شي جينپيڭ وزبەكستاننىڭ زۇڭتۇڭى ميرزيويەۆپەن تەلەفوندا سويلەستى
2021.04.30 16:25 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 29 - كۇنى وزبەكستاننىڭ زۇڭتۇڭى ميرزيويەۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بىلتىردان بەرى جۇڭگو - وزبەكستان قاتىناسى جاڭا تيپتى ايدارشا ۆيرۋس وكپە قابىنۋ ىندەتىنىڭ سىنىنان ءوتتى، ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداپ، حالىقارالىق جانە وڭىرلىك ىستەردە تىعىز سەلبەسىپ، ەكى ەلدىڭ ورتاق مۇددەسىن ءونىمدى قورعادى. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، سونداي - اق وزبەكستان تاۋەلسىزدىك العانىنىڭ 30 جىلدىعى. جاڭا تاريحي باستامادا جۇڭگو وزبەكستانمەن بىرگە بۇرىنعىعا مۇراگەر بولىپ، كەيىنگىگە جول اشىپ، جۇڭگو مەن وزبەكستاننىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتىپ، دامۋدى، گۇلدەنۋدى بىرگە جوسپارلاپ، ەكى ەل حالىقتارىنا باقىت جاراتۋدى قالايدى.
شي جينپيڭ مىنالاردى دارىپتەدى: جۇڭگو وزبەكستانمەن كەلەر جىلى ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتاۋدى وراي ەتىپ، جۇڭگو مەن وزبەكستاننىڭ سەلبەستىك كولەمىن، ساپاسىن، دەڭگەيىن جاپپاي جوعارىلاتىپ، «ءبىر بەلدەۋ، ءبىر جولدى» بىرگە قۇرۋ دارىپتەمەسى مەن «جاڭا وزبەكستان» جوباسىن ۇشتاستىرۋدى كۇشەيتىپ، ءوزارا بايلانىستى ىلگەرىلەتىپ، ساۋدا، قارجى قوسۋ سەلبەستىگىن تەرەڭدەتىپ، وقۋ - اعارتۋ، مادەنيەت، ساياحات، جەرگىلىكتى ورىن، دەنەتاربيە سياقتى سالالارداعى سەلبەستىكتى كەڭەيتىپ، ۆاكسينا سەلبەستىگىن ۇزدىكسىز كۇشەيتۋدى قالايدى. جۇڭگو وزبەكستانمەن كەدەيلەردى ازايتۋ تاجىريبەسىنەن ورتاق يگىلىكتەنىپ، كەدەيلەردى ازايتۋ سەلبەستىك مەحانيزمىن ورناتۋ جونىندە ىزدەنىس جاساۋدى قالايدى. ەكى جاق زاڭ اتقارۋ، حاۋىپسىزدىك، قورعانىس سالالارىنداعى سەلبەستىكتى كۇشەيتىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋى كەرەك.
ميرزيويەۆ مىنانى ءبىلدىردى: مەن جۇڭگو كوممۋنيستىك پارتياسىنىڭ 100 جىلدىق مەرەيلى كۇنىن قارسى العانىن قىزۋ قۇتتىقتايمىن. باس شۋجي شي جينپيڭنىڭ دانىشپاندىقپەن باسشىلىق ەتۋىندە جۇڭگو ەكونوميكانى، قوعامدى دامىتۋدا كورنەكتى تابىستارعا قول جەتكىزىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدى. مەن باس شۋجي شي جينپيڭنىڭ حالىقارالىق قوعام جاڭا تيپتى ايدارشا ۆيرۋس وكپە قابىنۋ ىندەتىنە ىنتىماقتاسا توتەپ بەرۋ، سونداي - اق مەملەكەت پەن مەملەكەت ءوزارا قۇرمەت ەتۋ، تەڭ تۇرعىدا مامىلە جاساۋ سياقتى ماڭىزدى پايىمداۋلارىن تولىق قۇپتايمىن. وزبەكستان جۇڭگونىڭ ەڭ ماڭىزدى، ەڭ سەنىمدى ستراتەگيالىق سەلبەستىك سەرىگى رەتىندە ءبىر جۇڭگو پرينسيبىن باتىل اتقارادى، جۇڭگونىڭ كەدەيلەردى ازايتۋ تاجىريبەلەرىن ۇيرەنىپ جانە ودان ۇلگى الىپ، «ءبىر بەلدەۋ، ءبىر جولدى» بەلسەندىلىكپلەن بىرگە قۇرىپ، ەكونوميكا - ساۋدا، بايلانىستىرۋ - تۇتاستىرۋ، حاۋىپسىزدىك سياقتى سالالارداعى سەلبەستىكتى ۇزدىكسىز تەرەڭدەتۋدى قالايدى. وزبەكستان جۇڭگونىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ويداعىداي وتكىزۋىن بار كۇشپەن قولدايدى، جۇڭگومەن شاڭحاي سەلبەستىك ۇيىمى سياقتى وڭىرلىك ىستەردەگى سەلبەستىكتى ۇزدىكسىز كۇشەيتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
