- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءدىن ىستەرىنە قاتىستى قازاق تىلىندەگى ۇگىت ماتەريالدارى مولايتىلسا
2015.02.06 13:37
اقپاننىڭ 4–كۇنگى تالقى بارىسىندا ۋاكىلدەر «قوعام ورنىقتىلىعى مەن باياندى تىنىشتىق» سىندى جالپى نىسانانى توڭىرەكتەي وتىرىپ، ءوز جەرلەرىنىڭ ءىس جۇزىندىگىنە بىرلەستىرە قىزۋ تالقى جۇرگىزدى. «باياندامادا» ايتىلعان « <ءۇش ءتۇرلى زاڭسىز ارەكەتتى> وڭاۋدى جانە ءدىني ۇشقارى ارەكەتتەر مەن زاڭعا قايشى قىلمىستى ارەكەتتەرگە سوققى بەرۋدى ۇزدىكسىز تەرەڭدەتىپ، <تەرىس ۋاعىزعا> قاتاڭ سوققى بەرىپ، ءدىني ۇشقارى يدەيانىڭ جالبىزبالاپ كىرۋ ارنالارىن قاتاڭ توسۋ كەرەك» دەگەن مازمۇن توڭىرەگىندە، ءدوربىلجىن اۋدانىنان كەلگەن حالىق قۇرىلتايى ۋاكىلى باعداش ءانبيا قىزى ءوز ۇسىنىسىن ورتاعا سالدى.
ءدوربىلجىن اۋدانى ــ تارباعاتاي ايماعىنداعى 6 قالاشىق، 5 اۋىل، 5 ەگىن–مال شارۋاشىلىق الاڭى بار، شينجياڭ ءوندىرىس–قۇرىلىس بيڭتۋانى 9–ديۆيزياسىمەن ارالاس قونىستانعان، قازاق، حانزۋ، ۇيعۇر سىندى 25 ۇلتتان قۇرام تاپقان 220 مىڭ جان سانى بار اۋدان. قازاق ۇلتىنىڭ جان سانى دا وسى اۋدان جان سانىنىڭ جارىمىنا تاياۋ. ال اۋدان بويىنشا 76 ءدىني ورىن بار، مۇنىڭ ىشىندەگى 69 مەشىتتىڭ 39 ىن نەگىزىنەن قازاق ۇلتىنىڭ دىنگە سەنەتىن بۇقاراسى پايدالانادى. اۋدارما ماتەريالدى ازىرلەۋدەگى ءتۇرلى شارت–جاعدايدىڭ شەكتەمەلىگىنەن قازاق تىلىندەگى ۇلت، ءدىن تۋراسىنداعى ۇگىت ماتەريالى توتەنشە كەمشىل بولىپ، ءدىني قايراتكەرلەر مەن بۇقارانىڭ مۇقتاجدىعىن قاندىرا الماي كەلەدى. وتە–موتە، «جاڭادان قۇراستىرىلعان ۋاعىزدىڭ» تەك حانزۋشاسى مەن ۇيعۇرشا نۇسقاسى بار. قازاقشاسى الىگە دەيىن باسىلىپ ۇلگىرمەدى. قازاق ۇلتىنان شىققان ءدىني قىزمەتكەرلەر بۇقاراعا ۋاعىز ايتقاندا اۋەلگىسىنشە تەك «قۇران كارىمدى» پايدالانىپ كەلەدى. سول سەبەپتى ولار كەزەكتەگى ورنىقتىلىق، زاڭمەن باسقارۋ، ءمورال تاربيەسى ۇگىتىن جۇرگىزۋ سىندى ءبىرسىپىرا جاڭا تالاپتار مەن تىڭ كوزقاراستاردى بۇقاراعا ۋاعىزبەن بىرلەستىرە جاندى تۇسىندىرە الماي كەلەدى. مۇنىمەن قوسا ۇلتىمىز اراسىنداعى ءدىني قايراتكەرلەردىڭ ارناۋلى كۋرسىلارعا قاتىناسىپ، جۇيەلى، عىلمي ءبىلىم العاندارىنىڭ قاتارى از، ارناۋلى ۇگىت–تاربيە ماتەريالدارىنىڭ جوقتىعى سالدارىنان، ولاردىڭ دىنگە سەنەتىن بۇقاراعا جەتەكشىلىك ەتۋ رولى تولىق ساۋلەلەنبەي كەلەدى. سوندىقتان دا، بۇعان اۆتونوميالى رايوننىڭ قاتىستى تاراۋلارىءمان بەرۋى، بۇعان اۆتونوميالى وبلىس ارناۋلى كۇش ۇيىمداستىرىپ، «جاڭادان قۇراستىرىلعان ۋاعىزدىڭ» قازاقشا نۇسقاسى سىندى ءدىن ىستەرى تۋراسىنداعى ءتۇرلى ۇگىت ماتەريالداردى قازاقشا قۇراستىرىپ جازۋ، اۋدارۋ قىزمەتىن ەرتەرەك قولعا السا. وسىلاي ىستەلسە ءدىني ۇشقارىلىقتى تەجەۋ، جالبىزبالاپ كىرۋدى توسۋ، قىلمىستىلارعا سوققى بەرۋ، ءدىن ىستەرىن زاڭ بويىنشا باسقارۋ جاعىنا كوپ قولايلى بولار ەدى. (جارقىن نۇرابىلدا ۇلى)
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
