- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭالىقتى دارىندىلار اشسىن
جاڭ چيڭليڭ
2016.01.18 14:50 كەلۋ قاينارى : شينجياڭ گازەتى
ج ك پ 18- كەزەكتى ورتالىق كوميتەتىنىڭ بەسىنشى جالپى ماجىلىسىندە «بەس ۇلكەن دامۋ يدەياسى» العا قويىلدى، مۇنىڭ ىشىندە جاڭالىق اشا دامۋ باستى ورىندا تۇرادى. ەگەردە ءداستۇرلى دامۋدى قوسۋ امالى دەسەك، جاڭالىق اشا دامۋدى كوبەيتۋ امالى دەۋگە بولادى. جاڭالىق اشۋدى يگەرۋ − دامۋدى جەبەۋ دەگەندىك؛ جاڭالىق اشۋعا تالپىنۋ − بولاشاققا تالپىنعاندىق.
«تابىس دارىندىلار ارقىلى قولعا كەلىپ، شارۋاشىلىق دارىندىلار ارقىلى وركەندەيدى». ءارقانداي ءبىر تەحنيكانى زەرتتەپ اشۋ، نىسانداردى اتقارۋ، ونىمدەردى جالپىلاستىرۋ تۇگەلدەي دارىندىلاردان قول ۇزە المايدى. ەگەر دامۋدى اۆتوكولىككە تەڭەسەك، دارىندىلار وسى اۆتوكولىكتىڭ «قوزعاۋشى جۇيەسى». كىم ەڭ ۇيتقىلىق رول اتقاراتىن دارىندىلارعا يە بولسا، ونىڭ دامۋ قارقىنى ەڭ تەز بولادى. دارىندىلاردىڭ جاڭالىق اشا دامۋدى جەبەۋ رولى تالاس جۇرمەيتىن اقيقاتقا اينالعان.
دارىندىلارعا ونەرىن ايگىلەيتىن ءورىس اشۋ، جوعارى ساپالى دارىندىلاردان پايدالانۋعا ءمان بەرۋ كەرەك. وڭىرلىك ەكونوميكانىڭ دامۋىنداعى باسەكە، سايىپ كەلگەندە، دارىندىلار باسەكەسى، جوعارى ساپالى دارىندىلار قوسىنى بولماعان ورىن، قاي - قاشان دا الىسقا قۇلاش سەرمەي الماي، تار ءورىستى شيىرلايدى. اۋىس - كۇيىس جاساۋعا نازار اۋدارۋ ءتيىس. اۋىس - كۇيىس بولعاندا عانا، دارىندىلار بازارىن جانداندىرۋعا، «بارلىعىنا قىزىقپاي، قاجەتتىسىن عانا قابىلدايتىن» يكەمدى مەحانيزمدى قالىپتاستىرۋعا بولادى. «ءوز ىشىندەگى دارىندىلاردى» باۋلۋعا كوڭىل ءبولۋ. مۇمكىندىكتىڭ بارىنشا سىرتتان دارىندىلار باۋراۋمەن بىرگە، «ءوز ىشىندەگى دارىندىلاردى» دا بار كۇشپەن جەتىلدىرۋ ءتيىس. سىرتتان كەلگەن دارىندىلارعا عانا ءمان بەرىپ، وزىندەگى دارىندىلاردى ەسكەرۋسىز قالدىرىپ، «قولدا باردا التىننىڭ قادىرى جوق» دەۋدەن ساقتانۋ قاجەت.
دارىندىلارعا تىنىستى ورتا جاساۋ كەرەك. جاڭالىق اشۋ − سالتاناتتى ەكسپەدەتسيالىق قيمىل ىسپەتتى، ول بازاردىڭ كۇشتى باسەكەسىن، سان مىڭداعان بازار تۇلعاسىنىڭ سىناق بارىسىندا دۇرىس باعدارىن تابۋدى قاجەت ەتەدى. بەلگىلى ماننەن العاندا، ساتسىزدىك بولمايىنشا جاڭالىق اشۋ دا بولمايدى. باس شۋجي
شي جينپيڭ: تابىسقا جەتۋگە ءمان بەرۋمەن بىرگە، ساتسىزدىككە جولىققاندا، ءتىپتى دە، كەڭ پەيىل بولۋ، دارىندىلاردىڭ باعا بەرۋ، ءجون كورسەتۋ رولىن جەتە ساۋلەلەندىرۋ كەرەك، - دەپ باسا دارىپتەدى. ساتسىزدىككە جولىققان كەزدە كەڭ پەيىل بولعاندا تابىسقا جەتكەندەردى ارداقتاپ، ساتسىزدىككە تاپ بولعانداردى قاعىس قالدىراتىن جاعدايدان ساقتانۋعا، شارۋاشىلىق قۇرىپ، جاڭالىق اشۋعا ۇمتىلعان دارىندىلاردىڭ مول تابىستارعا كەنەلگەندەي جالعان كوركەيىپ - گۇلدەنگەن قۇبىلىس قالىپتاستىرۋىنىڭ الدىن الۋعا بولادى، بۇل ءارى تاجىريبەلەردى جاقسى قورىتىندىلاپ، جەڭىلىس نارقىن جەڭىستىڭ كاپيتالىنا شىنايى اينالدىرۋعا دا پايدالى. دارىندىلارعا تىنىستى ورتا جاساۋدىڭ ءوزى ولاردىڭ تولىسۋ زاڭدىلىعىنا بويسۇنعاندىق بولادى، «جاڭالىق اشۋعا شابىتتاندىرۋ، ساتىسىزدىككە تاپ بولعاندا كەڭ پەيىل بولۋ» تانىمىن ەكونوميكالىق، قوعامدىق دامۋ امالياتىنا توعىستىرۋ، اكىمشىلىك تەكسەرىپ بەكىتۋدى، بازار قورعانىسىن شىنايى جاقسارتۋ جانە ءتۇرلى كەدەرگىلەردى ازايتۋ، بازار ءورىسىن، شارۋاشىلىق قۇرۋ كولەمىن كەڭەيتۋ؛ «دارىنداردىلاردى ايالاۋ، دارىندىلاردى سيدىرۋدى» ەستەن شىعارماۋ، تالانتتىلاردى تانۋ، دارىندىلارعا قۇرمەت ەتۋ، دارىندىلاردى ايالاۋ، دارىندىلاردى پايدالانۋ ستيلىن مىقتاپ قالىپتاستىرىپ، دارىندىلاردىڭ تىنباي تىڭ تابىس جاراتاتىن اسقاق جىگەرىن ساۋلەلەندىرۋ كەرەك.
دارىندىلار ارا سەلبەسۋ سيپاتتى قۇرىلىم قالىپتاستىرۋ كەرەك. «دامۋدى جاڭالىق اشۋمەن جەبەپ، بولاشاقتى سەلبەسىپ جاراتۋ» ءتيىس. كوپ جينالعان جەردە اقىل قوسىلادى، تاجىريبە توپتالعاندا عانا اقىل - پاراسات ۇشتالادى، اۋىس - كۇيىس جاساعاندا عانا دامۋعا ورتاق تانىم قالىپتاسادى. باستىسى، سەلبەسۋشىلەردىڭ «جۇلدىزى جاراسۋى»، جاڭالىق اشۋ، شارۋاشىلىق قۇرۋ ورتاسى وسكەلەڭ توعىسۋى ءتيىس. سەلبەسكەندە «ورتاق تۇلعا» بەينەلەنۋى، بايلىقتان تەڭ يگىلىكتەنىپ، جاۋاپكەرشىلىكتى تەڭ ارقالاۋ، مۇددەگە بىرگە كەنەلۋ كەرەك. سەلبەسكەندە ءتۇيىندى دۇرىس تابۋ كەرەك، دارىندىلار مەن كاسىپتىڭ سەلبەستىك ءتۇيىنىن ءدال تابۋ، الدىمەن دارىندىلارعا قىزمەت وتەۋ قاجەت، سەلبەسكەن دارىندىلارعا كۇش سالا سايكەسكەندە دارىندىلاردى ورنىقتىرۋعا، كاسىبىمەن الاڭسىز شۇعىلدانۋىنا وراي جاراتۋعا بولادى؛ دارىندىلارعا بولعان قاجەتسىنۋ مەن جاڭالىق اشىپ، شارۋاشىلىق قۇرۋداعى «ءالسىز بۋىنداردى» ءداپ باسىپ تاۋىپ، جاڭالىق اشۋ ورتاسىن كەمەلدەندىرۋ ارقىلى باسقالاردا جوق دارىندىلارعا الدىمەن قول جەتكىزۋ، باسقالاردا بار دارىندىلاردان ساپالى بولۋعا تالپىنىپ، ورتاق قۇلشىنىسپەن شۇعىلالى تابىسقا قول جەتكىزۋ كەرەك.
اۋدارعان: امان مەللات ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
