بيىل اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تۇيىندە سىناق ەتۋدە اۋىل شارۋاشىلىعىنا ساياتىن بارلىق اۋداندى شارپۋعا كۇش سالىنادى
2020.04.28 17:27 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 27 - كۇنى، بەيجيڭ (ءتىلشى يۇي ۋىنجيڭ). اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭفۋ مىنانى ءبىلدىردى: اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن ىلگەرىلەتۋ − اۋىل - قىستاق رەفورماسىن جاپپاي تەرەڭدەتۋدىڭ ماڭىزدى مىندەتى جانە اۋىل - قىستاقتى گۇلدەندىرۋ ستراتەگياسىن اتقارۋدىڭ ماڭىزدى تۇتقاسى. 2020 - جىلى رەفورمانى تۇيىندە سىناق ەتۋدە ولكە دارەجەلى ورىنداردى جاپپاي قامتۋدى جۇزەگە اسىرىپ، رەفورمانى اۋىل شارۋاشىلىعىنا ساياتىن بارلىق اۋدانعا دەيىن كەڭەيتۋگە كۇش سالۋ كەرەك.
مەملەكەتتىك كەڭەستىڭ تاپسىرۋىمەن حان چاڭفۋ تاياۋدا اشىلعان مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 17 - ماجىلىسىندە مەملەكەتتىك كەڭەستىڭ اۋىل - قىستاق كوللەكتيۆ مال - مۇلىك ۇقىعى تۇزىمىنە رەفورما جاساۋ احۋالىنان بايانداما جاساعاندا جوعارىداعى احۋالدى تانىستىردى.
باياندامادا بىلاي دەپ اتاپ كورسەتىلدى: 2015 - جىلدان بەرى ورتالىق اۋىل شارۋاشىلىق كەڭسەسى، اۋىل شارۋاشىلىعى، اۋىل - قىستاق مينيسترلىگى قاتىستى تاراۋلارمەن بىرگە 4 توپتاعى اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تۇيىندە سىناق ەتۋدى ۇيىمداستىردى، تۇيىندە سىناق ەتەتىن ورىندار 15 ولكەنى (اۆتونوميالى رايون، توتە قاراستى قالا)، 89 ايماق، قالانى، 442 اۋداندى (قالا، رايون) قامتدى، باسقا ولكەلەر (اۆتونوميالى رايون، توتە قاراستى قالا) تاعى ءبىر ءبولىم اۋدان، قىستاقتى وزدەرى تاڭداپ ولكە دارەجەلى تۇيىندە سىناق ەتۋدى ورىستەتتى، ءار دارەجەلى تۇيىندە سىناق ەتىلەتىن ورىندار بۇكىل ەل بويىنشا %80 اينالاسىنداعى اۋداندى (قالا، رايون) قامتىدى. قازىر بۇكىل ەل بويىنشا 360 مىڭنان استام قىستاق رەفورمانى ورىنداپ بولدى، كوللەكتيۆ شارۋاشىلىق ۇيىمىنىڭ مۇشەلەرى 600 ميلليون ادامنان استى.
قازىر اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى ءالى دە كەيبىر قيىنشىلىقتار مەن ماسەلەلەرگە ءدوپ كەلىپ وتىر. مۇندا جەر - جەردە رەفورمانىڭ بىركەلكى، تولىق بولماۋ قامتىلادى، كەي جەرلەردە جوعارى جاق بەلسەندى بولعانمەن، تومەن جاق بەلسەندى بولماۋ ءجايتى ءومىر ءسۇرىپ وتىر، از ساندى جەر كوللەكتيۆ شارۋاشىلىق ۇيىمىنىڭ مۇشەسى سالاۋاتىن تۇراقتاندىرعاندا، نوپوسى ءالى دە سول قىستاقتا تۇرعان، سىرتقا ۇزاتىلعان قىزدى شىعارىپ تاستاعان، كەيبىر جەردىڭ كوللەكتيۆ مال - مۇلىك تيجاراتىن باسقارۋ ورەسى جوعارى ەمەس. سونىمەن بىرگە، ساياساتتىق قولداۋ تەبىنىن كۇشەيتۋگە تۋرا كەلەدى، قاتىستى زاڭ - ءتۇزىم ءالى كەمەلدەنە قويعان جوق، اۋىل - قىستاقتاعى قاتىستى رەفورمالارمەن ۇشتاسۋ ءالى دە جەتەرسىز.
حان چاڭفۋ بايانداماسىندا بىلاي دەدى: بۇدان بىلايعى ءبىر مەزگىلدە اۋىل – قىستاقتىڭ كوللەكتيۆ مال – مۇلىك ۇقىعى ءتۇزىمى رەفورماسىن تەرەڭدەتىپ، جەر – جەردىڭ داعدىلى ىندەتتەن ساقتانۋ – تىزگىندەۋ شاراسى بارىسىندا تيجاراتتىق مال – مۇلىك جارنا سەلبەستىك ءتۇزىمى رەفورماسىن ويداعىداي ىستەۋىنە جەتەكشىلىك ەتىپ، مۇشەلەردىڭ سالاۋاتىن تۇراقتاندىرۋ، مال – مۇلىكتى جارناعا سىندىرۋ، تىزىمگە الۋ، باقىلاۋ - باسقارۋ ءنومىرىن ءبىتىرۋ سياقتى قىزمەتتەردى جۇيەلى، ءتارتىپتى ورىستەتىپ، سىرتقا ۇزاتىلعان قىزداردىڭ ەكى جاقتان دا قۇر الاقان قالۋى سياقتى ماسەلەلەردەن ساقتانىپ ءارى ونى بايىپپەن شەشىپ، رەفورما مىندەتىن ۋاعىندا نەگىزىنەن ورىنداۋعا كەپىلدىك ەتۋ كەرەك.
ول مىنانى ءبىلدىردى: اۋىل - قىستاق كوللەكتيۆ مال - مۇلىك تيجاراتىن باسقارۋ ونىمدىلىگىن جوعارىلاتىپ، كوللەكتيۆ شارۋاشىلىقتى تۇيىندە سىناق ەتۋدەن، دامىتۋدان ۇلگى كورسەتۋ ىستەرىن ورىستەتىپ، رەفورمانى قولداۋ ساياسات جۇيەسىن اقاۋسىزداندىرىپ جانە كەمەلدەندىرىپ، اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىنا قاتىستى جەڭىلدىكتەر مەن سۇيەمەلدەۋ ساياساتتارىنان ويداعىداي پايدالانىپ، اۋىل - قىستاق كوللەكتيۆ شارۋاشىلىق ۇيىمدارىنىڭ زاڭ شىعارۋ اياق الىسىن جەدەلدەتىپ، اۋىل - قىستاقتىڭ قاتىستى رەفورماسىمەن ءونىمدى سايكەسۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
