ۋاڭ ياڭ ءدىني ۇيىمدار جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناستى
2021.02.08 16:16 كەلۋ قاينارى : حالىق تورابى
«حالىق گازەتى»، 2 - ايدىڭ 7 - كۇنى، بەيجيڭ (ءتىلشى لي چاڭيۇي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ 2 - ايدىڭ 7 - كۇنى بەيجيڭدە مەملەكەتتىك ءدىني ۇيىمداردىڭ جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناستى.
ۋاڭ ياڭ الدىمەن ج ك پ ورتالىق كوميتەتى مەن باس شۋجي شي جينپيڭنىڭ اتىنان بۇكىل ەلدەگى ءدىن سالاسىنداعى قايراتكەرلەر مەن دىنگە سەنەتىن قالىڭ بۇقاراعا مەرەكەلىك سالەم جولدادى. ۋاڭ ياڭ ءدىني ۇيىمداردىڭ 2020 - جىلى ىستەگەن قىزمەتتەرىن تولىق تۇراقتاندىرىپ، 2021 - جىلعى قىزمەتتەرگە شىنايى ءۇمىت ارتتى. ول مىنالاردى دارىپتەدى: ءدىني ۇيىمدار ج ك پ 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ءتۇسىنىپ، پارتيا مەن مەملەكەت ىستەرىنىڭ دامۋ جالپى جاعدايى جونىندە سانالى تۇردە وي جۇگىرتىپ جانە قىزمەتتى جوبالاپ، دىنگە سەنەتىن بۇقارانى ىنتىماقتاستىرىپ، «14 – بەسجىلدىق» جوسپار كەزىندە ەلىمىزدىڭ دامۋدا جاقسى جاعداي اشىپ، جاقسى قادام تاستاۋىنا ۇلەس قوسۋى كەرەك. جۇڭگو كوممۋنيستىك پارتياسىنىڭ عاسىرلىق مەرەي تويىن قۇتتىقتاۋدى وراي ەتىپ، ەلىمىزدەگى ءدىن سالاسىنداعىلاردىڭ جۇڭگو كوممۋنيستىك پارتياسىمەن ىنتىماقتاسا سەلبەسەتىن، ءبىر جاعادان باس، ءبىر جەڭنەن قول شىعاراتىن تاڭداۋلى ءداستۇرىن ساۋلەلەندىرىپ، جۇڭگو كوممۋنيستىك پارتياسىنىڭ باسشىلىعىن باتىل قولداپ، «5 ورتاق تانىمدى» ۇزدىكسىز كۇشەيتۋ كەرەك. ەلىمىزدە ءدىندى جۇڭگوشالاندىرۋ باعىتىندا تاباندى بولىپ، ءدىني كلاسسيكالىق شىعارمالاردى زەرتتەۋدى جانە ءتۇسىندىرۋدى كۇشەيتىپ، جۇڭگوشا ءدىني يدەيا جۇيەسىن بىرتىندەپ ورناتىپ، ءدىننىڭ سوتسياليستىك قوعامعا اناعۇرلىم ويداعىداي سايكەسۋىنە مۇمكىندىك جاساۋ كەرەك. ءدىني دارىندىلاردى باۋلۋدى كورنەكتى ورىنعا قويىپ، ءدىني مەكتەپتەردىڭ نەگىزگى ارنالىق رولىن اناعۇرلىم ويداعىداي ساۋلەلەندىرىپ، كولەمى لايىقتى، ساپا جاعىندا ىسىلعان، ساتىلىق قۇرىلىمى ۇيلەسىمدى ءدىني قىزمەتكەرلەر قوسىنىن قۇرۋ كەرەك. ىشكى ءتۇزىم مەن ولشەمدى ونان ارى اقاۋسىزداندىرىپ، ەرەجە بويىنشا باسقارۋ، ءوزىن - ءوزى باسقارۋ قابىلەتى مەن ورەسىن ۇزدىكسىز جوعارىلاتىپ، ءتۇرلى ءدىني بىلىقپالىقپەن كۇرەسۋ بارىسىندا ءدىني ۇيىمداردىڭ ىقپالى مەن ۇيىسقىشتىعىن كۇشەيتۋ كەرەك. كوكتەم مەرەكەسى كەزىندە داعدىلى ءدىني قيمىل سالىستىرمالى تۇردە شوعىرلى وتكىزىلەدى، ىندەتتەن ساقتانۋ - تىزگىندەۋ تالابىن قاتاڭ تياناقتاندىرىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى مۇمكىندىكتىڭ بارىنشا از توپتالۋعا، از اعىلۋعا جەتەكتەۋ كەرەك.
ۋاڭ ياڭ بىلاي دەپ اتاپ كورسەتتى: ءدىني ۇيىمدار − پارتيا مەن ۇكىمەتتىڭ ءدىن سالاسىنداعى قايراتكەرلەرمەن جانە دىنگە سەنەتىن بۇقارامەن ىنتىماقتاسىپ، بايلانىس جاساۋىنداعى كوپىر. پارتيا مەن ۇكىمەت ءدىن قىزمەتىنە، ءدىن سالاسىنداعى قايراتكەرلەرمەن ىنتىماقتاسۋعا، سەلبەسۋگە باستان - اياق ءمان بەرىپ كەلەدى. جەر - جەر، قاتىستى تاراۋلار ءدىن سالاسىنداعىلارمەن قارىم - قاتىناستى، اۋىس - كۇيىستى كۇشەيتىپ، ءدىني ۇيىمداردىڭ قىزمەتتى ورىستەتۋىن قولداپ، ءىس جۇزىندىك قيىنشىلىقتارىن شەشۋگە كومەكتەسۋى كەرەك.
ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان اڭگىمە ماجىلىسىنە قاتىناستى. جۇڭگو بۇددا ءدىنى قوعامىنىڭ، جۇڭگو داۋجياۋ ءدىنى قوعامىنىڭ، جۇڭگو ءىسلام ءدىنى قوعامىنىڭ، جۇڭگو كاتوليك ءدىنى وتانشىلدىق قوعامىنىڭ، جۇڭگو حريستيان ءدىنى «ءۇش وزدىك» وتانشىلدىق قوزعالىسى كوميتەتىنىڭ قاتىستى جاۋاپتىلارى اڭگىمە ماجىلىسىندە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
