كورشىنىڭ ۇيىنەن ەدەندى تاقىلداتقان عاجاپ داۋىستى ەستىگەن جىگىت ءبىر ادامنىڭ ءومىرىن قۇتقارىپ قالدى
2021.03.29 15:52 كەلۋ قاينارى : حالىق تورابى
جۋىردا، انحۇي ولكەسى حۋاينان قالاسىنىڭ تۇرعىنى استىڭعى قاباتتاعى جەتپىس جاستان اسقان قارتتىڭ ۇيىنەن ەكى ءتۇن بويى ەدەندى تاقىلداتقان داۋىستى ەستىگەنىن ساقشىعا مالىمدەگەن، حالىق ساقشىسى قارتتىڭ وتباسىنداعىلارمەن حابارلاسىپ، ولار ۇيگە كىرگەن كەزدە، تاقىلداعان دىبىستىڭ وسى ۇيدەگى قارتتىڭ كومەك سۇراعان سەگنالى ەكەنىن بىلگەن.
جالعىز تۇراتىن قارتتىڭ مي قان تامىرى تۇيىلەتىن اۋرۋى قوزعان، ول ساندالمەن ءۇيدىڭ ەدەنىن تاقىلداتىپ كومەك سۇراعان
انحۇي ولكەسى حۋاينان قالاسىنداعى بەلگىلى الەۋمەتتىك اۋماقتا تۇراتىن جۋ مىرزا 3 - ايدىڭ 21 – كۇنى، 22 – كۇنى ەكى ءتۇن بويى استىڭعى قاباتتاعى كورشى قارتتىڭ ۇيىنەن ەدەندى تاقىلداتقان داۋىستى ەستىگەن، ول ءۇيدىڭ ەسىگىن بارىپ قاققاندا، تەك ءيتتىڭ ۇرگەن داۋىسىن عانا ەستىگەن، قالاي ايقايلاسا دا ەشكىم ەسىك اشپاعان، ءبىر كادىك بارىن سەزگەن جۋ مىرزا دەرەۋ ساقشىعا مالىمدەگەن، حالىق ساقشىلارى قارتتىڭ ۇلىمەن حابارلاسقان، ولار ءۇيدىڭ ەسىگىن اشقان كەزدە، تازالىق بولمەسىندەگى دارەت شەلەگىنىڭ جانىندا جاتقان قارتتى كورەدى.
اسىلىندە، ۇيدە جالعىز تۇراتىن 73 جاستاعى قارتتىڭ مي قان تامىرى تۇيىلەتىن اۋرۋى كەنەتتەن ۇستاپ، جىعىلىپ قالعان. سول بىلەگى مەن اياعىن قوزعاي الماي، دارەت شەلەگىنىڭ جانىندا جانتايىپ جاتقان، ورنىنان تۇرا الماعان، قولفونى جانىندا ەمەس ەكەن، قارتتىڭ ايقايلاعان داۋىسى دا ءالسىز ەدى، ساسقالاقتاپ جۇرگەندە، ونىڭ ويىنا ءبىر امال ءتۇسىپ، ساندالمەن دارەتحانانىڭ ەدەنىن، قابىرعاسىن سوققىلاپ، وسىنداي سەگنال ارقىلى سىرتتاعىلاردان كومەك سۇراماق بولعان.
بۇل قارت جىعىلعانىنا 20 ساعات وتكەن سوڭ ءساتتى قۇتقارىلدى، كوپشىلىك جابىلىپ ءجۇرىپ ونى ەمحاناعا جەتكىزدى، ەمحانا مي قان تامىرلارىنىڭ توساتتان ءتۇيىلۋى تۋىلعان دەپ دياگنوز قويعان، 3 – ايدىڭ 26 – كۇنىنە دەيىن، قارت ءالى دە ەمحانادا ەمدەلىپ جاتقان.
قارتتار ۇيدە جالعىز قالعاندا ويلاماعان جاعداي تۋىلسا ءوزىن – ءوزى قالاي قۇتقارۋى كەرەك؟
جوعارىدا اتالعان قارتتىڭ «كومەك سۇراعان سەگنالى» كورشىلەرىنىڭ دەمالىسىنا نۇقسان جەتكىزگەنىمەن، حالىق ساقشىلارىنىڭ كومەكتەسۋى سىندى مۇمكىندىككە يە بولىپ، قۇتقارۋعا قاجەتتى قىمباتتى ۋاقىتتى زايا كەتىرمەدى، بۇل ۇيرەنۋگە تاتيتىن ءتاسىل.
ەندەشە، قارتتار ۇيدە جالعىز قالعاندا جىعىلىپ قالسا، ەڭ الدىمەن نە ىستەۋى كەرەك؟
جىعىلىپ قالعاننان كەيىن ءوزىن – ءوزى قۇتقارۋدىڭ دۇرىس تاسىلدەرى ↓
1. ەگەر جەرگە شالقالاپ جىعىلسا، ەكى اياعىن بۇگىپ، جامباسىن قوزعاۋ ارقىلى ءاديال نەمەسە كوپشىك جابىلعان ورىندىقتىڭ، توسەكتىڭ جانىنا جىلجىپ بارىپ، ءبىرشاما جايلى قالىپتا جانتايىپ جاتىپ، ءاديال جامىلىپ، دەنەنىڭ جىلۋىن ساقتاۋ كەرەك.
2. بىردەم دەم الىپ الىپ، دەنە قۋاتى قالپىنا كەلگەن سوڭ، ورىندىق جاققا قاراي بار كۇشپەن اۋناپ، قىرىنان جانتايىپ جاتۋى قاجەت.
3. قوس الاقانىمەن جەردى تىرەپ، جامباسىن كوتەرىپ، تىزەسىن بۇگىپ، ورىندىققا قاراي كۇش سالا جۇرەلەپ وتىرۋعا تالپىنۋى، قوس الاقانىمەن ورىندىققا سۇيەنۋى قاجەت.
4. ورىندىققا سۇيەنىپ، بار كۇشىمەن تۇرەگەلۋىنە بولادى.
5. ءبىر ءسات دەمالعان سوڭ، دەنە قۋاتى ءبىرشاما قالپىنا كەلگەن كەزدە، تەلەفون ارقىلى كومەك سۇراۋى قاجەت، مۇندا باستىسى ءوزىنىڭ جىعىلىپ قالعانىن دەرەۋ ايتۋى قاجەت.
ۋاقىتىڭىز بولسا، ۇنەمى ۇيگە قايتىپ تۇرىڭىز، ۋاقىتىڭىز بولماسا، اتا – اناڭىزبەن ۇنەمى حابارلاسىپ تۇرىڭىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
