شي جينپيڭ چيڭحۋا داشۋەسىندە قىزمەت تەكسەرگەندە مىنانى دارىپتەدى
دۇنيە ءجۇزى بويىنشا بىرەگەي جۇڭگوشا داشۋە قۇرىلىسىنىڭ نىسانا، باعىتىندا تاباندى بولىپ، مەملەكەتتى قۇدىرەتتەندىرۋگە، ۇلتتى كوركەيتۋگە، حالىقتى باقىتقا كەنەلتۋگە قىزمەت ەتۋ ءۇشىن ۇلەس قوسۋ كەرەك
2021.04.20 13:48 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 19 - كۇنى، بەيجيڭ. چيڭحۋا داشۋەسى قۇرىلعانىنىڭ 110 جىلدىعىن قۇتتىقتاۋ قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحۋا داشۋەسىندە قىزمەت تەكسەردى. شي جينپيڭ پارتيا ورتالىق كوميتەتى اتىنان چيڭحۋا داشۋەسىندەگى بارلىق وقىتۋشى - وقۋشىلارعا، جۇمىسشى - قىزمەتكەرلەرگە جانە ەل ءىشى - سىرتىنداعى مەكتەپتەستەرگە مەرەكەلىك سالەم جولدادى، بۇكىل ەلدەگى قالىڭ جاس وقۋشىلارعا شىنايى سالەم جولدادى.
شي جينپيڭ بىلاي دەپ دارىپتەدى: عاسىرلىق ۇلى ءىس وقۋ - اعارتۋدى نەگىز ەتەدى. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. پارتيا مەن مەملەكەت ىستەرى دامۋىنىڭ جوعارى دارەجەلى وقۋ - اعارتۋعا دەگەن قاجەتى، عىلمي بىلىمدەر مەن تاڭداۋلى دارىندىلارعا دەگەن قاجەتى بۇرىنعى ءارقانداي كەزدەگىدەن دە كوكەي تەستى بولىپ وتىر. ءبىز قۇرماقشى بولىپ وتىرعان دۇنيە ءجۇزى بويىنشا بىرەگەي داشۋە − جۇڭگوشا سوتسياليزمنىڭ بىرەگەي داشۋەسى، ەلىمىزدىڭ سوتسياليستىك وقۋ - اعارتۋى احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋى كەرەك. ەلىمىزدىڭ جوعارى دارەجەلى وقۋ - اعارتۋىندا جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە ءجۇز جىلدان بەرى بولماعان زور وزگەرىس جاعدايىن تياناق ەتىپ، مەملەكەتتىڭ ءىرى ىستەرىن كوكەيدە ساقتاپ، اۋقىمدى يگەرىپ، جاۋاپكەرلىكتى باتىلدىقپەن ارقالاپ، ءىس تىندىرۋعا شەبەر بولىپ، مەملەكەتتىڭ بايىپ - قۇدىرەتتەنۋىنە، ۇلتتىڭ گۇلدەنۋىنە، حالىقتىڭ باقىتىنا قىزمەت ەتۋگە ۇلەس قوسۋ كەرەك. قالىڭ جاستار تاريحي بورىشتى ارقالاپ، العا باسۋ سەنىمىن بەكەمدەپ، ۇلى مۇرات ورناتىپ، ۇلى ءمورالدى ايقىنداپ، ۇلكەن دارىندى بولىپ، اۋىر مىندەتتى ارقالاپ، ۇلتتىڭ گۇلدەنۋى سىندى اۋىر مىندەت ارقالاي الاتىن ءداۋىردىڭ جاڭا ادامى بولۋعا قۇلشىنىپ، جاستىق كوكتەمىن وتان ءۇشىن، ۇلت ءۇشىن، حالىق ءۇشىن، ادامزات ءۇشىن قاجىماي - تالماي كۇرەس جۇرگىزۋ بارىسىندا قۇلپىرتا ءتۇسۋى كەرەك.
تۇستەن بۇرىن ساعات 9 دان 30 مينۋت وتكەندە شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭنىڭ، چيڭحۋا داشۋەسى پارتكومىنىڭ شۋجيى چىن شۇيدىڭ، مەكتەپ مەڭگەرۋشىسى چيۋ يۇڭنىڭ جولسەرىك بولۋىندا الدىمەن اسەمونەر شۋەيۋانىنا كەلىپ، اسەمونەر شۋەيۋانىنىڭ مەكتەپ مەرەكەسىنە ارنالعان كورمەسىن تاماشالادى. اسەمونەر كورمە سارايىنىڭ كورمە تاقتالارىندا سۋرەتتەر مەن جازبا ماتەريالدار قاتار – قاتار تىزىلگەن، كورمە بۇيىمدارىنىڭ ءارقايسىسىنىڭ وزىندىك ەرەكشەلىگى بار. شي جينپيڭ ماڭىزدى تاقىرىپتار مەن مەملەكەتتىك وبرازدى جوبالاۋ تۋىندىلارىن جاراتۋ، كورمەگە قويۋ سياقتى جاعدايلار جونىندەگى تانىستىرۋلاردى ەگجەي - تەگجەيلى ۇعىسىپ، كورمە بۇيىمدارىن زەر سالا كوردى. شي جينپيڭ مىنالاردى اتاپ كورسەتتى: اسەمونەر، كوركەمونەر، عىلىم، تەحنيكا ءبىرىن - ءبىرى تولىقتاپ، ءبىرىن - ءبىرى جەبەپ، ءبىرىن - ءبىرى قۇلپىرتادى. اسەمونەردىڭ ەكونوميكالىق، قوعامدىق دامۋعا قىزمەت وتەۋدەگى ماڭىزدى رولىن ساۋلەلەندىرىپ، ءتىپتى دە كوپ اسەمونەر فاكتورلارىن، كوركەمونەر فاكتورلارىن قالا مەن اۋىلدىڭ جوبا قۇرىلىسىنا قولدانىپ، قالا مەن اۋىلدىڭ ەستەتيكالىق ەرەكشەلىگىن، مادەنيەت ساپاسىن كۇشەيتىپ، اسەمونەر جەتىستىكتەرىمەن حالىق بۇقاراسىنىڭ ساپالى تۇرمىس قاجەتىنە اناعۇرلىم ويداعىداي قىزمەت وتەۋ كەرەك. مادەنيەت سەنىمىن كۇشەيتىپ، اسەمونەردى دانەكەر ەتىپ، حالىقارالىق مادەنيەت اۋىس - كۇيىسىن كۇشەيتۋ كەرەك.
چيڭحۋا داشۋەسىنىڭ كەسكىندەۋ جانە زەيىندىك تەحنيكا تاجىريبەحاناسى 2001 - جىلى قۇرىلعان، نەگىزىنەن ەسەپتەۋ، كەسكىنگە الۋ، مي عىلىمى جانە جاساندى زەردە جاعىنداعى حالىقارالىق وزىق ايقاسپالى عىلىم سياقتى نەگىزدىك نازاريالار مەن شەشۋشى تەحنيكالار زەرتتەۋىن ورىستەتەدى. شي جينپيڭ وسى اراعا كەلىپ، كورمە تاقتاسىمەن، ەلەكتروندىق ەكرانمەن بىرلەستىرىپ تاجىريبەحانانىڭ وپتيكالىق ەسەپتەۋ، مي عىلىمى جانە جاساندى زەردە ايقاسپالى عىلمي تاجىريبەسىن زەرتتەۋ جانە جاڭا عىلىم - تەحنيكانىڭ قولدانىس ورتاسىن اشۋ جاعدايىن ۇعىسىپ، تاجىريبەحانانىڭ نازاريالىق زەرتتەۋ، تەحنيكالىق قامال الۋ، جەتىستىكتەردى كادەگە جاراتۋ، قولدانۋ سياقتى جاعدايلار جونىندەگى تانىستىرۋىن تىڭدادى. شي جينپيڭ مىنالاردى اتاپ كورسەتتى: جۇڭگو وقۋ – اعارتۋى كەمەل ۇستازداردى تاربيەلەي الادى. ءبىز وسىنداي سەنىم ورناتىپ، كوز ايامىزدى كەڭەيتىپ، ءتۇرلى جاقتاردى تولىق قابىلداپ، جۇڭگونىڭ وقۋ – اعارتۋ ىستەرىن تىڭعىلىقتى اتقارۋىمىز كەرەك. كەلەلى ءتول جاسامپازدىق جەتىستىكتەرى ەكىنىڭ بىرىندە تەرەڭ نەگىزدىك زەرتتەۋدەن، پاندەردىڭ ايقاسقان سالاسىنان پايدا بولعان، داشۋە وسى ەكى جاقتا تابيعي ابزالدىققا يە. نەگىزدىك زەرتتەۋ ۇسىنىلىمىن ءۇرتىس ساقتاپ، ەركىن ىزدەنىس جاساۋعا دەم بەرىپ، قازىرگى نازاريالارعا ءشۇبالانۋعا، جاڭا بەتالىستى اشۋعا باتىل بولۋ كەرەك.
چيڭحۋا داشۋەسىنىڭ نەگىزگى عيماراتىنىڭ 2 - قاباتىندا مەكتەپتىڭ تاياۋ جىلداردان بەرگى ءتۇيىندى وقىتۋ، عىلمي زەرتتەۋ جەتىستىكتەرى كورسەتىلدى. شي جينپيڭ دەربەس جاڭالىق اشۋ قابىلەتىن كۇشەيتۋ، دۇنيە جۇزىندەگى نەگىزگى عىلىم ورتالىقتارى مەن جاڭالىق اشۋ بەلەسى قۇرىلىسىنا دەم بەرۋ، گۋمانيتارلىق سوتسيولوگيا عىلىمىن، وقۋ - اعارتۋدى زەرتتەۋ دەڭگەيىن جوعارىلاتۋ سياقتى جاعدايلار جونىندەگى تانىستىرۋدى تىڭداپ، چيڭحۋا داشۋەسىنىڭ قول جەتكىزگەن تابىستارىن تولىق تۇراقتاندىردى. شي جينپيڭ مىنالاردى اتاپ كورسەتتى: جۇڭگوشا سوتسياليستىك وقۋ - اعارتۋدى دامىتۋ جولىندا تاباندى بولىپ، عىلمي زەرتتەۋ ابزالدىعىن تولىق ساۋلەلەندىرىپ، پاندەردى ورنالاستىرۋدىڭ باعىتتامالىلىعىن كۇشەيتىپ، نەگىزدىك زەرتتەۋدى نىعايتىپ، دەربەس جاڭالىق اشۋ تەبىنىن ارتتىرۋ ءارى ەلىمىزدىڭ رەفورما، دامۋ امالياتى بارىسىندا جاڭا كوزقاراستى العا قويىپ، جاڭا نازاريا ورناتىپ، جۇڭگو ەرەكشەلىگى، جۇڭگو ستيلى، جۇڭگو ايبىنى بار پاندەر جۇيەسىن، عىلىم جۇيەسىن، ءسوز سويلەۋ جۇيەسىن قۇلشىنا ورناتۋ كەرەك.
نەگىزگى عيماراتتىڭ 2 - قاباتىنداعى زالدا شي جينپيڭ ءبىر ءبولىم ساقا پروفەسسورلاردىڭ، ورتا جاس، جاس تىرەكتى وقىتۋشىلاردىڭ ۋاكىلدەرىمەن امانداستى ءارى ولارمەن ىقىلاستى اڭگىمەلەستى. شي جينپيڭ وقىتۋ، عىلمي زەرتتەۋ ورىندارىندا ءۇن - ءتۇنسىز ەڭبەكتەنىپ، قاجىرلىلىقپەن ىستەپ، كورنەكتى ۇلەس قوسقان وقىتۋشىلارعا العىس ايتىپ، ساقا پروفەسسورلارعا قۇرمەت ءبىلدىرىپ، ورتا جاس، جاس وقىتۋشىلاردى ءبىلىم بەرىپ، ادام تاربيەلەۋ جانە عىلمي زەرتتەۋ، جاڭالىق اشۋ جاعىندا ۇزدىكسىز تىڭ ىلگەرىلەۋشىلىككە قول جەتكىزۋگە شابىتتاندىردى. ول مىنالاردى دارىپتەدى: چيڭحۋا داشۋەسى تالىقپاي تالپىنۋ، ءمورال سومداپ، كەۋدەسىنە بۇكىل بولمىستى سيعىزۋ سىندى مەكتەپ اقىلياسىن ۇستانىپ، رەفورمانى تەرەڭدەتىپ، جاڭالىق اشۋدى جەدەلدەتتى، ءتۇرلى ىستەرى گۇلدەنىپ - كوركەيدى، عىلمي زەرتتەۋدە جاڭالىق اشۋ جەتىستىكتەرى مەن مەملەكەتتىڭ دامۋ قاجەتى ءوزارا قابىسىپ، چيڭحۋالىقتاردىڭ باتىلدىعى مەن جاۋاپكەرلىگىن ايگىلەدى. بولاشاققا بەت العاندا، چيڭحۋا داشۋەسى مورالمەن ادام تاربيەلەۋدى ءتۇبىرلى مىندەت ەتۋدە تاباندى بولىپ، مەملەكەتكە قىزمەت ەتۋدى ەڭ جوعارى تالپىنىس، ءپان قۇرىلىسىن دامۋدىڭ نەگىزى، رەفورمانى تەرەڭدەتۋدى قۇدىرەتتى قوزعاۋشى كۇش، پارتيا قۇرىلىسىن كۇشەيتۋدى پارمەندى كەپىل ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا، ادامزات وركەنيەتىنىڭ العا باسۋىن ىلگەرىلەتۋگە تىڭ دا اناعۇرلىم زور ۇلەس قوسۋى كەرەك.
مەكتەپ اۋلاسىنىڭ باتىس سولتۇستىگىندەگى باتىس دەنەتاربيە سارايى − چيڭحۋا داشۋەسىنىڭ العاشقى كەزدەگى 4 ۇلكەن قۇرىلىسىنىڭ ءبىرى. كورمە سارايىنىڭ ىشىندەگى باسكەتبول الاڭىندا مەكتەپتىڭ باسكەتبول سپورتشىلارى جاتتىعۋ جاساپ جاتىر. شي جينپيڭ دەنەتاربيە سارايىنا كىرىپ، ولارمەن ىقىلاسپەن اڭگىمەلەستى، سونداي - اق دەنەتاربيە داڭق بولمەسىندە تاريحي سۋرەتتەر مەن ناقتى زاتتار كورمەسىن كوزدەن كەشىرىپ، دەنەتاربيە سارايىن قورعاۋ، پايدالانۋ، مەكتەپتىڭ تاڭداۋلى داستۇرگە مۇراگەرلىك ەتۋ جانە ونى ساۋلەلەندىرۋ، دەنەتاربيە تاربيەسىن ورىستەتۋ سياقتى جاعدايلارىن ۇعىستى. شي جينپيڭ مىنانى ءبىلدىردى: دەنەتاربيەگە ءمان بەرۋ − چيڭحۋا داشۋەسىنىڭ داڭقتى ءداستۇرى، ساباقتاستاردىڭ چيڭحۋا داشۋەسىنىڭ تاماشا ۇيرەنۋ ستيلى مەن دەنەتاربيە ءداستۇرىن ويداعىداي ساۋلەلەندىرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامۋدان جازباي، وتان قۇرىلىسىنىڭ تىرەكتى دارىندىلارى بولۋعا قۇلشىنۋىن ءۇمىت ەتەمىن.
ساعات 11 دەن 20 مينۋت وتكەندە شي جينپيڭ چيڭحۋا داشۋەسىنىڭ باتىس دەنەتاربيە سارايىنىڭ ارتقى سارايىنا كەلىپ، وقىتۋشى - وقۋشىلار ۋاكىلدەرىنىڭ اڭگىمە ماجىلىسىنە قاتىناستى. چيڭحۋا داشۋەسى پارتكومىنىڭ شۋجيى چىن شۇي، مەكتەپ مەڭگەرۋشىسى چيۋ يۇڭ، قۇرىلىس فاكۋلتەتىنىڭ وقىتۋشىسى نيە جيانگو، الەۋمەتتىك باسقارۋ شۋەيۋانىنىڭ وقىتۋشىسى مەي سىشي، ينجەنەريا فيزيكاسى فاكۋلتەتىنەن وقۋ بىتىرگەن دوكتور سۇن چيميڭ، گۋمانيتارلىق شۋەيۋانىنىڭ 2 - جىلدىق تولىق كۋرس وقۋشىسى لي رۇنفىڭ جەكە - جەكە ءسوز سويلەدى. شي جينپيڭ ولاردىڭ ءسوزىن مۇقيات تىڭدادى، ناق مايدان ىقىلاستى، دۋماندى بەينەگە شومدى.
شي جينپيڭ ەڭ سوڭىندا ماڭىزدى ءسوز سويلەدى. ول مىنالاردى اتاپ كورسەتتى: چيڭحۋا داشۋەسى مەملەكەت پەن ۇلتتىڭ قيىن - قىستاۋ ساتىندە دۇنيەگە كەلگەن، مەملەكەت پەن ۇلتتىڭ ەكپىندەي ىلگەرىلەۋى بارىسىندا ەسەيىپ - ەرجەتكەن، مەملەكەت پەن ۇلتتىڭ گۇلدەنۋى كەزىندە دامىعان. 110 جىلدان بەرى چيڭحۋا داشۋەسى جۇڭگونىڭ بايتاق دالاسىنا تەرەڭ تامىر تارتىپ، وتاندى ءسۇيۋ، ۇلەس قوسۋ، ۇزدىك بولۋعا ۇمتىلۋ سىندى داڭقتى ءداستۇردى جەتىلدىردى، ءارى قىزىل، ءارى ماماندانعان، جاپپاي دامىعان تۇلەكتەردى باۋلۋ سىندى ءبىلىم بەرىپ، ادام تاربيەلەۋ ەرەكشەلىگىن قالىپتاستىرىپ، مەملەكەتكە، ۇلتقا، حالىققا زور مىندەت ارقالاي الاتىن قىرۋار كورنەكتى دارىندىلاردى تاربيەلەپ بەردى. بۇل − نەشە ۇرپاق چيڭحۋالاردىڭ قاجىرلىلىقپەن كۇرەس جۇرگىزىپ، بيىك شىڭعا ەرلىكپەن شىعىپ، بىرەگەي داشۋە قۇرۋعا تالپىنۋىنىڭ ناتيجەسى.
شي جينپيڭ بىلاي دەپ دارىپتەدى: چيڭحۋا داشۋەسىنىڭ دامۋ بارىسى − ەلىمىزدىڭ جوعارى دارەجەلى وقۋ - اعارتۋى دامۋىنىڭ جاندى ىقشام كورىنىسى. جاڭا جۇڭگو قۇرىلعاننان بەرى ەلىمىزدىڭ جوعارى دارەجەلى وقۋ - اعارتۋى كىشكەنەدەن ۇلكەيۋ، السىزدەن كۇشەيۋ سىندى ەرەكشە بارىستى باسىپ ءوتىپ، وقىتۋ كولەمى، تاربيەلەۋ ساپاسى، قىزمەت وتەۋ قابىلەتى تاريحي سەكىرىستى جۇزەگە اسىردى. اسىرەسە، پارتيانىڭ 18 - قۇرىلتايىنان بەرى ەلىمىزدىڭ جوعارى دارەجەلى وقۋ - اعارتۋى وتانمەن، داۋىرمەن بىرگە العا باسىپ، دۇنيەنى جالت قاراتقان دامۋ جەتىستىكتەرىن جاراتتى.
شي جينپيڭ بىلاي دەپ اتاپ كورسەتتى: ءبىر مەملەكەتتىڭ جوعارى دارەجەلى وقۋ - اعارتۋ جۇيەسى بىرەگەي داشۋە شوعىرىنىڭ پارمەندى تىرەگىن قاجەت ەتەدى، بىرەگەي داشۋە شوعىرىنىڭ دەڭگەيى مەن ساپاسى جوعارى دارەجەلى وقۋ - اعارتۋ جۇيەسىنىڭ دەڭگەيى مەن ساپاسىن بەلگىلەيدى. بىرەگەي داشۋە قۇرىلىسىندا پارتيانىڭ باسشىلىعىندا، ماركسيزمنىڭ جەتەكشىلىك ورنىندا، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، سوتسياليستىك مەكتەپ باسقارۋ باعىتىندا تاباندى بولىپ، تاريحي ورايدى مىقتى يگەرىپ، ءداۋىردىڭ تامىرىن مىقتاپ ارقاۋ ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرۋعا قىزمەت ەتىپ، عىلىم – تەحنيكا سىندى ءبىرىنشى وندىرگىش كۇشتى دامىتۋدى، دارىندىلار سىندى ءبىرىنشى بايلىقتى جەتىلدىرۋدى، جاڭالىق اشۋ سىندى ءبىرىنشى قوزعاۋشى كۇشتى نىعايتۋدى اناعۇرلىم ويداعىداي ۇشتاستىرىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنا اناعۇرلىم ويداعىداي قىزمەت وتەۋ كەرەك.
شي جينپيڭ مىنالاردى دارىپتەدى: بىرەگەي بولۋعا تالپىنۋ − ماڭگى شەگى جوق، ۇزدىكسىز وزىپ وتىراتىن بارىس، مۇندا بەتالىستى ايقىنداپ، ءتۇيىندى كورنەكتىلەندىرۋ كەرەك. بىرەگەي دارىندىلار قوسىنىن جەتىلدىرۋ كەرەك. بىرەگەي داشۋە قۇرۋدىڭ تەتىگى دارىندىلاردى تاربيەلەۋ ساپاسىن ۇزدىكسىز جوعارىلاتۋدا. مەملەكەتتىڭ ويلاعانىن ويلاپ، مەملەكەتتىڭ اسىققانىنا اسىعىپ، مەملەكەتتىڭ قاجەتىنە ساي، دارىندىلاردى تاربيەلەۋ قابىلەتىن جاپپاي جوعارىلاتۋ سىندى ءتۇيىندى مىقتى يگەرىپ، مورالمەن ادام تاربيەلەۋدى ءتۇبىرلى مىندەت ەتۋدە تاباندى بولىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارىن كۇش سالا جەتىلدىرۋ كەرەك. بىرەگەي داشۋە جۇيەسىن ورناتۋ كەرەك. جوعارى دارەجەلى وقۋ - اعارتۋ جۇيەسى − ورگانيكالىق تۇتاس تۇلعا، ونىڭ ىشكى بولەگىندە ىشكى ءبىر - بىرىنە سۇيەنىپ ءومىر ءسۇرۋ قاتىناسى بولادى. پاندەردى توعىستىراتىن «كاتاليزاتوردان» ويداعىداي پايدالانىپ، نەگىزدىك پاندەردى جەتىلدىرۋ قابىلەتىن كۇشەيتىپ، پاندەردىڭ كاسىپتىك قامالىن بۇزىپ، قازىرگى پاندەردىڭ كاسىپتىك جۇيەسىن رەتتەپ، دارەجەسىن جوعارىلاتىپ، عىلىم - تەحنيكانىڭ الدىڭعى لەگىن جانە شەشۋشى سالاسىن كوزدەپ، جاڭا ونەركاسىپ عىلىمى، جاڭا مەديتسينا عىلىمى، جاڭا اۋىل شارۋاشىلىعى عىلىمى، جاڭا مادەنيەت عىلىمى قۇرىلىسىن ىلگەرىلەتىپ، تاپشى دارىندىلاردى جەدەل باۋلۋ كەرەك. ءتول جاسامپازدىق قابىلەتىن جوعارىلاتۋ كەرەك. بىرەگەي داشۋە − نەگىزدىك زەرتتەۋدىڭ نەگىزگى كۇشى جانە كەلەلى عىلىم - تەحنيكادا قامال الۋدىڭ قاينار كوزى، سالاماتتىق عىلمي ەكولوگياسىن نەگىز، ءونىمدى عىلمي جونگە سالۋدى كەپىل، بىرەگەي عىلىم جەتىستىكتەرىن جارىققا شىعارۋدى جانە بىرەگەي دارىندىلاردى جەتىلدىرۋدى نىسانا ەتكەن داشۋە جاڭالىق اشۋ جۇيەسىن كەمەلدەندىرىپ، كىلتەڭ شەشۋشى، وزەكتى تەحنيكالاردان باتىلدىقپەن قامال الىپ، ءوندىرىس، وقىتۋ، زەرتتەۋ ىستەرىنىڭ ىشكەرىلەي توعىسۋىن كۇشەيتىپ، عىلىم - تەحنيكا جەتىستىكتەرىنىڭ كادەگە جاراۋىن جەبەۋ كەرەك. اشىق سەلبەستىكتە تاباندى بولۋ كەرەك. حالىقارالىق اۋىس - كۇيىس پەن سەلبەستىكتى كۇشەيتىپ، جۇڭگو مەن شەتەلدىڭ وقۋ - اعارتۋ، مادەنيەت، دوستىق بارىس - كەلىس سىندى سەلبەستىك تۇعىرىن ىرىقتىلىقپەن قۇرىپ، دۇنيە جۇزىلىك سايىستارعا بىرگە توتەپ بەرىپ، ادامزاتتىڭ ورتاق باقىتىن جەبەۋ كەرەك.
شي جينپيڭ بىلاي دەپ اتاپ كورسەتتى: زامانىمىزداعى جۇڭگو جاستارى − جاڭا داۋىرمەن بىرگە العا باساتىن ۇرپاق، ولار گۇلدەنىپ - كوركەيگەن داۋىرگە ءدوپ كەلىپ، اۋىر مىندەت ارقالاپ وتىر. قالىڭ جاستار وتاندى، حالىقتى ءسۇيىپ، پارتيا تاريحىن ۇيرەنۋ بارىسىندا سەنىمگە دەم بەرىپ، شابىت الىپ، كۇش - قۋات توپتاپ، «ءتورت سەنىمدى» ۇزدىكسىز بەكەمدەپ، جۇڭگولىق بولۋ جىگەرىن، دەنە ساپاسىن، كۇش - قۋاتىن ۇزدىكسىز نىعايتىپ، وتان ءۇشىن، حالىق ءۇشىن ماڭگى كۇرەس جاسايتىن، قالتقىسىز ۇلەس قوساتىن بەرىك مۇرات ورناتۋ كەرەك. ءمورالدى شىڭداپ، سوتسياليستىك وزەكتى قۇن كوزقاراسىن سانالىلىقپەن ورناتىپ جانە امالياتتا ايگىلەپ، جۇڭحۋانىڭ تاڭداۋلى ءداستۇرلى مادەنيەتىنەن، توڭكەرىستىك مادەنيەتىنەن، سوتسياليستىك وزىق مادەنيەتىنەن سانالى تۇردە پايدالانىپ، رۋحتى سومداپ، اقىل - پاراساتتى سەرپىلتىپ، ءمورالدىق تاربيەلەنۋدى كۇشەيتىپ، دۇرىس پەن بۇرىستى ايقىن ايىرىپ، وزىندىك تۇراقتىلىقتى كۇشەيتىپ، اناعۇرلىم بيىك، اناعۇرلىم ورەلى، اناعۇرلىم ساپالى ومىرگە تالپىنۋعا بەل بايلاۋ كەرەك. باتىلدىقپەن جاڭالىق اشىپ، ءداۋىر اعىمى مەن مەملەكەتتىڭ قاجەتىن تەرەڭ ءتۇسىنىپ، يگەرىپ، باتىلدىقپەن الدا ءجۇرىپ، باتىلدىقپەن قامال الىپ، اقىل - پاراساتپەن مەملەكەتكە ۇلەس قوسىپ، ءورىس اشا ىلگەرىلەپ، قوعامعا قىزمەت وتەۋ كەرەك. شىنايى ۇيرەنىپ، ناقتى ىستەپ، تىڭعىلىقتى ىستەپ، قاجىرلىلىقپەن ىستەپ، قاجىماي - تالماي، بەرىلە ىستەپ، ءبىلىم شىڭىنا شىعۋ بارىسىندا ۇزدىك بولۋعا تالپىنىپ، ءداۋىردىڭ اۋىر مىندەتىن ارقالاعان كەزدە ايتقاننان ىستەگەن ارتىق دەپ ءبىلىپ، تيتتەي دە جالعانشىلىققا سالىنباي، شىنايى ىستەۋ بارىسىندا تابىسقا جەتۋ كەرەك.
شي جينپيڭ مىنالاردى دارىپتەدى: وقىتۋشىلار − وقۋ - اعارتۋ قىزمەتىندەگى تىرەكتى كۇش، جوعارى دەڭگەيلى وقىتۋشىلار قوسىنى بولماسا، جوعارى دەڭگەيلى جاڭالىق اشۋ دارىندىلارىن جەتىلدىرۋ قيىنعا سوعادى، جوعارى دەڭگەيلى جاڭالىق اشۋ جەتىستىكتەرىن جارىققا شىعارۋ دا قيىنعا سوعادى. جوعارى مەكتەپ وقىتۋشىلارى وقۋشىلارعا ءبىلىم بەرۋ، قابىلەت جەتىلدىرۋ، ومىرگە دۇرىس كوزقاراس ورناتۋ مىندەتىن ارقالاپ وتىر. وقىتۋشىلار ۇلكەن دەگدارلار بولىپ، وقۋشىلاردىڭ ۇيرەنۋ، ءىس ىستەۋ، ادام بولۋىنا ۇلگى كورسەتىپ، وقۋشىلاردىڭ جان - جاقتى جەتىلۋىن جەبەۋى كەرەك. ناقتى ماسەلەلەردى زەرتتەپ، دۇنيە ءجۇزى عىلىمىنىڭ الدىڭعى لەگىن جانە مەملەكەتتىڭ كەلەلى قاجەتىن كوزدە ۇستاپ، ءىس جۇزىندىك ماسەلەلەردى شەشۋگە كۇش سالىپ، جاڭا بىلىمدەردى، جاڭا تەحنيكالاردى، جاڭا نازاريالاردى ۇيرەنۋگە شەبەر بولۋ كەرەك. سەنىمدى بەكەمدەپ، قاشان دا پارتيامەن، حالىقپەن بىرگە بولىپ، سانالى تۇردە جۇڭگوشا سوتسياليزمنىڭ مىزعىماس سەنۋشىلەرى جانە ادال اتقارۋشىلارى بولۋ كەرەك.
شي جينپيڭ مەكتەپتەن اتتاناردا دەنەتاربيە الاڭى، جول بويى وقىتۋشى - وقۋشىلارعا لىق تولدى، كوپشىلىك باس شۋجيمەن جاپا - تارماعاي امانداستى، «باس شۋجي، سالەمەتسىز بە؟!»، «مەڭگەرۋشى، سالەمەتسىز بە؟!» دەپ بىركەلكى داۋىسپەن ايعايلادى، «وتان جاساسىن!»، «چيڭحۋا، قايراتتان!» دەپ جار سالدى، شي جينپيڭ تەرەڭ سۇيىسپەنشىلىكپەن قول بۇلعاپ كوپشىلىككە قۇرمەت ءبىلدىردى، شاپالاق ءۇنى، ەسەندىك سۇراۋ ءۇنى مەكتەپ اۋلاسىندا ۇزاققا دەيىن جاڭعىردى.
ديڭ شۋەشياڭ، سۇن چۇنلان، چىن شي، ساي چي جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتىستى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
