بەيجيڭ قالاسى وقۋشىلاردىڭ ەلەكتروندىق بۇيىمداردان پايدالانۋىن قاتاڭ تەجەيدى
2019.11.08 15:14 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 7 – كۇنى، بەيجيڭ (ءتىلشى: جاۋ ۋانۋەي) بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن جان – جاقتى ساقتانۋ ءۇشىن بەيجيڭ قالاسى 11 – ايدىڭ 7 – كۇنى «بەيجيڭ قالاسىنىڭ بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن ساقتانۋ جونىندەگى ون تارماقتى شارانى» جانە ونى اتقارۋعا كەپىلدىك ەتۋ جوباسىن جاريالاپ، وقۋشىلاردىڭ ەلەكتروندىق ونىمدەردەن پايدالانۋى، وقىتۋشىلاردىڭ ەلەكتروندىق ەكراندى پايدالانۋى، وقۋشىلاردىڭ تاپسىرماسى، دەنە تاربيە قيمىلدارىنا قاتىناسۋى قاتارلى ۋاقىتتارىنا ايقىن تالاپ قويدى.
اتالعان شارانى بەيجيڭ قالالىق وقۋ – اعارتۋ كوميتەتى، بەيجيڭ قالالىق دەنساۋلىق ساقتاۋ جانە سالاماتتىق كوميتەتى، بەيجيڭ قالالىق دەنە تاربيە مەكەمەسى، بەيجيڭ قالالىق نارىقتى باقىلاۋ – باسقارۋ مەكەمەسى قاتارلى 10 تاراۋ بىرگە تاراتتى. وقۋشىلاردىڭ ەلەكتروندىق ونىمدەردەن پايدالانۋىن قاتاڭ تەجەۋدە وقۋشىلاردىڭ جەكەلىك قولفون، تاقتا كومپيۋتەر قاتارلى ەلەكتروندىق بۇيىمداردى ساباقحاناعا الىپ كىرۋىنە قاتاڭ تيىم سالىنادى، مەكتەپكە الىپ كەلگەن بولسا، ءبىرتۇتاس جيىپ ساقتالادى؛ وقىتۋشىلار ەلەكتروندىق ەكرانمەن ساباق وتكەن كەزدە، ساباق وتكەن جالپى ۋاقىتىنىڭ %30نەن اسىپ كەتپەۋى كەرەك؛ 8 جاستان تومەنگى سابيلەردىڭ ەلەكتروندىق ويىنشىق ويناۋىنا قاتاڭ تيىم سالىنادى؛ بالانىڭ ءار كۇنى ەلەكتروندىق ەكرانعا قارايتىن ۋاقىتى ءبىر ساعاتتان اسىپ كەتپەۋى كەرەك.
وقۋشىلاردىڭ اۋىرتپالىعىن جەڭىلدەتۋ جاعىندا، شارادا مەكتەپتەردەن وقۋشىلارعا تاپسىرما بەرۋ ۋاقىتىن ۇيلەسىمدى ورنالاستىرۋدى تالاپ ەتكەن، باستاۋىشتىڭ 1 -، 2 – جىلدىعىندا وتباسىلىق تاپسىرما ورنالاستىرۋعا قاتاڭ تيىم سالىنادى؛ بالالاردىڭ ۇيىقتايتىن ۋاقىتىنا قاتاڭ كەپىلدىك ەتۋ كەرەك، بالالار باقشاسىنداعى بالالاردىڭ جانە باستاۋىش مەكتەپ وقۋشىلارىنىڭ ۇيىقتايتىن ۋاقىتى ءار كۇنى 10 ساعاتتان كەم بولماۋى، ورتالاۋ مەكتەپ وقۋشىلارىنىڭ ۇيىقتايتىن ۋاقىتى 9 ساعاتتان كەم بولماۋى، ورتا مەكتەپ وقۋشىلارىنىڭ ۇيىقتايتىن ۋاقىتى 8 ساعاتتان كەم بولماۋى كەرەك.
دەنە تاربيە ساباعى مەن ساباقتان سىرتقى دەنە شىنىقتىرۋدى كۇشەيتۋ جاعىندا، شارادا دەنە تاربيە ساباعى مەن ساباق اراسىنداعى دەمالىستى يەلەپ الۋعا قاتاڭ تيىم سالۋ ورتاعا قويىلعان، ورتا، باستاۋىش مەكتەپ وقۋشىلارىنىڭ مەكتەپتەگى دەنە تاربيە قيمىلىنا قاتىناسۋ ۋاقىتى كۇنىنە ءبىر ساعاتتان كەم بولماۋى كەرەك؛ ساباقتان سىرتقى قىزمەت وتەۋ ۋاقىتىنان پايدالانىپ، دەنە تاربيە قيمىلىن ەڭ الدىمەن ورنالاستىرۋ كەرەك؛ قالىپتى جاعدايدا، بالالار باقشاسىنىڭ بولمە سىرتىنداعى قيمىل ۋاقىتى كۇنىنە 2 ساعاتتان كەم بولماۋى كەرەك، جاتاقتى بالالار باقشاسىندا 3 ساعاتتان كەم بولماۋى كەرەك، مۇندا دەنە تاربيە قيمىلىنىڭ ۋاقىتى ءبىر ساعاتتان كەم بولماۋى كەرەك.
مۇنان سىرت، شارادا اتا – انالارعا دا ارنايى تالاپ قويىلدى، اتا – انالار بالالاردىڭ، وتە – موتە، وقۋ جاسىنا تولماعان بالالاردىڭ ەلەكتروندىق بۇيىمداردان ۇيلەسىمدى دە شەكتەۋلى تۇردە پايدالانۋىنا ءوزى ۇلگى بولۋ ارقىلى جەتەكشىلىك ەتۋى كەرەك؛ بالالاردى تاپسىرما ورىندايتىن ۋاقىتىن ۇيلەسىمدى ورنالاستىرۋعا جەتەلەۋى، بالالاردىڭ كوزىن قورعاۋ گيمناستيكاسىن ورىنداۋىنا قۋزاۋ سالۋى كەرەك؛ بالالاردى كۇن سايىن دالاداعى ارەكەتكە جانە دەنە تاربيەلىك جاتتىعۋعا قاتىناسۋعا جەتەلەۋى، بالالاردىڭ قىستىق دەمالىستاعى دەنە تاربيە تاپسىرماسىن ورىنداۋ بارىسندا ولارمەن بىرگە بولۋى نەمەسە ولارعا قۋزا سالۋى كەرەك.
اتالعان شارا مازمۇنىندا وقۋشىلاردىڭ دەمالىس ۋاقىتىن باسقارۋدى قاتاڭ تياناقتاندىرىپ، مەكتەپتەگى دەنساۋلىق ساقتاۋ جانە سالاماتتىق جونىندەگى تاربيەنى كۇشەيتۋ، كوزدىڭ كورۋ قۋاتىن كۇندەلىكتى تەكسەرىپ وتىرۋدى قاتاڭ تياناقتاندىرۋ، مەكتەپتىڭ وقىتۋ ورتاسىن شىنايى جاقسارتۋ، وقۋشىلاردىڭ كورۋ قۋاتىنىڭ اقاۋسىزدىعىنا كۇندەلىكتى كوڭىل ءبولىپ وتىرۋ، وقۋشىلاردىڭ تاماقتانۋى مەن دەنە شىنىقتىرۋىن كۇش سالا ىلگەرىلەتىپ، باعالاۋ جاعىن كۇشەيتۋ قاتارلىلار دا قامتىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
