- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ دامۋ وزگەرىسى ۋاكىلدەردى، مۇشەلەردى قاتتى جەلپىندىردى
پارتيا ورتالىق كوميتەتىنىڭ كوڭىل ءبولىپ قولداۋىندا «قايراتقا» مىنەيىك
جاڭ لەي، ياۋ تۇڭ، لي ياڭ، سۇي يۇنيان، يۋان لەي، دۇڭ شاۋحۋا
2016.03.07 13:48 كەلۋ قاينارى : ءتاڭىرتاۋ تورابى
ءار جىلى مەملەكەتتىك ەكى ماجىلىستە ۋاكىلدەر، مۇشەلەر وزگەرىستى، دامۋدى، اسەرىن، بولاشاقتى تىلگە تيەك ەتەدى. 2 كۇننەن بەرى مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن مەملەكەتتىك ساياسي كەڭەستىڭ شينجياڭداعى مۇشەلەرى وزدەرى تۇرعان ورىندارىندا وسى مازمۇنداردى اڭگىمەنىڭ ارقاۋى ەتتى. كوپشىلىك ءبىر اۋىزدان: ورتالىقتىڭ نازار اۋدارۋى مەن قولداۋىنىڭ ارقاسىندا شينجياڭدا زور وزگەرىس تۋىلدى، ءار ۇلت بۇقاراسى سانسىزداعان ناقتى يگىلىككە كەنەلدى، پارتيا ورتالىق كوميتەتىنە ايتار العىسىمىز شەكسىز، شينجياڭنىڭ دامۋى «جىگەردى» تاسقىنداتتى، - دەدى.
■نازارۋ اۋدارۋ: ورتالىقتىڭ شينجياڭ قىزمەتى جونىندەگى ەرەكشە قولداۋى
مەملەكەتتىك حالىق قۇرىلتايىنىڭ ۋاكىلى، شينجياڭ ۋنيۆەرسيتەتى تىرشىلىك عىلىمى جانە تەحنيكاسى ينستيتۋتىنىڭ پروفەسسورى ابدۇللا ابباس بىلتىر، ياعني اۆتونوميالى رايون قۇرىلعاندىعىنىڭ 60 جىلدىعى قارساڭىندا ورتالىقتىڭ شينجياڭعا تاعى دا باسا نازار اۋدارعانىنا قاتتى تەبىرەنگەن بولاتىن.
باس شۋجي شي جينپيڭنىڭ شينجياڭعا ارناۋ ءسوز جازۋى، جوعارى دەڭگەيدەگى ورتالىق ۋاكىلدەر ۇيىرمەسىنىڭ تيانشان باۋرايىن ارالاپ، بۇقارادان حال سۇراۋى، سالتاناتتى قۇتتىقتاۋ جينالىسىنىڭ وتكىزىلۋى − شينجياڭنىڭ كەلەر قادامداعى دامۋىنا باعدار كورسەتتى... وسىلاردى ەسكە العاندا، ابدۇللا ابباس تەبىرەنىسىن باسا المادى. ونىڭ كوكەيىنە تەرەڭ ۇيالاعانى − ورتالىق ۋاكىلدەر ۇيىرمەسىنىڭ شينجياڭ ۋنيۆەرسيتەتىنە كەلىپ، كوپشىلىكپەن اڭگىمەلەسكەندە، شينجياڭ ۋنيۆەرسيتەتىنىڭ شينجياڭنىڭ جوعارى جىك دارىندىلارىن تاربيەلەۋ تەبىنىن اناعۇرلىم جوعارىلاتۋ ءۇشىن، مەكتەپتى وقۋ - اعارتۋ مينيسترلىگىنىڭ تىكە قاراستىلىعىنداعى جوعارى مەكتەپ قاتارىنا ەنگىزۋ جونىنەن قويعان ۇسىنىسىنا ورتالىقتىڭ كوپ وتپەي وسى ۇسىنىستى قولداۋ جونىنەن قايتارعان جاۋابى ەدى. كەزەكتە وقۋ - اعارتۋ مينيسترلىگى جوبا جاساپ بولدى، شينجياڭ ۋنيۆەرسيتەتى وقۋ - اعارتۋ مينيسترلىگىنە تىكە قاراستى جوعارى مەكتەپ قاتارىنا ەنگىزىلەتىن بولدى، - دەدى ول.
مەملەكەتتىك ساياسي كەڭەستىڭ مۇشەسى داميت ديۋانا جىل بويى ەگىنشى - مالشىلار اراسىندا تۇرمىس كەشىرىپ، قىزمەت ىستەپ، تاشقورعاننىڭ ەگىن، مال شارۋاشىلىق رايونىندا حايۋاناتتاردى ەمدەۋ قىزمەتىمەن شۇعىلدانۋ بارىسىندا حالىقتىڭ جاعدايىن، حالىق رايىن ۇعىسادى. 2008 - جىلى مەملەكەتتىك ساياسي كەڭەستىڭ مۇشەسى بولعاننان بەرى، وعان ەڭ اسەر ەتكەنى − ورتالىقتىڭ شينجياڭدى قولداۋىنىڭ بارعان سايىن كۇشەيۋى، اشالانۋى ەدى.
«تاياۋ جىلداردان بەرى، اسىرەسە، ورتالىقتىڭ شينجياڭ قىزمەتى جونىندەگى 1 - رەتكى اڭگىمە ءماجىلىسى اشىلعاننان كەيىن، شينجياڭنىڭ ءتۇرلى ىستەرى جەدەل دامىدى، حالىق تۇرمىسى قۇرىلىسى كۇن سايىن جاڭالاندى»، مۇشە داميت ديۋانا: ەگىنشى - مالشىلاردىڭ كىرىسى بارعان سايىن ارتتى، ەمدەۋ - دەنساۋلىق ساقتاۋ، وقۋ - اعارتۋ سىندى شارت - جاعدايلارى بارعان سايىن جاقساردى، وسىلاردىڭ ءبارىن پارتيا ورتالىق كوميتەتىنىڭ قامقورلىعى مەن قولداۋىنان بولە قاراۋعا كەلمەيدى، - دەدى.
■وزگەرىس: رەفورما، دامۋ جەتىستىكتەرى حالىق تۇرمىسىنا تيىمدىلىك جاسادى
بۇرىندارى تارباعاتاي ايماعى 201 - ولكە تاس جولىنا سۇيەنىپ، سىرتپەن بايلانىس جاسايتىن. بۇل قاتىناس جەلىسىندە ايگىلى مايتاس جەل وتكەلى بار، ءار جىلى قىستا بوران مەن قاردىڭ قاتىناس جولىن بوگەۋ، بۇقارا مەن كولىكتەردىڭ قامالىپ قالۋ جاعدايى ۇنەمى تۋىلاتىن.
«قازىر ءبارى وزگەردى». مەملەكەتتىك حالىق قۇرىلتايىنىڭ ۋاكىلى، شاۋەشەك قالاسى 2 - بالا باقشاسىنىڭ وقىتۋشىسى لي نا قۋانىشتى تۇردە: 2014 - جىلدىڭ سوڭى تارباعاتاي ايماعىنىڭ 1 - جەلى جوعارى قارقىندى تاس جولىنىڭ قارامايلىدان شاۋەشەككە دەيىنگى بولەگىندە كولىك قاتىنادى، جول بۇرىنعىعا قاراعاندا قىسقاردى، كەڭ ءارى تەگىس. ونىڭ ۇستىنە شاۋەشەكتەن قارامايلىعا باراتىن تەمىر جول سالىنۋ ۇستىندە، قۇرىلىس جۇمىسى كەلەر جىلى اياقتايدى، - دەدى.
«تەمىر جول، جوعارى قارقىندى تاس جول قۇرىلىسىن جۇرگىزۋ ءۇشىن قىرۋار راسميات بىتىرۋگە، قوماقتى قارجى قوسۋعا تۋرا كەلەدى، ەگەر ورتالىقتىڭ بارىنشا قولداۋى بولماسا، وسىنشاما تەز ىلگەرىلەۋشىلىك بولۋى مۇمكىن ەمەس»، - دەدى ۋاكىل لي نا.
مەملەكەتتىك حالىق قۇرىلتايىنىڭ ۋاكىلى، اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ماردان مۇقيتتىڭ دا اسەرى تەرەڭ. 2010 - جىلدىڭ الدىندا اقسۋ ايماعىندا تولىق ورتا كەزەڭىندەگى وقۋشىلاردىڭ وقۋعا ءتۇسۋ سالىستىرماسى %60 اينالاسىندا بولاتىن، بىلتىر بۇل سان %96كە جەتتى، ورتالاۋ تاۋىسقاندار دەرلىكتەي تولىق ورتادا وقيتىن بولدى.
«بۇل ورتالىقتىڭ كەلەلى قولداۋ ساياساتىنىڭ ارقاسىندا جۇزەگە استى». ماردان مۇقيت: 2014 - جىلى مامىر ايىندا ورتالىق وڭتۇستىك شينجياڭدا تولىق ورتا كەزەڭىندە تەگىن وقىتۋدى جاپپاي اتقارۋدى ۇيعارعان بولاتىن، مۇنىڭ ونىمدىلىگى قازىر كورىلدى، - دەدى.
ۋاكىل ماردان مۇقيت بىلاي دەدى: ورتالىق شينجياڭنىڭ توقىماشىلىق، كيىم - كەشەك كاسىپ سالاسى ارقىلى كاسىپتەندىرۋدى جەبەۋ ساياساتىنا قولداۋ كورسەتتى، شينجياڭنىڭ نەگىزگى ماقتا ءوندىرىس رايونى بولعان اقسۋ ايماعىنىڭ وسى ساياساتتىڭ دەمەۋىندە توقىماشىلىق، كيىم - كەشەك كاسىپ سالاسى 2 جىلدان بەرى قارقىندى دامىدى، ەلىمىزدەگى كوپتەگەن ايگىلى كاسىپورىندار اقسۋعا ىرگە تەپتى، ەگىنشى - مالشىلار ءوز جەرىندە كاسىپتەنىپ، كىرىسىن ارتتىرىپ، الاڭسىز تىرشىلىك ەتتى.
■ العىس: پارتيانىڭ ابزال ساياساتى باقىتتىڭ قاينارى
«نەگىزگى ساتىدا قىزمەت تەكسەرگەن كەزىمدە، ەڭ شەكارا، مەيلى شالعاي مال شارۋاشىلىق رايوندارى بولسىن، مالشىلار جاڭا بەيقۇت ۇيلەردىڭ ورتالىق قارجىسىنىڭ قولداۋىمەن سالىنعاندىعىن تۇگەل بىلەدى، بۇقارا ورتالىققا بولعان العىسىن جىر عىپ ايتادى». ۋاكىل ابدۇللا ابباس: وقۋ - اعارتۋ، ەمدەۋ، كاسىپتەندىرۋ، تۇرعىن ءۇي، ەڭ تومەنگى تۇرمىستى قامتاماسىزداندىرۋ... ءاربىر حالىق تۇرمىسىنا تيىمدىلىك جاساۋ ساياساتىن ورتالىقتىڭ بارىنشا قولداۋىنان بولە قاراۋعا كەلمەيدى، بۇل ءتۇيىندى شينجياڭدا بۇقارا جاقسى تۇسىنەدى. وسى قامقورلىق پەن قولداۋلار ۇران، بوس ءسوز عانا بولماستان، بۇقارا تۇرمىسىنىڭ بارلىق جاعىنا تىڭعىلىقتى تياناقتاندى، شينجياڭداعى ءار ۇلت بۇقاراسى كوزبەن كورىپ، قول ۇستاي الاتىن ناقتى يگىلىككە كەنەلدى، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
