”جوعارى جىلدامدىقتى تاس جولدى بويلاپ شينجياڭعا نازار سالۋ“ تاقىرىپتىق ۇگىت قيمىلى بۇگىن باستالدى
العاشقى بەكەتكە تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگى تاڭدالدى
2021.04.08 16:17 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلىشى ءپاريزات ابدۇل 4 - ايدىڭ 6 - كۇنى اتۇشتان حابارلايدى. ”جوعارى جىلدامدىقتى تاس جولدى بويلاپ شينجياڭعا نازار سالۋ “ تاقىرىپتىق ۇگىت قيمىلى 4 - ايدىڭ 7 - كۇنى رەسمي باستالدى. بۇل رەتكى كولەمدى تاقىرىپتىق حابارلاۋ قيمىلى تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگىندە شىمىلدىعىن اشىپ، بۇكىل شينجياڭداعى 14 ايماق، وبلىس، قالانى قامتىپ، جوعارى جىلدامدىقتى تاس جولدى دانەكەر ەتىپ، 100 جىلدىق ۇلى پارتيانىڭ شۇعىلالى كۇرەس بارىسىن ءار قىرىنان كورسەتىپ، ومىرشەڭدىككە تولى شينجياڭدى جاندى بەينەلەيدى.
پارتيا 18 - قۇرىلتايىنان بەرى شينجياڭنىڭ تاس جول قۇرىلىسى تاريحتاعى قارجى قوسۋ كولەمى ەڭ ۇلكەن، دامۋ جىلدامدىعى ەڭ تەز، قۇرىلىس ساپاسى ورنىقتى قاداممەن جوعارىلاعان داۋىرگە ءوتتى. ”13 - بەسجىلدىق“ مەزگىلىندە، رايونىمىزدىڭ جوعارى جىلدامدىقتى تاس جولى 5500 كيلومەتردەن اسىپ، بارلىق ايماق، وبلىس، قالالار جوعارى جىلدامدىقتى تاس جول داۋىرىنە قادام باستى. بارعان سايىن جيى توقىلىپ، ونان ارى تارامدالا تۇسكەن شينجياڭنىڭ جول قاتىناس تورابى حالىق تۇرمىسىنىڭ ىرىس - قۇتىن جاقسارتاتىن، بۇقارانىڭ باقىت سەزىمىن جوعارىلاتاتىن ”ءىرى ارناعا“ اينالدى. تۇرپان - حوتان جوعارى جىلدامدىقتى تاس جولى (G3012) تۇرپاننان باستالىپ، كورلا، اقسۋ، اتۇش، قاشقار قاتارلى جەرلەردى باسىپ، سوڭعى نۇكتە حوتانعا جەتەدى، جالپى ۇزىندىعى 1931 كيلومەتر. وسى رەتكى كولەمدى تاقىرىپتىق حابارلاۋدىڭ العاشقى بەكەتىنە تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگى تاڭدالدى، حابارلاۋ ۋاقىتى 4 - ايدىڭ 7 - كۇنىنەن 15 - كۇنىنە دەيىن بولادى.
انار بۇلت / شينجياڭ گازەتى جالپىلىق اقپارات حابارلاۋ توبىن ءبىرىنشى شەپكە جىبەرىپ، توعىسپالى حابارلاۋ ارتىقشىلىعىن تولىق ساۋلەلەندىرىپ، تاراتۋ تاسىلىنە جاڭالىق ەنگىزىپ، تىكە تاراتۋ، قىسقا مەتراجدى بەينەجازبا،H5,VLOGۇزىن سۋرەتى، قولمەن كەسكىندەلگەن انتيماتسيا سياقتى جاڭا مەديا ونىمدەرىن شىعارىپ، كوپ ارنادا ءبولىپ تاراتۋدى، كوپ تۇعىردان كورسەتۋدى، كوپ تەرمينالعا جەتكىزۋدى جۇزەگە اسىرادى.
تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگىندە، حابارلاۋ توبى جول بويىنداعى اتۇش قالاسىنىڭ ەكولوگيالىق ورمان ءوسىرۋ بازاسى، قاشقار بايىرعى قالاسى، پوسكام اۋدانىنىڭ التىن توراڭعى كورىنىس ءوڭىرى، قاعىلىق اۋدانى اقتاش قالاشىعى قونىس جاڭالاپ كەدەيلەردى سۇيەمەلدەۋ ورنالاستىرۋ ءتۇيىنى، حوتان قالاسىنىڭ كەشكى بازارى، قۇربان تۇلىم ەسكەرتكىش سارايى سياقتىلارعا نازار شوعىرلاندىرىپ، ساپار ۇستىندە ەستەلىككە الىپ، شينجاڭنىڭ ەكونوميكالىق، قوعامدىق دامۋىنداعى وراسان زور وزگەرىستەردى كورسەتەدى.
بيىل تاعى ”جوعارى جىلدامدىقتى تاس جولدى بويلاپ شينجياڭعا نازار“ اياسىندا ليانيۇنگاڭ - قورعاس جوعارى جىلدامدىقتى تاس جولى، بەيجيڭ - شينجياڭ جوعارى جىلدامدىقتى تاس جولى، قارامايلى - تارباعاتاي جوعارى جىلدامدىقتى تاس جولى سياقتى تاقىرىپتىق حابارلاۋ قيمىلدارىن ىركەس - تىركەس ۇسىنىپ، قىزىل ەستەلىكتەردى، دامۋداعى جارقىن تۇيىندەردى، مادەني ەسكەرتكىشتەردى، اسەرلى اڭگىمەلەردى ساباقتاستىرىپ، پارتيا قۇرىلعاندىعىنىڭ 100 جىلدىق ساپارى، رەفورما جاساۋ، ەسىك اشۋ ءۇردىسى، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، ەكولوگيالىق وركەنيەت قۇرىلىسى، مادەنيەتتى جالعاستىرۋ جانە دامىتۋ سياقتى ءداۋىر ەلەمەنتتەرىن توعىستىرىپ، ومىرشەڭدىككە تولى شينجياڭدى جاندى تۇردە بەينەلەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
