«حالىق گازەتى» اۆتورلى ماقالا جاريالادى
حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇش - قۋاتى
− باس شۋجي شي جينپيڭنىڭ ”14 - بەسجىلدىقتاعى“ دامۋ جوباسىن كەسكىندەگەندىگى تۋرالى جالپى شولۋ
2021.03.04 15:30 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى. 3 - ايدىڭ 3 - كۇنى باسپادان شىققان حالىق گازەتى «حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇش - قۋاتى − باس شۋجي شي جينپيڭنىڭ ”14 - بەسجىلدىقتاعى“ دامۋ جوباسىن كەسكىندەگەندىگى تۋرالى جالپى شولۋ» تاقىرىبىندا اۆتورلى ماقالا جاريالادى.
”ءار جاقتىڭ قايتارعان اڭىس - پىكىرىنە قاراعاندا، كوپشىلىك ءبىر اۋىزدان ’قوس 100 جىلدىقتىڭ‘ تاريحي توعىسۋ تۇيىنىندە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ ’14 - بەسجىلدىق‘ جوبا ماسەلەسىن ءتۇيىندى تۇردە زەرتتەپ جانە ۇسىنىس ورتاعا قويىپ، ’14 - بەسجىلدىق‘ جوبا مەن 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاپ ويلاستىرۋى بۇكىل پارتيانى، بۇكىل ەلدەگى ءار ۇلت حالقىن جۇمىلدىرىپ جانە ىنتالاندىرىپ، العا باسۋ جولىنداعى ءتۇرلى حاۋىپ - قاتەرلەر مەن سىن - سايىستاردى جەڭىپ، جاپپاي سوتسياليستىك وسىزاماندانعان مەملەكەت قۇرىپ شىعۋدا جاقسى باستاما اشۋ، جاقسى قادام تاستاۋ جونىنەن ايرىقشا كەلەلى ماڭىز الادى دەپ قاراعان“.
2020 - جىلى 10 - ايدىڭ 26 - كۇنى تۇستەن بۇرىن پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى اشىلدى، باس شۋجي شي جينپيڭ ورتالىق كوميتەت ساياسي بيۋروسىنىڭ تاپسىرۋىمەن قىزمەت بايانداماسىن جاسادى، سونداي - اق «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىنىڭ» دايىندالۋىنا قاتىستى جاعدايلار جونىندە جالپى ماجىلىسكە تۇسىنىك جاسادى.
ماقالادا بىلاي دەلىندى: تەرەڭ تاريحي ماڭىز الاتىن بۇل حۇجات باس شۋجي شي جينپيڭنىڭ تىكەلەي ءوز باسشىلىعىندا دايىندالدى.
جۇڭحۋا ۇلتىنىڭ ۇلى گۇلدەنۋ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ؛ جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ”14 - بەسجىلدىق“ مەزگىلىندە جوعارى ساپالى دامۋدى ىلگەرىلەتۋ؛ جوعارى دەڭگەيلى جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامداعى ءار سالانى ءتۇرلى تاسىلمەن ”14 - بەسجىلدىق“ جوباعا سىندارلى اقىل - كەڭەس بەرۋگە شابىتتاندىرۋ؛ رەفورمانىڭ، دامۋدىڭ تابىستارىنان بارشا حالىققا اناعۇرلىم كوپ، اناعۇرلىم ءادىل تيىمدىلىك جاساۋدى ىلگەرىلەتۋ، بىرگە بايۋدى ىلگەرىلەتۋدە اناعۇرلىم ايقىن، ناقتى ىلگەرىلەۋشىلىككە قول جەتكىزۋ... جالپى 20 مىڭنان استام ارىپتەن تۇراتىن ۇسىنىس نۇسقاسىنىڭ ءاربىر جولىنا باس شۋجيدىڭ ماڭداي تەرى سىڭگەن، بۇكىل پارتيانىڭ، بۇكىل قوعامنىڭ اقىل - پاراساتى شوعىرلانعان، ميلليارد حالىقتىڭ ءۇمىتى جۇكتەلگەن.
”حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز، حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇش - قۋاتى“. باس شۋجي شي جينپيڭ ”14 - بەسجىلدىق“ جوبانى جاساۋ قىزمەتىنىڭ توراپتا پىكىر الۋ قيمىلىنا وسىلاي ماڭىزدى نۇسقاۋ بەردى.
ماقالادا مىنالار اتاپ كورسەتىلدى: دامۋ حالىق ءۇشىن بولۋ، دامۋدا حالىققا سۇيەنۋ، دامۋ جەتىستىكتەرىنەن حالىقتى تەڭ يگىلىكتەندىرۋ كەرەك. حالىق باستان - اياق باس شۋجيدىڭ كوڭىل تورىندە تۇردى؛ حالىق باستان - اياق پارتيامىزدىڭ بيلىك جۇرگىزۋىنىڭ ەڭ ۇلكەن كۇش - جىگەرى!
”ءبىزدىڭ ءبىر ميلليارد 400 ميلليون جان سانى بار مەملەكەتىمىزدە ءاربىر ادام كۇش قوساتىن بولسا، تاۋدى قوپارىپ، تەڭىزدى قوتاراتىن تەلەگەي كۇش ۇيىستىرا الامىز، ءاربىر ادام ءبىر ءىستى تىندىراتىن بولسا، ءبىر قىزمەتتى ويداعىداي ىستەسە، پارتيا مەن مەملەكەت ىستەرى العا قاراي ىلگەرىلەپ وتىرادى“.
”14 - بەسجىلدىقتىڭ“ قادامى تاستالدى، جاڭا ساپار باستالدى. ەلىمىز كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزدى، ءبىز بىرگە بايۋ نىساناسىنا قاراي ارشىندى قادام تاستادىق، بۇل ءبىر جاڭا ساپار. ”ءبىزدىڭ داندايسىپ توقمەيىلسيتىن، بوساڭسىپ دامىلدايتىن ەشقانداي ءجونىمىز جوق، ءسوز جوق، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋىمىز كەرەك“.
2021 - جىلى ەگىنشىلىك كالەندارى بويىنشا سيىر جىلعى كوكتەم مەرەكەسى قارساڭىندا، باس شۋجي شي جينپيڭ گۇيجوۋعا بارىپ، ءار ۇلت كادر - بۇقاراسىنا امانداسىپ، حال سۇرادى.
ۋمىڭ قويناۋىندا، ۋجياڭنىڭ جاعاسىندا، باس شۋجي شي جينپيڭ: ”بۇل جەردىڭ قۇزار شاتقالدارىنان سول جىلدارداعى قىزىل ارميانىڭ ۋجياڭنان كۇشپەن ءوتۋى قانشاما قيىن بولعانىن بىلۋگە بولادى!“، - دەپ تەرەڭ ويعا باتتى.
”جۇڭگو كوممۋنيستىك پارتياسى قالىڭ حالىقتىڭ باقىتىن كوزدەيتىن پارتيا، قۇرىلعاننان باستاپ حالىق ءۇشىن قىزمەت ىستەۋدى پارتيا تۋىنا جازدى. توڭكەرىستىڭ، قۇرىلىستىڭ، رەفورمانىڭ 100 جىلدىق بارىسىن باسىپ بۇگىنگە جەتتى، پارتيامىز حالىققا سۇيەنىپ قانشاما قيىندىق، ماشاقات، قاتەر، بوگەتتەردى جەڭىپ، قانشاما كەرەمەتتەر جاراتىپ، قانشاما ۇلى ەڭبەكتەرگە، ۇلى ناتيجەلەرگە قول جەتكىزدى، بۇل وڭاي ءىس ەمەس قوي! ءبىز پارتيانىڭ اۋەلگى ماقساتى مەن بورىشىن قاشاندا ەستە بەرىك ساقتاپ، ۇزدىكسىز قۇلشىنىپ، تىنباي العا باسۋىمىز كەرەك“، - دەدى باس شۋجي تەرەڭ تەبىرەنىسپەن.
”ءبىز ’قوس 100 جىلدىق‘ كۇرەس نىساناسىنىڭ تاريحي توعىسۋ كەزەڭىندە تۇرمىز، ءبىز جۇڭگونىڭ بولاشاعىنا تولىق سەنىم ارتىپ وتىرمىز: جۇڭگو، ءسوز جوق، ونان ارى جاقسارادى، حالىقتىڭ تۇرمىسى، ءسوز جوق، بارعان سايىن باقىتتى بولادى. وسى ۇلى داۋىردە كۇرەس جۇرگىزگەن ءبىز بارلىعىمىز ارمانعا قۇلاش سەرمەۋشىلەرمىز، سونداي - اق ۇلەس قوسۋشىلارمىز. ءبىز ىنتىماقتاسىپ، حالىقتىڭ تاماشا، باقىتتى تۇرمىسى ءۇشىن كۇرەس جۇرگىزەيىك!“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
