بازارعا كىرۋ رۇقساتى زور دارەجەدە بوساڭسىتىلدى، باۋراۋ قۋاتى ءتىپتى دە زور قارجىلاندىرۋ ورتاسى جاراتىلدى، ءبىلىم مەنشىك ۇقىعىن قورعاۋ كۇشەيتىلدى
شەتەل قارجىسى ورنىعىپ، قاقپا اشۋ بۇلجىماستان كەڭەيتىلدى (ەكونوميكالىق جاعدايعا جىل ورتاسىندا نازار)
«حالىق گازەتىنىڭ» ءتىلشىسى ۋاڭ كى
2018.08.10 16:09 كەلۋ قاينارى : حالىق تورابى
شىلدەدە كوپتەگەن شەتەل كاسىپورنى جۇڭگوعا قارجى قوسۋداعى جاڭا جوسپارىن جاريالادى: حيميا ونەركاسىبىنىڭ سەركەسى BASF توبى گۋاڭدۇڭدا جالپى 10 ميلليارد دوللاردان استام قارجى قوسىپ مۇناي – حيميا كاسىپورنىن قۇرماق، Tesla شاڭحايدا دەربەس قارجى قوسىپ جىلىنا 500 مىڭ ءبىرىڭعاي ەلەكترلى اۆتوموبيل وندىرەتىن ەرەن زاۆود قۇرماق، BMW اۆتوموبيل سەرىكتەستىگى جۇڭگوداعى بىرلەسىپ قارجى قوسقان زاۆودىنىڭ ءوندىرىس قۋاتىن %16 مولشەرىندە ارتتىرۋدى جوسپارلاپ وتىر... جىل باسىنان قازىرگە دەيىن دۇنيە ءجۇزىنىڭ شەتەل قارجىسىن ەنگىزۋ باسەكەسى كۇن سايىن شيەلەنىستى، ەلىمىزدىڭ شەتەل قارجىسىنان پايدالانۋى ورلەۋگە كوتەرىلىپ، كولەمى ءۇرتىس ورنىعىپ، ساپاسى ۇزدىكسىز جوعارىلادى. 31 – شىلدەدە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە شەتەل قارجىسىن ورنىقتىرۋ ورتاعا قويىلىپ، شەتەل ساۋداگەرلەرىنىڭ جۇڭگودا قارجى قوسۋ سەنىمى اناعۇرلىم نىعايدى. كەلەسى جارتى جىلدا حالىقارانىڭ ەكونوميكا جانە قارجى قوسۋ سالاسىنداعى ورنىقسىزدىق جاعدايىنا قاراتا، كورنەكتى وزگەرىپ وتىرعان سىرتقى ورتاعا قاراتا شەتەل قارجىسىن قايتكەندە ورنىقتىرىپ، ەلىمىزدىڭ سىرتقا قاقپا اشۋدى كەڭەيتۋىنە دەم بەرۋگە بولادى؟
شەتەل قارجىسىنان پايدالانۋداعى جىل ورتاسىنداعى تابىس ايتارلىقتاي جاقسى بولدى
جۇڭگو دۇنيە جۇزىلىك ساۋدا ۇيىمىن زەرتتەۋ قوعامىنىڭ ورىنباسار ءتوراعاسى حو جيانگو بىلاي دەدى: العاشقى جارتى جىلداعى ساندى مالىمەتتەن قاراعاندا، ءار ەل قارجى قوسۋشىلارىنىڭ جۇڭگوعا كەلىپ قارجى قوسۋ ىنتاسى بوساڭسىعان جوق، ەلىمىزدىڭ ناقتى پايدالانعان شەتەل قارجىسىنىڭ كولەمى جالپى جاقتان ورنىقتى، از مولشەردە ورلەپ وتىر، ايتارلىقتاي جاقسى ناتيجەگە قول جەتكىزدىك.
قازىر دۇنيە جۇزىندە جاڭا دۇركىن «قارجى ەنگىزۋ جەلى» ەسۋدە، ەكونوميكالىق تۇلعالار باسەكەلەسە ساياسات بەلگىلەپ شەتەل قارجىسىن باۋراۋدا. سونىمەن بىرگە، دۇنيە ءجۇزىنىڭ تىكەلەي قارجى قوسۋ ولجاسى ءماز ەمەس، ب م ۇ – نىڭ ساۋدا جانە دامۋ كەڭەسى ماۋسىمدا جاريالاعان «2018 – جىلعى دۇنيە ءجۇزىنىڭ قارجى قوسۋ مالىمەتىندە» كورسەتىلۋىنشە، دۇنيە جۇزىندەگى شەتەلدەردىڭ تىكەلەي قوسقان قارجىسى بىلتىر ءبىر تريلليون 430 ميلليارد دوللار بولىپ، الدىنداعى جىلداعىدان %23 تومەندەگەن. سىرتقى ەكونوميكا – ساۋدا ۋنيۆەرسيتەتىنىڭ پروفەسسورى ساڭ بايچۋان بىلاي دەدى: وسى جاعدايمەن سالىستىرعاندا، ەلىمىزدىڭ شەتەل قارجىسىنان پايدالانۋدى ورنىقتىرۋداعى تابىسى ەرەكشە كوز تارتارلىق.
ساۋدا مينيسترلىگى جاريالاعان ساندى مالىمەتتە كورسەتىلۋىنشە، بيىل العاشقى جارتى جىلدا ەلىمىزدىڭ ناقتى پايدالانعان شەتەل قارجىسىن دوللار بويىنشا ەسەپتەگەندە 68 ميلليارد 320 ميلليون دوللار بولىپ، وتكەن جىلدىڭ ۇقساس مەزگىلىندەگىدەن %4.1 ارتقان. نازار اۋدارارلىعى، قاڭتاردان ماۋسىمعا دەيىن ەل بويىنشا جاڭادان قۇرىلعان شەتەل ساۋداگەرلەرى قارجى قوسقان كاسىپورىن 29 مىڭ 591 بولىپ، وتكەن جىلدىڭ ۇقساس مەزگىلىندەگىدەن %96.6 ارتقان.
العاشقى جارتى جىلدا ەلىمىزدىڭ باستى شەتەل قارجىسى قاينارى ەسەپتەلەتىن جەرلەردىڭ جۇڭگوعا قارجى قوسۋ جاعدايى قۋانارلىق بولعان، ا ق ش، سينگاپۋر، وڭتۇستىك كورەيا، ۇلى بريتانيا ەلدەرىنىڭ ناقتى قوسقان قارجىسىنىڭ سوماسى وتكەن جىلدىڭ ۇقساس مەزگىلىندەگىدەن جەكە – جەكە %29.1، %19.7، %43.8 جانە %82.5 ارتقان. بۇدان تىس، شىعىس وڭتۇستىك ازيا وداعىنىڭ ناقتى قوسقان قارجىسىنىڭ سوماسى وتكەن جىلدىڭ ۇقساس مەزگىلىندەگىدەن %24.4 ارتقان، «ءبىر بەلدەۋ، ءبىر جولعا» قاتىناسقان مەملەكەتتەردىڭ جۇڭگوعا قوسقان قارجىسى وتكەن جىلدىڭ ۇقساس مەزگىلىندەگىدەن %24.9 ارتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
