شوكىرات زاكىر اڭگىمە ءماجىلىستى باسقارىپ اشىپ، مامانداردان ۇسىنىس - پىكىر الدى
”14 - بەسجىلدىق“ جوبانىڭ اماليات پەن تاريحتىڭ سىنىنان سۇرىنبەي وتۋىنە مۇمكىندىك جاسايىق
2020.12.14 15:09 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 12 - ايدىڭ 12 - كۇنى ۇرىمجىدەن حابارلايدى. 12 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مامانداردىڭ اڭگىمە ءماجىلىسىن باسقارىپ اشىپ، «شينجياڭ ۇيعۇر اۆتونوميالى رايونىنىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسى جانە 2035 - جىلعى بولاشاقتىق نىسانا باعدارلاماسى (پىكىر الۋ نۇسقاسى)» جونىندە پىكىر - ۇسىنىس الدى.
اڭگىمە ماجىلىستە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين «جوبا باعدارلاماسىن» جاساۋ جاعدايىنان تۇسىنىك جاسادى. لي حۇڭيۇن، حۋاڭ يۇي، تيان ۋيجياڭ، جوۋ يىڭبين، يۋان ۋيمين، جاڭ پىڭچىڭ، ۋاڭ نيڭ قاتارلى ماماندار ىلگەرىندى - كەيىندى ءسوز سويلەپ، تۇرلىشە سالادان، تۇرلىشە تۇرعىدان شينجياڭنىڭ ”14 - بەسجىلدىق“ مەزگىلىندەگى دامۋ وي جەلىسى، مىندەتتەرى، شارالارى جونىندە پىكىر - ۇسىنىس بەردى. شوكىرات زاكىر ءالسىن - ءالى كوپشىلىكپەن پىكىر الىسىپ، بۇكپەسىز پىكىر اۋىستىرىپ، ماسەلەلەردى ىشكەرىلەي تالقىلادى.
شوكىرات زاكىر بىلاي دەپ اتاپ كورسەتتى: ”14 - بەسجىلدىق“ جوبانى ويداعىداي دايىنداۋ، شينجياڭنىڭ الداعى 5 جىلداعى دامۋىنىڭ كوركەم جوباسىن ويداعىداي كەسكىندەۋ بولاشاققا سايادى، ءمانى كەلەلى. «جوبا باعدارلاماسى» جونىندە كەڭ كولەمدە پىكىر - ۇسىنىس الىپ، اشىق كەڭەس الىپ، كوپتىڭ پاراساتىن ساۋلەلەندىرگەندە عانا، قوعامنىڭ ارمان - تىلەگىن، بۇقارانىڭ اقىل - پاراساتىن، مامانداردىڭ پىكىرىن، نەگىزگى ساتىنىڭ تاجىريبەلەرىن ”14 - بەسجىلدىق“ جوبانى جاساۋعا شىن مانىندە تولىق سىڭىرۋگە، ”14 - بەسجىلدىق“ جوبانىڭ اماليات پەن تاريحتىڭ سىنىنان سۇرىنبەي وتۋىنە مۇمكىندىك جاساۋعا بولادى. ماماندار ءبىرسىپىرا ورەلى، قۇندى پىكىر - ۇسىنىستار بەردى، بۇل «جوبا باعدارلاماسىنا» وزگەرىس ەنگىزىپ، ونى ويداعىداي كەمەلدەندىرۋگە، ”14 - بەسجىلدىق“ مەزگىلىندە شينجياڭنىڭ رەفورما، دامۋ قىزمەتتەرىنىڭ تىڭ ساتىعا كوتەرىلۋىن ىلگەرىلەتۋگە پايدالى، ءبىز دەن قويا سالالاپ، تولىق قابىلداپ، شينجياڭنىڭ ”14 - بەسجىلدىق“ جوباسىنىڭ ءداۋىر دامۋ اۋقىمىنا اناعۇرلىم ۇيلەسۋىنە، حالىق بۇقاراسىنىڭ تىلەگىن قاناعاتتاندىرۋىنا، ءتىپتى دە جوعارى ساپالى دامۋدى جەبەۋىنە مۇمكىندىك جاساۋىمىز كەرەك.
شوكىرات زاكىر بىلاي دەپ اتاپ كورسەتتى: ”14 - بەسجىلدىق“ مەزگىلى ەلىمىزدىڭ جاڭا دا اناعۇرلىم ۇلكەن دامۋدى جۇزەگە اسىراتىن شەشۋشى مەزگىل ءارى شينجياڭنىڭ قوعام ورنىقتىلىعى تابىستارىن بەكەمدەيتىن، جوعارى ساپالى دامۋدى ىلگەرىلەتەتىن، باياندى تىنىشتىققا قادام تاستايتىن شەشۋشى مەزگىل. ءبىز پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تۇرمىس كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك. مامانداردىڭ اۆتونوميالى رايوندىق پارتكوم مەن حالىق ۇكىمەتىنىڭ قىزمەتتەرىنە بۇرىنعىداي كوڭىل ءبولىپ، نازار اۋدارىپ، شينجياڭ رەفورماسىنا، دامۋىنا بەلسەنە قولداۋ كورسەتىپ، ات سالىسىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتى مەن كۇش - قۋاتىن ارناۋىن ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
