بۇقارانىڭ ءوتىنىش - تالابىن شەشەتىن ”جۇرەكتەس كوپىر“ سالدى
− رايونىمىزداعى بازار باقىلاۋ - باسقارۋ تاراۋلارى پارتيا تاريحىن ۇيرەنۋ تاربيەسىندە حالىق ءۇشىن ناقتى ءىس ىستەۋدى كورنەكتىلەندىردى
انار بۇلت / شينجياڭ گازەتىنىڭ ءتىلشىسى رىن حۋا
2021.03.22 16:37 كەلۋ قاينارى : شينجياڭ گازەتى
اۆتوكولىكتىڭ موتورىن اۋىستىرعان سوڭ، پايدالانعانىنا 3 اي بولماي جاتىپ تاعى دا كىلتيپان تۋىلادى، الايدا ساۋدا دۇكەنى ءبىر جايلى ەتىپ بەرمەدى. بۇل ءۇرىمجى قالاسىنىڭ تۇرعىنى ۋ مىرزانىڭ تاياۋدا جولىققان ماسەلەسى. ”مەن 12315 تۇتىنۋشىلاردىڭ ۇقىق - مۇددەسىن قورعاۋ توتە لەنياسىنا تەلەفون جالعادىم، قىسقا عانا بىرنەشە كۇندە سايباق رايوندىق بازار باقىلاۋ - باسقارۋ مەكەمەسى ماعان كومەكتەسىپ ماسەلەنى شەشتى، ساۋدا دۇكەنى جۇمسالعان 3330 يۋان قاراجاتتى تۇگەلدەي قايتارىپ بەردى“، - دەدى ۋ مىرزا قۋانا.
پارتيا تاريحىن ۇيرەنۋ تاربيەسى بارىسىندا رايونىمىزدىڭ ءار دارەجەلى بازار باقىلاۋ - باسقارۋ تاراۋلارى ءتۇرلى فورمادا حالىق ءۇشىن ناقتى ءىس ىستەۋ قيمىلىن ورىستەتتى. اۆتونوميالى رايوندىق بازار باقىلاۋ - باسقارۋ مەكەمەسى پارتيا تاريحىن ۇيرەنۋ تاربيەسى بارىسىندا تانىم مەن ارەكەتتىڭ بىرلىگىنە تاباندى بولىپ، ماسەلەنى شەشۋدى، بۇقاراعا قىزمەت وتەۋدى كۇش سالۋ ءتۇيىنى ەتىپ، ”15 - ناۋرىز“ حالىقارالىق تۇتىنۋشىلاردىڭ ۇقىق - مۇددەسى كۇنىنىڭ الدى - ارتىندا ”تۇتىنۋشىلاردىڭ حاۋىپسىزدىگىن قورعاپ، بۇقارا ءۇشىن ناقتى ءىس ىستەيمىن“ جەللەس امالياتتىق قيمىلدار وتكىزدى. تۇتىنۋ كوڭىل كۇيىن جاقسارتىپ، تۇرعىنداردى تۇتىنۋدى كەڭەيتۋگە، الاڭسىز تۇتىنۋعا جەتەكتەۋ ءۇشىن اۆتونوميالى رايوندىق بازار باقىلاۋ - باسقارۋ مەكەمەسى «اۆتونوميالى رايوننىڭ جەلىدەن تىس ساتىپ العان زاتتاردى سەبەپسىز قايتارۋ نۇسقاماسىن (سىناق رەتىندە اتقارىلادى)» جاريالاپ، تۇتاس شينجياڭ كولەمىندە جەلىدەن تىس ناقتى دۇكەننىڭ ساتىپ العان زاتتى سەبەپسىز قايتارۋىن ىگەرىلەتىپ، جەلىدەن تىس ناقتى دۇكەننىڭ قىزمەت وتەۋ ساپاسى مەن دەڭگەيىن جوعارىلاتتى. كەزەكتە رايونىمىزدا ساتىپ العان زاتتى سەبەپسىز قايتارۋعا ۋادە بەرۋگە قاتىناسقان كاسىپورىنداردىڭ سانى 330عا جەتىپ، ءتۇرلى زاتتار ساۋدا سارايى، ءىرى ەرەن بازارلار، قۇرىلىس ماتەريالدارى بازارى، ماركالى زاتتاردى ارناۋلى ساتۋ دۇكەندەرى سياقتى كوپتەگەن تۇتىنۋ سالاسىن قامتىدى.
”ساۋدا سارايىمىز «نۇسقامانىڭ (سىناق رەتىندە اتقارىلادى)» قاتاڭ تالابى بويىنشا، ’ساتىپ العان زاتتى سەبەپسىز قايتارۋدا ۋادە بەرگەن ورىن‘ بەلگىسىن، ساتىپ العان زاتتى سەبەپسىز قايتارۋعا قاتىستى تۇسىنىكتەمەلەردى كورسەتىپ قانا قالماستان، زات قايتارۋ ۋاقىتىن ۇيلەسىمدى ۇزارتتى. جاقىن مەزگىلدەن بەرى ءبىز كۇنىنە 5 تە 6 الارماننىڭ زات قايتارۋ - اۋىستىرۋ شارۋاسىن ءبىر جايلى ەتتىك، الارماندار دا وتە رازى بولدى“، - دەدى شينجياڭ دوستىق (توبى) جارنا شەكتى سەرىكتەستىگى دوستىق ساۋدا سارايى تيجارات ورتالىعىنىڭ ديرەكتورى ما يۇي.
اۆتونوميالى رايوندىق بازار باقىلاۋ - باسقارۋ مەكەمەسى 12315 ارىزدانۋ، مالىمدەۋ قولباسشىلىق ورتالىعى بۇقاراعا اشىق ۇستاۋ كۇنى قيمىلىن ورىستەتىپ، قالىڭ تۇتىنۋشىلاردىڭ ۇقىق - مۇددەسىن قورعاۋ تانىمىن جوعارىلاتۋىنا كومەكتەستى. ”ءبىز تۇتىنۋشىلاردىڭ ارىزدانۋىن ءبىر جايلى ەتۋ تاسىلىنە ۇزدىكسىز جاڭالىق اشتىق، كەزەكتە تۇتىنۋداعى داۋ - شاردى جەلىدە ءبىر جايلى ەتۋدى ۇزدىكسىز ىلگەرىلەتىپ، جەلىدە تۇتىنۋداعى داۋ - شاردى ءبىر جايلى ەتۋ (قىسقاشا ODR) جۇيەسى ارقىلى ءبىر جولدا تۇتىنۋشىلاردىڭ ارىزىن جىلدام ءبىر جايلى ەتىپ، تۇتىنۋشىلاردىڭ ۇقىق - مۇددەسىن قورعاۋ ونىمدىلىگىن جوعارىلاتتىق“، - دەدى اۆتونوميالى رايوندىق بازار باقىلاۋ - باسقارۋ مەكەمەسى 12315 ارىزدانۋ، مالىمدەۋ قولباسشىلىق ورتالىعىنىڭ ورىنباسار مەڭگەرۋشىسى لين بو. ورتالىق ODR كاسىپورىندى قۇرۋدى، باسقارۋدى جانە پايدالانۋدى بەلسەندى ىلگەرىلەتتى، قازىرگە دەيىن شينجياڭ كوبەيتكەن ODR كاسىپورنى 289 بولىپ، 12315 ينتەرنەت تەكشەسى ارقىلى ىرىقتىلىقپەن تۇتىنۋداعى داۋ - شاردان 1100ىن ءبىر جايلى ەتىپ، تۇتىنۋداعى داۋ - شاردى قاينارىنان جىلدام ءبىر جايلى ەتتى.
ءۇرىمجى قالاسى ميدۇڭ رايوندىق بازار باقىلاۋ - باسقارۋ مەكەمەسىنەن ميدۇڭ رايونى يۇڭشياڭ كوشەسى اۋماعى حۋاچىڭ الەۋمەتتىك اۋماعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماق بىرلەسىپ قىزمەت وتەۋ شاعىن بولىمشە اترەتىن قۇرىپ، حۋاليڭ قۇرىلىس ماتەريالىن يمپورت - ەكسپورت ەتۋ بازاسىنا بارىپ جاعداي ۇعىستى. بازارداعى ءبىر ساۋداگەردىڭ تىزىمگە الدىرعان ماركاسىنا باسقالار كۇمان تاققاندىقتان پايدالانا الماعان ەدى، ەگەر جاۋاپ قايتارماسا كۇشىنەن قالدىرىلۋى مۇمكىن ەدى. قىزمەت اترەتى وسى ىستەن حابار تاپقان سوڭ، وسى ساۋداگەردىڭ قاتىستى ماتەريالداردى جيناۋىنا كومەكتەسىپ، دەلدال سەرىكتەستىگىمەن بايلانىس جاسايدى. ”ءبىز 24 ساعات قىزمەت وتەۋ تىكە لەنياسىن اشىپ، ساۋداگەرلەر مەن الارمانداردىڭ داۋ - شارىن شەشۋگە كومەكتەسىپ، پارتيا مەن ۇكىمەتتىڭ حالىققا تيىمدىلىك جاساۋ ساياساتىن ۇگىتتەدىك“، - دەدى قىزمەت اترەتىنىڭ باستىعى جاڭ يۇنفي.
اۆتونوميالى رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى شۇي شياۋنيڭ مىنالاردى ءبىلدىردى: تۇتاس رايونداعى بازار باقىلاۋ - باسقارۋ جۇيەسى پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىققا ۇڭىلۋمەن، قىزمەتتەردى ىلگەرىلەتۋمەن ۇشتاستىرىپ، بۇقارانىڭ ءىس جۇزىندىك ماسەلەلەرىن شەشىپ، ناقتى ءىس تىندىرۋ قابىلەتىن شىڭداپ، ءىس جۇزىندىك ارەكەتى ارقىلى پارتيا قۇرىلعاندىعىنىڭ 100 جىلدىعىنا سي ۇسىنادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
