جۇڭگو كەڭىستىك بەكەتىنىڭ تيانحى وزەكتى بولمەسىن ۇشىرۋ مىندەتى تابىستى بولدى
شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان قۇتتىقتاۋ تەلەگرامماسىن جولدادى
لي كىچياڭ، ۋاڭ حۋنيڭ بەيجيڭدە ۇشىرىلۋ جاعدايىن كوردى
2021.04.30 16:20 كەلۋ قاينارى : حالىق تورابى
4 - ايدىڭ 29 - كۇنى ساعات 11 دەن 23 مينۋت وتكەندە جۇڭگو كەڭىستىك بەكەتىنىڭ تيانحى وزەكتى بولمەسى حاينان ولكەسىنىڭ ۋىنچاڭ عارىشقا ۇشىرۋ الاڭىندا كەڭىستىككە كوتەرىلىپ، بەلگىلەنگەن وربيتاعا ءدال كىردى، مىندەت تابىستى بولدى.
سۋرەتتى شينحۋا اگەنتتىگىنىڭ ءتىلشىسى جۇي جىنحۋا تۇسىرگەن
قۇتتىقتاۋ تەلەگرامماسى
عارىشقا ادام الىپ ۇشۋ ينجەنەرياسى كەڭىستىك بەكەتى ساتىسىنداعى ۇشۋ مىندەتىنىڭ باس قولباسشىلىق شتابىنا جانە تيانحى وزەكتى بولمەسىن ۇشىرۋ مىندەتىنە قاتىناسقان زەرتتەۋگە، سىناق ەتۋگە قاتىناسۋشى ورىندارعا جانە جالپى جولداستارعا:
كەڭىستىك بەكەتىنىڭ تيانحى وزەكتى بولمەسىن ۇشىرۋ مىندەتى تابىستى بولۋى قارساڭىندا مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان سىزدەردى قىزۋ قۇتتىقتايمىن جانە شىنايى حال سۇرايمىن!
كەڭىستىك بەكەتىن سالۋ، مەملەكەتتىك عارىش تاجىريبەحاناسىن قۇرۋ − ەلىمىزدىڭ عارىشقا ادام الىپ ۇشۋ ينجەنەرياسىنىڭ «ءۇش قادامعا ءبولىپ ءجۇرۋ» ستراتەگياسىن جۇزەگە اسىرۋداعى ماڭىزدى نىسانا، عىلىم - تەحنيكادا قۇدىرەتتى ەل، عارىش ىستەرىندە قۇدىرەتتى ەل قۇرۋداعى ماڭىزدى جەتەكشى ينجەنەريا. تيانحى وزەكتى بولمەسىنىڭ ءساتتى ۇشىرىلۋى ەلىمىزدىڭ كەڭىستىك بەكەتى قۇرىلىسىنىڭ جاپپاي اتقارىلۋ كەزەڭىنە وتكەنىن، سوڭعى مىندەتتەردىڭ ورىستەتىلۋىنە بەرىك نەگىز قالاعانىن ايگىلەدى. سىزدەردىڭ «ەكى بومبى، ءبىر جاساندى سەرىك» رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، ءوز كۇشىنە سۇيەنىپ ءوزىن الۋەتتەندىرىپ، جاڭالىق اشىپ اسىپ ءتۇسىپ، كەڭىستىك بەكەتىن سالۋ مىندەتىنىڭ جەڭىسىنە جاپپاي قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋعا تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىن!
شي جينپيڭ
2021 - جىلى 4 - ايدىڭ 29 - كۇنى
(شينحۋا اگەنتتىگى، 4 - ايدىڭ 29 - كۇنى، بەيجيڭ)
شينحۋا اگەنتتىگى، 4 - ايدىڭ 29 - كۇنى، بەيجيڭ. 4 - ايدىڭ 29 - كۇنى ساعات 11 دەن 23 مينۋت وتكەندە جۇڭگو كەڭىستىك بەكەتىنىڭ تيانحى وزەكتى بولمەسى كەڭىستىككە كوتەرىلىپ، بەلگىلەنگەن وربيتاعا ءدال كىردى، مىندەت تابىستى بولدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تەلەگرامماسىن جولداپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان عارىشقا ادام الىپ ۇشۋ ينجەنەرياسىنىڭ كەڭىستىك بەكەتى ساتىسىنداعى ۇشۋ مىندەتىنىڭ باس قولباسشىلىق شتابىن جانە تيانحى وزەكتى بولمەسىن ۇشىرۋ مىندەتىنە قاتىناسقان زەرتتەۋگە، سىناق ەتۋگە قاتىناسۋشى ورىنداردى جانە جالپى جولداستاردى قىزۋ قۇتتىقتادى جانە ولاردان شىنايى حال سۇرادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: كەڭىستىك بەكەتىن سالۋ، مەملەكەتتىك عارىش تاجىريبەحاناسىن قۇرۋ − ەلىمىزدىڭ عارىشقا ادام الىپ ۇشۋ ينجەنەرياسىنىڭ «ءۇش قادامعا ءبولىپ ءجۇرۋ» ستراتەگياسىن جۇزەگە اسىرۋداعى ماڭىزدى نىسانا، عىلىم - تەحنيكادا قۇدىرەتتى ەل، عارىش ىستەرىندە قۇدىرەتتى ەل قۇرۋداعى ماڭىزدى جەتەكشى ينجەنەريا. تيانحى وزەكتى بولمەسىنىڭ ءساتتى ۇشىرىلۋى ەلىمىزدىڭ كەڭىستىك بەكەتى قۇرىلىسىنىڭ جاپپاي اتقارىلۋ كەزەڭىنە وتكەنىن، سوڭعى مىندەتتەردىڭ ورىستەتىلۋىنە بەرىك نەگىز قالاعانىن ايگىلەدى. سىزدەردىڭ «ەكى بومبى، ءبىر جاساندى سەرىك» رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، ءوز كۇشىنە سۇيەنىپ ءوزىن الۋەتتەندىرىپ، جاڭالىق اشىپ اسىپ ءتۇسىپ، كەڭىستىك بەكەتىن سالۋ مىندەتىنىڭ جەڭىسىنە جاپپاي قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋعا تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىن! (قۇتتىقتاۋ تەلەگرامماسىنىڭ تولىق مازمۇنى بولەك جاريالاندى)
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ بەيجيڭ عارىشقا ۇشۋدى مەڭگەرۋ ورتالىعىندا ۇشىرىلۋ جاعدايىن كوردى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا حاينان ۋىنچاڭ عارىشقا ۇشىرۋ الاڭىندا شي جينپيڭنىڭ قۇتتىقتاۋ تەلەگرامماسىن وقىدى.
ليۋ حى، شۇي چيلياڭ، شياۋ جيە، ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين بەيجيڭ عارىشقا ۇشۋدى مەڭگەرۋ ورتالىعىندا ۇشىرۋدى كوردى.
جۇڭگو كەڭىستىك بەكەتى − جۇڭگونىڭ دەربەس، ءوز الدىنا جاساعان ادام الىپ ۇشاتىن كەڭىستىك بەكەتى، ول تيانحى وزەكتى بولمەسى، ۋىنتيان تاجىريبە بولمەسى، مىڭتيان تاجىريبە بولمەسى سىندى ءۇش بولمەدەن قۇرالعان. تيانحى وزەكتى بولمەسى − عارىش ستانسياسىن باسقارۋ جانە مەڭگەرۋ ورتالىعى، ۇشىپ وربيتاعا كىرۋدەگى تۇڭعىش كەڭىستىك بەكەتى. مىندەتتىڭ ورنالاستىرىلۋىنا ساي، كەڭىستىك بەكەتىن 2022 - جىلى وربيتادا سالىپ بولۋ جوسپارلانعان، مۇندا جەر بەتىنە تاياۋ كەڭىستىكتە ادامدار ۇزاق ۋاقىت عىلمي تاجىريبەگە، تەحنيكالىق تاجىريبەگە جانە عارىش بايلىعىن جان - جاقتى اشۋ، پايدالانۋعا قاتىناسۋ يقۋاتى ازىرلەنەدى، بەكەت قازىر قولدانۋ جانە دامىتۋ كەزەڭىنە ءوتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
