- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وقىتۋ تۇيىندەرى قالپىنا كەلتىرىلسە يگى ەدى
تۇردان جاناقىن ۇلى
2015.02.06 13:45
«شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ مىندەتتى وقۋ–اعارتۋ زاڭىن> اتقارۋ ءادىسىنىڭ 2–تاراۋ، 40–تارماعىندا: ءار دارەجەلى حالىق ۇكىمەتتەرى وقۋ جاسىنداعى بالالار مەن وسپىرىمدەردىڭ ناپوسى تۇرعان جەردە وقۋعا كىرۋىنە مۇمكىندىك جاراتۋ كەرەك دەپ بەلگىلەنسە، <شينجياڭ ۇيعۇر اۆتونوميالى رايونىنىڭ مىندەتتى وقۋ–اعارتۋىنىڭ وقىتۋ تۇيىندەرىن قۇرۋ ولشەمىنىڭ (سىناق نۇسقا)> 4–تارماعىندا: مال شارۋاشىلىق وڭىرلەرىندەگى وقىتۋ تۇيىندەرىندەگى وقۋشىلار پرينسيپتىك جاقتان جاتاققا جاتىپ وقۋىنا بولمايدى (شەت–شالعاي تاۋلى وڭىرلەردەگى بىتىراندى قونىستانعانداردان سىرت)، 3 كيلومەتردەن الىس وقىتۋ تۇيىندەرىن بىرىكتىرۋگە بولمايدى» دەپ بەلگىلەنگەن دەيدى ساياسي كەڭەس مۇشەسى تابيعات ارميا ۇلى.
وسى جولعى ماجىلىسىكە «وقىتۋ تۇيىندەرى قايتادان قالپىنا كەلتىرىلسە» دەگەن ۇسىنىس الا كەلگەن تابيعات بىلاي دەيدى: مەملەكەتتىڭ مىندەتتى وقۋ–اعارتۋ زاڭىندا ايقىن بەلگىلەمە بولا تۇرا قازىر رايونىمىز كولەمىندە وقىتۋ تۇيىندەرى نەگىزىنەن جابىلىپ بولدى، 3 كيلومەتردەن الدەقايدا الىس مەكتەپتەر بىرىكتىرىلىپ كەتتى. بۇدان مىناداي بىرنەشە ناقتى ماسەلەلەر جارىققا شىقتى. بىرىنشىدەن، مەكتەپ الىس، بالا كىشكەنە بولعاندىقتان اتا–انالارى بالالارىن مەكتەپكە تاسۋمەن كۇنى وتەتىن باسى ارتىق شارۋا جارىققا شىقتى. ەكىنشىدەن، جاز مەزگىلدەرىندە بالالارىن موتوتسيكلمەن مەكتەپكە تاسىسا، قىستا قارا اۆتوكولىكتەرگە سالىپ مەكتەپكە جىبەرەتىن بولدى، بۇل بالالاردىڭ حاۋىپسىزدىگىنە اۋىر دارەجەدە ىقپال ەتىپ وتىر. ۇشىنشىدەن، بالالارىن اۋىل–قالاشىقتارداعى مەكتەپتەردە وقىتۋ ءۇشىن ءبىر بالاعا ايىنا 160 يۋان قاتىناس قاراجات، تۇسكى تاماعى ءۇشىن 100 يۋان كەتەدى. بۇل دا اتا–انالارعا اۋىر ەكونوميكالىق اۋىرىتپاشىلىق ارقالاتىپ وتىر.
تورتىنشىدەن، بالالاردىڭ تۇستە دەمالاتىن، ۇيىقتايتىن ورنى بولماعاندىقتان، بۇل ولاردىڭ اقاۋسىز ەرجەتۋىنە ىقپال ەتۋمەن بىرگە، اتا–انالارى مەن مۇعالىمدارى دا الاڭسىز بولا المايدى. بەسىنشىدەن، 6–7 جاستاعى بالالار جاتاقتا جاتىپ وقىسا، جاسى كىشىلەرى جاتاقتا جاتا المايدى. ال وتباسىندا قيىنشىلىعى بار، اۋرۋ– سىرقاۋ، مۇگەدەك وتباسىلارىنىڭ بالالارىن وقۋعا اپارۋى ءتىپتى قيىن. ال كەيبىر اتا–انالار بالالارىن وقىتۋ ءۇشىن اكەسى مال باعىپ قالسا، شەشەسى اۋىل، قالاشىق نەمەسە اۋداننان ءۇي مايعا الىپ، امالسىزدان ەكىگە بولىنەتىن بولدى. بۇل شارۋالارعا تۇرمىستىق جانە ەكونوميكالىق جاقتان اۋىرىتپاشىلىق تۋدىردى، اۋەلى وتباسى بەرەكەسىنە دە ىقپال ەتىپ وتىر. تابيعات وسى ماسەلەلەردى شەشۋ ءۇشىن وبلىستىق پارتكوم مەن حالىق ۇكىمەتى جانە قاتىستى تاراۋلار تەكسەرىپ–زەرتتەۋ ارقىلى جابىلىپ قالعان بارلىق وقىتۋ تۇيىندەرىن قالپىنا كەلتىرىپ، بالالاردىڭ اقاۋسىز ەسەيىپ–ەرجەتۋىنە كەپىلدىك ەتىپ، اتا–انالاردى باسى ارتىق اۋىرەشىلىكتەن قۇتىلدىرسا دەگەن ۇسىنىسىن ايتادى.
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
