- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاس وزەن
بەكمۇقامەت نۇردانبەك ۇلى
2014.12.24 15:02 كەلۋ قاينارى : حالىق تورابى
تولقىندارىڭ اسپانعا قۇلاش ۇرىپ،
شەرلى جانداي شىيرىعىپ، شيراتىلىپ،
قاس وزەن، قايىرىلمايسىڭ عاشىعىنا
جول العان جولاۋشىداي تىم اسىعىس.
تامشىلارىڭ تاريحتىڭ جۋىپ بەتىن،
قۇلا-قۇزدان قۇلديلاپ ۇرىككەسىڭ.
اسپانداعى ايدى دا سەسكەندىرەر،
سەنىڭ اساۋ ايبىنىڭ بىرىكسە شىن.
تاسقا سوعىپ، باسىڭدى تاۋعا سوعىپ،
جان جاراڭدى كورسەتپەي جانعا سەنىپ.
اق باس شىڭنان اق سالەم اپ كەلەسىڭ،
حابارشىداي كادىمگى حانعا سەرىك.
و، قاس وزەن عالامنىڭ ەركە قىزى،
ارىنىڭ اقىنداردىڭ سەركە جىرى.
تابيعاتتاي انانىڭ بۇرىمىسىڭ ،
بۇرىمىمەن انالار كوركەم ۇلى.
ارداڭدا ءشاربات اقسا شىرىنى بال،
تاتقان جان تاريحتىڭ سىرىن ۇعار.
اعىسىڭدا باتىردىڭ گۇرىلى بار،
سىڭعىرىڭدا سۇلۋدىڭ ءبىر ۇنى بار.
و، قاس وزەن تەلەگەي تەرەڭىڭدى،
تەكتى ۇرپاعىڭ تۇتسە ەكەن ەرەن ۇلگى.
الارىمدى وزىڭنەن العانىممەن،
بىلمەيمىن ساعان نەمدى بەرەرىمدى.
باستاۋ قىپ بايابان جەر قاس باسىمدى،
تاندىرىمدى جىبتىپ تاسقا ءسىڭدى.
ارۋ دالا توسىندە الاقايلاپ،
اق كوبىكتەن شاشاسىڭ اق شاشۋدى.
و ، قاس وزەن كۋاسى كوپ بەلەستىڭ،
وتكەن كۇننەن سىر شەرتپەي تەككە كەتتىڭ.
جاعاڭا كەپ مۇڭ شاقسا تىڭداماستان،
سەن قانشاما ارۋدى وكپەلەتتىڭ.
اعىسڭ شاپقان اتتى شالدىقتىرىپ،
باراسىڭ سارىنڭمەن سالدىق قۇرىپ.
جاعاڭدا ويناپ جۇرىپ جاستىعىمدى،
تولقىنڭا اعىزىپ الدىق تىنىپ.
قاراشادا، قاڭتاردا، شىلدەدە دە،
قاستىڭ بويى ەرەكشە تۇرگە ەنەدى.
بار تىرشىلىك وزىڭنەن ءنار العانداي،
تارلان دالام توتىداي تۇرلەنەدى.
تاسىعان تاسقىنىڭدى تاۋدان الىپ،
و، قاس وزەن باراسىڭ اۋناپ اعىپ.
قانشاما جىل وتسەدە قانشا عاسىر،
شالدىقپادىڭ كورمەدىڭ جولدا قالىپ.
مەن سەنىڭ تولقىنىڭنان شابىت الىپ،
شارباتىڭنان ۇرتتايمىن تامىسانىپ.
ومىردە وزىڭە ۇقساپ اعار ما ەدىم،
ارمانىما تىنباستان باعىت الىپ.
و ، مەنىڭ قاس وزەنىم اسىل ءاندى،
جىگەرىڭمەن جەبەي بەر جاس ۇلاندى.
اعىسىڭا ەش بوگەت بولماسا ەكەن،
عاسىرلاردان عاسىرعا تاسى ماڭگى…
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
