ۋرىتۋ: قورا – جاي باجىسى زاڭ جوباسى قاتارلى جاقتارداعى قىزمەتتەردى كەمەلدەندىرۋدەمىز
2019.03.10 14:13 كەلۋ قاينارى : حالىق تورابى
حالىق تورابى، 3 – ايدىڭ 9 – كۇنى، بەيجيڭ. 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اقپارات ورتالىعى 3 – ايدىڭ 9 – كۇنى تۇستەن بۇرىن مەملەكەتتىك حالىق قۇرىلتايى اۋىل شارۋاشىلىعى جانە اۋىل – قىستاق كوميتەتىنىڭ مەڭگەرۋشى مۇشەسى چىن شيۋىندى، مەملەكەتتىك حالىق قۇرىلتايى قازىنا جانە ەكونوميكا كوميتەتى مەڭگەرۋشى مۇشەسىنىڭ ورىنباسارى ۋرىتۋدى، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەتى كوميتەتى مەڭگەرۋشىسىنىڭ ورىنباسارى ليۋ جۇنچىندى، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەتى كوميتەتى مەڭگەرۋشىسىنىڭ ورىنباسارى شۇي انبياۋدى، مەملەكەتتىك حالىق قۇرىلتايى قورشاعان ورتانى جانە بايلىق قاينارىن قورعاۋ كوميتەتىنىڭ مۇشەسى چىڭ ليفىڭدى «حالىق قۇرىلتايى زاڭ جاساۋ قىزمەتىنە» قاتىستى ماسەلەلەر جونىندە جۇڭگولىق جانە شەتەلدىك تىلشىلەردىڭ سۇراۋلارىنا جاۋاپ بەرۋگە ۇسىنىس ەتى.
ءتىلشىنىڭ «باجىنى زاڭمەن بەلگىلەۋ پرينسيپىن تياناقتاندىرۋ» جانە «قورا – جاي باجى زاڭىن بەلگىلەۋ» جونىندەگى سۇراۋلارىنا ۋرىتۋ بىلاي دەپ جاۋاپ بەردى: باجى الۋدى زاڭمەن بەلگىلەۋ پرينسپى دەگەنىمىز پارتيا ورتالىق كوميتەتى ورنالاستىرعان ماڭىزدى زاڭ شىعارۋ قىزمەتى، بۇل پرينسيپ بويىنشا، جاڭادان الىناتىن باجى تۇرلەرى حالىق قۇرىلتايى، سونداي – اق، ونىڭ تۇراقتى كوميتەتى ارقىلى بەلگىلەنگەن قاتىستى باجى زاڭدارىنا سايكەس اتقارىلۋى كەرەك، قازىر اتقارىلىپ وتىرعان باجى ەرەجەلەرىنە وزگەرىس ەنگىزۋ ارقىلى ولاردى زاڭ دەڭگەيىنە كوتەرۋ كەرەك.
قازىرگە دەيىن، مەملەكەتتىك حالىق قۇرىلتايى تۇراقتى كوميتەتى قورشاعان ورتانى قورعاۋ باجىسى زاڭى، تەمەكى باجىسى زاڭى، كەمە سيىمدىلىعى باجىسى زاڭى، ەگىستىك جەردى پايدالانۋ باجىسى زاڭى، اۆتوموبيل ساتىپ الۋ باجىسى زاڭى قاتارلى زاڭداردى بەلگىلەدى، كاسىپورىنداردىڭ تابىس باجىسى زاڭىنا جانە جەكەلەر تابىس باجىسى زاڭىنا وزگەرىس ەنگىزدى، سونىمەن بىرگە، بايلىق قاينارى باجىسى زاڭى جوباسىن العاشقى تەكسەرۋدەن وتكىزدى. الداعى جەردە قازىنا جانە ەكونوميكا كوميتەتى حالىق قۇرىلتايى تۇراقتى كوميتەتىنىڭ زاڭ شىعارۋ جوباسى مەن جىلدىق زاڭ شىعارۋ جوسپارىنىڭ تالاپتارىنا ساي قاتىستى تاراۋلاردى ارتقان قۇن باجىسى زاڭى، تۇتىنۋ باجىسى زاڭى، قورا – جاي باجىسى زاڭى، كەدەن باجىسى زاڭى، قالانى قورعاۋ جانە كوركەيتۋ باجىسى زاڭى، توقتام باجىسى زاڭى، ماركا باجىسى زاڭى، باجى جيناۋدى باسقارۋ زاڭى (وزگەرىس ەنگىزىلەتىن) قاتارلى زاڭ جوبالارىن جاساۋدى مىقتى ۇستاۋعا قۋزاپ، زاڭ جوبالارىن العاشقى قادامدا تەكسەرۋدەن وتكىزۋدى ويداعىداي ىستەپ، باجىنى زاڭ بويىنشا بەلگىلەۋ پرينسيپىندەگى زاڭ اتقارۋ مىندەتتەرىن ۋاقىتىندا ورىنداۋعا جانە تياناتقاندىرۋعا كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
