پارتيانىڭ داڭقتى ءداستۇرى مەن تاڭداۋلى ستيلىن مىزعىماس تاباندىلىقپەن اسقاقتاتايىق
− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
2021.03.04 15:29 كەلۋ قاينارى : شينجياڭ گازەتى
”وتكەندە بولسىن، قازىر نەمەسە بولاشاقتا بولسىن، پارتيانىڭ داڭقتى ءداستۇرى مەن تاڭداۋلى ستيلى ءبىزدى ماشاقاتتان، قيىندىقتان تايسالماي، جۇرەكتىلىكپەن العا ۇمتىلۋعا ىنتالاندىراتىن قىمباتتى رۋحاني بايلىق بولىپ كەلەدى“. پارتيامىزدىڭ 100 جىلدىق مەرەي تويىن قۇتتىقتايتىن ماڭىزدى ساتتە، بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتىپ وتىرعان شاقتا، باس شۋجي شي جينپيڭ 2021 - جىلعى كوكتەمگى وقۋ ماۋسىمىندا ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، پارتيانىڭ داڭقتى ءداستۇرى مەن تاڭداۋلى ستيلىن تەرەڭ سۇيىسپەنشىلىكپەن ەسكە الىپ، جاس كادرلاردى پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتىپ، جاڭا ءداۋىردىڭ جاڭا ساپارىندا ۇزدىك بولۋعا ەرلىكپەن ۇمتىلىپ، ەڭبەك كورسەتىپ، ۇلەس قوسۋعا جىگەرلەندىرۋى − قالىڭ پارتيا مۇشەلەرىن، كادرلاردى پارتيانىڭ داڭقتى ءداستۇرى مەن تاڭداۋلى ستيلىن مىزعىماس تاباندىلىقپەن اسقاقتاتۋعا شابىتتاندىرۋدا جانە جىگەرلەندىرۋدە، جاڭا ساپاردا جاڭا مىندەت ارقالاپ، جاڭا ىسكەرلىك كورسەتۋدە كەلەلى جەتەكشىلىك مانگە يە.
بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. شىكۋمىننەن تيان - انمىنگە دەيىن، شيڭيەلۋدان فۋشيڭلۋعا دەيىن، 100 جىلدان بەرى جۇڭگو كوممۋنيستىك پارتياسى جۇڭگو حالقىن باقىتقا كەنەلتەتىن اۋەلگى ماقسات، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن بورىشتى ۇستانىپ، ماشاقاتتان، قيىندىقتان، قاتەردەن، بوگەتتەن تايسالماي، قان توگىپ قۇربان بولۋدان قورىقپاي، حالىقتى ىنتىماقتاستىرىپ، باستاپ، تولارساقتان قان كەشە كۇرەس جۇرگىزىپ، كوركەيۋ جولىندا قۇلشىنىپ، رەفورما جاساپ، ەسىك اشىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. پارتيامىز حالىقتى ىنتىماقتاستىرىپ، باستاپ، توڭكەرىستىڭ، قۇرىلىستىڭ، رەفورمانىڭ ۇلى تابىسىنا قول جەتكىزدى، مۇنداعى اسا ماڭىزدى ءبىر ءتۇيىن − پارتيامىزدىڭ ۇزاق ۋاقىتتىق اماليات بارىسىندا جۇيەلى داڭقتى ءداستۇر جانە تاڭداۋلى ستيل جەتىلدىرگەندىگى جانە وعان تاباندى بولعاندىعى. باس شۋجي شي جينپيڭ باسا دارىپتەگەندەي: ”بۇل داڭقتى داستۇرلەر مەن تاماشا ستيلدەر پارتيامىزدىڭ سيپاتىنىڭ جانە باس ماقساتىنىڭ شوعىرلى بەينەلەنۋى، پارتيامىزدىڭ باسقا ساياسي پارتيالاردان پارىقتالاتىن كورنەكتى بەلگىسى سانالادى. پارتيا حالىق بۇقاراسىنىڭ قولداۋىنا جانە جاقتاۋىنا يە بولۋ ءۇشىن، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىن مىزعىماس تاباندىلىقپەن اسقاقتاتۋ كەرەك“.
بۇگىنگى دۇنيە جۇزىندە 100 جىلدا بولماعان زور وزگەرىس جەدەل ۇدەۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، جاپپاي دوڭگەلەك داۋلەتتى قوعام ورناتۋ ۇلى تاريحي تابىسقا قول جەتكىزىپ، كەدەيلىكتەن ارىلتۋدان قامال الۋ شايقاسى جاپپاي جەڭىسكە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى ءساتتى باستالدى. سونىمەن بىرگە، ءبىز العا باسۋ جولىندا ءالى دە كوپتەگەن قيىن وتكەلدەر مەن سىن - سايىستارعا ءدوپ كەلىپ وتىرعانىمىزدى، جاڭا دامۋ كەزەڭىن تياناق ەتۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا ءدوپ كەلەتىن حاۋىپ - قاتەر مەن سىناق بۇرىنعىدان تيتتەي دە از بولمايتىندىعىن سەرگەكتىكپەن كورە ءبىلۋىمىز كەرەك. باس شۋجي شي جينپيڭ بىلاي دەپ باسا دارىپتەدى: ”حاۋىپ - قاتەر نەعۇرلىم ۇلكەن، سىن - سايىس نەعۇرلىم كوپ، مىندەت نەعۇرلىم اۋىر بولعان سايىن، پارتيانىڭ ستيل قۇرىلىسىن سولعۇرلىم كۇشەيتۋ، تاماشا ستيلمەن رۋحتى سەرپىلتۋ، كۇرەس جىگەرىن قاۋلاتۋ، وبراز ورناتۋ، حالىق قالاۋىنا قول جەتكىزۋ كەرەك“. ءبىز باسىپ وتكەن جولىمىزعا مۇقيات قايىرىلا قاراپ، جۇرگەن جولىمىزدى ۇمىتپاي، الداعى جولىمىزدى ۇزدىكسىز جاقسى باسىپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋاتتى ۇيىستىرىپ، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل - پاراساتتى وياتىپ، قاسيەتتى شىڭداعانىمىزدا عانا جاڭا ساپارعا ءتىپتى دە ارىنداي قادام تاستاپ، جاڭا داۋىردە ەكپىندەي ىلگەرىلەۋ رۋحىن ءتىپتى دە ويداعىداي اسقاقتاتا الامىز.
باس شۋجي شي جينپيڭ بىلاي دەپ اتاپ كورسەتتى: ”جاس كادرلار − پارتيا مەن مەملەكەت ىستەرىنىڭ ءىزباسارى، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتۋلەرى كەرەك“. جاڭا باستامانى تياناق ەتىپ، جاڭا ساپاردا ەكپىندەي ىلگەرىلەۋدە ءبىز پارتيانىڭ داڭقتى ءداستۇرى مەن تاڭداۋلى ستيلىن ساۋلەلەندىرۋىمىز، باستان - اياق پارتياعا ادال بولۋدى ورىنداپ، نازاريانى امالياتپەن بايلانىستىرۋعا تاباندى بولىپ، بۇقارامەن تىعىز بايلانىستا بولۋعا تاباندى بولىپ، سىن جانە ءوز - وزىنە سىن سىندى وسى قارۋدان ويداعىداي پايدالانىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، ماڭگى قاجىرلىلىقپەن كۇرەس جۇرگىزىپ، ەرىك - جىگەردى، قايسارلىقتى، ۇستامدىلىقتى ۇزدىكسىز كۇشەيتىپ، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن ۇزدىك بولۋعا ۇمتىلىپ، ەڭبەك كورسەتىپ، ۇلەس قوسىپ، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن ناتيجە جاراتۋعا قۇلشىنۋىمىز كەرەك.
”اعاش ءوسسىن دەسەڭ تامىرىن بەكەمدە“. قالاي العا تارتساق تا باسقان جولىمىزدى ەستەن شىعارۋعا بولمايدى؛ قانشالىق الىسقا ۇزاپ، قانشا نۇرلى بولاشاققا قادام قويساق تا باسىپ وتكەن جولىمىزدى، نە ءۇشىن جولعا شىققانىمىزدى ەستەن شىعارۋعا بولمايدى. قالىڭ پارتيا مۇشەلەرى، كادرلار، وتە - موتە، جاس كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرىپ، پارتيانىڭ جاسامپاز نازاريالارىنىڭ اقيقاتتىق كۇشىن، امالياتتىق كۇشىن، ادامدىق قاسيەت كۇشىن تەرەڭ ۇعىنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ داڭقتى ءداستۇرى مەن تاڭداۋلى ستيلىن ۇيرەنۋ جانە اسقاقتاتۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن شىنايى كۇشەيتىپ، ۇدەرە العا تارتاتىن كۇرەسكەرلىك بەينەمەن جانە ماڭگى قاجىمايتىن رۋحاني كۇيمەن، شىنايى يگەرىپ ناقتى ىستەپ، قاجىرلىلىقپەن ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋى كەرەك.
(شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
