«ازامات جاسىنا تولماعانداردى مەكتەپتە قورعاۋ جونىندەگى بەلگىلەمە (پىكىر الىناتىن نۇسقا)» جاريالاندى
وقۋشىلاردىڭ جەكە باسىنىڭ حاۋىپسىزدىگى، ادامدىق ار - نامىس ۇقىق – مۇددەسى، وقۋ – اعارتۋدان يگىلىكتەنۋ ۇقىعى، دەمالىس ۇقىعى، مال – مۇلىك ۇقىعى قاتارلىلارعا سايادى
2021.04.09 15:40 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ ياسۇڭ 4 – ايدىڭ 8 – كۇنى بەيجيڭنەن حابارلايدى. وقۋ – اعارتۋ مينيسترلىگى جۋىردا «ازامات جاسىنا تولماعانداردى مەكتەپتە قورعاۋ جونىندەگى بەلگىلەمەنى (پىكىر الىناتىن نۇسقا)» زەرتتەپ بەلگىلەدى، پىكىر الىناتىن نۇسقا جيىنى 58 تارماقتان قۇرالادى، وقۋشىلاردىڭ جەكە باسىنىڭ حاۋىپسىزدىگى، ادامدىق ار - نامىس ۇقىق - مۇددەسى، وقۋ – اعارتۋدان يگىلىكتەنۋ ۇقىعى، دەمالىس ۇقىعى، مال – مۇلىك ۇقىعى قاتارلىلارعا سايادى. مۇندا «ارنايى قورعاۋ» اتتى تاراۋدا مىنالار ايقىندالعان: مەكتەپ زاڭداعى بەلگىلەمەلەردى تياناقتاندىرىپ، وقۋشىلاردى جابىرلەۋ ارەكەتىنەن ساقتانۋ، جىنىستىق سۇعاناقتىق جاساۋ ارەكەتىنىڭ، جىنىستىق مازالاۋ ارەكەتىنىڭ الدىن الۋ قاتارلى قىزمەتتىك تۇزىمدەردى ورناتۋى، وقۋشىلاردى جابىرلەۋ، جىنىستىق سۇعاناقتىق جاساۋ، جىنىستىق مازالاۋ ارەكەتتەرىنە مۇلدە جول بەرمەيتىن ءبىرجاقتى ەتۋ مەحانيزمىن ورناتۋى كەرەك.
جابىرلەۋ ارەكەتى جونىندە، پىكىر الىناتىن نۇسقادا مىنالار ايقىندالعان: وقۋشىلار اراسىندا جاس جاعىنان، دەنە قۋاتى جاعىنان باسىم ورىندا تۇراتىن وقۋشى باسقا وقۋشىنى وسى بەلگىلەمەدە ايتىلعان ارەكەتتەر بويىنشا نەمەسە باسقا تاسىلدەر بويىنشا ادەيى جابىرلەسە، قورلاسا، ونىڭ جەكە باسىنا، مال – مۇلكىنە زيان جەتكىزسە نەمەسە رۋحاني جاقتا زيان جەتكىزسە، جابىرلەۋ ارەكەتىن قالىپتاستىرعان دەپ قاراۋعا بولادى. وقىتۋشىلار وقۋشىلاردىڭ مىناداي ارەكەتتەرىن بايقاسا، دەر كەزىندە تيىم سالۋى كەرەك: توپەشتەۋ، تەپكىلەۋ، شاپالاقتاۋ، تىرناۋ - تىستەۋ، يتەرۋ – سوقتىعۋ، جۇلقىلاۋ قاتارلى جەكە باسقا سۇعاناقتىق جاساۋ نەمەسە قورقىتۋ، ۇرەيلەندىرۋ ارەكەتى؛ بالاعاتتاۋ، مازاقتاۋ، مىسقىلداۋ، كەكەپ – مۇقاۋ، قورلاۋ سيپاتىندىق لاقاپ ات قويۋ قاتارلى ادامدىق ار – نامىسىنا سۇعاناقتىق جاساعان ارەكەتتەر؛ باسقالاردىڭ مال – مۇلكىن تارتىپ الۋ، زورلاپ الۋ، ماجبۇرلەپ الۋ نەمەسە ادەيى ءبۇلدىرۋ ارەكەتتەرى؛ باسقالاردى قاساقانا قاقپايلاۋ، وقشاۋ قالدىرۋ، باسقالاردىڭ مەكتەپتەگى قيمىلدارعا، الەۋمەتتىك قيمىلدارعا قاتىناسۋىنا نەمەسە قوعامدىق قارىم – قاتىناس جاساۋىنا ىقپالىن تيگىزۋ ارەكەتى؛ ينتەرنەت نەمەسە باسقاداي ينفورماتسيا تاراتۋ تاسىلدەرىنەن پايدالانىپ، شىندىقتى بۇرمالاپ، باسقالارعا جالا جابۋ، وسەك – اياڭ تاراتۋ نەمەسە قاتە اقپاراتتارمەن باسقالاردى داتتاۋ، باسقالاردىڭ قۇپيالىقتارىن قاساقانا تاراتۋ ارەكەتى.
جىنىستىق سۇعاناقتىق جاساۋ جونىندە، ۇسىنىس الىناتىن پىكىردە مىنالار ايقىن بەلگىلەنگەن: مەكتەپ قاجەتتى ساقتانۋ شارالارىن اتقارۋى ءارى جۇمىسشى – قىزمەتكەرلەر مەن مەكتەپ اۋلاسىنا كىرگەن باسقا ادامداردىڭ وقۋشىلاردىڭ فيزولوگيالىق، پسيحيكالىق اقاۋسىزدىعىنا سۇعاناقتىق جاساعان تومەندەگىدەي ارەكەتتەرىنە تيىم سالۋى كەرەك: وقۋشىلارمەن ماحابباتتاسۋ، جىنىستىق بايلانىس وتكىزۋ ارەكەتتەرىن؛ وقۋشىلاردىڭ دەنەسىنىڭ ەرەكشە بولىمدەرىن سيپاۋ، وعان قاساقانا قول تيگىزۋ قاتارلى پاسىقتىق ارەكەتتەردى؛ وقۋشىلارعا قىلجاقتاۋدى، قىرىنداۋدى نەمەسە جىنىستىق يشارات بىلدىرەتىن ءسوز – ارەكەتتەردى؛ وقۋشىلارعا شارۋ، بادىك مازمۇنداعى ينفورماتسيالاردى، كىتاپتاردى، كينولاردى، دىبىستى قۇجاتتاردى، سۋرەتتەردى جانە باسقا دا شارۋ بۇيىمداردى كورسەتۋ – تاراتۋ ارەكەتىن؛ ازامات جاسىنا تولماعانداردى باستى تاقىرىپ ەتكەن شارۋ، بادىك دىبىس – كەسكىندى، سۋرەتتى ماتەريالداردى ساقتاۋ ارەكەتىن؛ جىنىستىق مازالاۋعا، جىنىستىق سۇعاناقتىق جاساۋعا جاتاتىن باسقا دا زاڭعا قايشى ارەكەتتەردى.
مۇنان سىرت، ازامات جاسىنا تولماعانداردىڭ دەمالىس ۇقىعى جونىندە، پىكىر الىناتىن نۇسقادا مىنالار اتاپ كورسەتىلگەن: مەكتەپتىڭ وقۋشىلاردان بەلگىلەنگەن وقۋ ۋاقىتىنان بۇرىن مەكتەپكە كەلىپ، ءبىرتۇتاس ورنالاستىرىلعان ساباق ءوتۋ قيمىلىنا قاتىناسۋدى تالاپ ەتۋىنە بولمايدى، وقۋشىلاردىڭ ساباق ارەدىگىندە كلاستان شىعىپ ارەكەتتەنۋىنە شەكتەمە قويۋىنا بولمايدى. مىندەتتى وقۋ – اعارتۋ كەزەڭىندەگى مەكتەپتەردىڭ مەملەكەت زاڭىندا بەلگىلەنگەن مەرەكەلىك دەمالىس كۇندەرىندە، ادەتتەگى دەمالىس كۇندەرىندە نەمەسە قىستىق، جازدىق كانيكۋل كەزدەرىندە وقۋشىلاردى توپتىق ساباق پىسىقتاۋعا ورنالاستىرۋىنا بولمايدى؛ توپتىق ساباق پىسىقتاۋ سىندى فورمالارمەن وقۋشىلاردىڭ دەمالىس ۋاقىتىن يەلەپ الۋعا بولمايدى. مەكتەپ تاپسىرمانى باسقارۋدى كۇشەيتۋى، وقىتۋشىلاردىڭ ۇيگە بەرىلەتىن تاپسىرمانى بەلگىلەمە بويىنشا عىلىمي تۇردە لايىقتى ورنالاستىرۋىنا جەتەكشىلىك ەتۋى جانە ونى قاداعالاۋى كەرەك، بەلگىلەنگەن مولشەردەن ارتىق تاپسىرما ورنالاستىرىپ، وقۋشىلاردىڭ ۇيرەنۋ اۋىرتپالىعىن ارتتىرۋعا بولمايدى. مەكتەپ وقۋشىلاردىڭ اتا – انالارىمەن كەڭەسىپ وتىرۋى، وقۋشىلاردى جاقسى دەمالىس ادەتىن قالىپتاستىرۋعا بىرگە تاربيەلەۋى، وقۋشىلاردىڭ وتباسىنداعى ۇيىقتاۋ ۋاقىتىنا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
