جاپ اۋزىڭدى! الدامشىلىقپەن اتى شۋلى بولعان پومپەو
اۆتونوميالى رايوندىق پارتكومنىڭ بۇرىنعى ورىنباسار شۋجيى قيۇم باۋدىن
2021.02.08 16:21 كەلۋ قاينارى : شينجياڭ گازەتى
جۋىقتا وتىرىك ايتۋمەن، الداپ - ارباۋمەن اتى شۋلى بولعان امەريكانىڭ بۇرىنعى مەملەكەت ىستەرى حاتشىسى پومپەو شينجياڭعا ساياتىن ساندىراقتاردى تاراتىپ، شينجياڭعا ەسەرسوقتانا شابۋىل جاساپ، جۇڭگو ۇكىمەتىنىڭ شينجياڭدى جونگە سالۋ ساياساتىن قيسىنسىز جازعىرىپ، شينجياڭنىڭ اسا تاماشا جاعدايىنا جانە ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. وسى جەكسۇرىن ارەكەت حالىقارالىق زاڭ جانە حالىقارالىق قارىم - قاتىناستىڭ نەگىزگى ولشەمىنە اۋىر قايشىلىق جاساعاندىق، جۇڭگونىڭ ىشكى ىسىنە دورەكىلىكپەن كيلىككەندىك، بۇل شينجياڭداعى ءار ۇلت حالقىنىڭ كوڭىل كۇيىنە اۋىر قاياۋ سالدى. بۇعان مەن قاتتى كەكتەنەمىن جانە باتىل قارسى تۇرامىن.
پومپەو وتىرىك ايتۋدى، كۇيە جاعۋدى كانىگى ادەتى ەتىپ، بارلىق جەردە وت جاعىپ، جالا جاۋىپ، وتىرىك ايتىپ، اق پەن قارانى شاتاستىرىپ، تاريحتى بۇرمالادى، شىندىقپەن ساناسپادى، سەنىمدىلىكتەن، ءمورالدان جۇرداي بولىپ، كوپە - كورنەۋ تالان - تاراجىلاۋداي قاراقشىلىق لوگيكاسى، ”مينا كومىپ، ءورت قوياتىن“ ورتالىق مالىمەت توپتاۋ مەكەمەسىنىڭ ويىنى ارقىلى شينجياڭعا ساياتىن وسەك - اياڭداردى ۇزدىكسىز قولدان جاساپ، تاراتىپ، حالىقارالىق قوعامدا جامان اتى جالپاق ەلگە جايىلدى، جەكسۇرىندىعى جۇرتقا ءمالىم بولدى، بارار جەر، باسار تاۋى جوق سۇمپايىعا اينالدى. وسى وسەك - اياڭدار تالاي رەت بۇلتارتپاس فاكتتەرمەن ءبىر - بىردەن ايپاراداي اشىلدى، ونىڭ جۇڭگوعا قارسى ويىنىن ەشكىم قولدامايدى، ونان دا ماڭىزدىسى، جۇرت جاقتىرمايدى، ونىڭ ءسوز - ارەكەتى جالپى جۇرتقا نەنىڭ زاۋالعا بەت العان اپەرباقاندىق ەكەندىگىن تاعى ءبىر رەت كورسەتتى.
شىندىققا تالاس جۇرمەيدى. پومپەو قالاي وتىرىك ايتسا دا شينجياڭنىڭ ورنىقتى بولعان، دامىعان شىندىعىن بۇركەمەلەي المايدى، شينجياڭداعى ءار ۇلت حالقىنىڭ باقىتتى تۇرمىس كەشىرگەن شىندىعىن وزگەرتە المايدى. شينجياڭنىڭ بۇگىنگى تاڭداعى تىنىشتىعى، جاراسىمدىلىعى وڭاي - وسپاق قولعا كەلگەن ەمەس. وتكەن ءبىر مەزگىلدە شينجياڭدا زورلىقتى كۇش لاڭكەستىك قيمىلدارى كوپ تۋىلدى، ءجيى تۋىلدى، ءار ۇلت بۇقاراسىنىڭ ءومىر ءسۇرۋ ۇقىعى مەن دامۋ ۇقىعى اۋىر دارەجەدە اياققا تاپتالدى. ءار جاقتىڭ قاجىرلى قۇلشىنىسىنىڭ ارقاسىندا شينجياڭ قىزمەتى كەلەلى ناتيجەگە قول جەتكىزدى، ءۇرتىس 4 جىلدان استام ۋاقىتتان بەرى زورلىقتى كۇش لاڭكەستىك دەلوسى تۋىلمادى، ۇشقارىلىقتىڭ سىنالاپ كىرۋى ءونىمدى تەجەلدى، قوعام اماندىعى جاعدايى كورنەكتى جاقساردى، ەكونوميكالىق دامۋ ءۇرتىس جاقساردى، حالىقتىڭ تۇرمىسى كورنەكتى جاقساردى، ”ەكىدەن تارىقتىرماۋ، ءۇشتى قامتاماسىز ەتۋ“ جالپى بەتتىك جۇزەگە استى؛ جان سانى ورنىقتى ءۇرتىس ارتتى، 2010 - جىلدان 2018 - جىلعا دەيىن شينجياڭدا ۇيعۇر ۇلتىنىڭ جان سانى 10 ميلليون 171 مىڭ 500 ادامنان 12 ميلليون 718 مىڭ 400 ادامعا ءوسىپ، ％25.04 ارتىپ، ارتۋ مولشەرى حانزۋلار جان سانىنىڭ ％2.0تىك ارتۋ مولشەرىنەن ايتارلىقتاي جوعارى بولدى؛ ەڭبەكشىلەردىڭ ۇقىق - مۇددەسى تولىق قامتاماسىز ەتىلدى، ءار ۇلت ەڭبەكشىلەرى جۇمىستاندىرۋ ورايىنان تولىق يگىلىكتەندى. تالاي - تالاي فاكت جاڭا داۋىردەگى شينجياڭنىڭ دامۋداعى نىق قادامىن كورنەكتىلەندىردى، ءار ۇلت بۇقاراسىنىڭ گۇلدەنۋگە، دامۋعا بىرگە ۇمتىلاتىن باقىتتى تۇرمىستان بىرگە يگىلىكتەنەتىن تاماشا كارتينانى ايگىلەدى. فاكت پەن ناقتى جاعداي الدىندا، پومپەو ەستىمەسكە سالىنىپ، ءوزى قۇراستىرعان جۇڭگوعا قارسى بۇلدىر قيالعا باتىپ، اقىلدان اداسىپ، شينجياڭنىڭ ۇلت قاتىناسىنا قاسارىسا ىرتكى سالىپ، شينجياڭنىڭ ورنىقتىلىعىن، دامۋىن بۇلدىرۋگە ۇرىندى.
شينجياڭداعى ءار ۇلت كادرلارى مەن بۇقاراسى ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت، قوعام ورنىقتىلىعى مەن باياندى تىنىشتىق − جاعدايدىڭ بەتالىسى، جۇرتتىڭ قالاۋى ەكەندىگىن ابدەن بىلەدى. پومپەو تەكتەستەردىڭ شينجياڭنىڭ ورنىقتىلىق، دامۋ جاعدايىنا كەدەرگىلىك جاساۋعا ۇرىنۋى ءالىن بىلمەي الەك بولعاندىق، كۇيىنە قاراماي كۇپىنگەندىك، ءوز شاماسىنا قاراماعاندىق، ونىڭ ءداۋىردىڭ تەگەرشىگىنە جانشىلىپ بىت - شىت بولاتىندىعى ءشۇباسىز. ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ − ءار ۇلت كادرلارى مەن بۇقاراسىنىڭ تاماشا تىلەگى ءارى ءبىر ميلليارد 400 ميلليون جۇڭحۋا ۇلاندارىنىڭ ورتاق ارمانى. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ كوڭىل ءبولۋى مەن قولداۋىندا، بۇكىل رايونداعى ءار ۇلت كادرلارى مەن بۇقاراسىنىڭ ورتاق قۇلشىنۋىندا، ءبىزدىڭ، ءسوز جوق، وتانىمىزدىڭ شينجياڭىن اناعۇرلىم كورىكتى ەتىپ قۇرىپ شىعىپ، جاڭا داۋىردەگى شينجياڭنىڭ دامۋىنىڭ، العا باسۋىنىڭ تارتىمدى تاراۋىن ويداعىداي جازىپ شىعاتىندىعىمىزعا كامىل سەنەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
