- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇڭعىش كەزەكتى «ىلە ايدىنى» ادەبيەت سيلىعى تاراتىلدى
2016.02.14 13:36
«ىلە ايدىنى» جۋرنالى رەداكسياسى 2014 – جىلعى 6 – سانىندا «ىلە ايدىنى جۋرنالى الدىمىزداعى 2015 – جىلى ادەبيەتىمىزدىڭ ءار جانرىنان تاڭداۋلى شىعارمالار سيلىعىن تاراتۋدى بەلگىلەدى» دەپ، قالىڭ قالامگەرلەر مەن وقىرماندارعا الداعى كۇندەردەگى ادەبيەتىمىزدىڭ تاعى دا ءبىر بايگەسىنەن حابار بەرگەن بولاتىن. انە، سول ۋادەلى ۋاقىتى دا جەتىپ، 2016 – جىلى اقپاننىڭ 5 – كۇنى تۇستەن بۇرىن تۇڭعىش كەزەكتى «ىلە ايدىنى» ادەبيەت سيلىعىن تاراتۋ سالتى وبلىستىق ادەبيەت – كوركەمونەرشىلەر بىرلەستىگىنىڭ جيىن زالىندا بولىپ ءوتتى. جيىندى «ىلە ايدىنى» جۋرنالىنىڭ باس رەداكتورى سايدىراحمان ءابدىلازىز ۇلى باسقاردى. ورازقان احىمەت ۇلىنىڭ «تۋعان جەردىڭ شاراپاتى» اتتى حيكاياتى ءبىرىنشى دارەجەلى جۇلدەنى، مۇرات اۆەسوۆتىڭ «سەن شىنىندا باقىتتىسىڭ، اياۋلىم» اتتى ولەڭدەرى مەن نۇريلا قىزىقان قىزىنىڭ «سۋرەتشى مەن ءسۇتشى» اتتى اڭگىمەسى ەكىنشى دارەجەلى جۇلدەنى، ءسالي سادۋاقاس ۇلىنىڭ «ءسوز، ادام، ات، ءيت جونىندە» اتتى سىن – زەرتتەۋ ماقالاسى، نۇربولات ءابدىقادىر ۇلىنىڭ «نۇرلىمىن، اتىمدا نۇر بار بولعان سوڭ» اتتى ولەڭدەرى، نۇربەك تالەن ۇلىنىڭ «ىشىڭدە جاتقان ون ءسوز بار» اتتى اڭگىمەلەرى ءۇشىنشى دارەجەلى جۇلدەنى ەنشىلەپ، ناق مايداندا سيلىق تاراتىلدى.
تۇڭعىش كەزەكتى «ىلە ايدىنى» ادەبيەت سيلىعىن باعالاۋدا 2015 – جىلى «ىلە ايدىنى» جۋرنالىنىڭ 6 – سانىندا جاريالانعان تۋىندىلاردىڭ ىشىنەن تاڭداۋلى تۋىندىلاردى «ىلە ايدىنى» جۋرنالى رەداكسياسى سۇرىپتاپ تاڭداعان، مامانداردىڭ ساراپتاۋىنان وتكىزگەن، وقىرمانداردان، اۆتورلاردان پىكىر الىنعان. جيىنعا قاتىناسقان ماماندار، قالامگەرلەر ەڭ الدىمەن بۇل رەتكى جيىننىڭ جاقسى اشىلعاندىعىن القادى. سيلىق يەلەرىن قۇتتىقتادى. ورازقان احىمەت ۇلى، توقتار ءالباتىر ۇلى، جاقاي احىمەت ۇلى، نۇربولات ءابدىقادىر ۇلى قاتارلى ماماندار، قالامگەرلەر قۇندى ۇسىنىس – پىكىرلەرىن ورتاعا قويدى. ولار بىلاي دەستى: ىلە وبلىستىق ادەبيەت – كوركەمونەرشىلەر بىرلەستىگى، «ىلە ايدىنى» جۋرنالى ۇجىمى سوڭعى جىلدارى جاقسى قىزمەتتەر ىستەپ كەلەدى.
جۋرنال جارىق كورگەن 37 جىلدان بەرى ادەبيەت – كوركەمونەرشىلەر قوسىنى قالىپتاسىپ، نەگىزگى رول اتقاردى. جۋرنال ساپاسى بارعان سايىن جاقسارۋدا. سيلىقتىڭ ۇلكەن – كىشىسى بولمايدى، جاسامپازدىق ەڭبەكتى شىنايى قولداۋ قاجەت، قولداۋ بولعاندا عانا ەڭبەكتىڭ ناتيجەسىن كورۋگە بولادى. شىعارمانىڭ تاعدىرى بۇقارانىڭ قولىندا، سوندىقتان وقىرمانداردان اڭىس – پىكىر الىپ تۇرعان دۇرىس. ەل ىزدەپ وقيتىن شىعارمانى تابۋ كەرەك. جەرگىلىكتى جۋرنالدىڭ جەرگىلىكتى ەرەكشەلىگى بولۋى، تالانتتىلارىن تانىستىرا ءبىلۋى، جاستاردى تاربيەلەۋ باستى ورىنعا قويىلۋى، ادەبي ورتا بولۋى كەرەك.
وبلىستىق ادەبيەت – كوركەمونەرشىلەر بىرلەستىگىنىڭ ءتوراعاسى باقىت مۇقامەتقان ۇلى ءسوز سويلەپ، ادەبيەت – كوركەمونەرشىلەر بىرلەستىگىنىڭ، «ىلە ايدىنى» جۋرنالىنىڭ ىستەگەن قىزمەتتەرىنە قورىتىندى سيپاتتى شولۋ جاساپ، الداعى ىستەلەتىن قىزمەتتەرىنەن قۇلاعدار ەتتى. جيىنعا كەلگەن ماماندارعا، قالامگەرلەرگە ۇلكەن العىسىن ءبىلدىرىپ، سيلىق العان اۆتورلارعا شىن جۇرەكتەن قۇتتى بولسىن ايتتى. بۇل سيلىق وسى كەزەكتەن باستالىپ، بۇدان كەيىن دە «ىلە ايدىنى» ادەبيەت سيلىعى دەگەن اتپەن جىل سايىن جالعاسىن تاۋىپ تاراتىلىپ وتىراتىنىن ايتىپ قالامگەرلەردىڭ قۇندى ۇسىنىس – پىكىر بەرىپ تۇرۋىن ءۇمىت ەتتى. (ءتىلشى: ءدىلمۇرات ساعىمباي ۇلى )
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
