شي جينپيڭ فۋجياندا قىزمەت تەكسەرگەندە مىنانى دارىپتەدى
جاڭا دامۋ جاعدايىنا قىزمەت وتەۋ جانە ونىمەن توعىسۋ جاعىندا اناعۇرلىم زور ىسكەرلىك كورسەتىپ، جاپپاي سوتسياليستىك وسىزاماندانعان مەملەكەت قۇرۋدىڭ فۋجيان تاراۋىن قۇلشىنا جازۋ كەرەك
2021.03.26 15:36 كەلۋ قاينارى : حالىق تورابى
«حالىق گازەتى»، 3 - ايدىڭ 25 - كۇنى، فۋجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا فۋجياندا قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، رەفورما جاساپ، ەسىك اشۋدى كەڭەيتىپ، عىلىم - تەحنيكادا جاڭالىق اشۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكالىق جۇيە قۇرۋدى تەزدەتۋ جاعىندا اناعۇرلىم زور ىلگەرلەۋشىلىككە قول جەتكىزىپ، جاڭا دامۋ جاعدايىنا قىزمەت وتەۋ جانە ونىمەن توعىسۋ جاعىندا اناعۇرلىم زور ىسكەرلىك كورسەتىپ، بۇعازدىڭ ەكى جاعالاۋىنىڭ توعىسپالى دامۋىنىڭ جاڭا جولىن قاراستىرۋدا اناعۇرلىم نىق قادام تاستاپ، ساپالى تۇرمىس جاراتۋ جاعىندا اناعۇرلىم زور قامال الىپ، جاپپاي سوتسياليستىك وسىزاماندانعان مەملەكەت قۇرۋدىڭ فۋجيان تاراۋىن قۇلشىنا جازۋ كەرەك.
كوكتەم مەزگىلى، فۋجياننىڭ بايتاق دالاسىندا تىرشىلىك تىنىسى قاۋلايدى. 3 - ايدىڭ 22 - كۇنىنەن 25 - كۇنىنە دەيىن شي جينپيڭ فۋجيان ولكەلىك پارتكومنىڭ شۋجيى يىن ليدىڭ، ولكە باستىعى ۋاڭ نيڭنىڭ جولسەرىك بولۋىندا ىلگەرىندى - كەيىندى نانپيڭ، سانميڭ، فۋجوۋ قاتارلى جەرلەرگە بارىپ، مەملەكەتتىك باقشا، ەكولوگيالىق شاي باقشاسى، مادەني مۇرالاردى قورعاۋ ورنى، شيپاحانا، اۋىل - قىستاق، كاسىپورىن، مەكتەپ سياقتىلاردى ارالاپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، «14 – بەسجىلدىق» جوبادا جاقسى باستاما باستاپ، جاقسى قادام تاستاۋدى ىلگەرىلەتۋ، ۇدايىلانعان ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس ىلگەرىلەتۋ سياقتىلار جونىندە تەكسەرۋ - زەرتتەۋ جۇرگىزدى.
ۋ – ي تاۋى مەملەكەتتىك باقشاسى − تۇڭعىش توپتاعى مەملەكەتتىك باقشا ءتۇزىلىسىن تۇيىندە سىناق ەتكەن باقشالاردىڭ ءبىرى. 3 - ايدىڭ 22 - كۇنى تۇستەن كەيىن شي جينپيڭ باقشانىڭ زەردەلى باسقارۋ ورتالىعىنا كەلىپ، زەردەلى باسقارۋ تۇعىرىنىڭ اينالىم جاعدايىن تەكسەردى. بۇل ورتالىق زەردەلىلەندىرۋ تەحنيكاسىنان جان - جاقتى پايدالانىپ، باقشانىڭ ءىشى - سىرتىن جان - جاقتى، تولىق كۇندىك باقىلاۋ، تەكسەرۋ، باسقارۋدى جۇزەگە اسىرىپ، ەكولوگيالىق قورعاۋ قابىلەتىن جوعارىلاتقان بولاتىن. شي جينپيڭ ەكولوگيالىق وركەنيەت قۇرىلىسىنا ايرىقشا ءمان بەرىپ، فۋجيان ولكەسىندە قىزمەت ىستەگەن مەزگىلدە چاڭتيڭ اۋدانىندا توپىراقتىڭ شايىلۋىن جونگە سالۋ، مۋلانشي تاسقىننان ساقتانۋ ينجەنەرياسى سياقتى كەلەلى ەكولوگيالىق ورتانى قورعاۋ ينجەنەريالارىن ىلگەرىلەتكەن ەدى ءارى 2000 - جىلى فۋجيان ولكەسىنىڭ مەملەكەت بويىنشا ەكولوگيالىق ولكە قۇرۋ قۇرىلىسى جاعىندا الدىمەن ىزدەنىس جاساۋىنا دەم بەرگەن ەدى. ۇزاق ۋاقىت قۇلشىنۋ ارقىلى فۋجيان ولكەسىنىڭ ەكولوگيالىق وركەنيەت قۇرىلىسىندا بەلسەندى تابىستارعا قول جەتتى. شي جينپيڭ مىنالاردى اتاپ كورسەتتى: مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن قۇرۋداعى ماقسات − تاۋ، سۋ، ورمان، اتىز، كول، جايىلىم تىرشىلىكتىڭ ورتاق تۇلعاسى سانالادى دەيتىن ۇستانىم بويىنشا، جاراتىلىستىق ەكولوگيالىق جۇيەنىڭ اۋەلگى بەينەسى مەن كەمەلدىلىگىن ساقتاپ، ورگانيزمدەردىڭ الۋان تۇرلىلىگىن قورعاۋ. ەكولوگيانى قورعاۋدى ءبىرىنشى ورىنعا قويۋدا تاباندى بولىپ، ءبىر تۇتاس جوسپارلاپ قورعاپ جانە دامىتىپ، ەكولوگيالىق قونىس اۋدارۋدى تارتىپپەن ىلگەرىلەتىپ، ەكولوگيالىق ساياحاتتى لايىقتى دامىتىپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن جۇزەگە اسىرۋ كەرەك.
ۋ - ي تاۋى − ۋ - لۇڭ شايى مەن كۇرەڭ شايدىڭ مەكەنى. شي جينپيڭ شيڭسۇن قىستاعىنىڭ يانزى ەكولوگيالىق شاي باقشاسىنا كەلىپ، كوكتەمگى شايدىڭ ءوسۋ جاعدايىن كوزدەن كەشىرىپ، جەرگىلىكتى شاي كاسىبىنىڭ دامۋ جاعدايىن ۇعىستى. شي جينپيڭ مىنالاردى دارىپتەدى: شاي مادەنيەتى، شاي كاسىبى، شاي عىلىم - تەحنيكاسى سىندى كەلەلى ءىستى ءبىر تۇتاس ويداعىداي ىستەپ، جاسىل دامۋ بەتالىسىنان جازباي، ماركا تانىمىن كۇشەيتىپ، ساتۋ، اينالىم ورتاسىن ساپالىلاندىرىپ، اۋىل - قىستاقتى كوركەيتۋدىڭ كاسىپ نەگىزىن بەكەمدەۋ كەرەك. عىلىم - تەحنيكا ارناۋلى قىزمەتكەرلەرى ءتۇزىمىن ىشكەرىلەي ىلگەرىلەتىپ، قالىڭ عىلىم - تەحنيكا ارناۋلى قىزمەتكەرلەرىنىڭ عىلمي ماقالالاردى بايتاق دالادا جازۋىنا مۇمكىندىك جاساۋ كەرەك.
شاي باقشاسىنان شىققاننان كەيىن شي جينپيڭ بامبۇك سالمەن جيۋچۇيشي وزەنىن بويلاپ، ەكولوگيالىق ورتانى قورعاۋ جاعدايى مەن جاراتىلىستىق كورىنىستەردى كوردى. جيۋچۇيشي وزەنىنىڭ جاعالاۋىنداعى جۋشييۋان باقشاسىندا شي جينپيڭ جۋ شيدىڭ ءومىرى جانە تاعىلىمشىلدىقتى زەرتتەۋ سياقتى جاعدايلاردى ەگجەي - تەگجەيلى ۇعىستى. ول مىنانى اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، جۇڭحۋانىڭ تاڭداۋلى ءداستۇرلى مادەنيەتىنىڭ ومىرشەڭدىك كۇشىن ءداۋىر رۋحىمەن جانداندىرۋ كەرەك. ماركسيزمدە تاباندى بولۋدى جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋمەن ورگانيكالى ۇشتاستىرىپ، جۇڭگوشا سوتسياليزم جولىمەن بۇلجىماي ءجۇرۋ كەرەك.
تاياۋ جىلداردان بەرى سانميڭ قالاسى ەمدەۋ ءتۇزىلىسى رەفورماسىندا ءدارى – دارمەك ماتەريالدارىن جونگە سالۋ رەفورماسىن قامال الۋ ءتۇيىنى ەتىپ، ەمدەۋ، ءدارى - دارمەك، ەمدەۋ قامسىزداندىرۋى، ەمدەۋ رەفورماسى ىستەرىن ۇشتاستىرىپ جۇرگىزۋدەن جازباي، بۇكىل ەلدىڭ ەمدەۋ، ءدارى - دارمەك، دەنساۋلىق ساقتاۋ رەفورماسى ءۇشىن باعالى تاجىريبەلەر قاراستىردى. 2016 - جىلى 2 - ايدا شي جينپيڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، سانميڭ قالاسىنىڭ ەمدەۋ ءتۇزىلىسى رەفورماسىنىڭ جاعدايى جونىندەگى مالىمەتتى تىڭداپ، رەفورما تاجىريبەلەرىن قورىتىندىلاۋدى، جالپىلاستىرۋدى تالاپ ەتكەن بولاتىن. 3 - ايدىڭ 23 - كۇنى تۇستەن بۇرىن شي جينپيڭ سانميڭ قالاسى شاشيان اۋداندىق باس شيپاحاناعا كەلىپ، بالنيتسا عيماراتىنىڭ 1 - قاباتىنداعى زالدا ەمدەۋ، ءدارى - دارمەك، دەنساۋلىق ساقتاۋ رەفورماسىنىڭ جاعدايى جونىندەگى تانىستىرۋدى تىڭداپ، ەمدەۋ قىزمەتكەرلەرىنەن، ناۋقاستاردان ەمدەۋ ءتۇزىلىسى رەفورماسىنىڭ حالىققا تيىمدىلىك جاساۋ جاعدايىن ۇعىستى. شي جينپيڭ مىنالاردى دارىپتەدى: حالىقتىڭ سالاماتتىعى − سوتسياليستىك وسىزامانداندىرۋدىڭ ماڭىزدى بەلگىسى. سانميڭ قالاسى ەمدەۋ ءتۇزىلىسى رەفورماسىندا حالىقتى بارىنەن جوعارى ورىنعا قويىپ، باتىلدىقپەن الدا ءجۇرۋدى ايگىلەدى، ونىڭ تاجىريبەسى جەر - جەردىڭ ءوز جاعدايىنا قاراي ۇلگى الۋىنا تاتيدى. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، ساپالى ەمدەۋ بايلىعىن بىركەلكى ورنالاستىرىپ، نەگىزگى ساتىنىڭ نەگىزدىك قۇرىلعى شارت - جاعدايىن جاقسارتىپ، حالىقتىڭ سالاماتتىعى ءۇشىن سەنىمدى قامتاماسىزدىق ازىرلەۋ كەرەك.
فۋجيان ولكەسى شي جينپيڭ نيڭدى قالاسىندا قىزمەت ىستەگەن كەزدە العا قويعان «شابان ۇيرەك بۇرىن ۇشادى»، «تامشى سۋ تاس تەسەدى» رۋحىن ساۋلەلەندىرىپ، كەدەيلىكتەن ارىلتۋدى كۇش سالا يگەردى. 30 نەشە جىل قۇلشىنۋ ارقىلى فۋجيان ولكەسى بۇكىل ەلمەن بىرگە تاقىر كەدەيلىكتى تۇبەگەيلى جويدى. 3 - ايدىڭ 23 - كۇنى تۇستەن كەيىن شي جينپيڭ توڭكەرىستىك بايىرعى رايونداعى قىستاق − شاشيان اۋدانى شياماۋ قالاشىعى يۇيباڭ قىستاعىنا كەلىپ، جەڭىل تاعامدار جايماسىنىڭ شەتىندە، ەرەكشە ونىمدەر دۇكەنىندە، قىستاق تۇرعىندارىنىڭ ءۇيىنىڭ الدىندا اۋىلداستارمەن ىقىلاستى اڭگىمەلەسىپ، شاشيان اۋدانىنىڭ جەڭىل تاعامدارىنىڭ قازىرگى دامۋ جاعدايى مەن بولاشاعىن ەگجەي - تەگجەيلى ۇعىستى. شي جينپيڭ مىنالاردى اتاپ كورسەتتى: شاشيان اۋدانىنىڭ ادامدارى توڭىرەكتىڭ ءتورت بۇرىشىنا بارىپ، شاشيان اۋدانىنىڭ جەڭىل تاعامدارىن حالىقتى اۋقاتتاندىرۋداعى ەرەكشە كاسىپكە اينالدىردى. اۋىل - قىستاقتى كوركەيتۋدە جەرگىلىكتى جاعدايعا قاراي حالىقتى اۋقاتتاندىرۋ كاسىبىن تاڭداۋ شەشۋشى ءتۇيىن سانالادى. ورايدى مىقتى يگەرىپ، كوز ايانى كەڭەيتىپ، بازاردىڭ قاجەتىنە سايكەسىپ، ۇزدىكسىز ىزدەنىس جاساپ، جاڭالىق اشىپ، تاماشا تۇرمىس جاراتۋدىڭ جاڭا جورىعىندا تاعى دا ەكپىندەپ ىلگەرىلەۋ كەرەك.
شي جينپيڭ فۋجياندا قىزمەت ىستەگەن كەزدە كوللەكتيۆ ورمان ۇقىعى ءتۇزىمى رەفورماسىن ىلگەرىلەتىپ، «تاۋلى جەردى وتباسىلارعا ۇلەستىرۋ، ورماندى جەكەلەرگە كوتەرمەگە بەرۋ» سىناعىن جۇرگىزىپ، «تاۋلى جەردىڭ ۇقىعىن تۇراقتاندىرۋدى، ورمان مولشەرىن تۇراقتاندىرۋدى، جۇرت كوڭىلىن ورنىقتىرۋدى» ىسكە اسىرعان بولاتىن. شايشيان اۋدانىنىڭ اۋىل - قىستاق مال - مۇلىك ۇقىعى ساۋدا ورتالىعىندا شي جينپيڭ كوللەكتيۆتىك ورمان ۇقىعى ءتۇزىمى رەفورماسى جونىندەگى تانىستىرۋدى تىڭداپ، ءىس بىتىرەتىن بۇقارا مەن قىزمەتكەرلەردەن كوللەكتيۆ ورماندى جەردىڭ تيجارات ۇقىعىن اينالىمعا سالۋ ساۋداسى، جىلجىمايتىن مۇلىكتى تىركەۋ سياقتى جاعدايلاردى ۇعىستى. شي جينپيڭ مىنالاردى اتاپ كورسەتتى: سانميڭ قالاسىنىڭ كوللەكتيۆ ورمان ۇقىعى ءتۇزىمى رەفورماسى جونىندە ىزدەنىس جاساۋىنىڭ ءمانى زور، دۇرىس رەفورما بەتالىسىندا تاباندى بولىپ، بۇقارانىڭ جاسامپازدىق رۋحىنا قۇرمەت ەتىپ، كوللەكتيۆ ورمان ۇقىعى تۇزىمىندە جاڭالىق اشۋدى بەلسەندىلىكپەن ورنىقتى ىلگەرىلەتىپ، ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن كەمەلدەندىرۋ جونىندە ىزدەنىس جاساپ، تىڭ قامال الۋعا كۇش سالۋ كەرەك.
شي جينپيڭ 3 - ايدىڭ 24 - كۇنى فۋجوۋدا تەكسەرۋ - زەرتتەۋ جۇرگىزدى. فۋجوۋدا قىزمەت ىستەگەن كەزدە شي جينپيڭ فۋجوۋ قالاسىنىڭ «3820» ينجەنەرياسىن اتقارۋىنا باسشىلىق ەتىپ، فۋجوۋدى وسىزامانداندىرۋ قۇرىلىسىنىڭ عاسىر اتتاعان ۇلى جوباسىن جاساعان بولاتىن. فۋشان قالا ماڭى باقشاسىندا شي جينپيڭ باتەريالى اۆتوموبيلگە وتىرىپ، قالا ماڭىنداعى جاسىل جولدىڭ بەت – بەينەسىمەن تانىستى، ول كورىنىس تاماشالاۋ تۇعىرىنا شىعىپ، فۋجوۋدىڭ جاڭا بەينەسىنە الىستان كوز جىبەرىپ، قالا ەكولوگيالىق باقشاسىنىڭ جوبا قۇرىلىسى، قالا سۋ جۇيەسىن جان - جاقتى جونگە سالۋ جاعدايى جونىندەگى مالىمەتتى تىڭدادى. قالا تۇرعىندارى باس شۋجيدىڭ كەلگەنىن كورىپ، تالاسا - تارماسا قاۋمالادى. شي جينپيڭ مىنالاردى اتاپ كورسەتتى: ءبىر قالانى ويداعىداي قۇرۋدا، ويداعىداي باسقارۋدا كوجە - قاتىق، قونىس ورتاسى، قالا كەڭىستىگى سياقتى قىزمەتتەردى ماڭىزدى ورىنعا قويىپ، شىن مانىندە ويداعىداي يگەرۋ كەرەك. فۋجوۋ − قۇت قونعان مەكەن، ەكولوگيالىق شارت - جاعدايى ەرەكشە، وسى تەڭىز جاعالاۋىنداعى قالانى، تاۋ قويناۋىنا، وزەن بويىنا ورنالاسقان قالانى اناعۇرلىم كوركەم ەتىپ قۇرىپ شىعىپ، حالىق بۇقاراسىنا ءتىپتى دە زور باقىت جاراتۋدى ءۇمىت ەتەمىن.
فۋجوۋدىڭ «3 شەبەرحانا، 7 كوشە» تاريحي مادەنيەت مالىسىندە تاڭ، سۇڭ پاتشالىقتارىنان قالعان شاقپاق كوشەلەر مەن ميڭ، چيڭ پاتشالىقتارى داۋىرىندەگى قىرۋار بايىرعى قۇرىلىس ساقتالعان. سوناۋ 1991 - جىلى شي جينپيڭ فۋجوۋدا قىزمەت ىستەگەن كەزىندە - اق مادەني مۇرالار قىزمەتى جونىندەگى جۇمىس باسى ءماجىلىسىن اشىپ، فۋجوۋدىڭ تاريحي، مادەني ايگىلى قالالاردى قورعاۋ، باسقارۋ ەرەجەسى مەن قورعاۋ جوباسىن جاساۋدى ىلگەرىلەتىپ، قالانىڭ تاريحي مادەنيەتىن جالعاستىرۋ، قورعاۋ قىزمەتىن پارمەندى جەبەگەن بولاتىن. شي جينپيڭ فۋجوۋداعى بايىرعى ۇيلەر مەن «3 شەبەرحانا، 7 كوشە» ءمالىسىن قورعاۋ، قالپىنا كەلتىرۋ سياقتى جاعدايلار جونىندەگى تانىستىرۋدى تىڭداپ، وڭتۇستىك ارتقى كوشەنى، لاڭگۋان كوشەسىن جاياۋ ارالاپ، يانفۋ بايىرعى تۇراعىن ەكسكۋرسيالاپ، ساياحاتشىلارعا جانە قالا تۇرعىندارىنا ءالسىن - ءالى قول بۇلعاپ قۇرمەت ءبىلدىردى. شي جينپيڭ مىنالاردى دارىپتەدى: ءداستۇرلى مالىلەردى، بايىرعى قۇرىلىستاردى، مادەني مۇرالاردى ويداعىداي قورعاۋ قالانىڭ تاريحى مەن مادەنيەت جۇلگەسىن ساقتاپ قالۋ بولىپ تابىلادى. بايىرعى قۇرىلىستاردى، كونە ۇيلەردى، كونە مالىلەردى قاستەرلەۋ، ارداقتاۋ كەرەك.
فۋجيان فۋگۋاڭ شەكتى جارنا سەرىكتەستىگى وپتيكالىق اپپارات كوزىن جاسايتىن ماڭىزدى كاسىپورىن سانالادى. شي جينپيڭ سەرىكتەستىكتىڭ كورمە زالىنا كىرىپ، ءونىم كورمەسىن كورىپ، كاسىپورىننىڭ تەحنيكادا جاڭالىق اشۋ جانە ءوندىرۋ، ساتۋ جاعدايىن ۇعىستى. ەرەكشە نازىك سەحتا كاسىپورىن قىزمەتكەرلەرى باس شۋجيگە ءونىم ءوندىرۋ تەحنولوگياسىن كورسەتتى. شي جينپيڭ مىنالاردى دارىپتەدى: ەلىمىز عىلىم - تەحنيكانى دامىتۋدىڭ ءبىرىنشى شەبىنە كىرۋدە جاڭالىق اشۋعا سۇيەنۋ كەرەك، ىلەسۋمەن عانا ءىس تىنبايدى، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ اياق الىسىن جەدەلدەتۋ كەرەك. جاڭالىق اشۋدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىندا تاباندى بولىپ، جاڭالىق اشۋدى مەملەكەت ساياساتى ەتىپ، جاڭالىق اشۋعا بەلسەنە دەم بەرۋ، قولداۋ كورسەتۋ كەرەك. جاڭالىق اشۋ ادامداردىڭ توركىنىمەن ساناسپايدى، كىم مەملەكەتكە ۇلەس قوسادى ەكەن، سونى قولداۋ كەرەك.
شي جينپيڭ 3 - ايدىڭ 25 - كۇنى تۇستەن بۇرىن مينجياڭ شۋەيۋانىنا كەلىپ تەكسەرۋ - زەرتتەۋ جۇرگىزدى. مينجياڭ شۋەيۋانىنىڭ توركىنى فۋجوۋ پەداگوگيكا جوعارى دارەجەلى ارناۋلى كۋرس مەكتەبى مەن مينجياڭ كاسىپتىك داشۋەسى بولاتىن. فۋجوۋدا قىزمەت ىستەگەن كەزىندە شي جينپيڭ مينجياڭ كاسىپتىك داشۋەسىنىڭ باستىعى مىندەتىن قوسىمشا وتەگەن 6 جىلدا ءوزى العا قويعان «ەڭ ۇلكەنى بولۋعا تالپىنباۋ، ءبىراق ەڭ ۇزدىگى بولۋعا تالپىنۋ، قوعامنىڭ قاجەتىنە ۇيلەسۋگە تالپىنۋ كەرەك» دەيتىن مەكتەپ باسقارۋ يدەياسىنىڭ ىقپالى تەرەڭ بولدى. 2018 - جىلى 10 - ايدا شي جينپيڭ مينجياڭ شۋەيۋانى قۇرىلعانىنىڭ 60 جىلدىعى بايلانىسىمەن قۇتتىقتاۋ حاتىن جولداعان بولاتىن. مينجياڭ شۋەيۋانىنىڭ مەكتەپ تاريحى مەن قولدانىلمالى مەكتەپ اشۋ جەتىستىكتەرى كورمە زالىندا شي جينپيڭ شۋەيۋاننىڭ قولدانىلمالى مەكتەپ اشۋدا تاباندى بولۋ، ءوندىرىس پەن وقىتۋدىڭ توعىسۋىن تەرەڭدەتۋ سياقتى جاقتاردا قول جەتكىزگەن تابىستارىن تۇراقتاندىردى. شي جينپيڭ مىنالاردى اتاپ كورسەتتى: مورالمەن ادام تاربيەلەۋدى ءتۇبىرلى مىندەت ەتىپ، قولدانىلمالى تەحنيكالىق مەكتەپ باسقارۋ باعىتىندا تاباندى بولىپ، قوعامنىڭ قاجەتىنە سايكەسىپ، كاسىپ اشىپ، نەگىزدى بەكەمدەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ كەرەك.
مەكتەپ الاڭىنداعى وقىتۋشى - وقۋشىلار «باس شۋجي، سالەمەتسىز بە؟»، «شي مەكتەپ مەڭگەرۋشىسى، سالەمەتسىز بە؟» دەپ ءور داۋىسپەن ءۇن قاتتى، شي جينپيڭ كوپشىلىككە قول بۇلعاپ قۇرمەت ءبىلدىردى. شي جينپيڭ مىنالاردى دارىپتەدى: ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جاستار جاۋاپكەرلىك ارقالاپ وتىر. ساباقتاستاردىڭ ۇلى مۇرات ورناتىپ، ۇلى وتاندى قىزۋ ءسۇيىپ، ءداۋىر جاۋاپكەرلىگىن ارقالاپ، باتىلدىقپەن ۇدىرە العا تارتىپ، شەبەرلىككە توسەلىپ، ءمورال جەتىلىمىن شىڭداپ، قوعامعا جارامدى ادام، ءمورالى وسكەلەڭ ادام بولۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋ ۇلى ىسىنە بەلسەنە ات سالىسۋىن ءۇمىت ەتەمىن.
سول كۇنى تۇستەن بۇرىن شي جينپيڭ فۋجيان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، فۋجياننىڭ ءتۇرلى قىزمەتتەرىندە قول جەتكىزگەن تابىستارىن تۇراقتاندىرىپ، فۋجياننىڭ ساپالى دامۋدى جان - جاقتى ىلگەرىلەتۋ جاعىندا تىڭ تابىستارعا قول جەتكىزۋىن ءۇمىت ەتتى.
شي جينپيڭ مىنانى دارىپتەدى: ساپالى دامۋدى ىلگەرىلەتۋدە، ەڭ اۋەلى، جاڭا دامۋ ۇستانىمىن تولىق، ءدال، جاپپاي دايەكتىلەندىرۋ كەرەك. جاڭا دامۋ ۇستانىمى مەن ساپالى دامۋ ىشتەي تۇتاستىققا يە، ساپالى دامۋ − جاڭا دامۋ ۇستانىمىن ايگىلەيتىن دامۋ. جۇيەلى كوزقاراستا تاباندى بولىپ، جاڭا دامۋ جاعدايىن قۇرۋعا قىزمەت وتەۋ جانە ونىمەن توعىسۋ بارىسىنداعى ورىندى ءدال تاۋىپ، كاسىپ قۇرىلىمىن ساپالىلاندىرىپ، جوعارىلاتىپ، سيفردىڭ كاسىپ سالالانۋىن، كاسىپ سالاسىنىڭ سيفرلانۋىن جەدەل ىلگەرىلەتۋ كەرەك. جاڭالىق اشۋدى قولداۋ سەرپىنىن ارتتىرىپ، جاڭالىق اشۋدىڭ ەكولوگيالىق ورتاسىن ساپالىلاندىرىپ، جاڭالىق اشۋدىڭ، جاسامپازدىقتىڭ ومىرشەڭدىك كۇشىن قاۋلاتۋ كەرەك. «ءبىر بەلدەۋ، ءبىر جولدى» بىرگە قۇرۋمەن تەرەڭ توعىسىپ، ەركىن ساۋدا سىناق رايونىن ويداعىداي قۇرىپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ءتۇزىلىسىن ورناتۋ كەرەك. بايلانىس ارقىلى توعىسۋدى جەبەۋدى، تيىمدىلىك ارقىلى توعىسۋدى جەبەۋدى، سۇيىسپەنشىلىك ارقىلى توعىسۋدى جەبەۋدى كورنەكتىلەندىرىپ، بۇعازدىڭ ەكى جاعالاۋىنىڭ توعىسپالى دامۋىنىڭ جاڭا جولىن باتىلدىقپەن قاراستىرۋ كەرەك.
شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل شارۋاشىلىق بايلىعىنىڭ الۋان تۇرلىلىگى مەن كليماتتىڭ ۇيلەسىمدى ابزالدىعىن تياناق ەتىپ، ەرەكشە ابزالدىققا يە كاسىپتەردى جەتىلدىرۋ كەرەك. اۋىل - قىستاق قۇرىلىسى ارەكەتىن اتقارۋدى تۇتقا ەتىپ، اۋىل - قىستاقتىڭ قونىس ورتاسىن جاقسارتىپ، قونىستانۋعا، شارۋاشىلىق جۇرگىزۋگە قولايلى كورىكتى اۋىل - قىستاق قۇرۋ كەرەك. بايىرعى رايونداردىڭ، سوۆەتتىك رايونداردىڭ جاپپاي گۇلدەنۋىن ىلگەرىلەتىپ، بايىرعى رايونداردىڭ، سوۆەتتىك رايونداردىڭ ەرەكشە كاسىپ سالالارىنىڭ دەڭگەيىن كوتەرۋىنە، نەگىزدىك قۇرىلعىلار قۇرىلىسىنا جانە الەۋمەتتىك قىزمەت وتەۋمەن قامتاماسىز ەتۋىنە بارىنشا قولداۋ كورسەتۋ كەرەك. كومىرتەگى قوس توتىعىن ىعىستىرۋدى جوعارى شەككە جەتكىزۋ مەن كومىرتەگىن بەيتاراپتاندىرۋدى ەكولوگيالىق ولكە قۇرىلىسىنىڭ ورنالاستىرۋىنا ەنگىزىپ، ۋاقىت كەستەسىن، جول كارتاسىن عىلمي جاساپ، ادام مەن تابيعات جاراسىمدى قاتار ءومىر سۇرەتىن وسىزاماندانعان ولكە قۇرۋ كەرەك.
شي جينپيڭ مىنالاردى دارىپتەدى: حالىقتىڭ تۇرمىس ساپاسىن كۇش سالا جوعارىلاتىپ، تۇرعىنداردىڭ كىرىسىن ارتتىرۋ ارناسىن كەڭەيتىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر، قوسىننان شەگىنگەن اسكەريلەر سياقتى ءتۇيىندى قاۋىمدى جۇمىستاندىرۋدى ءبىر تۇتاس ويداعىداي ىستەۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، مورالمەن ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋدىڭ الەۋمەتتىك يگىلىك سيپاتىن الۋ پرينسيبىندە تاباندى بولىپ، وقۋ - اعارتۋ رەفورماسىن تەرەڭدەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، الەۋمەتتىك دەنساۋلىق ساقتاۋدان قورعانۋ تورىن بەكەمدەپ، ۇكىمەت شيپاحانالارىنىڭ ساپالى دامۋىن ىلگەرىلەتۋ كەرەك. «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» قىزمەتىن باستان - اياق تىڭعىلىقتى ىستەۋ كەرەك. اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىن ءونىمدى تەجەپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتۋ كەرەك.
شي جينپيڭ مىنالاردى اتاپ كورسەتتى: فۋجيان − توڭكەرىستىك بايىرعى رايون، پارتيا تاريحى وقيعالارى كوپ تۋىلعان، توڭكەرىستىك بايلىق قاينارى مول، توڭكەرىسشىل اعا بۋىندار كوپتەپ شىققان، پارتيا تاريحىن ۇيرەنۋ تاربيەسىن ورىستەتۋ ەرەكشە ابزالدىققا يە. پارتيا تاريحىن ۇيرەنۋ تاربيەسىندە تاريحتى، قاعيدانى ۇيرەنۋ كەرەك، اقيقات − سەنىمدى ارتتىرۋدىڭ، ءمورالدى اسقاقتاتۋدىڭ، كۇش سالا ىستەۋدىڭ العى شارتى. پارتيانىڭ شۇعىلالى تابىستارىنان، جاپالى بارىسىنان، تاريحي تاجىريبەسىنەن، تاڭداۋلى داستۇرىنەن جۇڭگو كوممۋنيستىك پارتياسىنىڭ نە ءۇشىن قولىنان كەلەدى، ماركسيزم نە ءۇشىن ىسكە اسادى، جۇڭگوشا سوتسياليزم نە ءۇشىن ابزال دەگەن سياقتى قاعيدالاردى تەرەڭ ءتۇسىنىپ، ونداعى تاريحي لوگيكانى، نازاريالىق لوگيكانى، امالياتتىق لوگيكانى ايقىنداۋ كەرەك. جۇڭگو كوممۋنيستىك پارتياسىنىڭ باسشىلىعىندا تاباندى بولۋدىڭ تاريحي سوزسىزدىگىن تەرەڭ ءتۇسىنىپ، پارتيانىڭ باسشىلىعىنا دەگەن سەنىمدى بەكەمدەۋ كەرەك. ماركسيزمنىڭ جانە ونىڭ جۇڭگوشالانۋىنىڭ، جاڭالىق اشۋ نازارياسىنىڭ اقيقاتتىعىن تەرەڭ ءتۇسىنىپ، پارتيانىڭ جاڭالىق اشۋ نازارياسىن سانالىلىقپەن دايەكتىلەندىرۋ، تياناقتاندىرۋ تاباندىلىعىن كۇشەيتۋ كەرەك. جۇڭگوشا سوتسياليزم جولىنىڭ دۇرىستىعىن تەرەڭ ءتۇسىنىپ، جۇڭگوشا سوتسياليزم سىندى بىردەن - ءبىر دۇرىس جولمەن بۇلجىماي ءجۇرۋ كەرەك. ءار سالاداعى نەگىزگى ساتى پارتيا ۇيىمدارىن پارمەندى جاۋىنگەر قامال ەتىپ قۇرىپ شىعۋ كەرەك. شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ سىندى جالپىلىق ونىمدىلىكتى ۇزدىكسىز جوعارىلاتىپ، تاماشا ساياسي ەكولوگيانى ۇزدىكسىز بەكەمدەۋ، دامىتۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
