شاڭحاي پۋدۇڭ جاڭا رايونىندا ۇكىمەت رەفورمانى تەزدەتتى، بازاردىڭ ومىرشەڭدىك قۋاتى نىعايدى (رەفورما جاساپ، ەسىك اشۋدىڭ 40 جىلدىعىن قۇتتىقتايمىز اتىنداعى 100 قالا، 100 اۋدان، 100 كاسىپورىندى تەكسەرىپ – زەرتتەۋ ساپارى)
«حالىق گازەتىنىڭ» ءتىلشىسى شيە ۋەيچۇن
2018.10.11 16:28 كەلۋ قاينارى : حالىق تورابى
27 – قىركۇيەك، 2018 – جىلعى شاڭحاي پۋدۇڭ اۆتوموبيل كورمەسى. مايكل كورمە سارايىن ارالاپ كورىپ، دۋماندى بازارعا ايرىقشا ءسۇيىندى.
شاڭحاي جاڭا حالىقارالىق كورمە ورتالىعىنىڭ باس ديرەكتورى سانالاتىن مايكلدىڭ قۋانىشقا بولەنەتىن ءجونى بار، 28 جىلدىڭ الدىندا پۋدۇڭدا كورمە كاسىبى اق تاڭداق كۇيدە بولاتىن، ال قازىر جاڭا حالىقارالىق كورمە ورتالىعى دۇنيە جۇزىندەگى ەڭ گۇلدەنگەن كورمە ورتالىقتارىنىڭ بىرىنە اينالدى، كىرىسى، پايداسى دۇنيە ءجۇزى بويىنشا ۇقساس كاسىپتىڭ ماڭداي الدى ورنىندا تۇردى، ءار جىلى وسى اراعا كەلەتىن ارناۋلى ساتىپ الۋشىلاردىڭ مولشەرى 5 ميلليون ادام – رەتكە جەتەدى، بازاردى ارالاۋشىلاردىڭ مولشەرى 10 ميلليون ادام – رەتكە جەتەدى.
جاڭا حالىقارالىق كورمە ورتالىعى پۋدۇڭنىڭ وراسان زور وزگەرىسىنىڭ شاعىن ءبىر كورىنىسى عانا.
1990 – جىلى پۋدۇڭنىڭ GDP ى 6 ميلليارد يۋان عانا بولاتىن، 2017 – جىلى 965 ميلليارد 100 ميلليون يۋانعا كوتەرىلىپ، جىلدىق ورتاشا ارتۋ شاماسى %15.1 كە جەتتى؛ پۋدۇڭنىڭ شاڭحاي قالاسىنىڭ ەكونوميكا جالپى مولشەرىندەگى ارا سالماعى شامامەن 12/1 ۇلەستەن 3/1 ۇلەسكە تايادى.
پۋدۇڭنىڭ ەكونوميكاسىنىڭ قارىشتاپ دامۋىنداعى ماڭىزدى سەبەپتەردىڭ ءبىرى ۇكىمەت وزىندىك رەفورمانى ۇزدىكسىز جۇرگىزىپ وتىردى. ءىرى ستراتەگيانىڭ، ۇلكەن بازاردىڭ قاجەتىنە سايكەسۋ، ۇكىمەتتىڭ كاسىپورىندار مەن بازارعا كورسەتەتىن رولىن ىرىقتىلىقپەن رەتتەپ وتىرۋ پۋدۇڭ جاڭا رايونى ۇكىمەتىنىڭ ءوزىن جونگە سالىپ وتىرۋىنداعى وزگەشەلىك سانالدى.
پۋدۇڭدا كوركەيتۋ، ەسىك اشۋ جۇرگىزىلگەن باستاپقى مەزگىلدە ۇكىمەت جەتەكشى بولدى. 1990 – جىلدان 2000 – جىلعا دەيىن جاڭا رايوندى دامىتۋدىڭ جوسپارىن جوعارى باستاما نەگىزىندە جاساۋ، نەگىزدىك قۇرىلعى قۇرىلىسىن جانە يقۋاتىن رايونىن اشۋدى كۇشەيتۋ پۋدۇڭنىڭ كوركەيتۋ، ەسىك اشۋ ىستەرىنىڭ باستى ەرەكشەلىگى بولدى. وسى مەزگىلدە پۋدۇڭ باسقارۋ كوميتەتى مەن كوركەيتۋ سەرىكتىكتەرى كوركەيتۋ، ەسىك اشۋ ىستەرىندەگى نەگىزگى تۇلعاعا اينالدى. شاڭحاي قالالىق ۇكىمەت شاڭحاي پۋدۇڭ كوركەيتۋ، ەسىك اشۋ ىستەرىنە باسشىلىق ەتۋ گرۋپپاسىن قۇرىپ، پۋدۇڭ كوركەيتۋ كەڭسەسىن جانە پۋدۇڭدى كوركەيتۋ جوباسىن زەرتتەۋ، جوبالاۋ مەكەمەسىن قۇردى؛ الدىڭعى مەرزىمدەگى اقىلداسۋ جانە دايىندالۋ ارقىلى 1992 – جىلى مەملەكەتتىك كەڭەستىڭ بەكىتۋىمەن پۋدۇڭ جاڭا رايونى رەسمي قۇرىلدى. 1993 – جىلى 1 – قاڭتاردا پۋدۇڭ جاڭا رايونىنىڭ پارتيا قىزمەتى كوميتەتىنە، پۋدۇڭ جاڭا رايونىن باسقارۋ كوميتەتىنە ماڭدايشالىق ءىلىندى، الايدا شاڭحاي قالالىق پارتكومنىڭ، قالالىق ۇكىمەتتىڭ بولىمشە قۇرىلىمى رەتىندە پۋدۇڭ جاڭا رايونىنىڭ وڭىرلىك باسقارۋىنا جاۋاپتى بولدى.
كوركەيتۋ رايونىندا جاڭا قۇرىلعان كوركەيتۋ سەرىكتىكتەرى كوركەيتۋدەگى نەگىزگى تۇلعاعا اينالدى. 1990 – جىلى قىركۇيەكتە قۇرىلعان لۋجيازۇي، ۋايگاۋچياۋ، جينچياۋ سىندى 3 كوركەيتۋ سەرىكتىگى جەكە – جەكە لۋجيازۇي فينانس – ساۋدا كوركەيتۋ رايونىنىڭ، ۋايگاۋچياۋ قورعامالى باجى رايونىنىڭ، جينچياۋ ەكسپورت ەتۋ، مانەرلەۋ رايونىنىڭ جالپىلىق كوركەيتۋىنە جانە تيجارات باسقارۋىنا جاۋاپتى بولدى. 1992 – جىلى قۇرىلعان جاڭجياڭ جوعارى عىلىم – تەحنيكا باقشا رايونىن كوركەيتۋ سەرىكتىگى جاڭجياڭ جوعارى عىلىم – تەحنيكا باقشا رايونىنىڭ جالپىلىق كوركەيتۋىنە جانە تيجارات باسقارۋىنا جاۋاپتى بولدى.
«باسقارۋ كوميتەتى + كوركەيتۋ سەرىكتىگى» ۇلگىسى ءداستۇرلى جوسپارلى شارۋاشىلىق ءتۇزىلىسىنىڭ شەكتەمەسىن بۇزىپ، پۋدۇڭ جاڭا رايونىنىڭ كوركەيتۋ، ەسىك اشۋ ىستەرىن پارمەندى جەبەدى.
وسى بارىستا پۋدۇڭدا «شاعىن ۇكىمەت، ۇلكەن قوعام» سىندى جونگە سالۋ جاعدايى باستاپقى قادامدا قالىپتاستى. شاعىندىق قاي دارەجەگە دەيىن باردى؟ ۇكىمەتتىڭ باسقارۋ قۇرىلىمى − پۋدۇڭ كوركەيتۋ كەڭسەسى، ونىڭ استىندا جالپىلىق جوبا باسقارماسى، ينجەنەريالىق جوبا باسقارماسى، ينفورماتسيا باسقارماسى، ساياسات زەرتتەۋ كەڭسەسى جانە كەڭسە سىندى 3 باسقارما، 2 كەڭسە عانا بولدى. كەڭسە دە ىقشام، وندا ىستەيتىندەردىڭ كوبىندە ۇستەل دە جوق، بىردەن تارتپا عانا بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
