- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇقارانىڭ «قالتاسىن» تەزىرەك قامپايتۋ كەرەك
جياڭ لين
2016.01.18 14:49 كەلۋ قاينارى : شينجياڭ گازەتى
كىرىس − تىرشىلىكتىڭ تىرەگى، حالىق تۇرمىسىنىڭ قاينارى، سونداي - اق بۇقارا ەڭ تىكەلەي، ەڭ ناقتى سەزىنەتىن مۇددەلىك ماسەلە. «13- بەسجىلدىق» جوبانى جاساۋ جونىندەگى ۇسىنىستا الداعى 5 جىلدا كىرىس پارقىن ازايتۋدىڭ، تۇرعىنداردىڭ كىرىسىن ءۇرتىس ارتتىرۋدىڭ ناقتى ءادىس - شارالارى العا قويىلدى، مۇنداي ايقىن شارالار جۇرتتى سەرپىلتىپ تاستادى.
ءۇمىت شىنايى قاجەتتەن تۋىندايدى. كىرىس ءبولىسى رەفورماسىن جۇرگىزۋدى جوسپارلاعالى تالاي جىل بولدى، ەڭ تومەنگى ەڭبەكاقى ولشەمىن ۇزبەي جوعارىلاتىپ، مەملەكەت مەنشىگىندەگى كاسىپورىندارداعى جوعارى دارەجەلى باسقارۋشىلاردىڭ ەڭبەكاقىسىنا شەك قويسا دا بۇقارا «كوپ ىستەپ، از العانداي»، كىرىستىڭ ارتۋى ءۇي باعاسىنىڭ، زات باعاسىنىڭ ارتۋىنا جەتە الماعانداي سەزىنۋدە. ۇقساماعان جىك، ۇقساماعان كاسىپ، ۇقساماعان ءوڭىر اراسىنداعى كىرىس پارقى ءالى دە ۇلعايىپ بارادى. مۇندا تۇرعىنداردىڭ كىرىسى ەڭبەك تابىسىنىڭ كىرىس بولىسىندەگى سالىستىرماسىنىڭ تومەن بولىپ وتىرعاندىعى، وعان، باستىسى، كەيبىر مونوپول كاسىپ سالاسىنىڭ ەرەكشە ورنىنىڭ كىرىس پارقىن ۇلعايتىپ بارا جاتقاندىعى سەبەپ بولۋدا.
جۋىقتا شينحۋا اگەنتتىگى كەسەك ساندى مالىمەتتەردەن پايدالانىپ «13- بەسجىلدىق» جوبانى جاساۋ جونىندەگى ۇسىنىستاعى جۇرت كوڭىل ءبولىپ وتىرعان 10ءىرى تاقىرىپتى تىركەگەندە، ەڭ باسىنا كىرىس ماسەلەسىن قويدى. بۇقارا الداعى جەردە كىرىسىم ءبىر قاتتالا ما، جوق پا دەگەنگە كوڭىل بولۋمەن بىرگە، ساياساتتى تياناقتاندىرۋ بارىسىندا قوعامدىق تەڭدىك پەن ادىلدىكتى قورعاۋدى ءۇمىت ەتۋدە. بۇل كىرىس قاينارىن مولايتۋدى قاجەت ەتىپ قالماستان، اقشانى بۇقارانىڭ، ۇلەس قوسقان ەڭبەكشىلەردىڭ قولىنا تيگىزۋدى، «كوپ ىستەگەن كوپ الادى» دەيتىن ءسوزدى ناعىز ايگىلەۋدى قاجەت ەتەدى.
ۇيلەسىمدى كىرىس ءبولىسى ءتۇزىمى − قوعامدىق تەڭدىكتىڭ ماڭىزدى بەينەسى ءارى قالىڭ ەڭبەكشىلەردىڭ قوعامدىق بولىسكە تەپە - تەڭ ارالاسۋىنىڭ نەگىزدىك كەپىلى. «13- بەسجىلدىق» جوبانى جاساۋ جونىندەگى ۇسىنىستا تومەن كىرىستى ەڭبەكشىلەردىڭ كىرىسىن كورنەكتى تۇردە ارتتىرىپ، ورتا كىرىستىلەردىڭ ۇلەس سالماعىن مولايتۋ؛ جيناقتاۋ مەن تۇرگە ايىرۋ ءوزارا ۇشتاستىرىلعان جەكەلەر تابىس باجى ءتۇزىمىن تەز ارادا ورناتۋ؛ تۇرعىنداردىڭ قازىنالىق كىرىسىن ءار الۋان جولدارمەن ارتتىرۋ سياقتىلار ورتاعا قويىلىپ، بۇقارانىڭ كوڭىل ءبولىپ وتىرعان ماسەلەسىنە اڭىس قايتارىلىپ، ءبولىس جۇيەسىن قايتادان قالىپتاستىرۋ، سونداي - اق ونىمدىلىك پەن ادىلدىكتىڭ قاتىناسىن دۇرىس شەشۋ جونىندە جان - جاقتى دا عىلمي ورنالاستىرۋلار جاسالدى.
دامۋدىڭ ماقساتى حالىق ءۇشىن بولۋ، دامۋدا حالىققا سۇيەنۋ، حالىقتى دامۋدىڭ تابىستارىنان بىرگە يگىلىكتەندىرۋ كەرەك. ەڭ قيىن ماسەلەنىڭ ءبىرى بولعان كىرىس ءبولىسى رەفورماسىنىڭ قوزعايتىنى − «قىزىل اقشا»، جۇرتتىڭ جەكە باسىنا قاتىستى نارسە − مۇددە. بۇقارانىڭ «قالتاسىن قامپايتۋدا»، ءسوزسىز، رەفورمانى تاباندىلىقپەن ىشكەرىلەي جۇرگىزىپ، قيىنشىلىقتى جەڭە العا ىلگەرىلەۋ ءتيىس. بۇل ءار دارەجەلى ۇكىمەتتىڭ «بىرگە يگىلىكتەنۋ» تانىمىن امالياتتا ايگىلەۋ يكەمىن سىنايدى، ول تاعى ۇكىمەتتىڭ حالىققا يگىلىك جەتكىزۋ بەكىمى مەن جىگەرىنە دە قاتىستى، سوندىقتان «تومەن كىرىستى ارتتىرۋ»، «ورتا كىرىستىڭ ۇلەسىن مولايتۋ»، «جوعارى كىرىسكە شەك قويۋ» سياقتى ناقتى ساياساتتاردى اتقارۋ بارىسىندا ىسكە شىنايى كىرىسىپ، مۇددەلىك شەڭبەردى باتىلدىقپەن بۇزۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
