جياڭسۋ ولكەسىنىڭ شۇيجوۋ قالاسى تۇڭعىش رەت ءۇي كۋالىگىن تاراتتى (رەفورما جاساپ، ەسىك اشۋدىڭ 40 جىلدىعى اتىنداعى 40 «ءبىرىنشى» ايدارشاسىنداعى جەلىلەس حابارلار)
2018.11.21 16:27 كەلۋ قاينارى : حالىق تورابى
2015 – جىلى 3 – ايدىڭ 1 – كۇنى - جياڭسۋ ولكەسى شۇيجوۋ قالاسىنىڭ تۇرعىنى شيڭ ۋەيفىڭ جونىنەن ۇمتىلماس كۇن. بۇل كۇنى ول شۇيجوۋ قالالىق جىلجىمايتىن مۇلىكتى تىزىمدەۋ مەكەمەسىنىڭ قىزمەت وتەۋ زالىنان بۇكىل ەل بويىنشا تۇڭعىش رەت تاراتىلعان جىلجىمايتىن مۇلىك ۇقىق كۋالىگىن تاپسىرىپ الدى. قىزىل ءتۇستى كۋالىككە ۇقىقتى ادام، ءۇي ورنى، كولەمى، پايدالانۋ ۋاقىت شەگى سىندى مازمۇندار ەگجەي – تەگجەيلى جازىلىپتى. كۋالىگىن قولىنا ۇستاپ تۇرىپ، شيڭ ۋەيفىڭ بىلاي دەدى: «كوڭىلىم ورنىقتى. بۇل مەنشىكتى ءۇيدىڭ ۇقىق كۋالىگى، بۇنىمەن ءۇي – مۇلىك ۇقىعى قورعاۋعا دا بولادى، بولاشاقتا ساۋداعا سالساقتا نەمەسە كەپىلگە قويساقتا وتە قولايلى بولاتىن بولدى».
سىچۋان ولكەسى لۋشيان اۋدانى نيۋتان قالاشىعى حىڭجياڭ قىستاعىنىڭ تۇرعىنى ليۋ دىچۋاندا وسى كۇنى «قىزىل ءتۇستى ءۇي مۇلىك كۋالىگىن» تاپسىرىپ الدى. كۋالىككە 4 جاندى وتباسىنىڭ ءۇي – جاي ورنىن پايدالانۋ ۇقىعى ءارى ءۇي – مۇلىك مەنشىك ۇقىعى جازىلعان. «كۋالىك ءبىتىرۋ ءۇشىن بۇرىندارى تالاي ەسىكتى توزدىراتىنبىز، قازىر جىلجىمايتىن مۇلىكتى تىزىمدەۋ ورتالىعىنىڭ ءبىر كەڭسەسىنە بارساق قانا جۇمىسىمىز بىتەتىن بولدى، ۋاقىت، كۇش ۇنەمدەلدى، بۇقارا ءۇشىن وتە قولايلى بولدى» دەدى ليۋ دىچۋان.
وسى كۇنى وڭتۇستىكتەگى ءتۇيىندى ورمان شارۋاشىلىعى اۋدانى سانالاتىن جياڭشي ولكەسى چوڭ – يى اۋدانى جيەبا اۋىلى شىپي قىستاعىنىڭ ەگىنشىسى لين رىنچۇندا جەرگىلىكتى ورىن بويىنشا تۇڭعىش ورمان شارۋاشىلىعى تۇرىندەگى جىلجىمايتىن مۇلىك ۇقىعى كۋالىگىن الدى. لين رىنچۇن بىلاي دەدى: «قولىمدا مىنا قىزىل كىناشكا تۇرعاندا، وتباسىمىزدىڭ 3.3 مۋلىق ماي بۇرگەن ورمانىنىڭ مۇلىك ۇقىعىنان الاڭدامايمىن».
قالا – قالاشىقتان اۋىل – قىستاقتارعا دەيىن، تۇڭعىش توپتاعى جىلجىمايتىن تۇراقتى مۇلىك ۇقىعى كۋالىگىنىڭ تاراتىلۋى ەلىمىزدە جىلجىمايتىن تۇراقتى مۇلىكتى ءبىر تۇتاس تىزىمدەۋ ءتۇزىمىنىڭ رەسمي اتقارىلعاندىعىن اڭعارتادى. جاراتىلىستىق بايلىق مينيسترلىگىنىڭ ورىنباسار مينيسترى ۋاڭ گۋاڭحۋا بىلاي دەدى: «جىلجىمايتىن تۇراقتى مۇلىكتى ءبىر تۇتاس تىزىمدەۋدى اتقارۋدان بۇرىن، ءارقايسى تاراۋلاردىڭ تىزىمدەۋ ءادىسى، تەحنيكالىق ەرەجەسى بىردەي بولماعاندىقتان، بۇرىنعى بىتىراڭقى تىزىمدەۋ فورماسى جىلجىمايتىن تۇراقتى مۇلىك ۇقىعىن تىزىمدەۋدىڭ قاباتتاسۋى، تىزىمدەۋدەن ءتۇسىپ قالۋى سىندى تۇرلىشە جاعدايلاردىڭ وڭاي تۋىنداۋىنا مۇرىندىق بولسا؛ ۇقساماعان ورىنداردىڭ بىتىراڭقى باسقارۋى مەن تىزىمدەۋى ەگىن، ورمان شارۋاشىلىعىنا ىستەتىلەتىن جەر، ەگىن، مال شارۋاشىلىعىنا پايدالاناتىن جەر ءارى ورمان، مال شارۋاشىلىعىنا پايدالاناتىن جەرلەر اراسىنداعى تاۋەلدىلىك شەكاراسى ايقىن بولماۋ، ۇقىق قاراستىلىعى انىق بولماۋعا سەبەپ بولىپ، داۋ - دامايدىڭ باسى بولعان ەدى. ءبىر تۇتاس تىزىمدەۋدى اتقارۋ ارقىلى ىسكە قاتىستى ادامدار اراسىنداعى جىلجىمايتىن تۇراقتى مۇلىك ۇقىعىنىڭ شەت – شەكاراسىن انىق ايىرۋعا بولادى، بۇنىمەن ۇقىق قاراستىلىعى تالاس – تارتىسى ازايىپ، تىزىمدەۋدىڭ تۋرالىعى مەن بەدەلى جوعارىلايدى. ءبىر تۇتاس تىزىمدەۋ اتقارىلعان سوڭ، جىلجىمايتىن تۇراقتى مۇلىكتى تىزىمدەۋ ينفورماتسياسىن زاڭ بويىنشا جاريالى ۇعىسۋ ءتۇزىمىن بەلگىلەۋگە، جىلجىمايتىن تۇراقتى مۇلىك ساۋداسىنىڭ حاۋىپسىزدىگىن ءونىمدى كەپىلدەندىرۋگە بولادى. «بۇل ەلىمىز ازاماتتارىنىڭ مال – مۇلىك ۇقىعىن قورعاۋ اياق الىسىنىڭ تاعى ءبىر بەلەسكە كوتەرىلگەندىگى. نەگىزگى زاڭ ازاماتتاردىڭ مال – مۇلىك ۇقىعىن قورعاسا، <زات ۇقىعى زاڭى> ەگىنشىلەردىڭ جەردەن پايدالانۋ، يگىلىكتەنۋ ۇقىعىن باسا دارىپتەيدى. جىلجىمايتىن تۇراقتى مۇلىكتى تىزىمدەۋدى اتقارۋ تاعى ءبىر ۇقىقتىڭ ومىرگە كەلگەنىن ۇعىندىرادى» - دەدى ۋاڭ گۋاڭحۋا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
