇتىنۋ كارتوچكاسىن العان، سونداي - اق تۋىس – تۋعاندارىنىڭ تارتۋ – تارالعى، تارتۋ اقشا قابىلداۋىن ٴۇنسىز قۇپتاعان، ولاردى ىرقىنا جىبەرگەن؛ كوللەكتيۆكە زيان سالىپ ٶز قالتاسىن قامپيتقان، مەملەكەت مەنشىگىندەگى مال – مۇلىكتى قىمقىرعان؛ ارانى اشىلىپ، قىزمەت ىقپالىنان پايدالانىپ، زاڭسىز قوماقتى اقشا، مال - مۇلىك جيناعان.
ماحمۇتجان بارات پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە اۋىر قايشىلىق جاساپ، مىندەتكە اۋىر دارەجەدە قايشىلىق جاساۋ، سونداي - اق قياناتشىلدىق، پاراقورلىق سياقتى قىلمىس وتكىزدى، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى ەرەكشە اۋىر، ىقپالى ەرەكشە ناشار بولعاندىقتان، قاتاڭ ٴبىر جاقتى ەتۋ قاجەت. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى» سياقتى قاتىستى بەلگىلەمەلەرگە ساي، شينجياڭ ۇيعۇر اۆتونوميالى رايوندىق ٴتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە شينجياڭ ۇيعۇر اۆتونوميالى رايوندىق پارتكومعا بەكىتتىرۋ ارقىلى ماحمۇتجان باراتقا پارتيادان ايداۋ جازاسىن بەرۋدى ۇيعاردى؛ شينجياڭ ۇيعۇر اۆتونوميالى رايوندىق باقىلاۋ كوميتەتى وعان وكىمەت قىزمەتىنەن ايداۋ جازاسىن بەردى؛ تارتىپكە، زاڭعا قايشىلىق جاساپ تاپقان تابىسىن تاركىلەدى؛ قىلمىس كۇمانىنا ساياتىن ماسەلەلەردى پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزدى، وعان ساياتىن مال - مۇلىكتى دەلومەن بىرگە وتكىزىپ بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
