4 – ايدىڭ 1 – كۇنىنەن باستاپ، ىشكى ولكەدەگى تۇرعىنداردىڭ شەكارادان كىرىپ – شىعۋ كۋالىگىن «بۇكىل ەل بويىنشا ءبىرتۇتاس ءبىتىرۋ» ىسكە اسىرىلادى
كۋالىك ءبىتىرۋ بارىسىندا ساقشى بولىمشەسىنە تەك ءبىر رەت بارۋدى عانا تالاپ ەتەدى
2019.03.27 14:36 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 26 – كۇنى (ءتىلشى: شيۇڭ فىڭ) ءتىلشىنىڭ 3 – ايدىڭ 26 – كۇنى مەملەكەتتىك كوشى – قوندى باسقارۋ مەكەمەسىنەن ۇعىسۋىنشا، 4 – ايدىڭ 1 – كۇنىنەن باستاپ، جۇڭحۋا حالىق رەسپۋبليكاسىنىڭ جاي پاسپورتى، شياڭگاڭ مەن اۋمىنگە بارىپ – كەلۋ رۇقسات كۋالىگى، تايۋانعا بارىپ – كەلۋ رۇقسات كۋالىگى قاتارلى شەكارادان كىرىپ – شىعۋ كۋالىكتەرىن «بۇكىل ەل بويىنشا ءبىرتۇتاس ءبىتىرۋ» ءارى كۋالىك ءبىتىرۋ ءۇشىن ساقشى بولىمشەسىنە تەك ءبىر – اق رەت بارۋ ولشەمى ىسكە اسىرىلادى، دەمەك، ىشكى ولكەدەگى تۇرعىندار بۇكىل ەل كولەمىندەگى ءارقانداي شەكارادان كىرىپ – شىعۋدى باسقارۋ ورنىنان جوعارىدا اتالعان كۋالىكتەردى بىتىرۋىنە بولادى، ءبىتىرۋ رەسميەتى نوپوسى تۇرعان جەردەگىمەن ۇقساس بولادى.
شەكارادان كىرىپ – شىعۋ كۋالىگىن «بۇكىل ەل بويىنشا ءبىرتۇتاس ءبىتىرۋ» جولعا قويىلعاننان كەيىن، ءۇش ءتۇرلى «بىتىرۋگە بولاتىن» جاعداي جاراتىلاتىن بولادى: بۇكىل ەلىمىزدىڭ جەر – جەرىندە بىتىرۋگە بولادى، دەمەك، ىشكى ولكەلەردەگى تۇرعىنداردىڭ بۇكىل ەلىمىزدەگى ءارقانداي شەكارادان كىرىپ – شىعۋدى باسقارۋ ورىندارىنا اتالعان كۋالىكتەردى بىتىرۋگە ءوتىنىش بەرۋىنە بولادى؛ ىشكى ولكەلەردەگى تۇرعىنداردىڭ بارلىعى بىتىرە الادى، دەمەك، نوپوسى تۇرعان جەر، قونىستانعان جەر سىندى شارت – جاعدايلاردىڭ شەكتەمەسىنە ۇشىرامايدى، ىشكى ولكەلەردەگى تۇرعىندارىڭ بارلىعى اتالعان كۋالىكتەردى بىتىرۋگە سىرت جەردە ءوتىنىش بەرە الادى؛ شەتەلگە شىعۋ، شەكارادان شىعۋ كۋالىكتەرىنىڭ بارلىعىن بىتىرۋگە بولادى، دەمەك، جۇڭحۋا حالىق رەسپۋبليكاسىنىڭ جاي پاسپورتى، شياڭگاڭ مەن اۋمىنعا بارىپ – كەلۋ رۇقسات كۋالىگى، تايۋانعا بارىپ – كەلۋ رۇقسات كۋالىگى قاتارلى كۋالىكتەردىڭ بارلىعىن بىتىرۋگە سىرت جەردە ءوتىنىش بەرۋگە بولادى. ۇعىسۋعا قاراعاندا، بۇل رەت جولعا قويعان جاڭا ءادىس - شارالاردىڭ ىشىندە شياڭگاڭ، اۋمىن، تايۋانعا ۇيىرمەمەن بىرگە ساياحاتتاي بارۋ ۆيزالىق بەكىتپەسىنە سىرت جەردە ءوتىنىش بەرگەن كەزدە، ۆيزالىق بەكىتپەنى اۆتوماتتى ماشينا ارقىلى بىتىرۋگە ءوتىنىش بەرۋگە ءارى دەرەۋ ءبىتىرىپ الۋعا بولاتىنى سىندى ءادىس - شارالار قامتىلعان.
ەلىمىز ەكونوميكاسى مەن قوعامىنىڭ جەدەل دامۋىنا ىلەسە، بۇكىل ەلىمىزدەگى جان سانىنىڭ جىلجىمالى بولۋ جاعدايى دا كوبەيىپ، سىرت جەردە كاسىپتەنۋ، وقۋ، سىرت جەردە كاسىپ كوزىن اشۋ، زەينەتكە شىققان سوڭ سىرت جەرگە قونىستانۋ قاتارلى جاعدايلار كوبەيدى، حالىق جۇرتشىلىعىنىڭ شەكارادان كىرىپ – شىعۋ كۋالىكتەرىن سىرت جەردە ءبىتىرۋ قاجەتى ۇزدىكسىز ارتۋ بەتالىسىن ساقتادى. مەجەگە قاراعاندا، 2019 – جىلى سىرت جەردە شەكارادان كىرىپ – شىعۋ كۋالىگىن ءبىتىرۋ مولشەرى 21 ميلليوننان استام ادام – رەتكە جەتەدى، بۇدان بىلاي بۇل بەتالىس جىل سايىن زور مولشەردە ارتا تۇسەدى. «بۇكىل ەل بويىنشا ءبىرتۇتاس ءبىتىرۋدى» اتقارۋ بارىسىندا شەكارادان كىرىپ – شىعۋ كۋالىگىنە نوپوسى تۇرعان جەردە ءوتىنىش بەرۋ سىندى بەلگىلەمەگە رەفورما جاسالدى، بۇدان بىلاي ىشكى ولكەدەگى تۇرعىندار كۋالىك ءبىتىرۋ ءۇشىن نوپوسى تۇرعان جەرگە ارنايى قايتىپ جۇرمەيدى، بۇل ۋاقىت پەن وزىندىك قۇندى تومەندەتەدى، تاماق، جاتاق، جول قاراجاتتارىن ازايتادى، جۇرتشىلىقتىڭ كۋالىك ءبىتىرۋ بارىسىنداعى اۋىرتپالىقتارىن ءونىمدى تۇردە جەڭىلدەتەدى.
مەجەگە قاراعاندا، تەك قاتىناس قاراجاتىنىڭ وزىنەن ءبىر جىل ىشىندە جۇرتشىلىق 20 ميلليارد يۋاننان استام قاراجات ۇنەمدەپ قالادى. سونىمەن بىرگە، قاتىستى كاسىپورىنداردىڭ سىرت جەردەگى قىزمەتكەرلەرى شەتەلگە شىعۋ، شەكارادان شىعۋ بارىسىندا نوپوسى تۇرعان جەرگە بارماي – اق، شەكاردان كىرىپ – شىعۋ كۋالىگىنە ءوتىنىش بەرە الادى، بۇل تيجارات ەتۋ جانە باسقارۋدىڭ وزىندىك قۇنىن ءونىمدى تۇردە ۇنەمدەتىپ، كاسىپورىنداردىڭ باسەكەلىك قۋاتىن جوعارىلاتىپ، كاسىپورىنداردىڭ دامۋىنا اناعۇرلىم ساپالى تيجارات – ساۋدا ورتاسىن جاراتىپ بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
