- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءداستۇرلى قازاق ەمشىلىگىمەن ەمدەلۋ قاراجاتى قوعامدىق قامسىزداندىرۋ قورى ەسەبىنەن كوتەرۋ كولەمىنە ەنگىزىلسە
2015.02.06 13:39
اقپاننىڭ 4–كۇنى ساياسي كەڭسەس ىلە قازاق اۆتونوميالى وبلىستىق 12–كەزەكتى كوميتەتىنىڭ 4–ماجىلىسىنە قاتىناسىپ جاتقان مۇشە كۇلاشقان قادىربەك قىزىمەن تىلشىلىكتە بولعانىمىزدا، ول وسى رەتكى ماجىلىسكە «ءداستۇرلى قازاق ەمشىلىگىمەن ەمدەۋدى قوعامدىق قامسىزداندىرۋ قورى ەسەبىنەن كوتەرۋ كولەمىنە ەنگىزۋ» جونىندە ۇسىنىس الا كەلگەنىن ايتتى. ول بىلاي دەدى: قازاق ەمشىلىگىنىڭ تاريحى ۇزاق، ايقىن ۇلتتىق ەرەكشەلىككە يە بولۋمەن بىرگە، وزىندىك نازاريالىق جۇيەسى بار. ول قازاق ۇلتىنىڭ ۇزاق ۋاقىت ءتۇرلى اۋرۋلارمەن كۇرەس جاساۋ بارىسىنداعى قىمباتتى تاجىربيەلەرىنىڭ جيىنتىعى، ەلىمىزدىڭ وزىق مادەنيەتىنىڭ قۇرامداس بولەگى.
ءداستۇرلى قازاق ەمشىلىگى ءار دارەجەلى پارتكومدار مەن ۇكىمەتتەردىڭ قولداپ–قۋاتتاۋىنا يە بولىپ كەلەدى. اسىرەسە، ەلىمىزدە باتىس بولەكتى قاۋىرت اشۋ ستراتەگياسى اتقارىلۋى قازاق ەمشىلىگى ءدارى–دارمەك ىستەرىنىڭ دامۋىنا تاماشا تىڭ وراي الا كەلدى. ءداستۇرلى قازاق ەمشىلىگىنىڭ ەمدەۋ تاسىلدەرى مەن ەرەكشە ەمدەۋ ءادىسى ارقىلى كوپتەگەن ۇنەمى كورىلەتىن اۋرۋلاردى، سوزىلمالى اۋرۋلاردى جانە كۇردەلى اۋرۋلاردى ەمدەپ ساۋىقتىرۋ جاعىندا وزىندىك ەرەكشەلىگى بار. قازاق ەمشىلىگىندەگى سىنىق، وپەراتسيادان كەيىنگى سىرتقى جاراقاتتى جازۋ، قان قىسىم اۋرۋى، بەت–اۋىز قيسايۋ، بۇلشىق ەتتىڭ سوزىلمالى قابىنۋى، ءتۇرلى بۋىن اۋرۋلارى، مويىن، يىق بۋىنى شەمىرشەگى ءوسۋ، رەۆماتيزم، تەرى اۋرۋلارى سياقتى كوپتەگەن اۋرۋلاردى ەمدەۋ ءونىمى جوعارى. ال سالەمەتتىكتى ساقتاۋ جاعىنداعى رولى ءتىپتى دە جوعارى بولعاندىقتان، ءار ۇلت حالقىنىڭ جىلى قابىلداۋىنا يە بولىپ وتىر. الايدا ءداستۇرلى قازاق ەمشىلىگىنىڭ ەرەكشە ەمدەۋ تۇرلەرى كۇنى بۇگىنگە دەيىن قوعامدىق قامسىزداندىرۋ قورى ەسەبىنەن كوتەرۋ كولەمىنە ەنگىزىلمەي كەلەدى. جالپى حالىقتىق قوعامدىق قامسىزداندىرۋعا قاتىناسىپ وتىرعان بۇگىنگى كۇنى كوپتەگەن ناۋقاستار ەسەپتەن كوتەرىلمەيتىن بولعان سوڭ ەمدىك ءونىمى جوعارى قازاق ەمشىلىگىمىزبەن ەمدەلە الماي كەلەدى. بۇل ماسەلەنى ءار ۇلت ناۋقاستارى ۇنەمى اڭىس ەتىپ كەلەدى. قازىر التاي ايماقتىق قازاق شيپاحاناسى ەمدەۋ تۇرلەرىنەن بۇلاۋ، سىنعان سۇيەكتى تاقتايشامەن ورنىقتىرۋ، بەل اۋرۋىن قىزدىرما ارقىلى ەمدەۋ، قۇم بۇلاۋ، شەتپە سىندى 24 ءتۇرلى كلينيكالىق ەمدەۋ ءتاسىلىن قولدانىپ وتىر. ال وزگە ايماقتاردىڭ اۋدان، اۋىلدارىندا دا وسى ەمدەۋ ادىستەرى جاپپاي قولدانىلىپ كەلەدى. دەسە دە ءبارى دە نەگىزىنەن ەمدەۋدى قوعامدىق قامسىزداندىرۋ قورىنان ەسەبىنەن كوتەرۋ كولەمىنە ەنگىزىلمەگەندىكتەن، ءار ۇلت ناۋقاستارىنىڭ قازاق ەمشىلىگىنە بولعان قاجەتىن قامداي الماي وتىر،– دەي كەلىپ، مىناداي ۇسىنىسىن العا قويدى:
بىرىنشىدەن، ادامداردىڭ دەنساۋلىق ساقتاۋ كوزقاراسى مەن وسى زامانعى مەديتسينا فورماسىنداعى وزگەرىسكە ىلەسە، قازاق ەمشىلىگى ءوزىنىڭ تاماشا ەرەكشەلىگىن ايگىلەي ءتۇستى. قاتىستى تاراۋلار جاڭا ءبىر كەزەكتى ەمدەۋ قامسىزداندىرۋ تىزىمدىگىنە وزگەرىس ەنگىزۋ ورايىندا قازاق ەمشىلىگىندەگى دارىلەردى جاڭا تىزىمدىككە ەنگىزسە؛ ەكىنشىدەن، ەمدەۋدى قامسىزداندىرۋ تاراۋلارى بەلگىلى مەزگىلدە مامانداردى ءداستۇرلى قازاق ەمشىلىگىمەن ەمدەۋدىڭ اقى الۋ ءتۇرى جانە باعاسى جونىندە دالەلدەۋ جۇرگىزۋگە ۇيىمداستىرىپ، ناۋقاستاردى رازى ەتسە؛ ۇشىنشىدەن، مامانداردىڭ ساراپتاۋىنان وتكىزگەن سوڭ ونى ەمدەۋ قامسىزداندىرۋ قورى ەسەبىنەن كوتەرۋ كولەمىنە ەنىگىزۋمەن بىرگە، ەسەپتەن كوتەرۋ سالىستىرماسىن بەلگىلەسە؛ تورتىنشىدەن، ايماق، اۋدان، قالا شيپاحانالارىندا ءداستۇرلى قازاق ەمشىلىگىندەگى ەرەكشە ەمدەۋ تۇرلەرىن، قازاقى دارىلەرى اۋىل–قىستاق جاڭاشا سەلبەسىپ ەمدەۋدىڭ ەسەپتەن كوتەرۋ كولەمىنە ەنگىزىلسە؛ بەسىنشىدەن، وبلىستىق، ايماقتىق ۇكىمەتتەر قاتىستى ءتيىمدى ساياساتتار شىعارىپ، قازاق ەمشىلىگىنىڭ ەرەكشەلىگى مەن باسىمدىعىن ساۋلەلەندىرۋگە مۇمكىندىك جاراتسا؛ التىنشىدان، قازاق ەمشىلىگى بويىنشا ەمدەلۋدى قوعامدىق قامسىزداندىرۋ قورى قارجىسىنان كوتەرۋ كولەمىنە ەنگىزىلسە ناۋقاستار مەن ءداستۇرلى شيپاگەرلەرىمىزدىڭ بەلسەندىلگىن جوعارىلاتۋمەن بىرگە، ءداستۇرلى قازاق ەمشىلىگى ىستەرىنىڭ دامۋىنا تۇرتكى بولار ەدى. (تۇردان جاناقىن ۇلى )
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
