- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مارال
اڭگىمە
مادەن جانىمقان ۇلى
2013.10.29 17:09 كەلۋ قاينارى : حالىق تورابى
اۋىلدىق ساقشى بولىمشەسى. بولىمشە ساقشى باستىعى تاڭەرتەڭگى قىزمەتكە شىققان قىزمەتكەرلەرگە شۇعىل جيىن اشتى. باستىقتىڭ بۇيرىعىمەن جەدەل قيمىلعا كوشكەن ءۇش ساقشى بولىمشە باستىعىن ماشينا الدىنا وتىرعىزىپ، اۋداندىق حايۋاناتتاردى قورعاۋ مەكەمەسىنەن كەلگەن ازاماتتى قاستارىنا الىپ، تاۋ بوكتەرىنە جاڭادان كوشىپ كەلىپ، مالىن ورىسكە ايداپ، ەندى شايعا وتىرعان مالشى كۇلمەسقاننىڭ شاعىن كيىز ۇيىنە ماشينا تۇمسىعىن تىرەدى.
اماندىق سۇراسىپ، شايعا وتىرعان سوڭ، بولىمشە باستىىعى سۇراعىن قويا باستادى، وتاعاسىعا:
ــ اعاسى اتىڭىز كىم؟
ــ اتىم كۇلمەسقان، اكەم اتى ارىس.
ــ مالشى بولعانىڭىزعا قانشا جىل بولدى؟
ــ قازىر جاسىم 50گە كەلدى، كەمىندە 30 جىل بولدى مال باققانىما، 3 جىلعا اياق باستى وتىرىقتاسىپ، وزەنگە تۇستىك، وتكەندە بوكتەردە قىستاۋلىقتى قىسى-جازى مەكەن ەتكەن ەدىك.
ــ اعاسى شىنىڭىزدى ايتىڭىز، ءسىز «ەكى بۇزاۋىمەن مارال باعىپ وتىر» دەپ ەستىپ كەلدىك.
ــ قايدان ەستىدىڭدەر باۋىرلار؟
ــ اۋىلداعى ەگىنشى-مالشى قاۋىم گۋ-گۋ ەتىپ ءسىزدى ءسوز ەتۋدە.
ــ ۇيات بولدى باۋىرلار راسىندا باعىپ وتىرمىن. مىنە شاي قۇيىپ وتىرعان كەمپىرىم مەن انا وتىرعان الما، مارجان اتتى كەكىلدىلەرىم ەمەس پە.
قۇداي قوسقان قوساعىم ــ مارالىمدى، اللادان تىلەپ، ۇكىمەتتەن سۇراپ العان ەكى ۇرپاعىمدى باعىپ-قاعاتىن وتاعاسىلىق، اكەلىك بورىشىم بار ەمەس پە باۋىرلار،-دەپ كۇلمەسقان كۇلمەستەن بولىمشە ساقشى باستىعىنا جانە ونىڭ قاسىنداعى ازاماتتارعا سۇراۋلى بەينەمەن قارادى.
بولىمشە باستىعى جىگىتتەرىنە ىم قاعىم، ۇيالا، سىرتقا بەت الدى.
ۋاقيعا بىلاي بولعان ەدى:
كۇلمەسقان وزەندەگى ءشوبىن شاۋىپ جىيناۋعا كەلىسكەن قۇربىسى جەڭىل اۋىز دۇرىلدەككە تاۋدان تەلەفون سوعادى.
ــ ۋاي، سەمىز، ۇيدەسىڭ بە. قالاي، بالا-شاعا امان با،ءشوپتىڭ شىعىسى قانداي؟
ــ كۇلمەسقان، امانسىڭدار ما، شاپپالىقتى ەكى سۋاردىم، كوكتەمى جاقسى، حال قالاي؟
ــ مارالدى ەكى بۇزاۋىمەن امان-ەسەن باعىپ جاتىرمىن، باسقالاي جاڭالىق جوق،-دەيدى كۇلمەسقان ايقايلاي جاۋاپ قاتىپ.
كۇلمەسقاننىڭ جۇبايىنىڭ، ءوزىنىڭ قۇربىسى ــ مارالدىڭ ەسىمى ەسىنەن كوتەرىلگەن دۇرىلدەك باسقالارعا ماقتانا «كۇلمەسقان ەكى بۇزاۋىمەن مارال باعىپ وتىر ەكەن» دەپ جاريا سالمايما...
كوپتىڭ اۋزىنا ىلىنگەن بۇل ءسوز اۋداندىق حايۋاناتتاردى قورعاۋ مەكەمەسىنە دە جەتەدى. كۇلمەسقاننىڭ اماندىق جاساسىپ ايتقان بىرنەشە اۋىز ءسوزى اۋدان جانە اۋىلداعى قاتىستى تاراۋلاردىڭ نازارىن ەرەكشە اۋدارىپ، اقىرى كۇلمەسقان وتباسىنا بارعان-دى.
كۇلمەسقاندى كۇلكى قىسىپ، كەتىپ بارا جاتقان ساقشى ماشيناسىنىڭ ارتىنان قاراپ قالا بەردى. ماشينا ىشىندەگىلەر تومسىرايىپ، سىزداعان شيقان قۇساپ، جارىلارمان بوپ، بەتتەرى قىزارىپ، ءۇنسىز كەلەدى. دۇرىلدەك سياقتى جەلىكپە جەل ءسوزدى ادامداردىڭ ءسوزىن تارازىلاپ بارىپ ىسكە كىرىسۋگە بەكىم جاسادى ولار.
كۇلمەسقان وتباسىنداعىلار بۇل ىسكە اڭ-تاڭ بولىپ، وتاعاسىدان سۇراۋعا سىرتقا بەت الدى.
كوكتوعاي اۋدانى دۇرە اۋىلىنان
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
