- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇل جولعى ساياسي كەڭەس ءماجىلىسى 865 ۇسىنىس جوبا تاپسىرىپ الدى
2015.01.23 13:20 كەلۋ قاينارى : ءتاڭىرتاۋ تورابى
اۆتونوميالى رايوندىق ساياسي كەڭەستىڭ ۇسىنىس جوبا كوميتەتىنىڭ 10 - رەتكى ماجىلىسىنەن ۇعىسۋىمىزشا، 21 - قاڭتار ساعات 10عا دەيىن (بەيجيڭ ۋاقىتى) ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 3 - ءماجىلىسى جالپى 865 ۇسىنىس جوبا تاپسىرىپ العان، مۇنىڭ ىشىندە 771ى تەكسەرىلىپ ەستەلىككە الىندى، بۇل جالپى ۇسىنىس جوبانىڭ %89.1ىن ۇستادى.
ەستەلىككە الىنعان ۇسىنىس جوبالاردىڭ اراسىندا ساياسي كەڭەس مۇشەلەرى 643 ۇسىنىس جوبا، پارتيا - توپتار، ۇيىمدار 123 ۇسىنىس جوبا، ساياسي كەڭەستىڭ ارناۋلى كوميتەتى 5 ۇسىنىس جوبا تاپسىردى، سالالار تاپسىرعان جانە بىرلەسىپ تاپسىرعان ۇسىنىس جوبا 59عا جەتتى.
ساياسي كەڭەس مۇشەلەرىنىڭ قوعام ورنىقتىلىعى مەن باياندى تىنىشتىق جونىندە تاپسىرعان ۇسىنىس جوباسى 196 بولىپ، وندا نەگىزىنەن شينجياڭدى زاڭمەن جونگە سالۋدى جاپپاي ىلگەرىلەتۋ، اۋىل - قىستاقتاردىڭ، الەۋمەتتىك اۋماقتاردىڭ زاڭمەن جونگە سالۋ قۋاتى قۇرىلىسىن كۇشەيتۋ؛ ۇلتتاردىڭ بارىس - كەلىس، اۋىس - كۇيىس جاساسۋ، توعىسۋ تەبىنىن ۇلعايتۋ؛ ۇلتتار ىنتىماعى مەن قوعام ورنىقتىلىعىن ىلگەرىلەتۋ؛ ءدىني ورىنداردى زاڭ بويىنشا باسقاراتىن جانە وعان قىزمەت ەتەتىن باياندى مەحانيزم قۇرۋ؛ ايەلدەردىڭ ءدىني ۇشقارى يدەياعا قارسى تۇرۋ قابىلەتىن جوعارىلاتۋ؛ قوعامدىق ۇيىمداردى دامىتۋ، جونگە سالۋ جۇيەسىن كەمەلدەندىرۋ سياقتىلاردى قامتىدى.
رەفورما جاساۋعا، دامۋعا قاتىستى ۇسىنىس جوبا 318. بۇلار نەگىزىنەن جىبەك جولى ەكونوميكالىق بەلدەۋىنىڭ وزەكتى رايونىن قۇرۋ قۇرىلىسىن تەزدەتۋ؛ فورمادا بۇرىلىس جاساپ، قۇرىلىمدى رەتتەۋدى ىلگەرىلەتۋ، ونەركاسىپ سالاسىنداعى ەنەرگيانى ۇنەمدەپ، جاراقسىز زاتتاردىڭ ىعىستىرىلۋىن ازايتۋدى ونان ارى جەبەۋ؛ ارالاس مەنشىكتەگى شارۋاشىلىقتى بەلسەندى دامىتۋ، ورتاشا، شاعىن، ميكرو كاسىپورىنداردىڭ دامۋىن بار كۇشپەن قولداۋ؛ باجى جانە اقى تۇزىمىنە رەفورما جاساۋدى بارىنشا ىلگەرىلەتۋ؛ اۋىل شارۋاشىلىعى بويىنشا جوعارى ءونىمدى سۋ ۇنەمدەۋدى جانە باسقارۋدى كۇشەيتۋ؛ ينفورماتسيالاندىرۋ نەگىزدىك قۇرىلعىسىن كەمەلدەندىرۋ؛ ورتا ازيا ينفورماتسيا توراپ تەكشەسىن ورناتۋ؛ ەكولوگيالىق قورشاعان ورتانى قورعاۋدى كۇشەيتىپ، كوركەم شينجياڭ قۇرۋ سياقتىلاردى قامتىدى.
حالىق تۇرمىسى مەن قوعامدىق ىستەردى دامىتۋعا قاتىستى ۇسىنىس جوبا 257. بۇلار نەگىزىنەن ەكونوميكانى دامىتۋ مەن كاسىپتەندىرۋدىڭ سايكەستى مەحانيزمىن ورناتىپ، كاسىپتەندىرۋ قىزمەتىن ونان ارى جەبەۋ؛ 12 جىلدىق مىندەتتى وقۋ - اعارتۋدى جالپىلاستىرۋدى تەزدەتۋ؛ امبەباپ شيپاگەر ءتۇزىمىن كەمەلدەندىرىپ، حالىق بۇقاراسىنىڭ ناۋقاس ەمدەتۋىنە قولايلىلىق جاراتۋ؛ نەگىزگى ساتىنىڭ مادەنيەت ىستەرىنىڭ دامۋىن جەبەۋ؛ قوعامدىق قۇتقارۋ - كومەك بەرۋ جانە زەينەتكەرلىك قىزمەت وتەۋ جۇيەسىن جاپپاي قۇرۋ؛ قارتتاردىڭ زاڭدى ۇقىق - مۇددەسىن قورعاۋدى پارمەندى كۇشەيتۋ؛ بەيقۇت ءۇي سالىپ، حالىقتى اۋقاتتاندىرۋ قۇرىلىسىن ونان ارى كۇشەيتۋ سياقتىلاردى قامتىدى.
ۇعىسۋعا قاراعاندا، ءماجىلىس اياقتالعاننان كەيىن، اۆتونوميالى رايوندىق ساياسي كەڭەس ۇسىنىس جوبالاردى تاپسىرۋ جيىنىن اشىپ، ءماجىلىس كەزىندە ارحيۆكە الىنعان ۇسىنىس جوبالاردى قاتىستى ورىنداردىڭ ءبىر جايلى ەتۋىنە تاپسىرادى ەكەن. ۇسىنىس جوبا تاپسىراتىن ەڭ سوڭعى مەرزىمىنەن كەيىن تاپسىرىپ الىنعان ۇسىنىس جوبالار دا دەر كەزىندە تەكسەرىپ ەستەلىككە الىنىپ، ءبىر جايلى ەتۋگە تاپسىرىلادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
