شي جينپيڭ تۇركمەنستاننىڭ زۇڭتۇڭى بەردىمۇحامەدوۆپەن تەلەفوندا سويلەستى
2021.05.08 15:50 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 6 - كۇنى كەشتە تۇركمەنستاننىڭ زۇڭتۇڭى بەردىمۇحامەدوۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن تۇركمەنستان ديپلوماتيالىق قارىم - قاتىناس ورناتقاننان بەرى، ەكى ەل قارىم - قاتىناسى كوپتەگەن ”بىرىنشىلىكتەردى“ جاراتتى، ەكى ەل ەرەكشەلىگى وتە ايقىن ستراتەگيالىق سەرىكتەر. جۇڭگو - تۇركمەنستان سەلبەستىگىنە ەكى ەل باسشىلارىنىڭ جانە ەكى ەل حالقىنىڭ زەردەسى مەن پاراساتى شوعىرلانعان، ەكى جاقتىڭ ايرىقشا قاستەرلەۋىنە تاتيدى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، سونداي - اق تۇركمەنستان تاۋەلسىزدىگىنىڭ 30 جىلدىعى، كەلەر جىلى تاعى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قارسى الامىز. ەكى جاق ورايدى مىقتى يگەرىپ، سەلبەستىكتى جان - جاقتى كەڭەيتىپ، ەكى ەل سەلبەستىگىنە جاڭا جالىندى ومىرشەڭدىك ۇستەپ، جۇڭگو - تۇركمەنستان ستراتەگيالىق سەرىكتەستىك قارىم - قاتىناسىنىڭ جاڭا ساتىعا كوتەرىلۋىن ىلگەرىلەتىپ، ەكى ەلدىڭ دامۋىنا، كوركەيۋىنە قۋاتتى دەمەۋشى كۇش ازىرلەۋ كەرەك.
شي جينپيڭ بىلاي دەپ باسا دارىپتەدى: تابيعي گاز سەلبەستىگى − جۇڭگو - تۇركمەنستان قارىم - قاتىناسىنىڭ ءوزارا تيىمدىلىك جاساپ، تەڭ يگىلىككە كەنەلۋىنىڭ ايقىن بەينەسى. جۇڭگو جاق جۇڭگو - تۇركمەنستان قارىم - قاتىناسىنا ستراتەگيالىق جانە ۇزاق بولاشاقتىق تۇرعىدان قارايدى، تۇركمەنستان جاقپەن بىرگە ۇزاق بولاشاقتى كوزدەپ، كەلەشەككە بەت الىپ، تابيعي گاز سياقتى ەنەرگيا سەلبەستىگىن كۇشەيتۋدى، سونىمەن قاتار باسقا سالالارداعى سەلبەستىكتى زور كۇشپەن كەڭەيتىپ، تۇركمەنستاننىڭ ساپالى ونىمدەرىن كوپتەپ يمپورت ەتىپ، ەكى ەلدىڭ ساۋدا قۇرىلىمىن ساپالىلاندىرىپ، ءوزارا ۇلاسۋ - تۇتاسۋ سەلبەستىگىن تەرەڭدەتىپ، سيفرلاندىرۋ، اۆياتسيا جانە عارىش سياقتى سالالارداعى سەلبەستىكتى كەڭەيتۋدى قالايدى. جۇڭگو جاق تۇركمەنستان جاقپەن جۇڭگونىڭ ءىرى بازارى اكەلگەن ورايدى ورتاقتاسىپ، ەكى ەلدىڭ بىرگە دامۋىن، گۇلدەنۋىن جۇزەگە اسىرۋدى قالايدى.
شي جينپيڭ بىلاي دەپ اتاپ كورسەتتى: جۇڭگو مەن تۇركمەنستان ەكى ەل جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعىندا ءبىر نيەتپەن كۇش بىرىكتىرىپ، قيىندىقتى جەڭىپ، ۋاقىتتىق قيىندىقتى بىلەك بىرىكتىرە ەڭسەرىپ، دۇنيە ءجۇزىنىڭ ىندەتكە قارسى اتتانۋىنا ماڭىزدى ۇلەس قوستى. كەزەكتە بۇكىل الەمدەگى ىندەت جاعدايى ءالى دە قيىن كۇيدە تۇر، ۆاكسينا ىندەتكە توتەپ بەرۋدىڭ ءونىمدى قورعانى. جۇڭگو جاق تۇركمەنستان جاقپەن ىندەتكە قارسى اتتانۋ، اسىرەسە، ۆاكسينا سەلبەستىگىن ۇزدىكسىز ورىستەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن بىرگە قورعاپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋدى قالايدى.
بەردىمۇحامەدوۆ مىنالاردى ءبىلدىردى: قازىر تۇركمەنستان - جۇڭگو قارىم - قاتىناسى جان - جاقتى تەرەڭدەي دامۋدا. تۇركمەنستان جاق جۇڭگو جاقتىڭ تۇركمەنستان جاقتىڭ ماڭگىلىك بەيتاراپ ەل ساياساتىن جۇرگىزۋىنە قولداۋ كورسەتكەندىگىنە العىس ايتادى، جۇڭگو جاقتىڭ دۇنيە ءجۇزىنىڭ بەيبىتشىلىگىن، حاۋىپسىزدىگىن، ورنىقتىلىعىن قورعاۋ جانە ءار ەلدىڭ بىرگە دامۋىن، گۇلدەنۋىن جەبەۋ ءۇشىن جاساعان بەلسەندى قۇلشىنىسىن القايدى. تۇركمەنستان جاق جۇڭگو جاقپەن بولعان تەرەڭ دوستىعىنا ايرىقشا ءمان بەرەدى جانە ونى قاستەرلەيدى، جوعارى دەڭگەيدەگى سەنىمدىلىك رۋحىن ۇستانا وتىرىپ، جۇڭگو جاقپەن ۇزدىكسىز تۇردە ءوزارا قولداۋ كورسەتىپ، كومەسكى كۇشتى ونان ارى اشىپ، تابيعي گاز، ەكونوميكا جانە ساۋدا، شەكارا اتتاعان تاسىمال، ەمدەۋ - دەنساۋلىق ساقتاۋ سياقتى سالالارداعى ناقتى سەلبەستىكتى كۇشەيتىپ، گۋمانيتارلىق اۋىس - كۇيىستى تەرەڭدەتۋدى قالايدى. جۇڭگو جاقتىڭ تۇركمەنستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن قىمباتتى كومەگىنە العىس ايتادى، جۇڭگو جاقپەن ىندەتكە قارسى اتتانۋ سەلبەستىگىن كۇشەيتۋدى ءۇمىت ەتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
