لي كىچياڭ سانشيدە قىزمەت تەكسەرگەندە مىنانى دارىپتەدى
بۇقارانىڭ تىلەگىنە قۇلاق اسىپ، دەن قويا كۇش سالىپ، حالىق تۇرمىسىنا تيىمدىلىك جاساۋ قىزمەتتەرىن تىڭعىلىقتى، ويداعىداي ىستەۋ كەرەك
2021.02.09 16:38 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 8 – كۇنى، تاييۋان (ءتىلشى ليۋ جىڭ). كوكتەم مەرەكەسى قارساڭىندا، اتاپ ايتقاندا، 2 - ايدىڭ 7 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سانشي ولكەلىك پارتكومنىڭ شۋجيى لوۋ ياڭشىڭنىڭ، ولكە باستىعى لين ۋ - دىڭ سەرىك بولۋىندا يۇنچىڭدا قىزمەت تەكسەردى. ول مىنالاردى دارىپتەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىققا ءتيىمدى ىستەردى ناقتى ىستەپ، حالىققا پايدالى ىستەردى ويداعىداي ىستەپ، باياندى دامۋ بارىسىندا حالىق تۇرمىسىن ۇزدىكسىز جاقسارتۋ كەرەك.
يانحۋ رايونى دۇڭگو قالاشىعىنىڭ مەرەكەلىك بۇيىمدار بازارىندا جايماشىلار زۇڭليگە وزدەرىنىڭ جاقسى ونىمدەرىن كورسەتتى. لي كىچياڭ جەرگىلىكتى ەرەكشەلىككە يە مەرەكەلىك بۇيىمداردى قىزىعا ساتىپ الدى ءارى جايماشىلارمەن، بۇقارامەن اڭگىمەلەسىپ، شوشقا، سيىر، قوي ەتىمەن، كوكونىسپەن قامداۋ جانە باعا جاعدايىن ەگجەي – تەگجەيلى ۇعىستى. ءتۇرلى تاۋارلارمەن قامداۋدىڭ ءبىرشاما جەتكىلىكتى ەكەنىن كورگەن لي كىچياڭ بىلاي دەدى: شاعىن بازارلار ءىرى بازارلارمەن تۇتاسىپ، بۇقارانىڭ قاجەتىن تىكەلەي قاناعاتتاندىرىپ وتىر. بارلىق مەرەكەنىڭ ىشىندە كوكتەم مەرەكەسى ەڭ نەگىزگى مەرەكە سانالادى، كوكتەم مەرەكەسىندە زات ساتىپ الۋ قاجەتى ارتادى، ازىق - تۇلىكتىڭ ساپا حاۋىپسىزدىگىن ويداعىداي قامتاماسىزداندىرىپ، جاسىل، ورگانيكالىق اۋىل شارۋاشىلىق ونىمدەرىن كوبىرەك ءوندىرىپ، ساۋداگەرلەردىڭ جاقسى زاتتاردى ساتىپ الۋىنا، بۇقارانىڭ ساتىپ الا الۋىنا، الاڭسىز تاماقتانۋىنا مۇمكىندىك جاساۋ كەرەك. سول مايدانداعى جۇرتشىلىق پەن زۇڭلي جاڭا جىل بايلانىسىمەن ءوزارا قۇتتى بولسىن ايتتى، لي كىچياڭ بارشا وتباسىنىڭ كوكتەم مەرەكەلەرىنىڭ كوڭىلدى، ىستەرىنىڭ ىلگەرى بولۋىنا تىلەك ءبىلدىردى.
شياشيان اۋدانى ميانچيان قالاشىعى ۋ - سۇن قىستاعى − كەدەيلىكتەن ارىلعان قىستاق. لي كىچياڭ قىستاق تۇرعىنىنىڭ ۇيىنە بارىپ، مەرەكەلىك بۇيىم جانە ىزگى تىلەك جەتكىزىپ، كوپشىلىكپەن قورالانا وتىرىپ، وتباسىنىڭ كىرىسىن ەسەپتەپ، قانشا مۋ جەرى بار ەكەنىن، قانشا ادام جۇمىس ىستەپ جاتقانىن، تاعى قانداي ءۇمىت - تىلەكتەرى بار ەكەنىن سۇرادى. ول بىلاي دەدى: مەملەكەت قازىر اۋىل - قىستاقتى گۇلدەندىرۋ ستراتەگياسىن اتقارۋدا، سۇيەمەلدەۋ جانە جەبەۋ ساياساتىن ۇزدىكسىز اتقارىپ، كەدەيلىكتەن ارىلتۋدىڭ تابىسىن بەكەمدەيدى، ساياسات جاقسى، كوپشىلىك قۇلشىنا ىستەسە، تۇرمىسى بارعان سايىن جاقسارادى. ول سىرتتا جۇمىس ىستەپ جۇرگەن قىستاق تۇرعىندارىن قاجىرلىلىقپەن ەڭبەكتەنىپ وتباسىلارىنا تىرەك بولۋعا شابىتتاندىردى. قىستاقتاعى بالالار زۇڭلي كوڭىل ءبولىپ وتىرعان وقۋ جاعدايىنا جاۋاپ بەردى، ءبىر باستاۋىش مەكتەپ وقۋشىسى قۋانىشپەن زۇڭليگە تاڭ ءداۋىرىنىڭ ولەڭىن جاتقا ايتتى، لي كىچياڭ بالالاردى جۇڭحۋانىڭ تاڭداۋلى ءداستۇرلى مادەنيەتىن ويداعىداي تۇسىنۋگە، جالعاستىرۋعا شابىتتاندىردى. ول بۇقارانىڭ قىس ماۋسىمىندا جىلىنۋىنا ەرەكشە كوڭىل ءبولدى، مەملەكەت ساياساتىنىڭ قولداۋىندا، قىستاقتىڭ شيكىزاتتىق پەشتەن پايدالانىپ، جەرگىلىكتى ورىنداعى قالدىق جەمىس بۇتاقتارى، سابان تۇيىرشىكتەرى سياقتىلاردى جانار زات ەتۋ ارقىلى تاماق جاساۋ، جىلۋمەن قامداۋ ماسەلەسىن شەشىم ەتكەنىن ەستىپ ايرىقشا قۋاندى ءارى بۇل ءىستى تولىق تۇراقتاندىردى. ول مىنانى دارىپتەدى: قىستا جىلۋمەن قامداۋدا كومىر جاعدايىنا، گاز جاعدايىنا قاراي، جەرگىلىكتى ەرەكشەلىككە ساي ءىس كورۋ كەرەك. بۇقارا ءۇشىن جۇمىس ىستەۋدە ءىس جۇزىندىكتى تياناق ەتىپ، كوبىرەك مي جۇمساپ، بۇقارانىڭ تۇرمىسىن اناعۇرلىم قولايلىلاندىرۋعا كۇش سالۋ قاجەت.
لي كىچياڭ لاشىقتار رايونىنداعى ءبىر تۇرعىننىڭ ۇيىنە بارىپ، كاسىپتەنۋ، كىرىس، ەمدەۋ قامسىزداندىرۋىنان ەسەپتەن كوتەرۋ، اقى تاپسىرۋ سياقتى جاعدايلارمەن تانىستى. ول تۇرعىنداردىڭ شاعىن رايوندى وزگەرتۋ جونىندەگى ويىن سۇرادى، كوپشىلىك زۇڭليگە قازىرگى تۇرعىن ۇيلەردىڭ سۋ دەڭگەيى تومەن ەكەنىن، جىلۋمەن قامدالماعانىن اڭىس ەتتى، شاعىن اۋماقتى جاڭالاۋعا مۇقتاج بولىپ وتىرعاندارىن ايتتى. جەرگىلىكتى ورىنداعى جاۋاپتى جولداستار وزدەرىنىڭ بازارداعى كۇشتەردى ەنگىزىپ، لاشىقتار رايونىن جەدەل وزگەرتۋگە كىرىسۋ جاعدايىنان مالىمەت بەردى، لي كىچياڭ تاپسىرىق بەرىپ بىلاي دەدى: بۇقارانىڭ تىلەگىنە قۇلاق اسىپ، جەدەل جۇمىس باستاپ، وزگەرتىپ سالۋعا كىرىسۋ كەرەك، مەملەكەت لاشىقتار رايونى مەن كونە، شاعىن رايونداردى جاڭالاۋعا ۇزدىكسىز قولداۋ كورسەتەدى، ءتىپتى دە كوپ بۇقارانىڭ تۇرمىسقا قولايلى، جايلى جاڭا ۇيگە ەرتەرەك كوشىپ كىرۋىنە مۇمكىندىك جاساۋ كەرەك.
كوكتەم مەرەكەسى كەزىندە جەدەل جەتكىزۋ سۇرانىسى كۇشتى بولدى، لي كىچياڭ جۇڭتۇڭ جەدەل جەتكىزۋ ءبولىپ بەرۋ ورتالىعىنا كەلدى، كاسىپورىن جاۋاپتىسىنىڭ تانىستىرۋىنشا، شارا قولدانىلىپ، زات اينالىمى جەدەلدەتىلگەن. سوڭعى 2 جىلدا جەدەل جەتكىزۋدەگى بىرلىك وزىندىك قۇننىڭ زور دارەجەدە تومەندەگەنىن ەستىگەن لي كىچياڭ بىلاي دەدى: زات اينالىمى جەدەل جەتكىزۋ كاسىبى − ەكونوميكالىق اينالىمنىڭ كۇرە تامىرى، وزىندىك قۇننىڭ تومەندەۋى تۇتىنۋدى جەبەۋگە پايدالى، سونداي – اق جەدەل جەتكىزۋ كاسىبىنىڭ دامۋىن ىلگەرىلەتىپ، جۇمىستاندىرۋدى جەبەۋ، اسىرەسە، يكەمدى جۇمىستاندىرۋدى جەبەۋ كەرەك. ول جەدەل جەتكىزۋشىلەرگە بىلاي دەدى: جەدەل جەتكىزۋ كاسىبى جۇرتقا تىيىمدىلىك اكەلىپ، تۇرمىستى قامتاماسىز ەتۋگە سەپتىگىن تيگىزدى. يۇنچىڭ قالاسىنىڭ اتى «تالەي قالاسى» دەگەن ماعىنانى بىلدىرەدى، ءبىراق تالەي اسپاننان تۇسپەيدى، كوپشىلىك قۇلشىنا كۇرەس جۇرگىزگەندە عانا تالەي ورايىن يگەرە الادى.
لي كىچياڭ سانشي ولكەسىنىڭ تاياۋ جىلداردان بەرى قول جەتكىزگەن تابىستارىن تولىق تۇراقتاندىرىپ، مىنانى ءۇمىت ەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن تياناقتاندىرىپ، تىڭعىلىقتى العا باسىپ، ءورىس اشا ناقتى ىستەپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەپ، ەكونوميكالىق دامۋ مەن حالىق تۇرمىسىن جاقسارتۋدا ۇزدىكسىز تىڭ دا اناعۇرلىم زور تابىستارعا قول جەتكىزىپ، ساپالى دامۋدى ىلگەرىلەتۋ كەرەك.
شياۋ جيە، حى ليفىڭ تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
