نەگىزگى ساتىداعى كادرلەردى قاتاڭ باسقارۋمەن بىرگە، ولارعا شىنايى قامقورلىق جاساۋ كەرەك
لياۋ ۋىنگىن
2018.11.21 14:03 كەلۋ قاينارى : حالىق تورابى
جۋىردا بولعان ەكى ءىس جۇرت نازارىن اۋداردى: ونىڭ ءبىرى، انحۇي ولكەسىنىڭ بەلگىلى اۋدانىنداعى بەلگىلى مەكەمە باستىعىنىڭ ورىنباسارى ولكەلىك شارلاپ تەكسەرۋ گرۋپپاسى 4 مينۋت ىشىندە جالعاعان تەلەفوندى 4 رەت قابىلداماعاندىقتان، اتالعان اۋدان ونى كەدەيىلىكتەن ارىلتۋدا قامال الۋ قىزمەتىنە «اۋىر دارەجەدە ناشار ىقپال تۋدىردى» دەپ قاراپ، وعان جازا قولدانعان. توردوستار تۇس – تۇستان ونىڭ ءسوزىن سويلەگەندىكتەن، اتالعان اۋدان دەرەۋ تۇزەتۋ ەنگىزىپ، بۇل كادرگە بەرگەن جازانى كۇشىنەن قالدىرعان. ەندى ءبىرى، يۇننان ولكەسى چۋشيۇڭ وبلىسى جۋىردا وبلىس باسقاراتىن كادرلەردىڭ مىندەتكە وتىرۋ الدىنداعى ينفورماتسيالارىن جاريالاعان، ولاردىڭ اراسىنداعى 80 – جىلدان كەيىن دۇنيەگە كەلگەن كادردىڭ شاشى اعارىپ، ءوڭى قۋارىپ كورىنگەن سۋرەتى توردوستارعا وي تۇسىرگەن، كوپتەگەن توردوستار: «نەگىزگى ساتىداعى كادرلەرگە دە وڭاي ەمەس!» دەپ كۇرسىنگەن.
قىزمەت بايلانىسىمەن نەگىزگى ساتىداعى كادرلەرمەن ۇنەمى كەزدەسەمىن. ولاردىڭ اۋزىنان «نەگىزگى ساتىداعى كادرلەردىڭ جۇمىسى وڭاي ەمەس» دەگەن ءسوزدى ەڭ كوپ ەستيمىن. تەگى قانشالىقتى قيىن؟ نەگىزگى ساتىداعى ءىشىنارا كادرلەردىڭ اڭىسىنا قاراعاندا: ءبىرى، «قاربالاس» بولادى، نەگىزگى ساتىداعى قىزمەتتەر وتە كۇردەلى، مەيلى، كەدەيلىكتەن ارىلتۋدا قامال الۋ بولسىن، الدە، قايشىلىقتى شەشۋ نەمەسە ەكولوگيالىق ورتانى قورعاۋ بولسىن، قايسى قىزمەت بولسا دا، ءسوزسىز، تىڭعىلىقتى ىستەۋگە تۋرا كەلەدى، تيتتەي دە جالعاندىق ىستەۋگە كەلمەيدى، نەگىزگى ساتىداعى كادرلەردىڭ كۇندەلىكتى ءومىرى «قاربالاستىقپەن» وتەدى؛ ەندى ءبىرى، «شارشاۋ»، قىزمەت قاربالاستىعىنان تىس، رۋحاني جاقتا ۇنەمى بارىنشا مازاسىز كۇيدە جۇرەدى، ەشقانداي اعاتتىق جىبەرۋگە بولمايدى. ۇيتكەنى، كوپتەگەن ىستەر «ءبىر داۋىسپەن جوققا شىعارىلادى»، كەي ىستەر «ءبىر داۋىسپەن جوققا شىعارۋ» تىزىمدىگىنەن بوي كورسەتپەگەنىمەن، بۇل ىستەردە دە تيتتەي «پەيىلسىزدىك تانىتۋعا» مۇلدە بولمايدى، ماسەلە شىقسا، جاۋاپكەرشىلىگى قۋزاستىرىلادى.
شىعىس بولەكتەگى بەلگىلى اۋدانداعى بەلگىلى مەكەمەنىڭ باستىعى مىناداي مىسال كەلتىردى: جوعارى جاقتاعى ورىننان تۇستەن كەيىن ساعات 4تە تەلەفون كەلىپ، سول كۇنى جۇمىستان تۇسەردەن بۇرىن ءبىر ماتەريالدى تاپسىرۋدى تالاپ ەتەدى، دايىندايتىن ۋاقىت 2 ساعاتقا جەتپەيدى؛ كوپتەگەن جيىندار كادرلەردىڭ اتىن اتاپ، قاتىناسۋدى تالاپ ەتەدى، كەيبىر جيىن سىرت جەردە اشىلادى، ۇزاق جول باسىپ بارۋعا تۋرا كەلەدى، شارشاسا دا بارۋ قاجەت؛ جوعارى ورىن قىزمەتتى ۇنەمى ۋيچات توبى ارقىلى ورنالاستىرادى، قولفونعا ءبىراز ۋاقىت نازار اۋدارماي قالسا، «مىندەتىنە نەمقۇرايدى قاراعان» دەگەن كۇمانعا شاتىلۋى مۇمكىن.
ورتا بولەكتەگى بەلگىلى اۋداننىڭ اكىمى كۇرسىنە وتىرىپ مىنانى ايتتى: «مەيلى، سول كۇنى قانشا كەش ۇيىقتاساق تا، تاڭەرتەڭ ساعات 6دا ساعات قوڭىراۋىمەن ويانامىز. ‹بەس قوسىلعان ەكى›، ‹كۇندىزگە ءتۇندى قوسىپ ىستەۋ› دەگەن قالىپتى جاعدايعا اينالعان، وتباسىنداعىلارمەن بىرگە بولاتىن ۋاقىت وتە از، ابدەن تيتىقتادىق». دەگەنمەن، بۇل اۋدان اكىمى شىن ءسوزىن ايتىپ: «نەگىزگى ساتىداعى كادرلەر قىزمەتتىڭ ازابىنان قورىقپايدى، ايىپتاۋ از بولسا ەكەن، تۇسىنىستىك پەن كەڭ پەيىلدىلىك كوبىرەك بولسا ەكەن دەپ تىلەيدى»، — دەدى.
«مىڭ ساباق جىپكە ءبىر ينە». نەگىزگى ساتىداعى كادرلەر پارتيانىڭ بيلىك جۇرگىزۋىنىڭ نەگىزى. نەگىزگى ساتىداعى كادرلەردى قاتاڭ باسقارۋمەن بىرگە، ولارعا شىنايى قامقورلىق جاساۋ كەرەك. قاتاڭ باسقارۋ دەگەنىمىز «ۇقىقتى ءتۇزىمنىڭ قاپاسىنا قاماۋ» دەگەن ءسوز، نەگىزگى ساتىداعى كادرلەرگە قولىنداعى ۇقىقتى قادىرلەپ، بيلىك ۇقىعىن جەكە مۇددەسىنە پايدالانۋدان ساقتانۋدى ەسكەرتىپ وتىرۋ كەرەك؛ قامقورلىق جاساۋ دەگەنىمىز كادرلەر مەن قىزمەتكەرلەردىڭ كاسىپ كوزىن اشۋداعى قوزعاۋشى كۇشىنە شابىت بەرىپ، ولاردى ويى باسقاعا اۋمايتىن بولىپ، شات كوڭىلمەن مىندەتىن اتقارىپ، تىڭ ناتيجەلەردى جاراتۋعا جەبەۋ. قاتاڭ باسقارۋ مەن قامقورلىق جاساۋ ءبىر – بىرىمەن قاراما – قايشى ەمەس، قايتا ءوزارا تولىقتاپ وتىرادى، بىرەۋىنە بولا بىرەۋىن ەلەۋسىز قالدىرۋعا بولمايدى.
پارتيانىڭ 18 – قۇرىلتايىنان بەرى، نەگىزگى ساتىداعى قالىڭ كادرلەر قىزمەتتى قاجىرلىلىقپەن، تىڭعىلىقتى ىستەپ، حالىق جۇرتشىلىعىنىڭ تۇسىنۋىنە، قولداۋىنا، قۇرمەتتەۋىنە يە بولدى، پارتيا مەن جۇرتشىلىقتىڭ قارىم - قاتىناسى، كادرلەر مەن جۇرتشىلىقتىڭ قارىم – قاتىناسى كورنەكتى تۇردە جاقساردى. قازىر ءبىز قاتاڭ باسقارۋمەن بىرگە، نەگىزگى ساتىداعى كادرلەرگە اناعۇرلىم زور قامقورلىق كورسەتۋىمىز، ولاردىڭ بەينەتى مەن زەينەتىن كوبىرەك ۇعىنۋىمىز، ولاردى ساياسي جاقتا شابىتتاندىرىپ، قىزمەت جاعىندا ولارعا قولداۋ ءبىلدىرۋىمىز، مامىلە جاعىندا قامتاماسىزداندىرۋىمىز كەرەك. قوعامنىڭ ءار سالاسىنداعىلار نەگىزگى ساتىداعى كادرلەردى اناعۇرلىم ءتۇسىنۋى، ولارعا اناعۇرلىم كەڭ پەيىلدىلىك كورسەتۋى، نەگىزگى ساتىداعى كادرلەر مەن قىزمەتكەرلەردىڭ قىزمەتتى ورىستەتۋىنە تاماشا قوعامدىق تىنىستى ورتا جاراتىپ بەرۋى قاجەت. بۇكىل قوعامداعىلاردى نەگىزگى ساتىداعى كادرلەردى تۇسىنۋگە، ولارعا قامقورلىق كورسەتۋگە، ولاردى قولداۋعا جەبەپ، نەگىزگى ساتىداعى كادرلەر مەن قىزمەتكەرلەردىڭ قىزمەتتى ورىستەتۋ، كاسىپ جاراتۋ جاعىندعى قاۋلاعان قوزعاۋشى كۇشتەرىنە شابىت بەرۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
