شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياز - كانەلمەن تەلەفوندا سويلەستى
2021.05.08 15:50 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. 5 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياز - كانەلمەن تەلەفوندا سويلەستى.
شي جينپيڭ جۇڭگو كوممۋنيستىك پارتياسى جانە جۇڭگو حالقى اتىنان كۋبا كوممۋنيستىك پارتياسى مەملەكەتتىك 8 - قۇرىلتايىنىڭ جەڭىسپەن اشىلعاندىعىن جانە دياز - كانەلدىڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى بولىپ سايلانعاندىعىن قايتالاي قۇتتىقتايتىندىعىن ءبىلدىردى. شي جينپيڭ مىنالاردى ءبىلدىردى: كۋبا كوممۋنيستىك پارتياسىنىڭ 8 - قۇرىلتايى كەزەكتەگى جانە بۇدان كەيىنگى ءبىر مەزگىلدەگى كۋبانىڭ پارتيا مەن مەملەكەت ىستەرىنىڭ دامۋى جونىندە ستراتەگيالىق جوبا جانە ورنالاستىرۋ جاساۋى كۋبانىڭ سوتسياليزم ىستەرى جونىنەن كەلەلى ماڭىز الادى. دياز - كانەل ءبىرىنشى شۋجي جولداس باس بولعان جاڭا ءبىر كەزەكتى كۋبا كوممۋنيستىك پارتياسى ورتالىق كوميتەتىنىڭ باسشىلىعىندا، كۋبا پارتياسى مەن ۇكىمەتىنىڭ كۋبا حالقىن باستاپ ىنتىماقتاسا كۇرەس جاساپ، كۋبا ەرەكشەلىگىندەگى سوتسياليزم ىستەرىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتەتىندىگىنە سەنەمىن. شي جينپيڭ دياز - كانەلگە راۋل كاسترو جولداسقا ىقىلاستى سالەمىن جەتكىزىپ قويۋدى ايتتى.
شي جينپيڭ بىلاي دەپ اتاپ كورسەتتى: جۇڭگو مەن كۋبا جاقسى دوس، جاقسى جولداس، جاقسى باۋىرلاس، ورتاق مۇرات - سەنىم ءبىزدى اناعۇرلىم تىعىز بايلانىستىردى. جۋىق جىلداردان بەرى مەن سىزبەن بىرگە جاڭا مەزگىلدە جۇڭگو مەن كۋبانىڭ قارىم - قاتىناسىن دامىتۋ جونىندە كوپتەگەن ورتاق تانىمعا كەلىپ، ەكى ەل قارىم - قاتىناسىنىڭ جاڭا دامۋعا قول جەتكىزۋىن ىلگەرىلەتتىم. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى جانە جۇڭگونىڭ ”14 - بەسجىلدىق“ جوبانى اتقارعان، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاعان جىل ءارى فيدەل كاسترونىڭ كۋبا توڭكەرىسىنىڭ سوتسياليستىك سيپات الاتىندىعىن جاريالاعاندىعىنىڭ 60 جىلدىعى جانە كۋبانىڭ ەكونوميكالىق، قوعامدىق ۇلگىنى جاڭالاۋدى ۇزدىكسىز ىلگەرىلەتىپ، كوركەيىپ - گۇلدەنگەن، باياندى سوتسياليستىك مەملەكەت قۇرۋعا ماڭىزدى قادام تاستاعان جىل. جاڭا جاعدايدا، مەن سىزبەن بىرگە جۇڭگو مەن كۋبا قارىم - قاتىناسىنىڭ دامۋ بەتالىسىنا جەتەكشىلىكتى كۇشەيتىپ، جۇڭگو مەن كۋبا دوستىق قارىم - قاتىناسىن بەكەمدەپ جانە دامىتىپ، تىزە قوسا وتىرىپ سوتسياليزم ىستەرىنىڭ جاڭا ءورىسىن اشۋدى، تىڭ ۇلەس قوسۋدى قالايمىن. جۇڭگو كوممۋنيستىك پارتياسى كۋبا كوممۋنيستىك پارتياسىمەن كەلەلى نازاريالىق جانە امالياتتىق ماسەلەلەر جونىندەگى اۋىس - كۇيىستى، كەڭەسۋدى كۇشەيتۋدى قالايدى. ءبىز ”ءبىر جول، ءبىر بەلدەۋدى“ بىرگە قۇرۋدى وراي ەتىپ، ەكى جاقتىڭ ءارقايسى سالالارداعى ناقتى سەلبەستىگىن ورنىقتى قاداممەن ىلگەرىلەتۋدى قالايمىز. جۇڭگو جاق كۋبا جاقپەن كەلەلى حالىقارالىق جانە وڭىرلىك ماسەلەلەردە قويۋ بايلانىس جاساۋدى جانە سايكەسۋدى ساقتاپ، دۇنيە ءجۇزىنىڭ بەيبىتشىلىگىن، تەڭدىگىن، ادىلدىگىن باتىل قورعايدى. جۇڭگو جاق كۋبانىڭ مەملەكەتتىڭ يەلىك ۇقىعىن جانە تاۋەلسىزدىگىن قورعاپ، ءوز ەلىنىڭ جاعدايىنا ۇيلەسەتىن سوتسياليزم جولىمەن جۇرۋىنە بۇرىنعىداي قولداۋ كورسەتەدى، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەدى.
دياز - كانەل راۋل كاسترونىڭ شي جينپيڭگە دەگەن ىزگى تىلەگىن جەتكىزدى، كۋبا كوممۋنيستىك پارتياسى 8 - قۇرىلتايىنىڭ قاتىستى جاعدايلارىن ءتۇيىندى حابارلاندىرىپ، كۋبا كوممۋنيستىك پارتياسى 8 - قۇرىلتايىنىڭ كۋبانىڭ ەكونوميكالىق دامۋى، كۋبا كوممۋنيستىك پارتياسىنىڭ قۇرىلىسى جانە كادرلار ساياساتى سياقتى ماسەلەلەردى شوعىرلى تالقىلاعاندىعىن، كۋبانىڭ ەكونوميكالىق، قوعامدىق ۇلگىسىن جاڭالاۋ ءۇشىن جاڭا جوسپار جانە ساياسات بەلگىلەگەندىگىن، كۋبانىڭ سوتسياليزم جولىمەن تاباندىلىقپەن ءجۇرۋ سەنىمىن بەكەمدەگەندىگىن ايتتى.
دياز - كانەل جۇڭگو كوممۋنيستىك پارتياسىنىڭ 100 جىلدان بەرى جۇڭگو حالقىنا باسشىلىق ەتىپ، قول جەتكىزگەن تاريحي تابىستارىن، اسىرەسە، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگونىڭ سوتسياليستىك وسىزاماندانعان مەملەكەت قۇرۋ جاعىندا قول جەتكىزگەن وراسان زور تابىستارىن جوعارى باعالاپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگونىڭ، ءسوز جوق، اناعۇرلىم زور تابىستارعا قول جەتكىزەتىندىگىنە كامىل سەندى. دياز - كانەل جۇڭگو جاقتىڭ ۇزاق ۋاقىتتان بەرى كۋبانىڭ ادىلەتتى ىستەرىن باتىل قولداعاندىعىنا، جۇيەدەن، كۋبانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا دەر كەزىندە كومەك بەرگەندىگىنە العىس ايتتى، كۋبانىڭ ءبىر جۇڭگو ساياساتىن باتىل قولدايتىندىعىن، جۇڭگونىڭ ىشكى ىسىنە كيلىگەتىن بارلىق ارەكەتكە قارسى تۇراتىندىعىن ءبىلدىردى. كۋبا كوممۋنيستىك پارتياسى جۇڭگو كوممۋنيستىك پارتياسىمەن ەل باسقارۋ تاجىريبەسى جونىندەگى اۋىس - كۇيىستى كۇشەيتىپ، كۋبا مەن جۇڭگونىڭ ەكونوميكا، ساۋدا ارالاس كوميتەتى سياقتى مەحانيزمدەردەن ويداعىداي پايدالانىپ، ”ءبىر بەلدەۋ، ءبىر جولدى“ بىرگە قۇرۋ سياقتى سالالارداعى ناقتى سەلبەستىكتى جەبەپ، ەكى پارتيا، ەكى ەل قارىم - قاتىناسىنىڭ ۇزدىكسىز العا قاراي دامۋىن ىلگەرىلەتۋدى قالايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
