2021 – جىلى «تورتتە جاقسى اۋىل – قىستاق جولى» جاعىندا قىزمەتتى قالاي ىستەۋ كەرەك؟ باستى تۇيىندەرى مىنالار
2021.04.08 14:15 كەلۋ قاينارى : حالىق تورابى
حالىق تورابىنىڭ ءتىلشىسى ۋاڭ ليانشياڭ 4 – ايدىڭ 7 – كۇنى بەيجيڭنەن حابارلايدى. قاتىناس – تاسىمال مينيسترلىگىنىڭ حابارلاۋىنشا، جۋىردا قاتىناس – تاسىمال مينيسترلىگى «‹تورتتە جاقسى اۋىل – قىستاق جولىن› جوعارى ساپالى دامىتۋداعى 2021 – جىلعى باستى قىزمەتتەر» اتتى قۇجاتتى باسىپ تاراتتى، الدا سەگىز جۇيەنى كۇش سالا كەمەلدەندىرىپ، «تورتتە جاقسى اۋىل – قىستاق جولىن» جوعارى ساپالى دامىتۋدى ىلگەرىلەتىپ، قاتىناستا قۋاتتى مەملەكەتتى كوركەيتۋدى جەدەلدەتۋ، اۋىل – قىستاقتى گۇلدەندىرۋدى جالپى بەتتىك ىلگەرىلەتۋ، اۋىل شارۋاشىلىعى مەن اۋىل – قىستاقتى وسىزامانداندىرۋدى جەدەلدەتۋ قىزمەتتەرىن مىعىم كەپىلدەندىرەدى.
اۋىل – قىستاقتارداعى قامتۋ كولەمى كەڭ تاس جول تورابى جۇيەسى قۇرىلادى، اۋىل – قالاشىقتارعا 3 – دارەجەلى تاس جولدى تۇتاستىرۋ قۇرىلىسى، تار جول تاعاندارى مەن جول بەتتەرىن كەڭەيتىپ وزگەرتۋ تارتىپپەن ىلگەرىلەتىپ، اۋىل – قىستاق جولدارىن قىستاقتارعا دەيىن، وتباسىلارعا دەيىن جەتكىزۋگە اناعۇرلىم باسىمدىلىق بەرىلەدى. اۋىل – قىستاق جولدارىنداعى كوپىرلەردەگى كومەسكى حاۋىپ – قاتەرلەردى تەكسەرىپ انىقتاۋ كۇشەيتىلىپ، اۋىل – قىستاقتارداعى تاس جولدارداعى حاۋىپتى، ەسكىرگەن كوپىرلەردەن 4000 كوپىر وزگەرتىپ سالىنادى، حاۋىپسىز قىستاق جولى جانە ادام ءومىرىن قورعاۋ ينجەنەرياسى بويىنشا 40 مىڭ كيلومەتر جولدىڭ قۇرىلىسى ىلگەرىلەتىلەدى. اۋىل – قىستاقتارداعى جولداردىڭ ساپاسىنا ۇلگى الىپ تەكسەرۋ ورىستەتىلىپ، اۋىل – قىستاقتارداعى جولداردىڭ پايدالانىلۋ ساپاسىنا تەكسەرۋ جۇرگىزۋ كۇشەيتىلەدى.
ۇزاق مەرزىمدىك ءونىمدى، ورنىقتى بولاتىن باسقارۋ – باپتاۋ، كەپىلدىك ەتۋ جۇيەسى كەمەلدەندىرىلەدى، اۋىل – قىستاقتاعى تاس جولدى باسقارۋ – باپتاۋ تۇزىلىسىنە تۇيىندە رەفورما جۇرگىزۋ قىزمەتىن قاداعالاۋ كۇشەيتىلىپ، اۋىل – قىستاق تاس جولىنا قاتىستى اۋدان، اۋىل، قىستاق سىندى ءۇش دارەجەلى «جولباسى ءتۇزىمى» جاپپاي اتقارىلىپ، جول كاسىبىن جانە جول ۇقىعىن قورعاۋ كۇشەيتىلەدى.
تاسىمال جاعىندا ونىمدىلىگى جوعارى، ساپالى قىزمەت وتەۋ جۇيەسى كەمەلدەندىرىلەدى، شارت – جاعدايى بار اۋىل – قالاشىقتارعا جانە قۇرىلمالى قىستاقتارعا اۆتوبۋس قاتىناتۋ ناتيجەلەرى بەكەمدەلەدى جانە كەڭەيتىلەدى، اۋىل – قىستاقتارعا اۆتوبۋس قاتىناتۋ قىزمەتى كەڭ كولەمدى، ىشكەرىلەي ورىستەتىلىپ، اۋىل – قىستاقتارداعى جولاۋشى تاسىمال ىستەرىندە سەرىكتەستىك فورماسىندا تيجارات جۇرگىزۋگە، شوعىرلى تۇردە دامىتۋعا شابىت بەرىلەدى، قالا مەن اۋىل اراسىنداعى الەۋمەتتىك قاتىناس جەلىلەرىنىڭ قالا رايونىنىڭ ماڭىنداعى باستى قالاشىقتار مەن قىستاقتارعا قاراي جالعاسۋى جانە قىستاقتارداعى جولاۋشى تاسىمالىمەن شۇعىلداناتىن كەزەكشى اۆتوموبيلدەردى الەۋمەتتىك اۆتوبۋسقا اينالدىرۋ تارتىپپەن ىلگەرىلەتىلەدى. اۋدان دارەجەلى زات اينالىمى ورتالىعىن وزەك ەتكەن، اۋىل – قالاشىقتارداعى تاسىمالعا قىزمەت وتەۋ بەكەتتەرىن تىرەك ەتكەن الەۋمەتتىك تيپتەگى، ورتاق تاراتۋ تيپىندەگى اۋىل – قىستاق زات اينالىمى تۇيىندەرىنىڭ جۇيەلىك قۇرىلىسى جەدەل ىلگەرىلەتىلەدى.
ارناعا تۇسىرىلگەن، ءونىمدى تۇزىمدىك، ساياساتتىق جۇيە قۇرىلادى، اۋىل – قىستاق جولدارىنا قاتىستى زاڭداردى، اۋىل – قىستاق جولدارىنا قاتىستى ەرەجەلەردى، جولداعى تاسىمالعا قاتىستى ەرەجەلەردى جاساۋ، ولارعا وزگەرىس ەنگىزۋ قىزمەتتەرى بەلسەندى ىلگەرىلەتىلەدى.
پارمەندى تىرەكتىك رول اتقاراتىن قاراجاتپەن قامتاماسىزداندىرۋ جۇيەسى كەمەلدەندىرىلەدى، «سيلىق فورماسىندا تولىقتاما قاراجات بەرۋ» ارقىلى اۋىل – قىستاق جولدارىن دامىتۋعا قولداۋ كورسەتۋ سىندى قاراجاتقا قاتىستى ساياساتتار زەرتتەلىپ بەكىتىلەدى، اۋىل – قىستاق جولدارىن دامىتۋدى جەرگىلىكتى ۇكىمەتتىڭ جاي زايوم جاعىندا ءتۇيىندى قولداۋ كورسەتۋ كولەمىنە ەنگىزۋ ۇزدىكسىز ىلگەرىلەتىلەدى، اۋىل – قىستاق جولدارىنداعى جولاۋشى تاسىمالىنا قاتىستى جانارماي اقىسى جاعىندا تولىقتاما قاراجات بەرۋ ساياساتىن جالعاستى اتقارۋ زەرتتەلەدى.
كەمەلدى دە ۇيلەسىمدى تەحنيكالىق ولشەم جۇيەسى بەكىتىلەدى، ءتۇرلى سالالىق ولشەمدەردىڭ ارناعا تۇسىرىلگەن نۇسقالارىنىڭ جوباسى جاسالادى جانە ورتاعا قويىلادى، كاسىپتىك ولشەمدەردىڭ ارناعا تۇسىرىلگەن كەمەلدى جۇيەسى جەدەل قالىپتاستىرىلادى.
ورتاق يگىلىكتەنۋ، بىرگە جونگە سالۋ سىندى بۇقارا قاتىناساتىن جۇيە دامىتىلادى، «تورتتە جاقسى اۋىل – قىستاق جولىنا» قاتىستى ءتۇرلى الەۋمەتتىك يگىلىك سيپاتتى قىزمەت ورىندارى اناعۇرلىم كوبەيتىلەدى جانە ونى باسقارۋ ارناعا تۇسىرىلەدى، اۋىل – قىستاقتارداعى كاسىپتەنۋى قيىن بولعاندارعا ارنالعان كاسىپتەنۋ جولدارى كەڭەيتىلىپ، بۇقارانى جولدى ايالاۋعا، جولدى قورعاۋعا جەتەلەيتىن اۋىل قاعيداسى، قىستاق قاعيداسى كەمەلدەندىرىلەدى.
جاڭالىق جاراتىلعان ءارى كوپ نەگىزدى توعىسپالى دامۋ جۇيەسى قۇرىلادى، «تورتتە جاقسى اۋىل – قىستاق جولى» مەن وسىزاماندانعان اۋىل شارۋاشىلىعى، اۋىل – قىستاق ساياحاتى قاتارلى كاسىپ سالالارىن توعىستىرا دامىتۋ ىلگەرىلەتىلەدى، اۋىل – قىستاق تاس جولدارىندا جولعا قاتىستى بايلىق قاينارلارىن اشىپ پايدالانۋ ىلگەرىلەتىلەدى. قالا مەن اۋىل اراسىنداعى قاتىناس – تاسىمالدى ءبىر تۇلعالاندىرۋ جاعىنداعى ۇلگىلى اۋدانداردى قۇرۋ ىشكەرىلەي ورىستەتىلىپ، قالا مەن اۋىلدىڭ قاتىناس – تاسىمال جاعىنداعى الەۋمەتتىك قىزمەت وتەۋدىڭ بىركەلكى بولۋ ورەسى جوعارىلاتىلادى. جول ماڭىنداعى قورشاعان ورتانى جونگە سالۋ قىزمەتى ىلگەرىلەتىلىپ، «كورىكتى اۋىل – قىستاق جولى» قۇرىلىسى ىلگەرىلەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
