شينجياڭ ەنەرگيا توبى كومىر ءوندىرۋ مەن ساتۋدى بىردەي شالقىتتى
2021.03.29 16:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 27 - كۇنى ۇرىمجىدەن حابارلايدى. ەلەكتر شىعارۋدا كومىردەن پايدالانۋ سۇرانىسى ارتۋىنىڭ جەبەۋىندە، تۇتاس رايوندا كومىر ءوندىرۋ مەن ساتۋ بىردەي شالقىپ، شينجياڭ ەنەرگيا (توبى) شەكتى سەرىكتەستىگىنىڭ (تومەندە قىسقارتىلىپ شينجياڭ ەنەرگيا توبى دەلىندى) كومىر كەن قۇرىلىسى تىڭ دامۋ كەزەڭىنە ءوتتى. بيىل 1 -، 2 - ايلاردا 793 مىڭ توننا كومىر ءوندىرىلىپ، سايكەس مەزگىلدەگىدەن ％195.9 جوعارىلادى؛ كاسىپ سالاسى تىزبەگىندەگى سەرىكتەستىكتەردىڭ كومىر ساتۋدان تاپقان پايداسى 38 ميلليون 296 مىڭ 300 يۋانعا جەتىپ، سايكەس مەزگىلدەگىدەن ％786.82 جوعارىلادى.
3 - ايدىڭ 25 - كۇنى شينجياڭ ەنەرگيا (توبى) حوتان بۇيا كەن كاسىبى شەكتى جاۋاپكەرلىك سەرىكتەستىگىنىڭ اشىق كەن ءوندىرىس جۇمىس باسىندا كومىر تاسيتىن اۆتوموبيلدەرگە رەتىمەن كومىر تيەلىپ، قازۋ اۋماقتارىنىڭ ءوندىرىس جۇمىس باستارىندا جۇمىس تارتىپپەن جۇرگىزىلىپ جاتىر. حوتان ايماعىنداعى كومىرمەن قامدايتىن ءتۇيىندى كاسىپورىن رەتىندە، 2020 - جىلى حوتان بۇيا كەن كاسىبى سەرىكتەستىگى حوتان ايماعىنداعى كومىر كاسىبىندە ”حاۋىپسىزدىكتى قامتاماسىز ەتۋ، قامداۋدى قامتاماسىز ەتۋ، باعانى ورنىقتىرۋ“ قىزمەتىن بار كۇشپەن جاقسى ىستەپ، تۇتاس جىلدا حالىق تۇرمىسىنا پايدالانىلاتىن كومىردەن جانە ەلەكتر شىعارۋعا پايدالانىلاتىن كومىردەن جيىنى 600 مىڭ توننادان استام قامدادى.
قازىرگە دەيىن شينجياڭ ەنەرگيا (توبى) حوتان بۇيا كەن كاسىبى سەرىكتەستىگى بيىل ساۋدادان جيىنى 44 ميلليون 585 مىڭ 500 يۋان كىرىس كىرگىزىپ، سايكەس مەزگىلدەگىدەن 11 ميلليون 56 مىڭ 200 يۋان ارتتىرىپ، ارتۋ مولشەرىن ％33كە جەتكىزدى. شينجياڭ ەنەرگيا (توبى) حوتان بۇيا كومىر كاسىبى شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ليۋ گۋاڭحۇيدىڭ تانىستىرۋىنشا، حوتان بۇيا كەن كاسىبى سەرىكتەستىگى كەلەشەكتە كومىر ءوندىرىس بايلىعىن بىرىكتىرۋ، ءوندىرىس قۋاتىن جوعارىلاتۋ سياقتى ءبىر قىدىرۋ ءونىمدى شارالار ارقىلى كومىردىڭ نەگىزگى كاسىپ يقۋاتىندىق ورنىن ۇزدىكسىز بەكەمدەپ، حوتان ايماعىنداعى سۇرىپتاۋسىز كومىرمەن قامداۋدىڭ اسەر ەتۋ راديۋسىن ىشكەرىلەي كەڭەيتەدى ەكەن.
شينجياڭ ەنەرگيا توبى 2012 - جىلى قۇرىلعاننان بەرى نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرۋعا تاباندى بولىپ، رەفورما جاساۋدى، جاڭالىق اشۋدى ۇزدىكسىز تەرەڭدەتىپ، كاسىپ سالاسى ورنالاستىرۋىن ساپالىلاندىرىپ، باسشىلىق القاسى قۇرامىنداعىلاردىڭ ەلەۋلى نىساندارمەن بايلانىس جاساۋ ءتۇزىمىن ورناتىپ، قۇمىل، حوتان، اقسۋ، جۇندۇڭ قاتارلى وڭىرلەردەگى ءتۇيىندى نىسانداردى اتقارۋ قۇرىلىسىن بار كۇشپەن ىلگەرىلەتىپ، مەملەكەت مەنشىگىندەگى كاسىپورىن تىرەگى جانە ورنىقتىرعىش رولىن ىشكەرىلەي كورنەكتىلەندىردى.
بىلتىر شينجياڭ ەنەرگيا توبىنىڭ ەلەۋلى نىسان قۇرىلىسى سەرپىلىسكە قول جەتكىزدى، سانتاڭحۋ كەن اۋماعىنىڭ شىتوۋمەي 1 - ءنومىرلى اشىق كومىر كەنىنىڭ 1 - مەرزىمدىك 5 ميلليون توننا/جىل نىسانى قۇرىلىس باستاپ سالىنىپ، سانتاڭحۋ كومىرلى القابىنىڭ 25 كومىر كەنىنىڭ ىشىندەگى العاش قۇرىلىس باستاعان كومىر كەنىنە اينالدى. بيىل قۇمىل بولىمشە سەرىكتەستىگى ينجەنەريالىق كومىردەن جيىنى 530 مىڭ 300 توننا ساتىپ، ساتۋ كىرىسى 15 ميلليون 909 مىڭ 100 يۋان بولىپ، سالعان جەردەن ءساتتى بولۋدى جۇزەگە اسىردى. بۇل كۇندەرى كەزىندەگى قۋاڭ دالا، قۇبا تۇزدە سۋمەن قامداۋ، ەلەكترمەن قامداۋ ينجەنەرياسى، نىسانعا سايكەس قۇرىلىستار، كومىر ساقتاۋ الاڭى، اۆتوتۇراق، ولشەۋ اۋماعى جۇلدىزشا جامىراپ، ءبىر - بىرلەگەن كومىر تاسيتىن كولىكتەر اسا تارتىپپەن، ۇزدىكسىز سىرتقا كومىر تاسۋدا. قۇمىل بولىمشە سەرىكتەستىگى پارتكومىنىڭ شۋجيى حۇڭ حان - ۋ تىلشىگە شىتوۋمەي 1 - ءنومىرلى اشىق كومىر كەنىنىڭ 2021 - جىلى 1 - مەرزىمدىك ينجەنەريا نىسانىنىڭ 3 تۇردەگى ينجەنەريا قۇرىلىسىن اياقتاپ، بىرلەسىپ، سىناق رەتىندە جۇمىس جۇرگىزۋ كەزەڭىنە وتەتىندىگىن ءارى 1 - مەرزىمدىك ينجەنەريا نىسانىنىڭ قۇرىلىسىن اياقتاتىپ، تەكسەرىپ وتكىزىپ الۋ قىزمەتىن ىسكە قوسۋدى جوسپارلاپ وتىرعاندىعىن ايتتى.
”شينجياڭ ەنەرگيا توبىنىڭ رەفورماسى، دامۋى كەلەلى ستراتەگيالىق وراي مەزگىلىندە تۇر، جەتكىلىكتى تەبىنى، وراسان زور كومەسكى قۋاتى جانە ۇزدىكسىز تەبىندەگەن ومىرشەڭدىگى بار. كاسىپورىن عىلىم - تەحنيكانى، عىلمي زەرتتەۋدى باسقارۋدى كۇشەيتىپ، كاسىپورىننىڭ دامۋداعى وزەكتى باسەكەلىك قۋاتىن جوعارىلاتادى. بيىل تيجارات كىرىسىنىڭ ارتۋىن ％10تەن تۇسىرمەۋگە، تازا پايداسىنىڭ ارتۋىن ％30تەن تۇسىرمەۋگە قۇلشىنادى“. شينجياڭ ەنەرگيا توبى پارتكومىنىڭ شۋجيى، القا باستىعى حۋ گوچياڭ مىنانى ءبىلدىردى: بيىل توبىمىز ءتۇيىندى نىسان قۇرىلىسىن بار كۇشپەن ىلگەرىلەتىپ، بايلىق باسىمدىعىنىڭ ونىمدىلىك باسىمدىعىنا اينالۋىن جەدەلدەتىپ، ساقتالۋ مولشەرىن ساپالىلاندىرىپ، ارتۋ مولشەرىن كۇشەيتىپ، كاسىپ قۇرىلىمىنىڭ ساپالىلانۋىن جانە تيبىندە بۇرىلىس جاساپ، دارەجەسىن جوعارىلاتۋىن ىلگەرىلەتەدى.
2021 - جىلى شينجياڭ ەنەرگيا توبى حوتان 350MW×2 ەلەكتر ستانسياسى نىسانىن جەدەل سالىپ، ۋسايۋان كەن اۋماعى 2 - ءنومىرلى اشىق كومىر كەنىن اشۋ، قۇرۋدى ويداعىداي ىستەيدى؛ وڭىرلىك كاسىپ سالاسى جانە نىسان ورنالاسۋىن ۇزدىكسىز ىلگەرىلەتىپ، ءتۇيىندى تۇردە قۇمىل، اقسۋ، حوتان، بايىنعولين وبلىسى، ىلە قاتارلى وڭىرلەردە سەلبەستىكتى كۇشەيتىپ، جاڭا ەكونوميكالىق ارتۋ ءتۇيىنى مەن ناقتى تۇلعالىق كاسىپ سالاسىن جەتىلدىرەدى؛ قۇمىل جەل ەلەكتر، فوتوۆولتتىق نىسانى جابدىقتارىن تەكسەرۋ، كۇتۋدى دەر كەزىندە ويداعىداي ىستەپ، ەلەكتر تاراتۋ مولشەرى مەن جەلىگە شىعاتىن ەلەكتر مولشەرىن ءتىپتى ونان ارى جوعارىلاتادى؛ قۇمىل سانتاڭحۋ شىتوۋمەي اشىق كومىر كەنىنىڭ ”شينجياڭنىڭ ەلەكترىن سىرتقا جەتكىزۋ“ وت ەلەكترى، كومىر حيميا ونەركاسىبى نىسانىن بەلسەنە ىلگەرىلەتىپ، سەرىكتەستىكتىڭ ”14 - بەسجىلدىق“ دامۋداعى تاماشا باستاماسىن جۇزەگە اسىرادى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
