شينجياڭ ەلەكتر گەنەراتور اگراگاتتارىنىڭ سيىمدىلىعى 100 ميلليون كيلوۆاتتان استى
تازا ەنەرگيا %40تى يەلەدى
2021.01.05 15:23 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 3 - كۇنى ۇرىمجىدەن بەرگەن حابارى (ءتىلشى دۋ گاڭ). 1 - ايدىڭ 3 - كۇنىنە دەيىن شينجياڭ ەلەكتر گەنەراتور اگراگاتتارىنىڭ سيىمدىلىعى 100 ميلليون كيلوۆاتتان اسىپ، 102 ميلليون 500 مىڭ كيلوۆاتقا جەتتى، مۇنىڭ ىشىندە تازا ەنەرگيانىڭ اگراگاتتارىنىڭ يەلەيتىن ۇلەسى ％43.4كە جەتىپ، ەلىمىزدىڭ ”باتىستىڭ ەلەكترىن شىعىسقا جەتكىزۋ“ ەنەرگيا ستراتەگيالىق ورنالاستىرۋىنداعى ماڭىزدى بازالارىنىڭ بىرىنە اينالدى.
ءتىلشىنىڭ مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، قازىر شينجياڭنىڭ وت ەلەكتر گەنەراتور اگراگاتتارى 58 ميلليون 586 مىڭ كيلوۆات، سۋ ەلەكتر اگراگاتتارى 7 ميلليون 108 مىڭ كيلوۆات، جەل ەلەكتر اگراگاتتارى 23 ميلليون 551 مىڭ كيلوۆات، فوتوۆولت اگراگاتتارى 12 ميلليون 59 مىڭ كيلوۆات، بيولوگيالىق ماسسا - قۋات ەلەكتر شىعارۋى جانە باسقا دا ”جاسىل“ اگراگاتتارى ءبىر ميلليون 220 مىڭ كيلوۆات بولىپ، تازا ەنەرگيا اگراگاتتارىنىڭ يەلەيتىن ۇلەسى ％43.4كە جەتكەن.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ قاتىستى جاۋاپتىسى چيۋ گاڭ تانىستىرىپ بىلاي دەدى: 2020 - جىلى مەملەكەتتىڭ جەل ەلەكترىنىڭ جەلىگە شىعارىلاتىن باعاسى مەن فوتوۆولتتىق ەلەكتر شىعارۋ نىسانىندا قوسىمشا قاراجات بەرىپ باعا تالاستىرۋدى كەمەلدەندىرۋ سياقتى ساياساتتاردىڭ ىقپالىندا، شينجياڭ جاڭا ەنەرگيا اگراگاتتارىنىڭ ”شاپشاڭ ورناتۋ ورلەۋىن“ قارسى الدى، تۇتاس جىلدا جاڭادان سالىنعان نەمەسە جاڭا ەنەرگيا الاڭ - پۋنكتتەرىندە جەلىلەردى بىرىكتىرۋدى ورىنداعاندار 71، سيىمدىلىعى 5 ميلليون 793 مىڭ 470 كيلوۆات بولىپ، تۇتاس جىلداعى اگراگاتتار سيىمدىلىعىنىڭ %70كە تاياۋىن يەلەدى.
سوڭعى جىلدارى شينجياڭ ەلەكتر تورىنىڭ اگراگاتتار سيىمدىلىعى گەومەتريالىق ۇلگىدەگى ارتۋدى بايقاتتى، شينجياڭ ەلەكتر تورىنىڭ جالپى اگراگاتتار سيىمدىلىعى 2010 - جىلداعى 14 ميلليون 70 مىڭ كيلوۆاتتان قازىرگى 100 ميلليون كيلوۆاتقا ارتتى.
شينجياڭنىڭ مول ەلەكترى جەرگىلىكتى ورىننىڭ ەكونوميكالىق، قوعامدىق دامۋ قاجەتىن قاناعاتتاندىرىپ قالماستان، تاعى 4 ”شينجياڭنىڭ ەلەكترىن سىرتقا جەتكىزۋ“ ارناسى ارقىلى 10 جىلدا جيىنى 20 ولكەگە 360 ميلليارد كيلوۆات - ساعات ەلەكتر جەتكىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
