- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆستراليا، جۇڭگو، جاپونيا، وڭتۇستىك كورەيا ەلدەرى ەركىن ساۋدا جونىندە ورتاق تانىمعا كەلدى
2014.05.04 10:26 كەلۋ قاينارى : ءتاڭىرتاۋ تورابى
(يسپانيا «ABC گازەتىنىڭ» حابارى). اۆستراليانىڭ زۇڭتۇڭى توني اببوت ازيادا ساپاردا بولعاندا، جاپونيامەن، وڭتۇستىك كورەيامەن جانە جۇڭگومەن ەركىن ساۋدا كەلىسىمى جونىندە ورتاق تانىمعا كەلدى.
ءبىرىنشى بەكەتىندە اببوت جاپونيانىڭ باس ءۋازىرى شىنزو ابەمەن ەركىن ساۋدا كەلىسىمى جونىندە ءبىر اۋىزدىلىققا كەلدى. ەكى ەل اراسىنداعى ەركىن ساۋدا كەلىسىمى بيىل جاز ماۋسىمىندا ماقۇلدانىپ، كەلەر جىلى اتقارىلۋى مۇمكىن. كەلىسىم مازمۇنىنا ساي، اۆستراليا جاپونيانىڭ اۆتوكولىكتەرىنەن الىناتىن %5 يمپورت كەدەن باجىسىن كۇشىنەن قالدىرادى، ال جاپونيا اۆستراليانىڭ سيىر ەتىنەن الىناتىن يمپورت كەدەن باجىسىن كۇشىنەن قالدىرادى.
ەكى ەلدىڭ 2012 - 2013 - جىلدىق ساۋدا سوماسى 44 ميلليارد ەۆروعا (شامامەن 60 ميلليارد 800 ميلليون دوللار) جەتكەن. اۆستراليا جاپونياعا كومىر، تەمىر رۋداسى، مىس رۋداسى جانە سيىر ەتىن ەكسپورت ەتسە، ال جاپونيادان اۆتوكولىك، وڭدەلگەن مۇناي ونىمدەرى مەن اۆتوكولىك بولشەكتەرىن يمپورت ەتىپ كەلگەن. ەكى ەل 2007 - جىلدان باستاپ ەركىن ساۋدا كەلىسىمى جونىندە كەلىسسوز وتكىزىپ كەلەدى، جاڭا كەلىسىم ەكى جاقتىڭ ساۋدا بارىس - كەلىسىنىڭ جالعاستى دامۋىن جەبەۋ رولىن اتقارادى.
اببوت ىلە - شالا وڭتۇستىك كورەيانىڭ زۇڭتۇڭى پاك كين - گەمەن ەركىن ساۋدا كەلىسىمىنە قول قويدى. كەلىسىم مازمۇنىنا ساي، 10 جىل ىشىندە ەكى ەل قارسى جاعىنان الىناتىن بارلىق كەدەن باجىسىن كۇشىنەن قالدىرادى. الدىمەن كۇشىنەن قالدىرىلاتىنى اۆستراليانىڭ وڭتۇستىك كورەيانىڭ اۆتوكولىگى مەن سەميا ەلەكتر جابدىقتارىنا الاتىن %5 يمپورت كەدەن باجىسى. تەمىر رۋداسىنان سىرت، وڭتۇستىك كورەيا اۆستراليادان يمپورت ەتەتىن مۇناي، سيىر ەتى، ءجۇزىم شارابى جانە بالىق سياقتىلاردان الىناتىن كەدەن باجىسىن كۇشىنەن قالدىرادى.
ەكى ەل 4 جىلدىڭ الدىندا ەركىن ساۋدا كەلىسىمى جونىندە كەلىسسوز وتكىزگەن. كەلىسىمگە قول قويىلعاننان كەيىن كانبەررا مەن سەۋل ەكى جاقتىڭ ساۋدا بارىس - كەلىسىنە ومىرشەڭدىك كۇش باعىشتايتىن بولادى. ەكى ەلدىڭ 2012 - 2013 - جىلدىق ساۋدا سوماسى 19 ميلليارد ەۆروعا جەتىپ، الدىڭعى جىلداعىدان %8.6 تومەندەگەن.
وسى جولعى ساپاردىڭ ەڭ سوڭعى بەكەتىندە، اببوت جۇڭگونىڭ مەملەكەت باسشىسىمەن بيىل قاراشادا ەركىن ساۋدا كەلىسىمىنە قول قويۋعا كەلىستى. ەكى ەل 2005 - جىلدان باستاپ ەركىن ساۋدا كەلىسىمى جونىندە 19 رەت كەلىسسوز وتكىزگەن. ب
بىلتىر جۇڭگو مەن اۆستراليانىڭ ساۋدا سوماسى 98 ميلليارد 700 ميلليون ەۆروعا جەتكەن، جۇڭگو اۆستراليانىڭ ەڭ ۇلكەن ساۋدا سەرىگى جانە ەڭ باستى ەكسپورت وبيەكتيۆىنە اينالدى. ەندى ءبىر جاعىنان، اۆستراليا جۇڭگونىڭ باستى قارجى قوسۋ وبيەكتىسى مەن باستى ساياحات وبيەكتىسى سانالادى. بىلتىر 4 - توقساندا اۆستراليانىڭ جۇڭگوعا ەكسپورت مولشەرى %45 ارتىپ، 18 ميلليارد ەۆرودان استى، جۇڭگونىڭ كەن بايلىعى مەن ەنەرگيا بايلىعىنا دەگەن سۇرانىسى بارعان سايىن ارتقاندىقتان، اۆستراليانىڭ جۇڭگوعا ەكسپورت مولشەرى ءۇرتىس 20 جىل ورنىقتى ارتقان. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
