- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىلداستىڭ تىلەگىن جەتكىزۋ ـ مەنىڭ بورىشىم
2015.02.06 13:43
حالىق قۇرىلتايى ۋاكىلدەرى حالىققا ۋاكىلدىك ەتەدى ءارى پارتيا مەن مەملەكەت ورگاندارىنىڭ حالىق بۇقاراسىمەن قويۋ بايلانىس جاساۋىنا دانەكەر بولادى. پارتيا مەن حالىق سەنىم ارتاتىن ماڭىزدى ساياسي كۇش سانالادى. وسى قاسيەتتى بورىشتارى مەن وسكەلەڭ جاۋاپكەرشىلىكتەرىن ايقىن سەزىنگەن قۇرىلتاي ۋاكىلدەرى قىزۋ تالقىعا قاتىناسىپ، ءوز جەرلەرىندەگى ءار ۇلت حالقىن تولعاندىرىپ وتىرعان تولعاقتى تۇيىندەردى، اۋىلداستارىنىڭ ءوندىرىسى مەن تۇرمىسىنا تىكە قاتىستى ماسەلەلەردى تالقىدان قاعىس قالدىرماۋعا ۇمتىلدى. كوكتوعاي اۋدانىنىڭ شاكۇرتى قالاشىعىنان كەلگەن مالشى، حالىق قۇرىلتايى ۋاكىلى زايىتقان ىسقاق ۇلى ءۇنسىز ۇلەس قوسىپ جاتقان شومبال شوپانداردىڭ تىلەگى ەدى دەپ مىناداي ۇسىنىستارىن ورتاعا سالدى:
ءبىرىنشى، مالشىلاردى وتىرىقتاندىرۋ تەبىنى كۇشەيتىلىپ، شالعاي وڭىرلەردەگى باسپانا شارت–جاعدايى جاقسارتىلسا. اۆتونوميالى رايونداعى ءىرى مال شارۋاشىلىق اۋداندارىنىڭ ءبىرى سانالعان كوكتوعاي اۋدانى جايىلىم اۋماعىنىڭ كەڭدىگى، مال باسى سانىنىڭ مولدىعىمەن تانىمالى. وسى وڭىردە ءار تۇلىك مالدى مىڭعىرتىپ ءوسىرۋ ءۇشىن مالشىلاردىڭ اناۋ موڭعۇليانىڭ شەكاراسى سانالاتىن قوبدادان جوڭعاردىڭ توسىندەگى قۇبىنىڭ قۇمىنا دەيىن سان كوشۋىنە تۋرا كەلەدى. مال شارۋاشىلىعىنىڭ باياندى دامۋىنا سان، ساپا جاقتان سانسىز ۇلەس قوسۋعا تاس–ءتۇيىن دايىندالعان وسى شومبال شوپانداردىڭ قىستاۋلىقتارىنداعى باسپاناسى كونەرىپ حاۋىپتى ۇيلەرگە اينالعان، ءتىپتى، كەيبىرەۋلەرى قىس كوزى قىراۋدا دا كيىز ۇيلەردە، توبەسىنەن توپىراعى ساۋلاعان جەر كەپەلەردە وتىرۋعا ءماجبۇر بولىپ كەلەدى. جاڭا باسپانا سالۋ قۇرىلىسىنا قاتىستى تاراۋلار ەرتەرەك، جان–جاقتى ءمان بەرۋدى ويلاسسا.
ەكىنشى، مالشىلاردىڭ كىرىسىن ارتتىرۋعا جەبەۋ بولاتىن ءتيىمدى ساياساتتار كەمەلدى اتقارىلا بەرسە. ماسەلەن، وتكەن جىلى اۋىر قۋاڭشىلىق پەن باسقا دا وبيەكتيۆ سەبەپتەر سالدارىنان مال باعاسى كۇرت تومەندەپ، مالشىلار كىرىسىنىڭ باياندى ارتۋىنا ءوز سالقىنىن تيگىزدى. وسىنداي كەزدە مەملەكەتتىڭ جايىلىم تىنىقتىرۋعا بەرەتىن قوسىمشا قاراجاتى كوپ دەمەۋ بولعانى شىندىق. وسى قوسىمشا قاراجاتتى مال شارۋاشىلىق رايوندارىنىڭ رەالدىعىنا نەگىزدەلە وتىرىپ، ۇزبەي بەرۋدى ۇكىمەت قاتىستى ورىندارعا اڭىس ەتسە. مۇنىمەن قوسا، مالشى پەرزەنتتەرىن جوسپارلى، ارناۋلى تۇردە كاسىپتىك مەكتەپتەردەن، كۋرسىلاردان وقىتىپ، ونەر ۇيرەنۋگە باۋلىپ، ولاردىڭ ءبىر جاعىنان كاسىپتەنۋىنە، ەندى ءبىر جاعىنان كىرىستەرىنىڭ ارتۋىنا جەبەۋشىلىك ىستەلسە. بۇدان سىرت، جول، كەن اشۋ، كاسىپورىن قۇرۋعا پايدالانىلعان مالشىلاردىڭ جايىلىمىنا بەرىلەتىن تولەم قاراجاتتىڭ مولشەرىن جوعارىلاتسا. (جارقىن نۇرابىلدا ۇلى)
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
