جۇڭگو مەن قازاقستان ءبىر بەلدەۋ، ءبىر جولدى نىق قاداممەن بىرگە كوركەيتەدى (باس ەلشى ەستەلىكتەرى)
جاڭ شياۋ
2018.11.21 14:00 كەلۋ قاينارى : حالىق تورابى
قازاقستان — جۇڭگونىڭ جان – جاقتىلى ستراتەگيالىق سەرىگى، ««ءبىر بەلدەۋ، ءبىر جول» قۇرىلىسى تۇڭعىش رەت ورتاعا قويىلعان جەر. 2013 – جىلى 9 – ايدا، مەملەكەت ءتوراعاسى شي جينپيڭ قازاقستانعا ساپارلاي بارعان كەزدە «جىبەك جولى ەكونوميكالىق بەلدەۋى» ۇندەۋىن ورتاعا قويىپ، پرەزيدەنت نازاربايەۆتىڭ ىحىلاستى ءۇن قوسۋىنا جانە قولداۋىنا يە بولعان. پرەزيدەنت نازاربايەۆ 2014 – جىلى 11 – ايدا حالىققا جولداۋىن جاريالاعان كەزدە «نۇرلى جول» جاڭا ەكونوميكالىق جوسپارىن ورتاعا قويعان، مۇنداعى ماقساتى قازاقستاندى جۇڭگو، ەۆروپا جانە ورتا شىعىس قاتارلى ءىرى نارىقتاردىڭ اراسىن بايلانىستىراتىن نەگىزگى تاسىمال ارناسى جانە زات اينالىمى وزەگى ەتىپ قۇرىپ شىعۋ بولىپ تابىلادى. 2016 – جىلى 9 – ايدا جۇڭگو مەن قازاقستان ەكى ەل ۇكىمەتى «‹جىبەك جولى ەكونوميكالىق بەلدەۋى› قۇرىلىسى مەن ‹نۇرلى جول› جاڭا ەكونوميكالىق ساياساتىن ۇشتاستىرۋ جونىندە سەلبەستىك جاساۋ جوسپارىنا» قول قويدى. جۇڭگو مەن قازاقستان ەكى ەل ءبىر – بىرىمەن سايكەسىپ، ماقساتتارى ءبىر جەردەن شىعىپ، «ءبىر بەلدەۋ، ءبىر جول» قۇرىلىسى سىندى ۇلى ءىستى قول ۇستاسا ىلگەرىلەتتى.
5 جىلدان بەرى، جۇڭگو مەن قازاقستان «ءبىر بەلدەۋ، ءبىر جولدى» نىق قاداممەن بىرگە گۇلدەندىرىپ، قۋانارلىق ناتيجەلەرگە قول جەتكىزدى. قازىر جۇڭگو مەن قازاقستان اراسىندا جىل بويى ءوزارا اشىق تۇراتىن 5 وتكەل، شەكارا اتتاپ مۇناي – گاز تاسىمالدايتىن 5 قۇبىر، شەكارا اتتاعان تەمىر جول نەگىزگى جەلىسىنەن 2 جەلى جانە حالىقارالىق شەكارا سەلبەستىك ورتالىعىنان ءبىر ورتالىق بار، جۇڭگو مەن قازاقستاننىڭ ليانيۇنگاڭ زات اينالىمى سەلبەستىك بازاسى، «قورعاس – شىعىس قاقپا» ەكونوميكالىق ەرەكشە رايونى قۇرعاق پورتى، «باتىس ەۆروپا – باتىس جۇڭگو» جوعارى قارقىندى تاس جولى، شەكارا اتتاپ وتەتىن قازاقستان – جۇڭگو – ەۆروپا كەزەكتى پويەزى قاتارلى نىساندار ۇزدىكسىز ىسكە قوسىلدى؛ ەكى جاق ءوندىرىس قۋاتى سەلبەستىگى اياسىندا 51 ءتۇيىندى سەلبەستىك نىسانى جونىندە كەلىسىمگە كەلدى، بۇعان قوسىلاتىن جالپى قارجى مولشەرى 28 ميلليارد ا ق ش دوللارىنا تاياۋ، بۇل نىساندار حيميا ونەركاسىبى، اۆتوموبيىل، قورىتۋ، اۋىل شارۋاشىلىعى قاتارلى كوپتەگەن سالالارعا سايادى، قازاقستانداعى تۇڭعىش ەلەكتروليتتىك الۋمين زاۆودى مەن تۇڭعىش ءىرى تيپتەگى سۋ ەلەكتر ستانسياسى سالىندى، شىمكەنت وسىزاماندانعان قورىتۋ زاۆودى، قوستاناي قالالىق اۆتوموبيل بولشەكتەرىن قۇراستىرۋ زاۆودى، اقتوعاي مىس كەنىن ىرىكتەۋ زاۆودى، اقتاۋ اسفاليت زاۆودى، مينەرال سەمەنت زاۆودى، ازيا ۇلكەن ديامەترلى بولات تۇتىكشە زاۆودى، ايجۇي اۋىل شارۋاشىلىعى ونىمدەرىن مانەرلەۋ باقشاسى قاتارلى نىساندار جاڭبىردان سوڭعى بالاۋساداي بىرىنەن – سوڭ ءبىرى ىسكە قوسىلدى. ەكى جاق جۇڭگو مەن قازاقستاننىڭ ءوندىرىس قۋاتى سەلبەستىك قورىن قۇرىپ، ءوز ۆاليۋتالارىمەن ەسەپ جاساۋ جانە قۇندى قاعاز بيرجاسى جاقتارىندا سەلبەستىك ورىستەتتى، جۇڭگو مەن قازاقستاننىڭ وڭىرلەر ارا سەلبەستىك فورۋمىن قۇردى، «جۇڭگو ساياحات جىلىن» وتكىزدى، كۇڭزى ينستيتۋتىنان 5 ينستيتۋت اشتى، تۇڭعىش رەت جۇڭگونى زەرتتەۋ ورتالىعىن اشتى. جۇڭگو مەن قازاقستان «ءبىر بەلدەۋ، ءبىر جولدى» بىرگە كوركەيتۋ جاعىنداعى ساياساتتاردى ۇشتاستىرۋ، قۇرىلعىلاردى تۇتاستىرۋ، ساۋدانى ىركىلىسسىزدەندىرۋ، قارجى اينالىمىن بايلانىستىرۋ، حالىق تىلەگىن توعىستىرۋ قاتارلى جاقتاردا كۇن بۇرىن كورنەكتى تابىستارعا قول جەتكىزدى.
«ءبىر بەلدەۋ، ءبىر جولدى» بىرگە كوركەيتىپ، وسىنى تەكشە ەتە وتىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ — جۇڭگو مەن قازاقستاننىڭ ورتاق يگى تىلەگى. بۇل ماقساتتى قايتكەندە ىسكە اسىرۋعا بولادى؟ ءتوراعا شي جينپيڭ بيىل 8 – ايدا «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنىڭ 5 جىلدىعى جونىندەگى اڭگىمە ماجىلىسىنە قاتىناستى ءارى ماڭىزدى ءسوز سويلەپ، وسى جونىندە باعدار كورسەتتى: بۇدان بىلاي نازاردى ماڭىزدى تۇيىندەرگە شوعىرلاندىرىپ، مۇقيات زەردەلەپ، ايشىقتى دا اسەم «نازىك سىزبانى» ورتاق سىزىپ شىعۋىمىز كەرەك. نىسان قۇرىلىسى جاعىندا كۇش سالۋىمىز، نارىقتى كەڭەيتۋ جاعىندا كۇش سالۋىمىز، فينانستىق قامتاماسىزداندىرۋ جاعىندا كۇش سالۋىمىز كەرەك. جۇڭگو جاق قازاقستان جاقپەن بىرگە قۇلشىنىپ، اناعۇرلىم مول ۇلگىلىك سيپاتتاعى جانە نىشاندىق سيپاتتاعى سەلبەستىك نىساندارىن ىسكە اسىرىپ، جۇڭگو مەن قازاقستاننىڭ «ءبىر بەلدەۋ، ءبىر جول» قۇرىلىسىنىڭ ايشىقتى دا اسەم «نازىك سىزباسىن» ويداعىداي سىزىپ شىعۋىمىز كەرەك.
پرەزيدەنت نازاربايەۆ بيىل 10 – ايدا جاريالاعان حالىققا جولداۋىندا «ءبىر بەلدەۋ، ءبىر جول» ۇندەۋىنىڭ ەكى ەل سەلبەستىگىنە جاڭا قوزعاۋشى كۇش قوسقانىن باسا دارىپتەدى، 11 – ايدا استانا كلۋبىنىڭ جالپى جيىنىندا «ءبىر بەلدەۋ، ءبىر جول» ۇندەۋى ەكونوميكانىڭ جاھاندانۋى جاعىنداعى «جۇڭگو جوباسى» دەپ ماداقتادى. بۇل جۇڭگو مەن قازاقستان ەكى ەلدىڭ جوعارى دەڭگەيدەگى ساياسي سەنىمدىلىك پەن ورتاق سەلبەستىك تىلەگىن ايگىلەيدى. قازاقستان پرەمەر مينيسترى ساعىنتايەۆ بيىل 11 – ايدىڭ سوڭىندا جۇڭگودا ساپاردا بولادى ءارى جۇڭگو مەن قازاقستان ۇكىمەت باسشىلارىنىڭ ءتورتىنشى رەتكى مەرزىمدى كەزدەسۋىنە قاتىناسادى. بۇل رەتكى كەزدەسۋدىڭ مول تابىسپەن وتەتىنىنە، جۇڭگو مەن قازاقستاننىڭ «ءبىر بەلدەۋ، ءبىر جولدى» بىرگە كوركەيتۋدە اناعۇرلىم تەرەڭ، اناعۇرلىم ناقتى باعىتقا قاراي بەتتەۋىن ىلگەرىلەتۋگە پايداسىن تيگىزەتىنىنە سەنىمىمىز كامىل.
(اۆتورى جۇڭگونىڭ قازاقستاندا تۇراتىن باس ەلشىسى جاڭ شياۋ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
