الدىڭعى 2 ايدا ءۇرىمجى شوعىرلاندىرۋ ورتالىعىندا شەكارادان كىرىپ - شىققان جۇڭگو - ەۆروپا كەزەكشى پويەزى ％280 ارتتى
2021.03.25 16:20 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 23 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، بيىل الدىڭعى 2 ايدا ءۇرىمجى - سانجى كەدەنى جۇڭگو - ەۆروپا كەزەكشى پويەزىن باقىلاۋ - باسقارۋ، ءۇرىمجى شوعىرلاندىرۋ ورتالىعىندا شەكارادان كىرىپ - شىققان جۇڭگو - ەۆروپا كەزەكشى پويەزى 76عا، زات تاسىمال مولشەرى 79 مىڭ 100 تونناعا، زات قۇنى 455 ميلليون دوللارعا جەتىپ، سايكەس مەزگىلدەگىدەن جەكە - جەكە ％280، ％281.96 جانە ％583.02 ارتىپ، بارلىعى شوعىرلاندىرۋ ورتالىعى پايدالانۋعا بەرىلگەننەن بەرگى ەڭ جوعارى ورەنى جاراتقان.
ءۇرىمجى كەدەنى نەگىزىن سالعان توپتاپ جيناۋ، توپتاپ جونەلتۋ ۇلگىسى جۇڭگو - ەۆروپا كەزەكشى پويەزدارىنىڭ ءۇرىمجىنى ”وتكەلەك“ ەتۋدەن ”شوعىرلانۋ“ ورتالىعىنا وزگەرىپ، شينجياڭنىڭ جەرگىلىكتى ونىمدەرىن ىشكى وڭىرلەردەن جولعا شىعاتىن جۇڭگو - ەۆروپا كەزەكشى پويەزدارىنىڭ تاسىمال قۋاتىنان پايدالانىپ ۇتىلاپ تىكە جەتكىزۋدى، جىلدام كۇش جالعاپ تاسىمالداۋدى جۇزەگە اسىرىپ، شينجياڭنىڭ زاتىن ەۆروپاعا ەكسپورت ەتۋگە جىلدام تاسىمالداۋ ارناسىن اشتى.
”باستابىندا شەكارادان شىعاتىن ءبىر كەزەكشى پويەزعا 41 − 42 ۆاگون تىركەلەتىن، بيىل جىل باسىنان بەرى ءبىر پويەزعا نەگىزىنەن 45 − 46 ۆاگون تىركەلىپ، تاپسىرىس مولشەرى جەدەل ارتىپ، قايتاردا تيەلەتىن زات تا كورنەكتى مولايىپ، تولىق تيەلۋ مولشەرى بارىنشا جوعارىلادى، تولتىرا جۇك تيەپ بارىپ، تولتىرا جۇك تيەپ قايتاتىن بولىپ، شينجياڭنىڭ جەرگىلىكتى ونىمدەرى مەن كاسىپورىندارىنىڭ ’قوس اينالىممەن‘ ءتىپتى دە جاقسى توعىسۋىنا ءونىمدى كومەكتەستى“، - دەدى ءۇرىمجى - سانجى كەدەنى باقىلاۋ - باسقارۋ 1 - ءبولىمىنىڭ ورىنباسار باستىعى جيە پيڭ.
جۇڭگو - ەۆروپا كەزەكشى پويەزدارىنىڭ كەدەننەن تەز ءوتۋىن ىلگەرىلەتۋ ءۇشىن، ءۇرىمجى - سانجى كەدەنى ىرىقتى تۇردە شينجياڭنىڭ جەرگىلىكتى ءىرى، ورتا ءوندىرىس كاسىپورىندارىنىڭ جۇڭگو - ەۆروپا كەزەكشى پويەزىنا سۇيەنىپ زاتتارىن ەكسپورت ەتۋ قاجەتىن ءبىر - بىرلەپ تەكسەرىپ، ارناۋلى باقىلاۋ - باسقارۋ جوباسىن جاساپ، كەدەن قىزمەتكەرلەرىن ارناۋلى جەلىگە نەمەسە زات جينالعان ورىنعا جىبەرىپ باقىلاۋ - باسقارۋ، تەكسەرۋ جۇمىستارىن جۇرگىزىپ، جۇڭگو - ەۆروپا كەزەكشى پويەزىمەن ەكسپورت ەتۋ بۋىنىنداعى ماڭىزدى زات اينالىمى بوگەتتەرىن اشىپ، كەزەكشى پويەزداردىڭ جىلدام ءوتۋىن جۇزەگە اسىردى.
كەزەكتە ءۇرىمجى - سانجى كەدەنى تەمىر جول تاسىمالىن دانەكەر ەتكەن كوپ ءتۇرلى ۇلاسپالى زات تاسىمالى قىزمەتىن ورىستەتىپ، تاس جول، تەمىر جول، اۆياتسيا سياقتى تاسىمال تاسىلدەرىن ءونىمدى ۇشتاستىرىپ جانە سايكەستىرىپ، جۇڭگو - ەۆروپا كەزەكشى پويەزىمەن زاتتى كوپ بارىستى ۇلاسپالى تاسىمالداۋدى جۇزەگە اسىردى.
”ءۇرىمجى - سانجى كەدەنى كەزەكشى پويەزداردى باقىلاۋ - باسقارۋ تاسىلدەرىن اناعۇرلىم ساپالىلاندىرىپ، جۇڭگو - ەۆروپا كەزەكشى پويەزىنىڭ شوعىرلاندىرۋ ورتالىعىندا جاڭاشا قىزمەتتەر ورىستەتۋىن قولداپ - قۋاتتايدى، سونىمەن بىرگە جۇڭگو (ءۇرىمجى) شەكارا اتتاعان ەلەكتروندى ساۋدا كەشەندى سىناق رايونى باسىمدىعىن تولىق ساۋلەلەندىرىپ، شەكارا اتتاعان ەلەكتروندى ساۋدا كاسىپورىندارىنىڭ جۇڭگو - ەۆروپا كەزەكشى پويەزىنان پايدالانىپ كانتينەر قۇراستىرۋ كاسىبىن اشۋىن قولداپ - قۋاتتاپ، شينجياڭنىڭ سىرتقى ساۋداسىنىڭ جاقسى بەتالىسپەن دامۋىنا ۇزدىكسىز كۇش ۇستەيدى“، - دەدى ءۇرىمجى - سانجى كەدەنى پارتكومىنىڭ مۇشەسى، كەدەننىڭ ورىنباسار باستىعى لي فۋشان.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
