حالىق تورابى از ۇلت ءتىل - جازۋىنداعى نۇسقالارىنىڭ رەفورما جاساپ، ەسىك اشقان 40 جىلعا بايلانىستى جەلىلەس حابارلارى
ءاشىمحان اياتقان ۇلى: قايىر – ساحابات ۇلتقا، جەرگە بولىنبەيدى
2018.11.20 13:20 كەلۋ قاينارى : حالىق تورابى
سۋرەتتە: ءاشىمحان اياتقان ۇلى تۇرمىسىندا قيىنشىلىعى بار وقۋشىنىڭ ۇيىنە بارىپ، جاعداي ۇعىسۋدا.
«قىستاعىمىزداعى وزگەرىستەر وتە زور، جولدارعا سەمەنت توسەلىپ، كوشەگە شامدار ورناتىلدى، بەيقۇت ۇيلەر سالىندى، تۇرمىسىمىز بارعان سايىن جاقساردى»، — دەيدى موڭعۇلكۇرە اۋدانى سارقوبى اۋىلى سۋىقتوعاي قىستاعىنىڭ تۇرعىنى ءاشىمحان اياتقان ۇلى.
ءاشىمحان جايلى ءسوز بولسا، اۋىل ادامدارىنىڭ بارلىعى ونى القايدى، ول كەدەي مالشى وتباسىندا دۇنيەگە كەلىپ، بالا كۇنىندە تۇرمىستىڭ ازابىن كوپ تارتقان، جۋىرداعى جىلداردان بەرى، ءتيىمدى ساياساتتاردىڭ كومەگىنىڭ جانە ءوزىنىڭ قۇلشىنۋىنىڭ ارقاسىندا، ءاشىمحان قارتتىڭ تۇرمىسىندا كوپ وزگەرىستەر بولدى.
ءاشىمحان قارت ءوزىنىڭ ءومىرى جايلى ءسوز قوزعاعاندا، كوپتەگەن ادامداردىڭ كومەگىنە يە بولعانىن اۋزىنان تاستامايدى، سونىڭ ەسەسىنە ول 1992 – جىلدان باستاپ ماڭىنداعى تۇرمىسىندا قيىنشىلىعى بار وتباسىلارعا جانە كەدەي وتباسىلارداعى وقۋشىلارعا كومەكتەسىپ كەلدى. قايىر – ساحابات ۇلتقا، وڭىرگە بولىنبەيدى دەپ قارايتىن ءاشىمحان قارت 30 جىلعا تاياۋ ۋاقىت بويى يگى ءىستى جالعاستىرىپ كەلگەن، ۋىنچۋاندا جەر سىلكىنگەن كەزدە دە ءاشىمحان قارت ءارى – ءسارى بولماستان، جاعدايىنىڭ كەلگەنىنشە اپات بولعان جەردەگى بۇقاراعا جىلۋ اتاعان.
وسىنشاما جىلداردان بەرى، ءاشىمحان اياتقان ۇلى كەدەي وتباسىنداعى وقۋشىلارعا كومەكتەسۋدى باستى ورىنعا قويىپ، جىل سايىن بۇكىل اۋدانداعى ءارقايسى اۋىل – قالاشىقتارداعى مەكتەپتەردەن كەدەي وتباسىلارداعى وقۋشىلاردى تاۋىپ، 30 وقۋشىعا كومەكتەسىپ كەلەدى، ءاشىمحان قارتتىڭ ايتۋىنشا، 1992 – جىلدان بەرى، ونىڭ كەدەي وتباسىنداعى وقۋشىلار مەن تۇرمىسىندا قيىنشىلىعى بار وتباسىلارعا اتاعان جىلۋى ءبىر ميلليون 200 مىڭ يۋاننان اسقان، مۇنداي قوماقتى قاراجات 60 جاستان اسقان اۋىلداعى قاراپايىم قارت جونىنەن العاندا وڭاي ەمەس ەكەنى بارىمىزگە ايان. ءاشىمحان قارتتىڭ ۇيىندەگى ىشكاپتا ۋاقىتتىڭ تابى تۇسكەن سۋرەتتەر مەن ونىڭ كومەگىنە يە بولعان وقۋشىلاردىڭ جانە جۇرتشىلىقتىڭ العىسقا تولى حاتتارى ءالى ساقتاۋلى تۇر ...
مەرەيلى مەرەكەلەردە اشىمحان اياتقان ۇلى سالەم – ساۋقىتى مەن حال سۇراۋ قاراجاتىن الىپ، تۇرمىسىندا قيىنشىلىعى بار وقۋشىلاردىڭ وتباسىنا بارىپ، ولاردى جاقسى وقىپ، بولاشاقتا قوعامعا جارامدى ازامات بولىپ، وتانعا ۇلەس قوسۋعا شابىتتاندىرادى. ءاشىمحان قارتتىڭ وسىنداي قايىرىمدى دا مەيىرىمدى ارەكەتتەرى جۇرتشىلىقتى اسەرلەندىرىپ، 2016 – جىلى شينجياڭ ۇيعۇر اۆتونوميالى رايونى جاعىنان ۇلتتار ىنتىماعى جاعىنداعى وزات جەكە دەگەن اتاققا يە بولدى.
ءاشىمحان قارت قاتارداعى قاراپايىم ديحان، ەندەشە، قيىنشىلىعى بار وقۋشىلارعا كومەك كورسەتكەن قاراجاتتاردى قالاي تابادى دەگەن سۇراق تۋىندايتىنى داۋسىز. ءاشىمحان قارتتىڭ جاۋابى دا ەستىگەن جۇرتتى اسەرلەندىرەدى، مەيىربان قارت ادەتتە ءۇش شاقتى ۆەلوسيپەتپەن بوساعان بوتەلكە قاتارلى زاتتاردى تەرىپ، اۋدان قالاشىعىنا اپارىپ ساتادى، مۇنان سوڭ، ءوزىنىڭ يەلىگىندەگى جەرىن مايعا بەرەدى، وسىدان تاپقان قاراجاتپەن قيىنشىلىعى بار وقۋشىلارعا كومەكتەسەدى.
ءاشىمحان قارتتىڭ وسىنداي مەيىرگە تولى ارەكەتتەرى ۇيرەنۋگە تاتيدى، ادامدار اراسىندا مەيىر – ماحاببات بولعان كەزدە جەتپەيتىن ماقسات، جەڭبەيتىن قيىندىق بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
