- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ولكە باستىقتارى مەن مينيستر يۇنناندا اۋىل شارۋاشىلىق ونىمدەرىن ارناۋلى تانىستىردى
2016.11.07 15:22 كەلۋ قاينارى : حالىق تورابى
4 – قاراشا كەشتە يۇننان ولكەسىنىڭ كۇنميڭ قالاسىندا 14 - رەتكى جۇڭگو حالىقارالىق اۋىل شارۋاشىلىق ونىمدەرى جارمەنكەسىنىڭ دايىندىق قيمىلدارىنىڭ ءبىرى رەتىندە وزگەشە ءمان العان «ولكە باستىقتارى مەن مينيستر اۋىل شارۋاشىلىق ونىمدەرىن تانىستىرۋ ارناۋلى قيمىلى» وتكىزىلدى، اۋىل شارۋاشىلىق مينيسترلىگىنىڭ مينيسترى، 19 ولكە، توتە قاراستى قالا، اۆتونوميالى رايوننىڭ اۋىل شارۋاشىلىعىنا جاۋاپتى باستىقتارى ارت – ارتىنان مىنبەگە شىعىپ، جۇڭگونىڭ اۋىل شارۋاشىلىق ونىمدەرىنىڭ ماركاسىن ايگىلەۋ، ساپاسىن جاقسارتۋ جونىندە ءسوز سويلەپ، تانىستىرۋشى بولدى.
وسى رەتكى ارناۋلى قيمىلدا ءوڭىردىڭ ايگىلى ماركالى ونىمدەرىن تانىستىرۋ وزەك ەتىلدى، ونىمدەر كۇرىش، كارتوپ، شاي، جەمىس – جيدەك سياقتى ءداستۇرلى ابزالدىعى بار اۋىل شارۋاشىلىق ونىمدەرىن شارپىدى.
اۋىل شارۋاشىلىق مينيسترى حان چاڭفۋ: «جۇڭگو ــ اۋىل شارۋاشىلىعىنداعى ءىرى ەل، سونداي – اق ساپالى اۋىل شارۋاشىلىق ونىمدەرىن وندىرەتىن ءىرى ەل، بۇگىنگى قيمىل جۇڭگو ەگىنشىلەرىنىڭ اقىل – پاراساتى مەن قاجىرلى ەڭبەگىنىڭ جەمىسىن قاستەرلەپ، ىقپالىن كەڭەيتۋدەگى جاقسى باستاما بولدى، بارلىعىمىز ساپالى اۋىل شارۋاشىلىق ونىمدەرى ارقىلى جۇڭگولىقتاردىڭ تۇرمىسىن بايىتىپ، ونىمدەرىمىزدى دۇنيە جۇزىنە بەت الدىرۋىمىز كەرەك!» دەدى.
كارتوپتى تانىستىرۋ ءۇشىن حىبەي مەن نيڭشيانىڭ باسشىلارى ناق مايداندا باسەكەلەسىپ قالدى. حىناننىڭ ورىنباسار ولكە باستىعى شىن شياۋپيڭ: «ماڭىزدى ىستەردى ءۇش رەت قايتالاپ ايتامىز، حىبەي ولكەسىنىڭ كارتوبىندا ءۇش ءتۇرلى ەرەكشەلىك بار، ءبىرىنشى، ساپاسى جاقسى، ەكىنشى، سورتى جاقسى، ءۇشىنشى، ماركاسى تاڭداۋلى!» دەسە، نيڭشيا حۇيزۋ اۆتونوميالى رايوندىق پارتكومنىڭ تۇراقتى مۇشەسى، ورىنباسار ءتوراعا لي رۇيحاۋ: «نيڭشيا ــ ەلىمىزدىڭ ماڭىزدى كارتوپ ءوندىرۋ بازاسى، ءبىز كارتوپ ەكپەشىلىگىن دامىتۋ ءۇشىن ەرەكشەلىككە يە اۋىل شارۋاشىلىعىن الۋەتتەندىردىك، وسىندا وتىرعان كاسىپورىنشىلاردى، قوناقتاردى نيڭشياعا بارىپ كارتوپتان ءدام تاتۋعا شاقىرامىن!» دەدى.
باسقا باسشىلار دا ءوز جەرلەرىنىڭ ونىمدەرىن تانىستىرۋدا ەرەكشەلىكتەرىن كورنەكتىلەندىرۋگە ءمان بەرىپ وتىردى. انحۇي ولكەسىنىڭ ورىنباسار ولكە باستىعى فاڭ چۇنميڭ: «داڭشاننىڭ قىشقىل المۇرتىنىڭ قابىعى جۇقا، بۇل المۇرت قولىڭىزدان ءتۇسىپ كەتسە، بىلجىراپ ەزىلىپ قالادى» دەدى؛ چۇڭچيڭ قالاسىنىڭ ورىنباسار قالا باستىعى ليۋ چياڭ ءۇش قىساڭ قويما ءوڭىرىنىڭ ەكولوگيالىق بالىعىن ساقپىمەن قىسا ۇستاپ: «بۇل بالىقتى تاتىپ كورگەندەردىڭ بارلىعى ماقتاسادى» دەدى؛ يۇننان ولكەلىك پارتكومنىڭ شۋجيى، ولكە باستىعى چىن حاۋ: «يۇنناننىڭ اۋىل شارۋاشىلىق ونىمدەرىن تانىستىرۋعا كەلگەندە قاتتى قينالىپ تۇرمىن، ويتكەنى، يۇنناننىڭ اۋىل شارۋاشىلىق ونىمدەرى وتە مول، ايتىپ بىتكەنشە شارشاپ قالامىن» دەدى ءازىل ارالاستىرىپ.
قيمىل قىزۋ دۋمانعا بولەنگەن ءبىر ساتتە مينيستر حان چاڭفۋ: «ماركا دەگەنىمىز سەنىمدىلىك، وسى زامانعى اۋىل شارۋاشىلىعىن دامىتۋدا، ءسوزسىز، ساپالى اۋىل شارۋاشىلىق ونىمدەرى ماركاسىن جاراتۋىمىز، ءونىم ءتۇرىن مولايتۋ، ساپانى جاقسارتۋ ارقىلى تۇتىنۋشىلاردى الاڭسىز ەتۋىمىز، ەگىنشىلەردىڭ قالتاسىن قامپايتۋىمىز كەرەك!» دەدى.
مينيستر مەن ولكە باسشىلارىنىڭ ەڭبەگى بوسقا كەتپەدى، تاۋباۋ تورابى، يۇڭحۇي ەرەن بازارى، سۋنيڭ توراپتىق ساۋدا تەكشەسى سياقتى 30 ساتىپ الۋشى توپ ناق مايداندا ساپالى اۋىل شارۋاشىلىق ونىمدەرىن ساتىپ الدى، وسى قاتاردا 9 ميلليون 758 مىڭ توننا كارتوپقا، 547.9 توننا شايعا تاپسىرىس بەرىلدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
