كوكتەمدە كوكتوعايعا كەلىپ قار قىزىعىنا شومدى
2021.03.22 16:32 كەلۋ قاينارى : شينجياڭ گازەتى
كوكتەم كەلگەنىمەن دە، كوكتوعاي اۋدانىنىڭ كوكتوعاي حالىقارالىق قار شاڭعى الاڭى وزگەشە كليمات جاعدايىمەن بۇكىل ەلدىڭ جەر - جەرىنەن كەلگەن قار شاڭعى اۋەسكەرلەرىن قار قىزىعىنا باۋرادى.
3 - ايدىڭ 16 - كۇنى قار شاڭعى الاڭىنىڭ اسپانى اشىق، دالانى اپپاق قار قىمتاپ جاتىر، بۇكىل ەلدىڭ جەر - جەرىنەن كەلگەن قار شاڭعى اۋەسكەرلەرى بيىك تاۋدا شاڭعى تەبۋدىڭ قىزىعىنا باتۋدا.
كوكتوعاي حالىقارالىق قار شاڭعى الاڭى شاڭعى تەبۋدىڭ ۇيلەسىمدى ەندىگىنە ورنالاسقان، قارلى مەزگىل 7 ايعا سوزىلادى، بۇقارالىق قار شاڭعى، دالالىق قار شاڭعى، باسەكەلىك قار شاڭعى ءبىر تۇلعالاندىرىلعان كەشەندى قار شاڭعى الاڭى. قار شاڭعى الاڭىندا ورتالاۋ، ورتا، جوعارى دارەجەلى 44 شاڭعى جولى بار، شاڭعى جولىنىڭ ۇزىندىعى شامامەن 58 كيلومەتر، دالالىق قار شاڭعى ارناۋلى ءوڭىرىنىڭ اۋدانى 5 ميلليون 920 مىڭ شارشى مەتر. كاسىپتىك قار شاڭعى جولى مەن بۇقارالىق ساياحاتتىق قار شاڭعى جولىنىڭ بيىكتىك پارقى قاجەتىن قاناعاتتاندىرىپ قالماستان، تاعى قالىڭ قار شاڭعى اۋەسكەرلەرىنىڭ كوپ نەگىزدەنگەن قار شاڭعى تەبۋ كەشىرمەسىن باستان وتكەرۋىنە مۇمكىندىك جاسادى.
”«كوكتوعاي شوپانى» ءانىن تىڭداعاننان كەيىن، مەنىڭ كوكتوعايعا اڭسارىم ەرەكشە اۋىپ، كوكتوعاي اۋدانىنا كەلگەن كۇننىڭ ەرتەسى كوكتوعاي قالاشىعىنا جەتتىم، قار كورىنىسىن تاماشالاپ، ءدامدى تاعامنان تاتىپ، حالىقتىق تۇسەلحانادا جاتىپ، جەرگىلىكتى سالت - سانانى سەزىندىم“، - دەدى حىناندىق ساياحاتشى ۋاڭ ميڭحاۋ.”بىلتىر قار شاڭعى الاڭىندا جاسالعان 3 جوعارى قارقىندى سۇيرەتپەلى اسپالى جول پايدالانۋعا بەرىلىپ، شاڭعى اۋەسكەرلەرىنىڭ جۇمسايتىن ۋاقىتىن بارىنشا قىسقارتتى“، - دەدى كوكتوعاي اۋدانى كوكتوعاي تاييۇن ساياحاتقا قارجى قوسۋ، دامىتۋ شەكتى سەرىكتەستىگىنىڭ باسالقاسى ما جۇڭحۋا، - قار شاڭعى الاڭىندا بىلتىر 15 مىڭ تەكشەمەترلىك كولشىك، 9.8 كيلومەترلىك جاساندى جولمەن قار جاۋعىزۋ جۇيەسى جانە ءىشىنارا قار شاڭعى جولى جاسالدى.
تاياۋ جىلداردان بەرى كوكتوعاي اۋدانى قىسقى قار - مۇز بايلىعى مول بولۋ ابزالدىلىعىن تولىق ساۋلەلەندىرىپ، قار - مۇز سپورتىن، قار - مۇز كاسىپ سالاسىن، قار - مۇز ەكونوميكاسىن كۇش سالا دامىتىپ، قار - مۇز بايلىعىنان اناعۇرلىم كوپ دامۋ قوزعاۋشى قۋاتىن جارىققا شىعاردى.
”ساياحاتشىلاردىڭ اناعۇرلىم جاقسى كەشىرمەسى بولۋىنا مۇمكىندىك جاساۋ ءۇشىن، ءبىز كاسىپتىك قىزمەتكەرلەردى ۇسىنىس ەتىپ، شاڭعى جاتتىقتىرۋشىلارىن، قىزمەتكەرلەردى كاسىپتىك جاقتان باۋلىپ، قار شاڭعى وقىتۋى، اس - سۋ، جاتاق، قاتىناس سياقتى جاقتارداعى قىزمەت وتەۋ ساپاسىن ۇزدىكسىز جوعارىلاتتىق، بيىل 1 - ايدان بەرى 600 نەشە كۋرسانتتى باۋلىدىق“، - دەدى ما جۇڭحۋا.
جالىنداپ كەلە جاتقان قار - مۇز ساياحات كاسىپ سالاسى جەرگىلىكتى تۇرعىنداردىڭ ”باقىت كاسىپ سالاسىنا“ اينالدى. بىلتىر 11 - ايدىڭ 1 - كۇنىنەن بيىل 3 - ايعا دەيىن كوكتوعاي اۋدانى 950 مىڭ 900 ادام - رەت ساياحاتشى قابىلداپ، ساياحات جالپىلىق كىرىسىن 816 ميلليون يۋانعا جەتكىزدى.
”كوكتوعاي حالىقارالىق قار شاڭعى الاڭى بيىل كولەمىن كەڭەيتۋ جانە قاتتى بولشەكتەردىڭ دارەجەسىن كوتەرۋ جاعىنداعى اياق الىسىن تەزدەتىپ، قونالقى جەر، شاڭعى جابدىقتارى زالى، شاڭعى بەكەتى قۇرىلىسىن تامامداپ، قار - مۇز ەكونوميكاسىنىڭ باياندى دامۋىنا جاڭا قوزعاۋشى قۋات ۇستەيدى“، - دەدى كوكتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى گۋ فاڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
