- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنان شىعاتىن جانە شينجياڭ ىشىندەگى ءار قايسى اۋە لەنيالارىندا بەلەت جەتكىلىكتى
2015.02.06 14:42 كەلۋ قاينارى : شينجياڭ حالىق راديو ستانسياسى تورابى
4-اقپان بيىلعى شاعان مەزگىلىندەگى تاسىمالدىڭ باستالعان العاشقى كۇنى، ستانسيامىز اۆياتسيا تاسىمالى اينالىمى جاعدايىن ۇعىسۋعا تىلشىلەردى جىبەردى. ەندى تىلشىلەرىمىز لي گاڭنىڭ، دۇڭ جىيۇڭنىڭ رايونىمىزدىڭ حالىقتىق اۆياتسياسى جاعىندا شينجياڭنان شىعاتىن جانە شينجياڭ ىشىندەگى ءار قايسى اۋە لەنيالارىندا بەلەت جەتكىلىكتى ەكەنىن، باعاسى ءسال جوعارىلاعانىن ۇعىستى.
تاڭعى ساعات 8 دەن 18 مينۋت وتكەندە، وڭتۇستىك اۆياتسيا سەرىكتەستىگىنىڭ ءبىر كەزەكشى ايروپىلانىنىڭ ۇشۋىنا بايلانىستى، رايونىمىزدىڭ 2015-جىلعى حالىقتىق اۆياتسيانىڭ شاعان كەزىندەگى تاسىمالى رەسمي باستالدى. ءۇرىمجى حالىقارالىق اۋە جايدىڭ T2,T3 ايروپىلان كۇتۋ عيماراتىندا، ءتىلشى ءار قايسى اۆياتسيا سەرىكتەستىگىنىڭ كەزەكشى تەكشەسىنىڭ تۇگەلدەي اشىلىپ، 60 نەشە اۆتوماتتى جابدىعىنىڭ دا ىسكە قوسىلعانىن كوردى. شينجياڭ اۋەجاي توبىنىڭ ساناعىنا قاراعاندا، 4-اقپان كۇنى، ءۇرىمجى حالىقارالىق اۋەجايدان 418 كەزەكشى ايروپىلان ۇشىپ قونعان، 3-اقپانمەن سالىستىرعاندا، 25 كەزەكشى ايروپىلان كوبەيتىلگەن. شينجياڭ اۋەجاي توبىنىڭ كەزەكشى ايروپىلان كۇتۋ عيماراتىن باسقارۋ ءبولىمىنىڭ جاۋاپتىسى جۋ فىڭ بىلاي دەپ تانىستىردى: شاعان كەزىندەگى تاسىمالدىڭ العاشقى كۇنى، جولاۋشىلار مولشەرىنىڭ ارتۋى كورنەكتى بولمادى، بەلەت باعاسى ءسال جوعارىلادى. مەجەمەن 15-، 16-اقپان كۇندەرى جولاۋشىلار كوپ بولاتىن سياقتى. ءار قايسى قامتاماسىزداندىرۋ ورىندارى شۇعىل توتەپ بەرۋ جوباسىن الدىن الا جاساپ بولدى. قازىر تەكشەلەر، اۆتوماتتى جابدىقتار تۇگەلدەي اشىلدى، حاۋىپسىزدىكتى تەكسەرۋ جولى دا كەشىگىپ كەلگەن جولاۋشىلاردى تەز وتكىزۋ جولىن اشىپ، جولاۋشىلاردىڭ حاۋىپسىزدىك تەكسەرۋدەن تەز وتۋىنە مۇمكىندىك جاراتتى. شاعاننىڭ تاسىمال مەزگىلىندە، رايونىمىزدىڭ حالىقتىق اۆياتسياسىنىڭ جولاۋشىلاردى تاسۋ مولشەرى 2 ميلليون 500 مىڭ ادام رەتتەن اسىپ، ارتۋ مولشەرى %10 مولشەرىندە بولادى. قازىر، ۇرىمجىدەن گۋاڭجۋ، حاڭجۋ، سانيا سياقتى جەرلەرگە ۇشاتىن ايروپىلاننىڭ بەلەت باعاسى ۇزدىكسىز جوعارىلادى. وڭتۇستىك اۆياتسيا شينجياڭ بولىمشە سەرىكتەستىگى بازار ءبولىمىنىڭ باستىعى جياۋ يان بىلاي دەدى: شينجياڭنان جىڭجۋ، سانيا، چىڭدۋعا ۇشاتىن ايروپىلان بەلەتتەرى نەداۋىر تاپشى، سانياعا باراتىن ايروپىلاننىڭ بەلەتى نەگىزىنەن ءبۇتىن باعادا ساتىلادى، شينجياڭنان باسقا جەرلەرگە ۇشاتىن ايروپىلانداردىڭ بەلەت باعاسى %30 تە %20 ارزانداتىلادى. شينجياڭ ىشىنە قاتىنايتىن ايروپىلانداردىڭ بەلەت باعاسى نەداۋىر تومەن، كورلادان ۇرىمجىگە دەيىن ەڭ تومەن بولعاندا بەلەت باعاسى 160 يۋان، 4-اقپاننان باستاپ شاعانعا قاراعان كۇنى جولاۋشىلار ەڭ كوپ بولادى، قايتىپ شاعاننىڭ 3-كۇنىنەن كەيىنگى ءبىر اپتادا دا جولاۋشىلار كوبەيىپ، قىسىم بارىنشا ارتادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
