شينجياڭ ماقتاسىنا كۇيە جاققان سوراقى قىلىقتارعا باتىل قارسى تۇرامىز، ونى قاتاڭ جازعىرامىز
2021.03.30 16:53 كەلۋ قاينارى : شينجياڭ گازەتى
اۆتونوميالى رايوندىق كيىم - كەشەك (ءزىننات بۇيىمدارى) كاسىبى قوعامى، شينجياڭ ساۋدانى جەبەۋ كوميتەتى، شينجياڭ توقىماشىلىق كاسىبى قوعامى مالىمدەمە جاريالادى
شينجياڭ ماقتاسىنا كۇيە جاققان سوراقى قىلىقتارعا باتىل قارسى تۇرامىز، ونى قاتاڭ جازعىرامىز
شينجياڭ ۇيعۇر اۆتونوميالى رايوندىق كيىم - كەشەك (ءزىننات بۇيىمدارى) كاسىبى قوعامى:
وسەك - اياڭ مەن جالعان ينفورماتسيانى نەگىز ەتىپ، قامداۋ تىزبەگىنەن شينجياڭ ماقتاسىن جانە ودان وندىرىلگەن ونىمدەردى شەتتەتۋگە باتىل قارسى تۇرامىز
تاياۋدا ءبىر ءبولىم حالىقارالىق ماركالار مەن حالىقارالىق قۇرىلىمداردىڭ وسەك - اياڭ مەن جالعان ينفورماتسيانى نەگىز ەتىپ، وزدەرىنىڭ ساۋدا قيمىلى بارىسىندا شينجياڭ ماقتاسىن جانە ودان وندىرىلگەن ونىمدەردى شەتتەتكەن قىلىقتارى جۇڭگو قوعامىنىڭ، توقىماشىلىق، كيىم - كەشەك كاسىپ سالاسىنىڭ جانە تۇتىنۋشىلاردىڭ قاتتى كەگىن قوزعادى. وسى سەبەپتى، ءبىز شينجياڭ كيىم - كەشەك كاسىپورىندارى جانە بارلىق جۇمىسشى - قىزمەتكەرلەر اتىنان ايرىقشا كەكتەنەمىز جانە وعان باتىل قارسى تۇرامىز!
شينجياڭ ۇيعۇر اۆتونوميالى رايوندىق كيىم - كەشەك (ءزىننات بۇيىمدارى) كاسىبى قوعامى شينجياڭنىڭ كيىم - كەشەك كاسىپورىندارىنا قىزمەت وتەيتىن قوعامدىق ۇيىم، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاۋعا باستان - اياق كۇش سالىپ كەلەدى. ءبىز ۇكىمەت جاريالاعان ءبىر قىدىرۋ تيىمدىلىك جاساۋ ساياساتتارىنان تولىق، ويداعىداي پايدالانىپ، كيىم - كەشەك كاسىپ سالاسىنىڭ دامۋىن قولداپ، كاسىپورىنداردان «جۇڭحۋا حالىق رەسپۋبليكاسىنىڭ ەڭبەك زاڭى» سياقتى زاڭداردىڭ، زاڭ ەرەجەلەردىڭ قاتىستى بەلگىلەمەسى بويىنشا جاسى ۇيلەسەتىن ەڭبەككۇشتەردى قابىلداۋدى قاتاڭ تالاپ ەتىپ، ەڭبەك جۇمىس ورنىن كوبەيتىپ، اۋىل - قىستاقتاعى ارتىق ەڭبەككۇشتەردى تۇرعان جەرىندە، جاقىن ماڭدا ءوز كۇشىنە سۇيەنىپ جۇمىستانۋىنا، تارتىپپەن قالاعا كىرىپ جۇمىستانۋىنا كومەكتەستى. جۇمىسشى - قىزمەتكەرلەر كاسىپورىنداردىڭ جۇمىسكەر قابىلداۋ جۇمىس ورنى ينفورماتسياسى، قىزمەت ورتاسى، ەڭبەكاقى، يگىلىك، مامىلە سياقتى احۋالدارعا نەگىزدەلىپ، جۇمىسشى قابىلداۋ قىزمەت ورنىن دەربەس تاڭداپ، بۇكىلدەي دەربەس ”قوس باعىتتى تاڭداۋدى“ جۇزەگە اسىردى.
شينجياڭنىڭ كيىم - كەشەك كاسىپورىندارى «جۇڭحۋا حالىق رەسپۋبليكاسىنىڭ ەڭبەك زاڭى» سياقتى قاتىستى زاڭدارعا، زاڭ ەرەجەلەرگە ساي، جۇمىسكەرلەرمەن تەڭ، ەرىكتى بولۋ العى شارتىندا ەڭبەك توقتامىنا قول قويىستى؛ «مەملەكەتتىك كەڭەستىڭ جۇمىسشى - قىزمەتكەرلەردىڭ قىزمەت ۋاقىتى جونىندەگى بەلگىلەمەسى» سياقتى قاتىستى بەلگىلەمەلەردە بەلگىلەنگەن قىزمەت ۋاقىتى ءتۇزىمى بويىنشا ءوندىرىس ەڭبەگىن ورىستەتتى. ەڭبەكاقى ءبولىسى جاعىندا تۇگەلدەي ”كوپ ىستەگەن كوپ الۋ، ەڭبەگىنە قاراي ءبولۋ“ سىندى ءادىل ءبولىس پرينسيبىن اتقارىپ، كاسىپورىندار جۇمىسشى - قىزمەتكەرلەردىڭ ءوندىرىس مىندەتىن ورىنداۋ احۋالىنا ساي، سايكەستى ەڭبەكاقىسىن بەردى ءارى ”بەس قامسىزداندىرۋىن“ ۋاعىندا تولىعىمەن تاپسىردى. سونىمەن قاتار، كاسىپورىنداردىڭ ىشكى تەحنيكالىق شەبەرلىك كۋرستارى ارقىلى جۇمىسشى - قىزمەتكەرلەردىڭ دامۋ اياسىن كەڭەيتتى، جۇمىسشى - قىزمەتكەرلەردىڭ كىرىس دەڭگەيى بىرتىندەپ جوعارىلاپ، ”ءبىر ادام جۇمىستانسا، تۇتاس وتباسى كەدەيلىكتەن ارىلۋ“ نەگىزىنەن جۇزەگە استى. ماسەلەن، قاشقار ايماعىنداعى جاسى ۇيلەسەتىن ەڭبەككۇشتەر وتباسىندا ەگىنشىلىكپەن اينالىسسا، جان باسىندىق جىلدىق كىرىسى شامامەن 4000 يۋان اينالاسىندا بولسا، كاسىپورىندارعا بارىپ جۇمىس ىستەگەننەن كەيىن جان باسىندىق جىلدىق كىرىسى ورتا ەسەپپەن 20 مىڭ يۋاننان اسىپ، 4 ەسە ارتتى؛ كەيبىر ەرلى - زايىپتىلار ءبىر كاسىپورىندا جۇمىس ىستەپ، جىلدىق كىرىسى 60 مىڭ يۋاننان استى. جۇمىسشى - قىزمەتكەرلەر قاجىرلى قىزمەت ىستەۋ ارقىلى وتباسى تۇرمىس جاعدايىن جاقسارتىپ، تابىس سەزىمى، باقىت سەزىمى كورنەكتى ارتتى.
شينجياڭنىڭ كيىم - كەشەك كاسىپورىندارى جۇمىسشى - قىزمەتكەرلەردىڭ كاسىپ تاڭداۋ ەركىندىگى مەن باس بوستاندىعىنا تولىق قۇرمەت ەتىپ، ءار ۇلت جۇمىسشى - قىزمەتكەرلەرىنىڭ ءدىني سەنىم ەركىندىگى ۇقىعىنا تولىق قۇرمەت ەتىپ جانە ونى قامتاماسىزداندىردى، ءارقانداي ۇيىم مەن جەكەنىڭ كيلىگۋىنە جول بەرىلمەيدى. كاسىپورىندار از ۇلت جۇمىسشى - قىزمەتكەرلەرىنىڭ ءوز ۇلتىنىڭ ءتىل - جازۋىن قولدانۋ ۇقىعىنا تولىق قۇرمەت ەتتى جانە قامتاماسىزداندىردى، جۇمىسشى - قىزمەتكەرلەردىڭ قاي تۇردەگى ءتىل - جازۋدى قولدانىپ اۋىس - كۇيىس جاساۋدى دەربەس تاڭداۋىنا بولادى. كاسىپورىندار ءار ۇلت جۇمىسشى - قىزمەتكەرلەرىنىڭ سالت - سانا، ادەت - عۇرپىنا تولىق قۇرمەت ەتىپ، جۇمىسشى - قىزمەتكەرلەردى مۇسىلمانشا تاعامدارمەن قامداپ، جۇمىسشى - قىزمەتكەرلەر جاتاعىن ازىرلەدى؛ جۇمىسشى - قىزمەتكەرلەردىڭ مادەني، كوڭىل اشۋ تۇرمىسىن بايىتۋ ءۇشىن، باسكەتبول، ۇستەل دوپ، فۋتبول سياقتى مادەنيەت، دەنە تاربيە، كوڭىل اشۋ بۇيىمدارىن ساتىپ الدى؛ مادەنيەت - كوركەمونەر ساۋىق كەشى، بىرلەسكەن دوستىق قيمىلى جانە مەرەكە - مەيرامدا قوناعاسى وتكىزۋ، اڭگىمە ءماجىلىسى سياقتى قيمىلدار ۇيىمداستىرىپ، ورىستەتىپ، جۇمىسشى - قىزمەتكەرلەردىڭ جۇمىستان تىسقى مادەنيەت تۇرمىسىن بايىتتى. جۇمىسشى - قىزمەتكەرلەردىڭ كاسىپورىندارداعى قىزمەت جانە تۇرمىس ورتاسى ءونىمدى قامتاماسىز ەتىلدى.
كوپ جىلدان بەرى شينجياڭداعى كيىم - كەشەك كاسىپورىندارىنىڭ دامۋ ارىنى جاقسى، كاسىپورىندار قىرۋار جۇمىس ورنىمەن قامداپ، شينجياڭداعى از ۇلت بۇقاراسىنىڭ ەڭبەكپەن جۇمىستانۋىنا بەلسەنە كومەكتەسىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن تولىق قامتاماسىز ەتتى، كاسىپورىندارداعى ءار ۇلت جۇمىسشى - قىزمەتكەرلەرىنىڭ تۇرمىس دەڭگەيى كورنەكتى جوعارىلادى، مۇنىڭ ءبارى دۇيىم جۇرت بىلەتىن فاكت. شينجياڭنىڭ كيىم - كەشەك كاسىپورىندارىندا ”زورلىقپەن ەڭبەككە سالۋ“ جاعدايى جوق، ءارقانداي وسەك - وتىرىك پەن جالا جابۋ شينجياڭنىڭ كيىم - كەشەك كاسىپورىندارىنداعى ءار ۇلت جۇمىسشى - قىزمەتكەرلەرىنىڭ قاجىرلى ەڭبەگىنە سۇيەنىپ، باقىتتى تۇرمىس جاراتقان شىندىقتى جوققا شىعارا المايدى. ەگەر ءدال وسىنداي شىندىق جازعىرۋ مەن ايىپتاۋعا ۇشىراسا، وندا تاريحتى كەرى شەگىندىرىپ، قوعامدى قۇلدىراتقاندىق بولادى. شىندىققا تالاس جۇرمەيدى، وسەك - اياڭ مىڭ رەت قايتالانسا دا شىندىق بولمايدى. امەريكاداعى، باتىس جاقتاعى جۇڭگوعا قارسى كۇشتەر مەيلى قالاي كۇيە جاقسا دا، قالاي جالا جاپسا دا شينجياڭنىڭ كيىم - كەشەك كاسىبىنىڭ اقاۋسىز دامۋ اياق الىسىن توسا المايدى، شينجياڭداعى ءار ۇلت حالقىنىڭ ىنتىماقتى، بەرەكەلى، ءبىر - بىرىنە كومەكتەسەتىن، بىرگە العا باساتىن اسا تاماشا جاعدايىن وزگەرتە المايدى.
سوڭىندا، ءبىز ءار سالاداعى اڭعارلى ازاماتتار مەن دوستارعا قىراعىلىقتى ارتتىرىپ، ويدان قيىستىرىلعان، وسەك ايتىپ، جالا جابىلعان ”زورلىقپەن ەڭبەككە سالۋ“ دەگەنگە الدانىپ قالماي، امەريكاداعى، باتىس جاقتاعى ات توبەلىندەي ساياسي الاياقتاردى جانە ۇيىمداردى شىندىققا قۇرمەت ەتىپ، سىڭار جاقتىلىقتى تاستاۋعا، ”زورلىقپەن ەڭبەككە سالدى“ دەگەندى سىلتاۋراتىپ توقىماشىلىق، كيىم - كەشەك كاسىپورىندارى اراسىنداعى قالىپتى ەكونوميكا، ساۋدا سەلبەستىگىنە كەدەرگىلىك جاساۋدى جانە ونى ءبۇلدىرۋدى توقتاتۋعا، ءبىر - بىرىنە قۇرمەت ەتەتىن، ءوزارا پايدا جەتكىزىپ، ورتاق يگىلىككە كەنەلەتىن بولاشاقتى بىرگە قۇرۋعا بىرگە قۋزاۋشىلىق ەتۋدى ەسكەرتەمىز.
جۇڭگو حالىقارالىق ساۋدانى جەبەۋ كوميتەتى شينجياڭ ۇيعۇر اۆتونوميالى رايوندىق كوميتەتى:
شينجياڭ ماقتاسىنىڭ اتىنا داق سالاتىن ءارقانداي سۇرقيا قىلىقتاردى قاتاڭ ايىپتايمىز
جۋىق جىلداردان بەرى امەريكاداعى، باتىس جاقتاعى جۇڭگوعا قارسى كۇشتەر ”زورلىقپەن ەڭبەككە سالدى“ دەگەن جالانى قاساقانا ويدان قۇراستىرىپ، شينجياڭنىڭ ماقتاسى مەن توقىماشىلىق، كيىم - كەشەك قامداۋ تىزبەگىنە ۇزدىكسىز قىسىم جاسادى، جازالادى. تاياۋدا حالىقاراداعى بىرنەشە ايگىلى ماركالى كيىم - كەشەك ءوندىرۋ ساۋداگەرلەرى مالىمدەمە جاريالاپ، شينجياڭ ماقتاسىن پايدالانۋعا تيىم سالىپ، شينجياڭنىڭ، ءتىپتى، جۇڭگونىڭ ماقتا توقىماشىلىق كاسىپ سالاسىنىڭ ابىرويىنا اۋىر زالال جەتكىزىپ، ناشار ىقپال تۋدىردى. شينجياڭنىڭ سىرتقى ساۋدا كاسىپورىندارىنىڭ ابىرويىن جانە ءار ۇلت ەڭبەكشىلەرىنىڭ زاڭدى ۇقىق - مۇددەسىن زاڭ بويىنشا قامتاماسىز ەتۋ جانە قورعاۋ شينجياڭ ساۋدانى جەبەۋ كوميتەتىنىڭ ماڭىزدى بورىشى، امەريكاداعى، باتىس جاقتاعى جۇڭگوعا قارسى كۇشتەر وسەك - اياڭ تاراتىپ، جالا جاۋىپ، شينجياڭنىڭ توقىماشىلىق، كيىم - كەشەك كاسىپورىندارىنىڭ مۇددەسىنە اۋىر زيان جەتكىزدى، ءار ۇلت ەڭبەكشىلەرىنىڭ اتاق - ابىرويى مەن ادامدىق ار - نامىسىنا اۋىر داق سالدى، ءبىز بۇعان قاتتى كەكتەنەمىز جانە باتىل قارسى تۇرامىز!
ءىس جۇزىندە، شينجياڭنىڭ ماقتا ەگىمشىلىگى مەن توقىماشىلىق، كيىم - كەشەك كاسىپ سالاسى باستان - اياق ەڭبەك ۇقىعىن قامتاماسىز ەتۋدى ادامنىڭ ار - نامىسىن قورعاۋدىڭ، ادامدىق ۇقىقتى قامتاماسىز ەتۋدىڭ نەگىزگى مازمۇندارىنىڭ ءبىرى ەتىپ، حالىقارالىق ەڭبەك جانە ادامدىق ۇقىق ولشەمىن بەلسەندى تۇردە امالياتتا ايگىلەپ، ەڭبەكشىلەردىڭ قالاۋىنا تولىق قۇرمەت ەتىپ، ءار ۇلت بۇقاراسىنىڭ ەڭبەك ۇقىعىن زاڭ بويىنشا قامتاماسىز ەتىپ، ەڭبەك ورتاسى مەن ەڭبەك شارت - جاعدايىن قۇلشىنا جاقسارتتى، ”زورلىقپەن ەڭبەككە سالۋ“ دەگەن مۇلدە بولعان ەمەس.
شينجياڭدا شارۋالاردىڭ نەنى ەگۋى ولاردىڭ ءوز قالاۋى. استىق ەككەنگە قاراعاندا، ماقتا ەككەننىڭ ەكونوميكالىق كىرىسى ءتىپتى دە جوعارى، شارۋالاردىڭ ماقتا ەگۋ بەلسەندىلىگى دە ءتىپتى جوعارى. ەگۋدەن تەرۋگە، ودان ساتۋعا دەيىن، ءاربىر بۋىننىڭ بارلىعى ەرىكتى جانە دەربەس جۇرىلەدى، كيلىگۋگە جانە زورلاۋعا ەشقانداي سەبەپ تە، قاجەت تە جوق. بۇرىن ماقتا تەرۋ مەزگىلى كەلگەندە، ماقتا تەرۋدىڭ كىرىسى جوعارى بولعاندىقتان، حىنان، سىچۋان، گانسۋ سياقتى جەرلەردەگى حانزۋ شارۋا جۇمىسكەرلەردى پويەزعا وتىرىپ شينجياڭعا كەلىپ ماقتا تەرۋگە تارتاتىن، ولار ”ماقتا تەرۋشىلەر قوسىنى“ دەپ اتالعان. جەرگىلىكتى ورىندا دا كەيبىر ەگىنشىلەر ءوز ەرىكتەرىمەن ”ماقتا تەرۋشىلەر قوسىنىنا“ قوسىلىپ، وسى ورايدان پايدالانىپ كىرىستەرىن ارتتىرادى، ەشقانداي ”زورلاۋدىڭ“ قاجەتى جوق. ماقتا تەرۋ ماشيناسىنىڭ جالپىلاسۋىنا ىلەسە، قازىر ماقتا تەرۋشى جۇمىسشىلاردىڭ سانى كوپ مولشەردە ازايدى، ”زورلىقپەن ەڭبەككە سالۋدىڭ“ دا مۇلدە قاجەتى جوق.
شينجياڭنىڭ توقىماشىلىق، كيىم - كەشەك كاسىپورىندارى باستان - اياق جۇمىسشى - قىزمەتكەرلەردىڭ قالاۋىن نەگىز ەتىپ، ءار ۇلت جۇمىسشى - قىزمەتكەرلەردىڭ بىردەي جۇمىستانۋ ورايى مەن جۇمىستانۋ ۇقىعىنان زاڭ بويىنشا يگىلىكتەنۋىن قامتاماسىز ەتىپ، ءادىل، ەركىن، قامتاماسىز ەتىلگەن جۇمىستانۋ ورتاسىن قالىپتاستىرۋعا باستان - اياق كۇش سالىپ، ءار ۇلت جۇمىسشى - قىزمەتكەرلەردى، اسىرەسە، از ۇلت جۇمىسشى - قىزمەتكەرلەردى تارتۋ، تۇراقتاپ قالدىرۋ ارقىلى ولاردىڭ قىزمەت بەلسەندىلىگىن، ىرىقتىلىعىن جانە جاسامپازدىعىن تاسقىنداتىپ، ەڭبەك شەبەرلىگىن، مادەنيەت ساپاسىن جوعارىلاتىپ، كاسىپورىننىڭ ۇزاق بولاشاقتىق دامۋى مەن جۇمىسشى - قىزمەتكەرلەردىڭ دامۋىنىڭ تىعىز ۇشتاسۋىن جۇزەگە اسىردى. توقىماشىلىق، كيىم - كەشەك كاسىپورىندارى جۇمىسشى - قىزمەتكەرلەردى دەربەس قابىلداپ، جۇمىسقا ۇسىنىس ەتىپ، ۇقساماعان ۇلت، ۇقساماعان جىنىس، ۇقساماعان ءدىني سەنىمدەگى جۇمىسشى - قىزمەتكەرلەرگە بىردەي مامىلە جاسادى. كاسىپورىن جۇمىسشى - قىزمەتكەرلەرمەن ەڭبەك توقتامىنا قول قويىپ، جۇمىسشى - قىزمەتكەرلەرگە ءتيىستى ەڭبەكاقى بەرىپ، ولارعا تاماشا قىزمەت، تۇرمىس شارت - جاعدايىن ازىرلەپ، قاتىستى از ۇلت جۇمىسشى - قىزمەتكەرلەردى مۇسىلمانشا اس - سۋمەن قامداپ، قىزمەتتەرىنىڭ جايلى، تۇرمىستارىنىڭ ۋايىمسىز بولۋىنا، وتباسىنداعىلاردىڭ الاڭسىز بولۋىنا شىنايى كەپىلدىك ەتتى. كاسىپورىندا تۇگەل جۇمىسشى ۇيىمىن قۇرىپ، از ۇلت جۇمىسشى - قىزمەتكەرلەردى قامتىعان بارلىق جۇمىسشى - قىزمەتكەرلەردىڭ زاڭدى ۇقىق - مۇددەسىن قامتاماسىز ەتتى. كەيبىر توقىماشىلىق، كيىم - كەشەك كاسىپورىندارى BSCI (ساۋدا قوعامدىق ولشەم ايعاقتاماسى)، SLCP (قوعامدىق ەڭبەكشىلەردى بىرىكتىرۋ نىسانى) سياقتى جۇمىس جانە قوعام ولشەمىن اتقاردى، مۇنىڭ ىشىندە كەيبىرەۋلەرى شەتەلدىڭ 3 - جاق باعالاۋ قۇرىلىمى جاساعان ادامدىق ۇقىق جاعدايى ساراپتاماسىن قابىلدادى ءارى ماقۇلدادى. مىسالى، 2019 - جىلى اقسۋ حۋافۋ ءتۇستى توقىماشىلىق شەكتى سەرىكتەستىگىنىڭ ”قوعامدىق ەڭبەكشىلەردى بىرىكتىرۋ نىسانى“ (SLCP) تەكسەرۋىندە، دالدىك كورسەتكىشىنىڭ ％96.9كە جەتۋى وسى كاسىپورىندا ايتىلىمىس ”زورلىقپەن ەڭبەككە سالۋ“ بولماعانىن تولىق دالەلدەدى.
شينجياڭنىڭ توقىماشىلىق، كيىم - كەشەك كاسىپورىندارىندا جۇمىستانعان از ۇلت جۇمىسشى - قىزمەتكەرلەردىڭ زاڭدىق ۇقىق - مۇددەسى ءونىمدى قامتاماسىز ەتىلدى. شينجياڭداعى از ۇلت بۇقاراسىنىڭ كاسىپ تاڭداۋدا دەربەس ۇقىعى بار، توقىماشىلىق، كيىم - كەشەك كاسىپورىندارىندا جۇمىستانعان سوڭ، تۇگەلدەي ءوز ەركىمەن زاڭ بويىنشا كاسىپورىنمەن ەڭبەك توقتامىنا قول قويىپ، زاڭ جاعىنان قورعالاتىن ەڭبەك قاتىناسىن ورناتىپ، باس بوستاندىعى ەشقانداي شەكتەۋگە ۇشىراعان جوق؛ از ۇلت جۇمىسشى - قىزمەتكەرلەر ۇقساس جۇمىس، ۇقساس ەڭبەكاقىدان يگىلىكتەنىپ، زەينەتكەرلىك، ەمدەۋ، جۇمىسسىزدىق، جۇمىس ۇستىندە جارالانۋ، تۋىت سياقتى قوعامدىق قامسىزداندىرۋدان تەڭ دارەجەدە يگىلىكتەندى؛ از ۇلت جۇمىسشى - قىزمەتكەرلەردىڭ عۇرىپ - ادەتى، ءدىني سەنىم ەركىندىگى جانە ءوز ۇلتىنىڭ ءتىل - جازۋىن قولدانۋ سياقتى ۇقىقتارىنا تولىق قۇرمەت ەتىلدى جانە قامتاماسىزداندىرىلدى. كوپتەگەن از ۇلت جۇمىسشى - قىزمەتكەرلەر توقىماشىلىق، كيىم - كەشەك كاسىپورىندارىندا ورنىقتى جۇمىستانعان سوڭ، تاعى تۋىستارىن، دوستارىن، اۋىلداستارىن كاسىپورىنعا كەلىپ جۇمىستانۋعا تانىستىردى.
فاكتتەر مىنانى دالەلدەدى: ايتىلمىس شينجياڭدا از ۇلتتاردى ”زورلىقپەن ەڭبەككە سالۋ“ جايتى ءومىر سۇرۋدە دەگەن بۇكىلدەي شىندىققا ۇيلەسپەيتىن، جوسىنعا سيمايتىن وسەك - اياڭ، بۇكىلدەي وسەك ايتىپ، جالا جاپقاندىق، اق پەن قارانى شاتاستىرعاندىق، شىندىققا اۋىر قايشى كەلگەندىك. امەريكاداعى، باتىس جاقتاعى جۇڭگوعا قارسى كۇشتەر شينجياڭنىڭ ەكونوميكانى، قوعامدى دامىتۋ بارىسىندا حالىقتىڭ ءومىر ءسۇرۋ ۇقىعى مەن دامۋ ۇقىعىن قامتاماسىز ەتۋدە قول جەتكىزگەن وراسان زور تابىسىن ەلەمەي، شينجياڭداعى ءار ۇلت حالقىنىڭ ءوز ەركىمەن جۇمىستانۋى، شارۋاشىلىق قۇرۋى سىندى وبيەكتيۆ شىندىقتى ەلەمەي، شينجياڭعا قاتىستى ”زورلىقپەن ەڭبەككە سالدى“ دەگەن ساندىراقتى ويدان قۇراستىرىپ، شينجياڭداعى قاتىستى كاسىپورىندارعا ورىنسىز قىسىم جاساپ، حالىقارالىق زاڭ مەن حالىقارالىق قارىم - قاتىناستىڭ نەگىزگى ولشەمىنە اۋىر دارەجەدە قايشىلىق جاساپ، بازار شارۋاشىلىعى پرينسيبىنە جانە ەركىن ساۋدا ەرەجەسىنە اشىقتان - اشىق قايشىلىق جاساپ، الەمدىك كاسىپ سالاسى تىزبەگىن، قامداۋ تىزبەگىن، قۇن تىزبەگىن جانە ءار جاقتىڭ مۇددەسىن ءبۇلدىردى، بۇل وكتەمدىك ساياسي جانە اشىقتان - اشىق زورەكەرلىك قىلىق شينجياڭداعى ءار ۇلت ەڭبەكشىلەرىنىڭ اتاق - ابىرويى مەن ادامدىق ار - نامىسىنا اۋىر كەسىر تيگىزدى، ءار ۇلت بۇقاراسىنىڭ قالىپتى ەڭبەكپەن جۇمىستانۋ ۇقىق - مۇددەسىنە اۋىر كەسىر تيگىزدى، قاتىستى كاسىپورىنداردىڭ قالىپتى ءوندىرىس، تيجاراتىنا اۋىر كەسىر تيگىزدى، وزدەرىنىڭ شينجياڭ كاسىپورىندارىنا قىسىم جاساۋ، شينجياڭداعى از ۇلت ەڭبەكشىلەرىن جۇمىستانۋ ۇقىعىنان ماقرۇم ەتۋ، ۇلتتار قاتىناسىن ءبۇلدىرۋ، شينجياڭنىڭ ەكونوميكالىق، قوعامدىق دامۋىنا كەدەرگى جاساۋ ارقىلى ”شينجياڭ ارقىلى جۇڭگونى شاۋجايلاۋ“ ماقساتىنا جەتۋدەگى سۇرقيا نيەتىن پاش ەتتى. ءبىز بۇل جەردە شەكارا سىرتىنداعى كەيبىر قۇرىلىمدار مەن ادامداردى شىندىققا تۋرا قاراپ، سىڭار جاقتى كوزقاراستى تاستاپ، ايتىلمىس ”زورلىقپەن ەڭبەككە سالدى“ دەگەن ماسەلەنى دابىرالاۋىن دەرەۋ توقتاتۋعا، جۇڭگو شينجياڭىنىڭ توقىماشىلىق، كيىم - كەشەك قامداۋ تىزبەگىنە جانە قاتىستى ونىمدەرىنە ءارقانداي شەكتەۋ قويۋىن دەرەۋ توقتاتۋعا قاتاڭ قۋزايمىز، ءبىز شينجياڭ كاسىپورىندارىنىڭ مۇددەسىن باتىل قورعايمىز.
قازىرگى تاڭدا الەمدىك ساۋدا تۇتاسسا بىرگە ىلگەرىلەيدى، ەسىكتى جاۋىپ السا ءبارى كەرى شەگىنەدى. ءبىز قاتىستى حالىقارالىق ۇيىمداردى، ساۋدا قارجى قوسۋدى جەبەۋ قۇرىلىمدارىن، ساۋدا سەلبەستىگى ۇيىمدارىن جانە ونەركاسىپ - ساۋدا كاسىپورىندارى سالاسىنىڭ، اسىرەسە، امەريكانىڭ ونەركاسىپ - ساۋدا سالاسى ۋاكىلدەرىنىڭ شينجياڭعا كەلىپ، ارالاپ، كورىپ، شىنايى شينجياڭدى، ءار ۇلت جۇمىسشى - قىزمەتكەرلەر ءوز نەسىبەسىن العان، قوعامى دامىپ، كوركەيگەن شينجياڭدى ءوز كوزدەرىمەن كورۋگە شىن نيەتپەن ۇسىنىس ەتەمىز. ءبىز وسى بىلجىراقتاردىڭ شينجياڭنىڭ كوركەيىپ - گۇلدەنۋىنىڭ، ورنىقتىلىعىنىڭ ۇردىسىنە كەدەرگى جاساي المايتىندىعىنا، شينجياڭداعى ءار ۇلت جۇمىسشى - قىزمەتكەرلەردىڭ تاماشا تۇرمىسقا تالپىنعان قادامىنا بوگەت بولا المايتىندىعىنا سەنەمىز. ءبىز ءار ەلدىڭ ونەركاسىپ - ساۋدا سالاسىنداعى دوستاردىڭ جۇڭگوعا قارسى ات توبەلىندەي ساياسي الاياقتاردىڭ ساندىراقتاپ شاتاسقان ويلاۋ لوگيكاسىنىڭ ازدىرۋىنا ۇشىراماي، جان - جاقتى، جوعارى ساپالى ەكونوميكا - ساۋدا سەلبەستىگىن ىلگەرىلەتۋ جاعىندا سەلبەستىك جاساپ، تەڭ يگىلىككە كەنەلىپ، تاماشا بولاشاقتى بىرگە جاراتۋىن ءۇمىت ەتەمىز.
شينجياڭ توقىماشىلىق كاسىبى قوعامى:
شينجياڭ ماقتاسىن شەكتەۋدەگى نيەتى سۇرقيا، ويى پاسىق
جۋىقتا ءبىر ءبولىم حالىقارالىق ايگىلى ماركالار مەن حالىقارالىق قۇرىلىمدار وسەك - اياڭ مەن جالعان ينفورماتسيانى نەگىز ەتىپ، شينجياڭ ماقتاسىمەن ”ات كەكىلىن كەسىسۋ“ جونىندە سوزدەر جاريالاپ، شينجياڭ ماقتاسىن، سونداي - اق ماقتا ونىمدەرىن شەكتەپ، شينجياڭ قوعامىنىڭ ءار سالاسىنىڭ، توقىماشىلىق كاسىبىمەن شۇعىلدانۋشىلاردىڭ جانە تۇتىنۋشىلاردىڭ قاتتى كەگىن قوزعادى، شينجياڭ توقىماشىلىق كاسىبى قوعامى بۇعان توتەنشە كەكتەنەدى، ونى قاتاڭ جازعىرادى جانە وعان باتىل قارسى تۇرادى! شينجياڭ توقىماشىلىق كاسىبى قوعامى مىناداي قاتاڭ مالىمدەمە جاريالايدى: امەريكاداعى، باتىس جاقتاعى جۇڭگوعا قارسى كۇشتەردىڭ جۇڭگو شينجياڭ وڭىرىندە ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جابۋى بۇكىلدەي ويدان قيىستىرىلعان، بارىپ تۇرعان ساياسي وسەك - اياڭ مەن ساياسي ويىن.
شينجياڭ ماقتاسى ەل ءىشى ماقتا توقىماشىلىق كاسىپ سالاسىنىڭ باياندى، اقاۋسىز دامۋىنداعى ماڭىزدى شيكىزات قامتاماسىزدىعى، سونداي - اق بۇكىل الەمدىك كاسىپ سالاسىندا جالپى بەتتىك تانىلعان جوعارى ساپالى تابيعي تالشىق شيكىزاتى، بۇكىل الەم كولەمىندەگى ماقتا توقىما كيىمدەرگە بولعان تۇراقتى تۇتىنۋ قاجەتىن ءبىرشاما جاقسى قاناعاتتاندىرىپ وتىر، اسىرەسە، شينجياڭدا وسەتىن ۇزىن تالشىقتى ماقتا جوعارى ساپالى ماقتا ءجىپتىڭ نەگىزگى شيكىزاتى رەتىندە، ەل ىشىندەگى تومەنگى بۋىنداعى كاسىپورىنداردىڭ جوعارى ساپالى كەزدەمە وندىرۋىندەگى ماڭداي الدى تاڭداۋىنا اينالدى. سوڭعى جىلدارى شينجياڭنىڭ ماقتا ەگىمشىلىك ءوندىرىسى ورنىقتىلىقتى ساقتادى، ماقتا توقىماشىلىعى جانە كيىم - كەشەك كاسىپ سالاسى تەز دامىپ، رايونىمىزدىڭ ەكونوميكالىق دامۋىندا، كەدەي حالىقتىڭ كەدەيلىكتەن ارىلىپ كىرىستى ارتتىرۋىنا كۇش قوسۋدا، ءار ۇلت بۇقاراسىنىڭ جۇمىستانۋىن شەشۋدە، حالىق تۇرمىسىنىڭ ىرىس - قۇتىن جاقسارتۋدا ماڭىزدى رول اتقاردى. توقىما ءجىپ وڭدەۋ ءوندىرىسى بۋىنىندا، شينجياڭ ماقتا توقىماشىلىق كاسىپورىندارى جالپى بەتتىك ەل ءىشى - سىرتىنداعى وزىق جابدىقتار مەن اۆتوماتتى قۇرىلعىلاردى ىستەتتى، سالىنىپ بولعان زەردەلى ءوندىرىس سەحتارى ەل ءىشى ماقتا توقىماشىلىق كاسىبى دامۋىنىڭ ەڭ جوعارى ورەسىن ايگىلەپ، ەل ءىشى ماقتا توقىماشىلىق كاسىبىندە كەم بولسا بولمايتىن تىرەكتى كۇشكە اينالدى.
شينجياڭ توقىماشىلىق كاسىپورىندارى قىزمەتكەرلەرى ءبىرشاما جاقسى ەڭبەكاقىعا يە بولدى. شينجياڭ ماقتا توقىماشىلىق كاسىپورىندارى قىزمەتكەرلەرىنىڭ ايلىق ورتاشا ەڭبەكاقىسى 3500 يۋان اينالاسىندا، بۇل بۇكىل رايوننىڭ ەڭ تومەنگى ەڭبەكاقى ولشەمىنەن كوپ جوعارى، كوپتەگەن قىزمەتكەرلەردىڭ وتباسى كەدەيلىكتەن ارىلىپ، تۇرمىستارى بارعان سايىن جاقساردى. ماسەلەن، تەكسەرىپ - زەرتتەۋ كەزىندە، ءبىر توقىماشىلىق كاسىپورنىنداعى ۇيعۇر قىزمەتكەر ءماريام يمار بىزگە 3 جىلدىڭ الدىندا ءوزىنىڭ ءۇشتۇرپان اۋدانىندا كەز كەلگەن جەرگە بارىپ جۇمىس ىستەيتىن، تۇراقتى كىرىسى جوق شارۋا بولعاندىعىن ايتتى. ال قازىر اي سايىن 3500 يۋان تۇراقتى ەڭبەكاقى الادى، زاۆود جانە ىشەر اس، جاتار ورىنمەن تەگىن قامدايدى، وتباسى تۇرمىسى بارعان سايىن جاقسارعان. ماسەلەن، ءبىر توقىماشىلىق زاۆودىندا قىزمەت ىستەيتىن ەرلى - زايىپتى تۇرسۇن ءالي مەن ايگۇلسىن جامەك ەكەۋىنىڭ ايلىق تازا كىرىسى مولشەرمەن 10 مىڭ يۋانعا جەتەدى. قىزمەت ىستەگەن 3 جىلدان كەيىن ەرلى - زايىپتى ەكەۋى ەڭبەكاقىدان جيناعان 300 مىڭ يۋان اقشامەن العاشقى تولەيتىن قاراجاتىن تولەپ، قۇلجا قالاسىنان 100 نەشە شارشى مەترلىك قابات ءۇي ساتىپ الدى.
شينجياڭ توقىماشىلىق كاسىپورىندارى تاماشا قىزمەت ورتاسىن قالىپتاستىرۋعا ءمان بەردى. شينجياڭداعى بارلىق توقىماشىلىق كاسىپورىندار قاتىستى ولشەم - تالاپتارعا قاتاڭ بويسۇنىپ، تازا، حاۋىپسىز، ورتاعا زالالسىز، جوعارى ءونىمدى، جاراسىمدى بەينەدەگى قىزمەت ورتاسىن ساقتادى. كاسىپتىك حاۋىپسىزدىك تاربيەسىن مەرزىم سايىن ورىستەتىپ، قىزمەتكەرلەردىڭ قىزمەت ورنىندا ساۋ - سالامات جانە حاۋىپسىز بولۋىنا شىنايى كەپىلدىك ەتتى، قىزمەتكەرلەر ەمدەلگەندە الدىمەن ەمدەلىپ، اقىسىن سوڭىنان تولەۋىنە دە بولادى، سونداي - اق كاسىپتىك دەنساۋلىق تەكسەرتۋىنەن يگىلىكتەنەدى. كاسىپورىندار ناۋقاستانعان قىزمەتكەرلەرگە تاعى ەرەكشە قامقورلىق، قۇتقارۋ كومەك بەرىپ، قىزمەتكەرلەردىڭ دەر كەزىندە ءوزى ارقالاي الاتىن ەمدەۋ قۇتقارۋ - ەمدەۋىنە يە بولۋىنا شىنايى كەپىلدىك ەتتى. ماسەلەن، ءبىر توقىماشىلىق سەرىكتەستىگىندەگى از ۇلت ايەل قىزمەتكەر گۇلي راحمەتحان قىزمەتكە قاتىناسقان 2 - جىلى سەرىكتەستىك ۇيىمداستىرعان دەنساۋلىق تەكسەرتۋىندە راكقا شالدىققانى انىقتالعاندا، سەرىكتەستىك ونى بالنيتساعا دەرەۋ ورنالاستىردى، سونداي - اق جىلۋ اتاۋ ۇيىمداستىردى، ەمدەۋ بارىسىنداعى كوپ ءبولىم ەمدەۋ قاراجاتى ەمدەۋ قامسىزداندىرۋىنان كوتەرىلدى. بالنيتسادان شىققان سوڭ، ونىڭ قىزمەت ىستەي بەرسەم دەگەن ءوز قالاۋىنا ساي، سەرىكتەستىك ەرەكشە قامقورلىقپەن ونى جۇمىس كوتەرىمدىلىگى جەڭىلدەۋ ادام كۇشى بايلىعى قىزمەت ورنىنا ورنالاستىرىپ، ونىڭ ەكونوميكالىق اۋىرتپالىعى مەن رۋحاني قىسىمىن ازايتۋىنا كومەكتەستى.
شينجياڭ توقىماشىلىق كاسىپورىندارى قىزمەتكەرلەردىڭ كاسىپتىك ساپاسىن جوعارىلاتۋعا ءمان بەردى. توقىماشىلىق كاسىپورىندارى وزدەرى ورىستەتكەن شەبەرلىككە باۋلۋ كۋرستارى قىزمەتكەرلەردىڭ تەحنيكالىق ونەر يگەرۋىنە مۇمكىندىك جاساپ قالماستان، ونىڭ ۇستىنە كوپتەگەن ”بەساسپاپ توقىماشى شەبەرلەر“ باۋلىدى. سوڭعى جىلدارى شينجياڭدا 409 توقىماشىلىق، كيىم - كەشەك تەحنيكالىق شەبەرى مەن 3300 جاڭا شەبەر ماداقتالىپ - سيلانىپ، از ۇلت كاسىپورىن قىزمەتكەرلەرىنىڭ جەكە باستىق دامۋ ۇقىعى تولىق ايگىلەندى. ماسەلەن، اقسۋداعى ءبىر ماقتا سەرىكتەستىگىندەگى جىڭىشكە ءجىپ يىرەتىن ۇيعۇر جۇمىسشى راۋشانگۇل ءاشىم كاسىپورىننىڭ باۋلۋى مەن قولداۋىندا بىرتىندەپ تەحنيكالىق شەبەرگە اينالىپ، كاسىپتىك شەبەرلىكتەردى جەتىك يگەرىپ الدى، سونداي - اق تەحنيكاعا جاڭالىق جاساپ، جاقسارتۋلار ەنگىزدى. ول جانە ىلگەرىندى - كەيىندى مەملەكەتتىك توقىماشىلىق كاسىبى ”ۋيچياۋ - جيڭۋي لوڭقاسى“ جىڭىشكە ءجىپ ماشيناسى جۇمىسشىلارىنىڭ كاسىپتىك شەبەرلىك جارىسىن ۇيىمداستىرۋ گرۋپپاسى ەرەكشە سيلىعىنا، جۇڭگو ماقتا توقىماشىلىق كاسىبىندەگى ”مۇراگەر ۇستا“ قاتارلى داڭقتارعا يە بولدى.
شينجياڭ توقىماشىلىق كاسىپورىندارى قىزمەتكەرلەرگە جايلى تۇرمىس ورتاسىن ازىرلەپ بەردى. توقىماشىلىق كاسىپورىندارى سالت باس قىزمەتكەرلەرگە جاتاق ازىرلەدى، ءاربىر جاتاققا ادەتتە 2 − 5 ادام جاتادى، ادام باسىنا تۋرا كەلەتىن تۇرارجاي اۋماعى 5 − 20 شارشى مەتر ارالىعىندا، جاتاق ىشىندە جابدىقتار تولىق. كوپتەگەن كاسىپورىندار جانە ”اينالىم ۇيلەر“ ازىرلەپ، ەرلى - زايىپتى ەكەۋى بىردەي كاسىپورىندا ىستەيتىن قىزمەتكەرلەردىڭ تۇرۋىنا قولايلىلىق جاسادى. جاتاقتاردىڭ اينالاسىنا شاشتارازحانا، ەرەن بازار سياقتى سايكەستى قىزمەت وتەۋلەر سەپتەلگەن، كاسىپورىندار زاۆود اۋماعىنىڭ سىرتىندا تۇراتىن قىزمەتكەرلەر ءۇشىن تەگىن اۆتوبۋز دايىندادى. كاسىپورىندار مۇسىلمانشا اسحانالار ازىرلەگەن، جاڭا جىل، كوكتەم مەرەكەسى، قۇربان ايت، ورازا ايت سياقتى ءداستۇرلى مەرەكە - مەيرامداردا تۇگەلدەي قۇتتىقتاۋ قيمىلدارى ۇيىمداستىرىلىپ تۇرادى. كوپتەگەن كاسىپورىندار تاعى قىزمەتكەرلەردىڭ جۇمىستان سىرتقى قيمىل ورتالىعىن قۇرىپ، كوڭىل اشۋ، دەنە شىنىقتىرۋ قۇرىلعىلارىن سەپتەدى، مەرزىم سايىن قىزمەتكەرلەردى سپورت جارىسى، جۇمىس شەبەرلىگى جارىسى، كونسەرت كەشتەرى سياقتى مادەنيەت، دەنە تاربيە قيمىلدارىنا قاتىناسۋعا ۇيىمداستىرىپ تۇرادى.
شينجياڭ توقىماشىلىق كاسىبى قوعامى قاتىستى حالىقارالىق ايگىلى ماركالاردى، قۇرىلىمداردى شينجياڭ كاسىپورىندارىنىڭ جانە تۇتىنۋشىلاردىڭ قاتاڭ، ادىلەتتى تۇرعىسىنا تۋرا قاراپ، وزدەرىنىڭ قامداۋ تىزبەگىنەن شينجياڭ ماقتاسىن جانە ودان جاسالعان ونىمدەردى شەتتەتۋدەي قاتە ارەكەتتەرىن توقتاتۋعا ۇندەيدى. ءبىر ءبولىم حالىقارالىق ايگىلى ماركالار مەن قۇرىلىمداردىڭ قاتە ارەكەتى شينجياڭداعى ءار ۇلت ماقتاشىلارى مەن توقىماشىلىق، كيىم - كەشەك كاسىپ سالاسى جۇمىسشىلارىنىڭ قىزمەت ارقىلى كىرىستى ارتتىرىپ بايىپ، تۇرمىس ورەسىن جوعارىلاتۋ سىندى ورىندى ۇقىق - مۇددەسىن زياندادى. شينجياڭ توقىماشىلىق كاسىپورىندارى تۇگەلدەي زاڭدى تىركەلگەن، زاڭ بويىنشا، بەلگىلەمە بويىنشا ءوندىرىس - تيجارات جۇرگىزەتىن حالىقتىق كاسىپورىندار، ولار قوعامدىق جاۋاپكەرشىلىكتەرىن ادالدىقپەن ادا ەتىپ، ساۋدالىق ارەكەت ولشەمىن ساقتاپ، كاسىپورىن قىزمەتكەرلەرىنىڭ ەڭبەكاقى ۇقىعى، تىنىعۋ - دەمالىس ۇقىعى، ەڭبەك حاۋىپسىزدىگىن، تازالىعىن قورعاۋ ۇقىعى، قوعامدىق قامسىزداندىرۋعا، يگىلىككە كەنەلۋ ۇقىعى سياقتى ۇقىقتارىن زاڭ بويىنشا قامتاماسىز ەتتى. شينجياڭ توقىماشىلىق كاسىپورىندارى جەرگىلىكتى از ۇلت بۇقاراسىنىڭ كەدەيلىكتەن ارىلىپ بايۋىنا وراي ازىرلەدى، كاسىپورىن قىزمەتكەرلەرىنىڭ تابىس سەزىمى مەن باقىت سەزىمى ۇزدىكسىز كۇشەيدى، ايتىلمىس ”زورلىقپەن ەڭبەككە سالۋ“ ماسەلەسى مۇلدە جوق.
ءبىز حالىقارالىق ايگىلى ماركالاردى جۇڭگو توقىماشىلىق كاسىپ سالاسىنىڭ ورىندى ۇقىق - مۇددەسىنە قۇرمەت ەتىپ، جۇڭگوداعى ءبىر ميللياردتان استام تۇتىنۋشىنىڭ ەركىن تاڭداۋىنا قۇرمەت ەتىپ، ساۋدا ماسەلەسىنىڭ ساياسيلانۋىنان ساقتانۋعا، امەريكاداعى، باتىس جاقتاعى جۇڭگوعا قارسى كۇشتەردىڭ قۇرباندىعىنا اينالۋدان ساقتانۋعا ۇندەيمىز.
شينجياڭ توقىماشىلىق كاسىبى قوعامى حالىقارالىق ايگىلى ماركالاردى، قۇرىلىمداردى شينجياڭنىڭ ماقتا ءوندىرۋ وڭىرلەرىنە، توقىماشىلىق، كيىم - كەشەك زاۆودتارىنا ىشكەرىلەي بارىپ ارالاپ احۋال ۇعىسىپ، تەكسەرىپ، قاتىستى شىندىقتى وزدەرى ۇعىسىپ، تۇجىرىم جاساۋىن قارسى الادى، وسەك - اياڭنىڭ تۇبىندە شىندىقتى بۇركەمەلەي المايتىندىعىنا سەنەمىز!
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
