چىن چۋانگو اۆتونوميالى رايوننىڭ ورمان باستىعى ءتۇزىمىن جالپى بەتتىك اتقارۋ قىزمەتى بەينە ەكران ماجىلىسىندە بىلاي دەپ باسا دارىپتەدى
دەڭگەيدى جوعارىلاتىپ، ءتۇيىندى كورنەكتىلەندىرىپ، ورمان باستىعى ءتۇزىمىن جالپى بەتتىك اتقارىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك
شوكىرات زاكىر باسقاردى
2021.03.04 15:31 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 2 - كۇنى ۇرىمجىدەن حابارلايدى. تاياۋدا اۆتونوميالى رايون ورمان باستىعى ءتۇزىمىن جالپى بەتتىك اتقارۋ قىزمەتى بەينە ەكران ءماجىلىسىن اشىپ، اۆتونوميالى رايوننىڭ ورمان باستىعى ءتۇزىمىن اتقارۋ قىزمەتىنە جالپى بەتتىك ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ باس ورمان باستىعى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، ورمان باستىعى ءتۇزىمىن جالپى بەتتىك اتقارىپ، ورمان جانە جايلىم سىندى ەكولوگيالىق جۇيەنىڭ يقۋاتىن جەدەل كوتەرىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كورىكتى شينجياڭ قۇرۋ كەرەك.
اۆتونوميالى رايوننىڭ ءتوراعاسى، اۆتونوميالى رايوننىڭ باس ورمان باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شۇي حايرۇڭ، تيان ۋىن، سارقىت اقان، جاڭ چۇنلين قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اۆتونوميالى رايوننىڭ باس ورمان باستىعى بۇيرىعىن وقىدى.
چىن چۋانگو بىلاي دەپ اتاپ كورسەتتى: ورمان باستىعى ءتۇزىمىن جالپى بەتتىك اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاۋ، سۋ، ورمان، ەگىنجاي، كول، جايلىم جۇيەسىن جونگە سالۋدى اناعۇرلىم ءبىر تۇتاس جوسپارلاۋ جونىندە شىعارعان كەلەلى شەشىمى، ورنالاستىرۋى، ەلىمىزدىڭ ەكولوگيالىق ورتا تۇزىمىندەگى كەلەلى رەفورما، جاڭالىق، ەكولوگيالىق وركەنيەت قۇرىلىسىن كۇشەيتۋدەگى ماڭىزدى تۇزىمدىك ورنالاستىرۋ. باس شۋجي شي جينپيڭ كوپ رەت ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ ورمان باستىعى ءتۇزىمىن جالپى بەتتىك اتقارۋىمىزعا ايقىن بەتالىس كورسەتتى، ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورمان باستىعى ءتۇزىمىن جالپى بەتتىك اتقارۋدىڭ كەلەلى ماڭىزىن جەتە تانىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ورمان بايلىعىن قورعاۋدى كۇشەيتىپ، ورمان ەكولوگياسىن قالپىنا كەلتىرۋدى جەبەپ، رايونىمىزدىڭ ەكولوگيالىق وركەنيەت قۇرىلىسى دەڭگەيىن ۇزدىكسىز جوعارىلاتۋ كەرەك.
چىن چۋانگو بىلاي دەپ باسا دارىپتەدى: ورمان باستىعى ءتۇزىمىن جالپى بەتتىك اتقارۋدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، تاۋ، سۋ، ورمان، ەگىنجاي، كول، جايلىمدى جۇيەلى جونگە سالۋعا تاباندى بولىپ، ورماندى، جايلىمدى قورعاۋدى، قالپىنا كەلتىرۋدى ءبىر تۇتاس جوسپارلاپ ىلگەرىلەتىپ، ەكولوگيالىق ورتا ساپاسىن ءۇرتىس جاقسارتىپ، پارتيا مەن ۇكىمەت بىرگە جاۋاپكەرشىلىك ارقالايتىن، قاراستى جەر جاۋاپتى بولاتىن، تاراۋلار سايكەسەتىن، قاينار كوزىنەن جونگە سالاتىن، جالپى ءوڭىردى قامتيتىن باياندى مەحانيزمدى جەدەل قۇرىپ، ەكولوگيانى قورعاۋ قىزىل سىزىعىن قاتاڭ ساقتاپ، ەكولوگيالىق حاۋىپسىزدىك نەگىزىن بەكەمدەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
ءبىرىنشى، ”قۇرۋ“ جاعىنا كۇش سالىپ، بىرگە باسقاراتىن، بىرگە جونگە سالاتىن قىزمەت ارناسىن جەدەل قالىپتاستىرۋ كەرەك. ۇيىمدىق جۇيە قۇرىلىسىن كۇشەيتىپ، نەگىزگى ساتىنىڭ باسقارۋ - قورعاۋ كۇشىن تولىقتاپ، قىزمەت مەحانيزمىن اقاۋسىزداندىرىپ، كەمەلدەندىرىپ، ورمان، جايلىم بايلىعىن باسقارۋ مەحانيزمىن جەدەل قۇرىپ، ءار جاقتى بىرلەسىپ ارەكەتتەنىپ، سەلبەسىپ، تۇنىق سۋدى، جاسىل تاۋدى بىرگە قورعاۋعا جەتەكتەۋ كەرەك.
ەكىنشى، ”قورعاۋ“ جاعىنا كۇش سالىپ، ورمان جانە جايلىم سياقتى ەكولوگيالىق جۇيەنىڭ تۇراقتىلىعىن كۇشەيتۋ كەرەك. جالپى بارىستا، جان - جاقتىلى، تۇتاس سالادا قورعاۋدى كۇشەيتىپ، ەكولوگيانى قورعاۋ مەحانيزمىن كەمەلدەندىرىپ، ەكولوگيالىق ورتانى قالپىنا كەلتىرۋدى جەدەلدەتىپ، اپاتتان ساقتانۋ - تىزگىندەۋ قۋاتىن جوعارىلاتىپ، ورمان، جايلىم بايلىعىن قورعاۋدىڭ، باسقارۋدىڭ ەڭ قاتاڭ ءتۇزىمىن اتقارىپ، كورىكتى شينجياڭنىڭ ءار سۇيەم جاسىل القابىن ويداعىداي قورعاۋ كەرەك.
ءۇشىنشى، ”ءوسىرۋ“ جاعىنا كۇش سالىپ، ورمانمەن كومكەرىلۋ مولشەرى مەن جايلىمنىڭ وسىمدىك جامىلعىسىمەن كومكەرىلۋ جالپىلىق دەڭگەيىن ۇزدىكسىز جوعارىلاتۋ كەرەك. ”جاسىل القاپتى كوبەيتۋ“ سىندى وسى ءىستى ويداعىداي ىستەپ، ورمان ءوسىرىپ جاسىلداندىرۋدان قامال الۋدى باياندى ورىستەتىپ، مەملەكەت جەرىن جاسىلداندىرۋدى ءۇرتىس ورىستەتىپ، جالپى حالىقتىڭ اعاش - ءشوپ ءوسىرۋ، جاسىل جامىلعىنى قورعاۋ تانىمىن كۇشەيتىپ، كورىكتى اۋىل - قىستاقتى ءۇرتىس جاسىلداندىرىپ، اۋىل - قىستاقتىڭ قونىس ورتاسىن رەتتەۋ - جونگە سالۋدى تىڭعىلىقتى ىلگەرىلەتىپ، ءشول - جازيرانى، قاعىر تاۋدى ءۇرتىس جاسىلداندىرىپ، جاپپاي جاسىلداندىرۋ ارناسىن قۇلشىنا قالىپتاستىرۋ كەرەك.
ءتورتىنشى، ”پايدالانۋ“ جاعىنا كۇش سالىپ، ورمان، جايلىم بايلىعىنىڭ جالپىلىق ونىمدىلىگىن جالپى بەتتىك كوتەرۋ كەرەك. ورمان شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، ورمان، جايلىم كاسىپ سالاسىن بار كۇشپەن دامىتىپ، جەمىس ورمانى كاسىپ سالاسىنىڭ ساپاسىن ءوسىرىپ، ونىمدىلىگىن ارتتىرۋدى ىلگەرىلەتىپ، وسى زامانعى جەمىس ورمانى كاسىپ سالاسى جۇيەسىن قۇرىپ، ەكولوگيالىق ساياحات كاسىپ سالاسىن بار كۇشپەن دامىتىپ، ورماننىڭ، جايلىمنىڭ قاتىستى كاسىپ سالالارىمەن تەرەڭدەي توعىسۋىن ىلگەرىلەتىپ، كومىرتەگىن توپتاۋ ساۋدا بازارىن بەلسەنە جەتىلدىرىپ، تاماشا ەكولوگيانى دامۋ ابزالدىلىعىنا شىن مانىندە اينالدىرىپ، ەكولوگيانى قورعاۋ، ورمان شارۋاشىلىعى ونىمدىلىگىن ارتتىرۋ، بۇقارانى ناقتى تيىمدىلىككە كەنەلدىرۋ كەرەك.
چىن چۋانگو بىلاي دەپ باسا دارىپتەدى: تۇتاس رايوندا جوعارىدان تومەنگە دەيىن پارتياعا، تاريحقا، حالىققا، ۇرپاقتارعا جاۋاپتى بولۋ پوزيتسياسىمەن جاۋاپكەرشىلىكتى شىن مانىندە ارقالاپ، سايكەسىپ، سەلبەسىپ، تياناقتاندىرۋدى ويداعىداي يگەرىپ، ورمان باستىعى ءتۇزىمىنىڭ ناقتى تياناقتانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك. جاۋاپكەرشىلىكتى تياناقتاندىرۋدى كۇشەيتۋ كەرەك، اۆتونوميالى رايوندىق پارتكوم مەن ۇكىمەت باسشىلىق جاۋاپكەرشىلىگىن تياناقتاندىرۋ، ءار دارەجەلى پارتكوم، ۇكىمەت نەگىزگى تۇلعالىق جاۋاپكەرشىلىكتى جانە قاراستى جەر بويىنشا باسقارۋ جاۋاپكەرشىلىگىن تياناقتاندىرۋ؛ باسشىلىق گرۋپپاسى ۇيىمداستىرۋ، سايكەستىرۋ، ءبىر تۇتاس جوسپارلاپ ىلگەرىلەتۋ، قۋزاۋ - تەكسەرۋ قىزمەت جاۋاپكەرشىلىگىن مۇقيات اتقارۋ؛ ءار دارەجەلى ورمان باستىقتارى جاۋاپكەرشىلىك ارقالاۋدى كۇشەيتىپ، قىزمەت جاۋاپكەرشىلىگىن مۇقيات وتەۋ كەرەك. باقىلاۋ - باعالاۋدى قاتايتىپ، باقىلاۋدى كۇشەيتىپ، ينفورماتسيا جاريالاۋدى كەمەلدەندىرىپ، قوعام بىرگە جونگە سالاتىن ستەرەولدى باسقارۋ - قورعاۋ جۇيەسىن ورناتۋ؛ باعالاۋدى، جاۋاپقا تارتۋدى كۇشەيتىپ، پارتيا - ۇكىمەت باسشى كادرلار مىندەتىنەن بوساردا جاراتىلستىق بايلىق پەن مال - مۇلىككە قازىنالىق باقىلاۋ جۇرگىزۋ ءتۇزىمىن جانە ەكولوگيالىق ورتانى زيانداۋ جاۋاپكەرشىلىگىن ءومىر بويى قۋزاستىرۋ ءتۇزىمىن جاقسى تياناقتاندىرۋ كەرەك. تاماشا بەينە قالىپتاستىرىپ، ارنانى، فورمانى بايىتىپ، ۇگىت تەبىنىن ارتتىرىپ، تۇتاس قوعامنىڭ ورمان، جايلىم بايلىعىن قورعاۋ تانىمىن ۇزدىكسىز جوعارىلاتىپ، شىن مانىندە جالىندى بەينە قالىپتاستىرۋ كەرەك.
شوكىرات زاكىر بىلاي دەپ اتاپ كورسەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ورمان باستىعى ءتۇزىمىن جالپى بەتتىك اتقارۋدى قاتاڭ كەلەلى ساياسي مىندەت ەتىپ، ورمان باستىعى ءتۇزىمىن جالپى بەتتىك اتقارۋ قىزمەتتەرىن شىن مانىندە ناقتى، ەگجەي - تەگجەيلى تياناقتاندىرىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك.
اۆتونوميالى رايوننىڭ ورمان باستىعى ءتۇزىمىن جالپى بەتتىك اتقارۋ باسشىلىق گرۋپپاسىنىڭ ورىنباسار باستىقتارى، مۇشەلەرى، اۆتونوميالى رايوننىڭ اۆتونوميالى رايون دارەجەلى ورمان باستىقتارى، اۆتونوميالى رايوندىق حالىق قۇرىلتايىنداعى، ساياسي كەڭەستەگى قاتىستى جاۋاپتى جولداستار، مەملەكەتتىك ورمان، جايلىم مەكەمەسىنىڭ ۇرىمجىدە تۇراتىن ارناۋلى قىزمەتكەرلەر كەڭسەسىندەگى نەگىزگى جاۋاپتى جولداستار، اۆتونوميالى رايوننىڭ ورمان باستىعى ءتۇزىمىن جالپى بەتتىك اتقارۋ باسشىلىق گرۋپپاسى كەڭسەسىندەگى قاتىستى جاۋاپتى جولداستار نەگىزگى ءماجىلىس ورنىندا ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
