سۋىق اعىستىڭ ىقپالىمەن بوران سوعىپ، تەمپەراتۋرا تومەندەيدى
شينجياڭ بويىنشا باسىم كوپ جەرلەردە اۋا تەمپەراتۋراسى ℃12 – 8 تومەندەيدى
2021.03.26 10:48 كەلۋ قاينارى : حالىق تورابى
شينجياڭ گازەتىنىڭ 3 – ايدىڭ 25 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى جىڭ جو حابارلايدى: شينجياڭدا كوكتەمنىڭ قادامى الدا كەلە جاتقان سۋىق اعىستىڭ ىقپالىندا تاعى دا كەشەۋىلدەيتىن بولدى. ەكى رەتكى سۋىق اعىستىڭ ىقپالىنا ۇشىرايتىندىقتان، بۇكىل شينجياڭدا تاعى دا جازعىتۇرىمعى سوقپا اياز بولادى.
اۆتونوميالى رايوندىق اۋا رايى ستانسياسىنىڭ بولجامىنا قاراعاندا، 3 – ايدىڭ 28 – كۇنى تۇننەن 4 – ايدىڭ 2 – كۇنىنە دەيىن سولتۇستىك شينجياڭ مەن شىعىس شينجياڭنىڭ باسىم كوپ ءبولىم جەرلەرىندە جاڭبىر جاۋىپ، سوڭىنان قارعا اينالادى، ىلە قازاق اۆتونوميالى وبلىسىندا، تارباعاتاي ايماعىنىڭ سولتۇستىگىندە، سانجى حۇيزۋ اۆتونوميالى وبلىسىنىڭ شىعىسىندا، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەردە ورتاشا دارەجەدەن قالىڭ دارەجەگە دەيىن جاڭبىر نەمەسە قار جاۋادى، ءىشىنارا جەرلەردە ەرەكشە قالىڭ قار جاۋادى؛ اۋا تەمپەراتۋراسى ۇزدىكسىز تومەندەيدى، جيناقتاپ ەسەپتەگەندە، ℃12 – 8 تومەندەيدى، بۇكىل شينجياڭ بويىنشا باسىم كوپ جەرلەردە اۋا تەمپەراتۋراسى جوعارى تەمپەراتۋرادان تومەن تەمپەراتۋراعا قاراي ويىسادى؛ 3 – ايدىڭ 29 – كۇنى كۇندىزدەن تۇنگە دەيىن سولتۇستىك شينجياڭ مەن شىعىس شينجياڭداعى جەل وتتەرىندە جەل كۇشى 10 – 11 بالعا جەتەدى.
بۇل رەتكى سۋىق اعىستىڭ كىرۋى ىندەتتەن ساقتانۋ – تىزگىندەۋ، قاتىناس – تاسىمال، مال شارۋاشىلىعى، قۇرىلعىلى اۋىل شارۋاشىلىعى، قالانىڭ اينالىمى قاتارلىلارعا ءتيىمسىز ىقپال جاسايدى. اۆتونوميالى رايوندىق اۋا رايى ستانسياسىنىڭ باس مالىمەتشىسى جاڭ جۇنلان بىلاي دەدى: قازىر سولتۇستىك شينجياڭداعى مال شارۋاشىلىعى وڭىرلەرى كوشى – قون مەن ءتول الۋ، ءتولدى جەتىلدىرۋ كەزەڭىندە تۇر، تەمپەراتۋرانىڭ ۇزدىكسىز تومەندەۋى مەن بۇرقاسىندى اۋا رايى مال شارۋاشىلىعى وندىرىسىنە ءبىرشاما زور ىقپال جاسايدى، سولتۇستىك شينجياڭداعى مال قورالارىن بەكەمدەۋ مەن قاردى تازالاۋ، سۋىقتان ساقتانىپ، جىلۋدى ساقتاۋ، جەم – ءشوپ دايىنداۋ قاتارلى قىزمەتتەردى الدىن الا ويداعىداي ىستەۋ كەرەك. سونىمەن بىرگە، قۇرىلعىلى ەگىن اۋىل شارۋاشىلىعىنداعى قالتقىلاردى بەكەمدەۋ، قاردى تازالاۋ جانە جىلۋدى ارتتىرىپ، جارىقتى تولىقتاۋ قىزمەتىن ويداعىداي ىستەۋ كەرەك.
3 – ايدىڭ 29 – كۇن كۇندىزدەن تۇنگە دەيىن، سولتۇستىك شينجياڭداعى باسىم كوپ جەل وتتەرىندە باتىس سولتۇستىكتەن ءبىرشاما قاتتى بوران سوعادى، وتە – موتە، تارباعاتاي ايماعى مەن التاي ايماعىنداعى ءىشىنارا جەرلەردە بۇرقاسىن تۋىلۋى مۇمكىن، وڭتۇستىك شينجياڭ مەن شىعىس شينجياڭدا تەمپەراتۋرا ۇزدىكسىز تومەندەپ، بوران سوعادى، ءىشىنارا جەرلەردە قۇمدى بوران شىعادى، بۇل كوكتەمگى ەگىس پەن جەمىس ورماندارىنىڭ گۇل اشۋى قاتارلىلارعا ءتيىمسىز ىقپال جاسايدى، اۋا رايىنىڭ وزگەرىستەرىنە قاراي، اۋىل شارۋاشىلىعى وندىرىسىنە الدىن الا ورنالاستىرۋ جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
